76. ස. පු: සොතාපන්නස්ස විචිකිච්ඡා පහීනා -පෙ- අපායගමනීයො මොහො පහීනො, න පරිහායති සොතාපන්නො සොතාපත්තිඵලා’ති.
ප. පටිඤ්ඤා: ආමන්තා.
ස. අනු: අරහතො රාගො පහීනො -පෙ- අනොත්තප්පං පහීනං, න පරිහායති අරහා අරහත්තා’ති.
ප. පටි: න හෙවං වත්තබ්බෙ -පෙ-
77. ස. පු: සකදාගාමිස්ස සක්කායදිට්ඨි පහීනා, න පරිහායති සකදාගාමී සකදාගාමිඵලා’ති.
ප. පටිඤ්ඤා: ආමන්තා
ස. අනු: අරහතො රාගො පහීනො -පෙ- අනොත්තප්පං පහීනං, න පරිහායති අරහා අරහත්තා’ති.
ප. පටි: න හෙවං වත්තබ්බෙ -පෙ-
78. ස. පු: සකදාගාමිස්ස විචිකිච්ඡා පහීනා -පෙ- ඔළාරිකො ව්යාපාදො පහීනො, න පරිහායති සකදාගාමී සකදාගාමිඵලා’ති.
ප. පටිඤ්ඤා: ආමන්තා.
ස. අනු: අරහතො රාගො පහීනො -පෙ- අනොත්තප්පං පහීනං, න පරිහායති, අරහා අරහත්තා’ති.
ප. පටි: න හෙවං වත්තබ්බෙ -පෙ-
79. ස. පු: අනාගාමිස්ස සක්කායදිට්ඨි පහීනා, න පරිහායති අනාගාමී අනාගාමිඵලා’ති.
ප. පටිඤ්ඤා: ආමන්තා.
ස. අනු: අරහතො රාගො පහීනො -පෙ- අනොත්තප්පං පහීනං, න පරිහායති අරහා අරහත්තා’ති.
ප. පටි: න හෙවං වත්තබ්බෙ -පෙ-
80. ස. පු: අනාගාමිස්ස විචිකිච්ඡා පහීනා -පෙ- අණුසහගතො බ්යාපාදො පහීනො, න පරිහායති අනාගාමී අනාගාමිඵලා’ති.
ප. පටිඤ්ඤා: ආමන්තා.
ස. අනු: අරහතො රාගො පහීනො -පෙ- අනොත්තප්පං පහීනං, න පරිහායති අරහා අරහත්තා’ති.
ප. පටි: න හෙවං වත්තබ්බෙ -පෙ-
81. ස. පු: සොතාපන්නස්ස සක්කායදිට්ඨි පහීනා, න පරිහායති සොතාපන්නො සොතාපත්තිඵලා’ති.
ප. පටිඤ්ඤා: ආමන්තා.
ස. අනු: අනාගාමිස්ස සක්කායදිට්ඨි පහීනා -පෙ- අණුසහගතො බ්යාපාදො පහීනො, න පරිහායති අනාගාමී අනාගාමිඵලා’ති.
ප. පටි: න හෙවං වත්තබ්බෙ -පෙ-
82. ස. පු: සොතාපන්නස්ස විචිකිච්ඡා පහීනා -පෙ- අපායගමනීයො මොහො පහීනො, න පරිහායති සොතාපන්නො සොතාපත්තිඵලා’ති.
ප. පටිඤ්ඤා: ආමන්තා.
ස. අනු: අනාගාමිස්ස සක්කායදිට්ඨි පහීනා -පෙ- අණුසහගතො බ්යාපාදො පහීනො, න පරිහායති අනාගාමී අනාගාමිඵලා’ති.
ප. පටි: න හෙවං වත්තබ්බෙ -පෙ-
83. ස. පු: සකදාගාමිස්ස සක්කායදිට්ඨි පහීනා, න පරිහායති සකදාගාමී සකදාගාමිඵලා’ති.
ප. පටිඤ්ඤා: ආමන්තා.
ස. අනු: අනාගාමිස්ස සක්කායදිට්ඨි පහීනා -පෙ- අණුසහගතො බ්යාපාදො පහීනො, න පරිහායති අනාගාමී අනාගාමිඵලා’ති.
