ස. අනු: එකාධිප්පායෙන පාණො හන්තබ්බො -පෙ- අදින්නං ආදියිතබ්බං -පෙ- මුසා භණිතබ්බා -පෙ- පිසුණං භණිතබ්බං -පෙ- ඵරුසං භණිතබ්බං -පෙ- සම්ඵං පලපිතබ්බං -පෙ- සන්ධි ඡෙදිතබ්බො{4} -පෙ- නිල්ලොපං කාතබ්බං -පෙ- එකාගාරිකං කාතබ්බං -පෙ- පරිපන්ථෙ ඨාතබ්බං -පෙ- පරදාරො ගන්තබ්බො -පෙ- ගාමඝාතො{5} කාතබ්බො -පෙ- නිගමඝාතො{6} කාතබ්බො’ති.
ප. පටි: න හෙවං වත්තබ්බෙ -පෙ-
එකාධිප්පායකථා නිට්ඨිතා.
23. 2.
අරහන්තවණ්ණ කථා.
1. ස. පු: අරහන්තානං වණ්ණෙන අමනුස්සා මෙථුනං ධම්මං පතිසෙවන්තී’ති.
ප. පටිඤ්ඤා: ආමන්තා.
ස. අනු: අරහන්තානං වණ්ණෙන අමනුස්සා පාණං හනන්තී -පෙ- අදින්නං ආදියන්ති -පෙ- මුසා භණන්ති -පෙ- පිසුණං භණන්ති -පෙ- ඵරුසං භණන්ති -පෙ- සම්ඵං පලපන්ති -පෙ- සන්ධිං ඡින්දන්ති -පෙ- නිල්ලොපං හරන්ති -පෙ- එකාගාරිකං කරොන්ති -පෙ- පරිපන්ථෙ තිට්ඨන්ති -පෙ- පරදාරං ගච්ඡන්ති -පෙ- ගාමඝාතං කරොන්ති -පෙ- නිගමඝාතං කරොන්තී’ති.
ප. පටි: න හෙවං වත්තබ්බෙ -පෙ-
අරහන්තවණ්ණකථා නිට්ඨිතා.
23. 3.
ඉස්සරියකාමකාරිතා{1} කථා.
1. ස. පු: බොධිසත්තො ඉස්සරියකාමකාරිතාහෙතු විනිපාතං ගච්ඡතී’ති.
ප. පටිඤ්ඤා: ආමන්තා.
ස. අනු: බොධිසත්තො ඉස්සරියකාමකාරිතාහෙතු නිරයං ගච්ඡති -පෙ- සඤ්ජීවං ගච්ඡති -පෙ- කාලසුත්තං ගච්ඡති -පෙ- තාපනං ගච්ඡති. -පෙ- පතාපනං{2} ගච්ඡති -පෙ- සඞ්ඝාතං ගච්ඡති -පෙ- රොරුවං ගච්ඡති -පෙ- අවීචිං ගච්ඡතී’ති.
ප. පටි: න හෙවං වත්තබ්බෙ -පෙ-
2. ස. පු: බොධිසත්තො ඉස්සරියකාමකාරිතාහෙතු විනිපාතං ගච්ඡතී’ති.
ප. පටිඤ්ඤා: ආමන්තා.
ස. අනු: බොධිසත්තො ඉස්සරියකාමකාරිතාහෙතු විනිපාතං ගච්ඡතී’ති. අත්ථෙව සුත්තන්තො’ති.
ප. පටි: නත්ථි.
ස. ඨ: හඤ්චි බොධිසත්තො ඉස්සරියකාමකාරිතාහෙතු විනිපාතං ගච්ඡතී’ති නත්ථෙව සුත්තන්තො,
ස. පා: නො ච වත රෙ වත්තබ්බෙ “බොධිසත්තො ඉස්සරියාමකාරිතා හෙතු විනිපාතං ගච්ඡතී”ති.
3. ස. පු: බොධිසත්තො ඉස්සරියකාමකාරිතාහෙතු ගබ්භසෙය්යං ඔක්කමතී’ති.
ප. පටිඤ්ඤා: ආමන්තා.{3}
ස. අනු: බොධිසත්තො ඉස්සරියකාමකාරිතාහෙතු නිරයං උපපජ්ජෙය්ය -පෙ- තිරච්ඡානයොනිං උප්පජ්ජෙය්යා’ති.
ප. පටි: න හෙවං වත්තබ්බෙ -පෙ-
4. ස. පු: බොධිසත්තො ඉස්සරියකාමකාරිතාහෙතු ගබ්භසෙය්යං ඔක්කමතී’ති.
ප. පටිඤ්ඤා: ආමන්තා.
ස. අනු: බොධිසත්තො ඉද්ධිමාති.
ප. පටි: න හෙවං වත්තබ්බෙ -පෙ-
5. ස. පු: බොධිසත්තො ඉද්ධිමාති.
ප. පටිඤ්ඤා: ආමන්තා.
