3. ස. පු: අත්ථි සුපිනගතස්ස අරහත්තප්පත්තී’ති.
ප. පටිඤ්ඤා: ආමන්තා.
ස. අනු: සුත්තස්ස පමත්තස්ස මුට්ඨස්සතිස්ස1 අසම්පජානස්ස ධම්මාභිසමයො’ති.
ප. පටි: න හෙවං වත්තබ්බෙ -පෙ-
තිස්සොපි කථා නිට්ඨිතා.
22. 8.
අබ්යාකත කථා.
1. ස. පු: සබ්බං සුපිනගතස්ස චිත්තං අබ්යාකතන්ති.
ප. පටිඤ්ඤා: ආමන්තා.
ස. අනු: සුපිනන්තෙන පාණං හනෙය්යා’ති.
ප. පටිඤ්ඤා: ආමන්තා.
ස. ඨ: හඤ්චි සුපිනන්තෙන පාණං හනෙය්ය,
ස. පා: නො ච වත රෙ වත්තබ්බෙ “සබ්බං සුපිනගතස්ස චිත්තං අබ්යාකත”න්ති.
2. ස. පු: සුපිනන්තෙන අදින්නං ආදිය්යෙ -පෙ- මුසා භණෙය්ය -පෙ- පිසුණං{1} භණෙය්ය -පෙ- ඵරුසං භණෙය්ය -පෙ- සම්ඵං පලපෙය්ය{2} -පෙ- සන්ධිං ඡින්දෙය්ය -පෙ- නිල්ලොපං හරෙය්ය -පෙ- එකාගාරිකං කරෙය්ය -පෙ- පරිපන්ථෙ තිට්ඨෙය්ය -පෙ- පරදාරං ගච්ඡෙය්ය -පෙ- ගාමඝාතකං කරෙය්ය -පෙ- නිගමඝාතකං කරෙය්ය -පෙ- සුපිනන්තෙන මෙථුනං ධම්මං පතිසෙවෙය්ය -පෙ- සුපිනගතස්ස අසුචි මුච්චෙය්ය -පෙ- සුපිනන්තෙන දානං දදෙය්ය -පෙ- චීවරං දදෙය්ය -පෙ- පිණ්ඩපාතං දදෙය්ය -පෙ- සෙනාසනං දදෙය්ය -පෙ- ගිලානපච්චයභෙසජ්ජ පරික්ඛාරං දදෙය්ය -පෙ- ඛාදනීයං දදෙය්ය -පෙ- භොජනීයං දදෙය්ය -පෙ- පානීයං දදෙය්ය -පෙ- චෙතියං වන්දෙය්ය -පෙ- චෙතියෙ මාලං ආරොපෙය්ය -පෙ- ගන්ධං ආරොපෙය්ය -පෙ- විලෙපනං ආරොපෙය්ය -පෙ- චෙතියං අභිදක්ඛිණං කරෙය්යා’ති.
ප. පටිඤ්ඤා: ආමන්තා.
ස. ඨ: හඤ්චි සුපිනන්තෙන චෙතියං අභිදක්ඛිණං කරෙය්ය,
ස. පා: නෙ ච වත රෙ වත්තබ්බෙ “සබ්බං සුපිනගතස්ස චිත්තං අබ්යාකත”න්ති.
3. ප. පු: න වත්තබ්බං “සබ්බං සුපිනගතස්ස චිත්තං අබ්යාකත”න්ති.
ස. පටිඤ්ඤා: ආමන්තා.
ප. අනු: නනු සුපිනගතස්ස චිත්තං අබ්බොහාරියං වුත්තං භගවතා’ති.
ස. පටිඤ්ඤා: ආමන්තා.
ප. ඨ: හඤ්චි සුපිනගතස්ස චිත්තං අබ්බොහාරියං වුත්තං භගවතා,
ප. පා: තෙන{1} වත රෙ වත්තබ්බෙ “සබ්බං සුපිනගතස්ස චිත්තං අබ්යාකත”න්ති.
අබ්යාකත කථා නිට්ඨිතා.
22. 9.
ආසෙවනපච්චය කථා.