ප. පටි: න හෙවං වත්තබ්බෙ -පෙ-
84. ස. පු: සකදාගාමිස්ස විචිකිච්ඡා පහීනා -පෙ- ඔළාරිකො බ්යාපාදො පහීනො, න පරිහායති සකදාගාමී සකදාගාමිඵලා’ති.
ප. පටිඤ්ඤා: ආමන්තා.
ස. අනු: අනාගාමිස්ස සක්කායදිට්ඨි පහීනා -පෙ- අණුසහගතො බ්යාපාදො පහීනො, න පරිහායති අනාගාමී අනාගාමිඵලා’ති.
ප. පටි: න හෙවං වත්තබ්බෙ -පෙ-
85. ස. පු: සොතාපන්නස්ස සක්කායදිට්ඨි පහීනා, න පරිහායති සොතාපන්නො සොතාපත්තිඵලා’ති.
ප. පටිඤ්ඤා: ආමන්තා.
ස. අනු: සකදාගාමිස්ස සක්කායදිට්ඨි පහීනා, -පෙ- ඔළාරිකො බ්යාපාදො පහීනො, න පරිහායති සකදාගාමී සකදාගාමිඵලා’ති.
ප. පටි: න හෙවං වත්තබ්බෙ -පෙ-
86. ස. පු: සොතාපන්නස්ස විචිකිච්ඡා පහීනා -පෙ- අපායගමනීයො මොහො පහීනො, න පරිහායති සොතාපන්නො සොතාපත්තිඵලා’ති.
ප. පටිඤ්ඤා: ආමන්තා.
ස. අනු: සකදාගාමිස්ස සක්කායදිට්ඨි පහීනා -පෙ- ඔළාරිකො බ්යාපාදො පහීනො, න පරිහායති සකදාගාමී සකදාගාමිඵලා’ති.
ප. පටි: න හෙවං වත්තබ්බෙ -පෙ-
87. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: නනු අරහතො රාගො පහීනො උච්ඡින්නමූලො තාලාවත්ථුකතො අනභාවකතො ආයතිං අනුප්පාදධම්මො’ති.
ප. පටිඤ්ඤා: ආමන්තා.
අනු. ඨ: හඤ්චි අරහතො රාගො පහීනො උච්ඡින්නමූලො තාලාවත්ථුකතො අනභාවකතො ආයතිං අනුප්පාපධම්මො,
අනු. පා: නො ච වත රෙ වත්තබ්බෙ ‘පරිහායති අරහා අරහත්තා’ති.
88. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: නනු අරහතො දොසො පහීනො -පෙ- මොහො පහීනො -පෙ- මානො පහීනො -පෙ- දිට්ඨි පහීනා -පෙ- විචිකිච්ඡා පහීනා -පෙ- ථීනං පහීනං -පෙ- උද්ධච්චං පහීනං -පෙ- අහිරිකං පහීනං -පෙ- අනොත්තප්පං පහීනං උච්ඡින්නමූලං තාලාවත්ථුකතං අනභාවකතං ආයතිං අනුප්පාදධම්මන්ති.
ප. පටිඤ්ඤා: ආමන්තා.
අනු. ඨ: හඤ්චි අරහතො අනොත්තප්පං පහීනං උච්ඡින්නමූලං තාලාවත්ථුකතං අනභාවකතං ආයතිං අනුප්පාදධම්මං,
අනු. පා: නො ච වත රෙ වත්තබ්බෙ ‘පරිහායති අරහා අරහත්තා’ති.
89. ස. පු. පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: නනු අරහතො රාගප්පහානාය මග්ගො භාවිතො’ති.
ප. පටිඤ්ඤා: ආමන්තා.
අනු. ඨ: හඤ්චි අරහතො රාගප්පහානාය මග්ගො භාවිතො,
අනු. පා: නො ච වත{1} රෙ වත්තබ්බෙ, ‘පරිහායති අරහා අරහත්තා’ති.
90. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: නනු අරහතො රාගප්පහානාය සතිපට්ඨානා භාවිතා -පෙ- සම්මප්පධානා භාවිතා -පෙ- ඉද්ධිපාදා භාවිතා -පෙ- ඉන්ද්රියා භාවිතා -පෙ- බලා භාවිතා -පෙ- බොජ්ඣඞ්ගා භාවිතා’ති.
ප. පටිඤ්ඤා: ආමන්තා.