ස. අනු: බොධිසත්තෙන{1} ඡන්දිද්ධිපාදො භාවිතො -පෙ- විරියිද්ධිපාදො -පෙ- චිත්තිද්ධිපාදො -පෙ- වීමංසිද්ධිපාදො භාවිතො’ති.
ප. පටි: න හෙවං වත්තබ්බෙ -පෙ-
6. ස. පු: බොධිසත්තො ඉස්සරියකාමකාරිතාහෙතු ගබ්භසෙය්යං ඔක්කමතී’ති.
ප. පටිඤ්ඤා: ආමන්තා.
ස. අනු: ‘බොධිසත්තො ඉස්සරියකාමකාරිතාහෙතු ගබ්භසෙය්යං ඔක්කමතී’ති අත්ථෙව සුත්තන්තො’ති.
ප. පටි: නත්ථි.
ස. ඨ: හඤ්චි ‘බොධිසත්තො ඉස්සරියකාමකාරිතාහෙතු ගබ්භසෙය්යං ඔක්කමතී’ති නත්ථෙව සුත්තන්තො,
ස. පා: නො ච වත රෙ වත්තබ්බෙ “බොධිසත්තො ඉස්සරියකාමකාරිතාහෙතු ගබ්භසෙය්යං ඔක්කමතී”ති.
7. ස. පු: බොධිසත්තො ඉස්සරියකාමකාරිතාහෙතු දුක්කරකාරිකං ආකාසී’ති.
ප. පටිඤ්ඤා: ආමන්තා.
ස. අනු: බොධිසත්තො ඉස්සරියකාමකාරිතාහෙතු සස්සතො ලොකොති පච්චාගච්ඡි{2} අසස්සතො ලොකොති -පෙ- අන්තවා ලොකොති -පෙ- අනන්තවා ලොකොති -පෙ- තං ජීවං තං සරීරන්ති -පෙ- අඤ්ඤං ජීවං අඤ්ඤං සරීරන්ති -පෙ- හොති තථාගතො පරම්මරණාති -පෙ- න හොති තථාගතො පරම්මරණාති -පෙ- හොති න ච හොති තථාගතො පරම්මරණාති -පෙ- නෙව හොති න න හොති තථාගතො පරම්මරණාති පච්චාගච්ඡිති.
ප. පටි: න හෙවං වත්තබ්බෙ -පෙ-
8. ස. පු: බොධිසත්තො ඉස්සරියකාමකාරිතාහෙතු දුක්කරකාරිකං අකාසි’ති.
ප. පටිඤ්ඤා: ආමන්තා.
ස. අනු: ‘බොධිසත්තො ඉස්සරියකාමකාරිතාහෙතු දුක්කරකාරිකං අකාසී’ති අත්ථෙව සුත්තන්තො’ති.
ප. පටි: නත්ථි.
ස. ඨ: ‘හඤ්චි බොධිසත්තො ඉස්සරියකාමකාරිතාහෙතු දුක්කරකාරිකං අකාසී’ති නත්ථෙව සුත්තන්තො,
ස. පා: නො ච වත රෙ වත්තබ්බෙ ‘බොධිසත්තො ඉස්සරියකාමකාරිතාහෙතු දුක්කරකාරිකං අකාසී’ති.
9. ස. පු: බොධිසත්තො ඉස්සරියකාමකාරිතාහෙතු අපරන්තපං අකාසි, අඤ්ඤං සත්ථාරං උද්දීසී’ති.
ප. පටිඤ්ඤා: ආමන්තා.
ස. අනු: බොධිසත්තො ඉස්සරියකාමකාරිතාහෙතු සස්සතො ලොකොති පච්චාගච්ඡි -පෙ- නෙව හොති න න හොති තථාගතො පරම්මරණා’ති පච්චාගච්ඡි’ති.
ප. පටි: න හෙවං වත්තබ්බෙ -පෙ-
10. ස. පු: බොධිසත්තො ඉස්සරියකාමකාරිතාහෙතු අඤ්ඤං සත්ථාරං උද්දිසී’ති.
ප. පටිඤ්ඤා: ආමන්තා.
ස. අනු: ‘බොධිසත්තො ඉස්සරියකාමකාරිතාහෙතු අඤ්ඤං සත්ථාරං උද්දිසී’ති අත්ථෙව සුත්තන්තොති.
ප. පටි: නත්ථි.
ස. ඨ: ‘හඤ්චි බොධිසත්තො ඉස්සරියකාමකාරිතාහෙතු අඤ්ඤං සත්ථාරං උද්දීසී’ති නත්ථෙව සුත්තන්තො,
ස. පා: නො ච වත රෙ වත්තබ්බෙ “බොධිසත්තො ඉස්සරියකාමකාරිතාහෙතු අඤ්ඤං සත්ථාරං උද්දීසී’ති.
ඉස්සරියකාමකාරිතා කථා නිට්ඨිතා.
23. 4.
පතිරූප කථා.
1. ස. පු: අත්ථ න රාගො රාගපතිරූපකොති.
ප. පටිඤ්ඤා: ආමන්තා.