1. ස. පු: නත්ථි කාචි ආසෙවනපච්චයතා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා: “පාණාතිපාතො භික්ඛවෙ ආසෙවිතො භාවිතො බහුලීකතො නිරයසංවත්තනිකො තිරච්ඡානයොනිසංවත්තනිකො පෙත්තිවිසයසංවත්තනිකො, යො සබ්බලහුසො පාණාතිපාතස්ස විපාකො මනුස්සභූතස්ස අප්පායුකසංවත්තනිකො හොතී”ති{a} අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. පා: තෙන හි “අත්ථි කාචි ආසෙවනපච්චයතා”ති.
2. ස. පු: නත්ථි කාචි ආසෙවනපච්චයතා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා: “අදින්නාදානං භික්ඛවෙ අසෙවිතං භාවිතං බහුලීකතං නිරයසංවත්තනිකං තිරච්ඡානයොනිසංවත්තනිකං පෙත්තිවිසයසංවත්තනිකං, යො සබ්බලහුසො අදින්නාදානස්ස විපාකො මනුස්සභූතස්ස භොගබ්යසනසංවත්තනිකො හොති -පෙ- යො සබ්බලහුසො කාමෙසු මිච්ඡාචාරස්ස විපාකො මනුස්සභූතස්ස සපත්තවෙරසංවත්තනිකො හොති -පෙ- යො සබ්බලහුසො මුසාවාදස්ස විපාකො මනුස්සභූතස්ස අභූතබ්භක්ඛාන සංවත්තනිකො{1} හොති -පෙ- යො සබ්බලහුසො පිසුනාය වාචාය විපාකො මනුස්සභූතස්ස මිත්තෙහි භෙදනසංවත්තනිකො හොති -පෙ- යො සබ්බලහුසො ඵරුසාය වාචාය විපාකො මනුස්සභූතස්ස අමනාපසද්දසංවත්තනිකො හොති -පෙ-
යො සබ්බලහුසො සම්ඵප්පලාපස්ස.{1} විපාකො මනුස්සභූතස්ස අනාදෙය්යවාචසංවත්තනිකො හොති. සුරාමෙරයපානං භික්ඛවෙ අසෙවිතං -පෙ- යො සබ්බලහුසො සුරාමෙරයපානස්ස විපාකො මනුස්සභූතස්ස උම්මත්තකසංවත්තනිකො හොතී”ති,{a} අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. පා: තෙන හි අත්ථි කාචි ආසෙවනපච්චයතා’ති.
3. ස. පු: නත්ථි කාචි ආසෙවනපච්චයතා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා: “මිච්ඡාදිට්ඨි භික්ඛවෙ ආසෙවිතා භාවිතා බහුලීකතා නිරයසංවත්තනිකා තිරච්ඡානයොනිසංවත්තනිකා පෙත්තිවිසයසංවත්තනිකා”ති. අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. පා: තෙන හි “අත්ථි කාචි ආසෙවනපච්චයතා”ති.
4. ස. පු: නත්ථි කාචි ආසෙවනපච්චයතා”ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “මිච්ඡාසංකප්පො -පෙ- මිච්ඡාසමාධි භික්ඛවෙ ආසෙවිතො භාවිතො -පෙ- පෙත්තිවිසයසංවත්තනනිකො”ති. අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. පා: තෙන හි “අත්ථි කාචි ආසෙවනපච්චයතා”ති.
5. ස. පු: නත්ථි කාචි ආසෙවනපච්චයතා”ති.
ප. පටිඤ්ඤා: ආමන්තා.
ස. අනු: නනු වුත්තං භගවතා: “සම්මාදිට්ඨි භික්ඛවෙ ආසෙවිතා භාවිතා බහුලීකතා අමතොගධා හොති අමතපරායනා අමතපරියොසාන”ති. අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. පා: තෙන හි “අත්ථි කාචි ආසෙවනපච්චයතා”ති.
6. ස. පු: නත්ථි කාචි ආසෙවනපච්චයතා’ති.
ප. පටි: ආමන්තා.
ස. අනු: නනු වුත්තං භගවතා’ සම්මාසංකප්පො භික්ඛවෙ ආසෙවිතො භාවිතො බහුලීකතො -පෙ- සම්මාසමාධි භික්ඛවෙ ආසෙවිතො භාවිතො බහුලීකතො අමතොගධො හොති අමතපරායනො අමතපරියොසානො”ති. අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. පා: තෙන හි “අත්ථි කාචි ආසෙවනපච්චයතා”ති.