අනු. ඨ: හඤ්චි අරහතො රාගප්පහානාය බොජ්ඣඞ්ගා භාවිතා,
අනු. පා: නො ච වත රෙ වත්තබ්බෙ ‘පරිහායති අරහා අරහත්තා’ති.
91. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: නනු අරහතො දොසප්පහානාය, -පෙ- අනොත්තප්පප්පහානාය මග්ගො භාවිතො -පෙ- බොජ්ඣඞ්ගා භාවිතා’ති.
ප. පටිඤ්ඤා: ආමන්තා.
අනු. ඨ: හඤ්චි අරහතො අනොත්තප්පප්පහානාය බොජ්ඣඞ්ගා භාවිතා,
අනු. පා: නො ච වත රෙ වත්තබ්බෙ ‘පරිහායති අරහා අරහත්තා’ති.
92. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: නනු අරහා වීතරාගො වීතදොසො වීතමොහො කතකරණීයො ඔහිතභාරො අනුප්පත්තසදත්ථො පරික්ඛීණභවසඤ්ඤොජනො සම්මදඤ්ඤාවිමුත්තො උක්ඛිත්තපලිඝො සංකිණ්ණපරිඛො අබ්බූළ්හෙසිකො නිරග්ගළො අරියො පන්නද්ධජො පන්නාභාරො විසඤ්ඤුත්තො සුවිජිතවිජයො, දුක්ඛංතස්ස පරිඤ්ඤාතං, සමුදයො පහීනො, නිරොධො සච්ඡිකතො, මග්ගො භාවිතො, අභිඤ්ඤෙය්යං අභිඤ්ඤාතං, පරිඤ්ඤෙය්යං පරිඤ්ඤාතං, පහාතබ්බං පහීනං, භාවෙතබ්බං භාවිතං, සච්ඡිකාතබ්බං සච්ඡිකතන්ති.
ප. පටිඤ්ඤා: ආමන්තා.
අනු: ඨ: හඤ්චි අරහා වීතරාගො වීතදොසො වීතමොහො -පෙ- සච්ඡිකාතබ්බං සච්ඡිකතං,
අනු. පා: නො ච වත රෙ වත්තබ්බෙ ‘පරිහායති අරහා අරහත්තා’ති.
93. ස. පු: පරිහායති අරහා අරහත්තා’ති.
ප. පටිඤ්ඤා: සමයවිමුත්තො අරහා අරහත්තා පරිහායති, අසමය විමුත්තො අරහා අරහත්තා න පරිහායතී’ති.
ස. පු: සමයවිමුත්තො අරහං අරහත්තා පරිහායතී’ති.
ප. පටිඤ්ඤා: ආමන්තා.
ස. අනු: අසමයවිමුත්තො අරහා අරහත්තා පරිහායතී’ති.
ප. පටි: න හෙවං වත්තබ්බෙ -පෙ-
ස. පු: අසමයවිමුත්තො අරහා අරහත්තා පරිහායතී’ති.
ප. පටිඤ්ඤා: ආමන්තා.
ස. අනු: සමයවිමුත්තො අරහං අරහත්තා පරිහායතී’ති.
ප. පටි: න හෙවං වත්තබ්බෙ -පෙ-
94. ස. පු: සමයවිමුත්තස්ස අරහතො රාගො පහීනො, පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: අසමයවිමුත්තස්ස අරහතො රාගො පහීනො, පරිහායති අසමයවිමුත්තො අරහා අරහත්තා’ති.
ප. පටි: න හෙවං වත්තබ්බෙ -පෙ-
95. ස. පු: සමයවිමුත්තස්ස අරහතො දොසො පහීනො -පෙ- අනොත්තප්පං පහීනං, පරිහායති සමයවිමුත්තො අරහා අරහත්තා’ති.
ප. පටිඤ්ඤා: ආමන්තා.
ස. අනු: අසමයවිමුත්තස්ස අරහතො දොසො පහීනො -පෙ- අනොත්තප්පං පහීනං, පරිහායති අසමයවිමුත්තො අරහා අරහත්තා’ති.
ප. පටි: න හෙවං වත්තබ්බෙ -පෙ-
96. ස. පු: සමයවිමුත්තස්ස අරහතො රාගප්පහානාය මග්ගො භාවිතො, පරිහායති සමයවිමුත්තො අරහා අරහත්තා’ති.
ප. පටිඤ්ඤා: ආමන්තා.