ස. අනු: අත්ථි න ඵස්සො ඵස්සපතිරූපකො, අත්ථ න වෙදනා වෙදනාපතිරූපකා, අත්ථි න සඤ්ඤා සඤ්ඤාපතිරූපකා, අත්ථි න චෙතනා චෙතනාපතිරූපකා, අත්ථි න චිත්තං චිත්තපතිරූපකං, අත්ථි න සද්ධා සද්ධාපතිරූපකා, අත්ථි න විරියං විරියපතිරූපකං, අත්ථි න සති සතිපතිරූපකා, අත්ථි න සමාධි සමාධිපතිරුපකො, අත්ථි න පඤ්ඤා පඤ්ඤාපති රූපකා’ති.
ප. පටි: න හෙවං වත්තබ්බෙ -පෙ-
2. ස. පු: අත්ථි න දොසො දොසපතිරූපකො -පෙ- අත්ථි න මොහො මොහපතිරූපකො -පෙ- අත්ථි න කිලෙසො කිලෙසපතිරූපකො’ති.
ප. පටිඤ්ඤා: ආමන්තා.
ස. අනු: අත්ථි න ඵස්සො ඵස්සපතිරූපකො -පෙ- අත්ථි න පඤ්ඤා පඤ්ඤාපතිරූපකා’ති.
ප. පටි: න හෙවං වත්තබ්බෙ -පෙ-
පතිරූප කථා නිට්ඨිතා.
23. 5.
අපරිනිප්ඵන්න කථා.
1. ස. පු: රූපං අපරිනිප්ඵන්නන්ති.
ප. පටිඤ්ඤා: ආමන්තා.
ස. අනු: රූපං න අනිච්චං, න සඞ්ඛතං, න පටිච්චසමුප්පන්නං, න ඛයධම්මං, න වයධම්මං, න විරාගධම්මං, න නිරොධධම්මං, න විපරිනාමධම්මන්ති.
ප. පටි: න හෙවං වත්තබ්බෙ -පෙ-
ස. අනු: නනු රූපං අනිච්චං සඞ්ඛතං පටිච්චසමුප්පන්නං ඛයධම්මං වයධම්මං විරාගධම්මං නිරොධධම්මං විපරිනාමධම්මන්ති.
ප. පටිඤ්ඤා: ආමන්තා.
ස. ඨ: හඤ්චි රූපං අනිච්චං සඞ්ඛතං -පෙ- විපරිනාමධම්මං,
ස. පා: නො ච වත රෙ වත්තබ්බෙ “රූපං අපරිනිප්ඵන්න”න්ති.
2. ස. පු: දුක්ඛඤ්ඤෙව පරිනිප්ඵන්නන්ති.
ප. පටිඤ්ඤා: ආමන්තා.
ස. අනු: නනු “යදනිච්චං තං දුක්ඛං? වුත්තං භගවතා, රූපං අනිච්චන්ති.
ප. පටිඤ්ඤා: ආමන්තා.
ස. ඨ: හඤ්චි “යදනිච්චං තං දුක්ඛං” වුත්තං භගවතා, රූපං අනිච්චං,
ස. පා: නො ච වත රෙ වත්තබ්බෙ “දුක්ඛඤ්ඤෙව පරිනිප්ඵන්න”න්ති.
3. ස. පු: වෙදනා -පෙ- සඤ්ඤා -පෙ- සඞ්ඛාරා -පෙ- විඤ්ඤාණං -පෙ- චක්ඛායතනං -පෙ- ධම්මායතනං -පෙ- චක්ඛුධාතු -පෙ- ධම්මධාතු -පෙ- චක්ඛුන්ද්රියං -පෙ- අඤ්ඤාතාවින්ද්රියං අපරිනිප්ඵන්නන්ති.
ප. පටිඤ්ඤා: ආමන්තා.
ස. අනු: අඤ්ඤාතාවින්ද්රියං න අනිච්චං -පෙ- න විපරිනාමධම්ම’න්ති.
ප. පටි: න හෙවං වත්තබ්බෙ -පෙ-
ස. අනු: නනු අඤ්ඤාතාවින්ද්රියං අනිච්චං සඞ්ඛතං -පෙ- විපරිනාමධම්මන්ති.
ප. පටිඤ්ඤා: ආමන්තා.
ස. ඨ: හඤ්චි අඤ්ඤාතාවින්ද්රියං අනිච්චං සඞ්ඛතං පටිච්චසමුප්පන්නං ඛයධම්මං වයධම්මං විරාගධම්මං නිරොධධම්මං විපරිනාමධම්මං,
ස. පා: නො ච වත රෙ වත්තබ්බෙ “අඤ්ඤාතාවින්ද්රියං අපරිනිප්ඵන්න”න්ති.
4. ස. පු: දුක්ඛඤ්ඤෙව පරිනිප්ඵන්නන්ති.
ප. පටිඤ්ඤා: ආමන්තා.
ස. අනු: නනු “යදනිච්චං තං දුක්ඛං වුත්තං භගවතා, අඤ්ඤාතාවින්ද්රියං අනිච්ච’න්ති.
ප. පටිඤ්ඤා: ආමන්තා.