ආසෙවනපච්චය කථා නිට්ඨිතා.
22. 10.
ඛණික කථා.
1. ස. පු: එකචිත්තක්ඛණිකා සබ්බෙ ධම්මා’ති.
ප. පටිඤ්ඤා: ආමන්තා.
ස. අනු: චිත්තෙ මහාපඨවී සණ්ඨාති, මහාසමුද්දො සණ්ඨාති, සිනෙරුපබ්බතරාජා සණ්ඨාති, ආපො සණ්ඨාති, තෙජො සණ්ඨාති, වායො සණ්ඨාති, තිණකට්ඨවනප්පතයො{1} සණ්ඨහන්තී’ති.
ප. පටි: න හෙවං වත්තබ්බෙ -පෙ-
2. ස. පු: එක චිත්තක්ඛණිකා සබ්බෙ ධම්මා’ති.
ප. පටිඤ්ඤා: ආමන්තා.
ස. අනු: චක්ඛායතනං චක්ඛුවිඤ්ඤාණෙන සහජාතන්ති.
ප. පටි: න හෙවං වත්තබ්බෙ -පෙ-
3. ස. පු: චක්ඛායතනං චක්ඛුවිඤ්ඤාණෙන සහජාතන්ති.
ප. පටිඤ්ඤා: ආමන්තා.
ස. අනු: නනු ආයස්මා සාරිපුත්තො එතදවොච: “අජ්ඣත්තිකඤ්චෙ{2} ආවුසො චක්ඛුං අපරිභින්නං හොති, බාහිරා ච රූපා න ආපාථං ආගච්ඡන්ති, නො ච තජ්ජො සමන්නාහාරො හොති, නෙව තාව තජ්ජස්ස විඤ්ඤාණභාගස්ස{3} පාතුභාවො හොති. අජ්ඣත්තිකඤ්චෙව ආවුසො චක්ඛුං අපරිභින්නං හොති, බාහිරා ච රූපා ආපාථං ආගච්ඡන්ති, නො ච තජ්ජො සමන්නාහාරො හොති, නෙව තාව තජ්ජස්ස විඤ්ඤාණභාගස්ස.3 පාතුභාවො හොති. යතො ච ඛො ආවුසො, අජ්ඣත්තිකඤ්චෙව චක්ඛුං අපරිභින්නං හොති, බාහිරා ච රූපා ආපාථං ආගච්ඡන්ති, තජ්ජො ච සමන්නාහාරො හොති, එවං තජ්ජස්ස විඤ්ඤාණභාගස්ස පාතුභාවො හොතී”ති.{a} අත්ථෙව සුත්තන්තො’ති.
ප. පටිඤ්ඤා: ආමන්තා.
ස. පා: තෙන හි න වත්තබ්බං: “චක්ඛායතනං චක්ඛුවිඤ්ඤාණෙන සහජාත”න්ති.
4. ස. පු: එකචිත්තක්ඛණිකා සබ්බෙ ධම්මාති.
ප. පටි: ආමන්තා.
ස. අනු: සොතායතනං -පෙ- ඝානායතනං -පෙ- ජිව්හායතනං -පෙ- කායායතනං කායවිඤ්ඤාණෙන සහජාතන්ති.
ප. පටි: න හෙවං වත්තබ්බෙ -පෙ-
5. ස. පු: කායායතනං කායවිඤ්ඤාණෙන සහජාතන්ති.
ප. පටිඤ්ඤා: ආමන්තා.
ස. අනු: නනු ආයස්මා සාරිපුත්තො එතදවොච: “අජ්ඣත්තිකො චෙ{1} ආවුසො, කායො අපරිභින්නො හොති, බාහිරා ච ඵොට්ඨබ්බා න අපාථං ආගච්ඡන්ති, නො ච -පෙ- අජ්ඣත්තිකො චෙව ආවුසො කායො අපරිභින්නො හොති. බාහිරා ච ඵොට්ඨබ්බා ආපාථං ආගච්ඡන්ති, නො ච -පෙ- යතො ච ඛො ආවුසො, අජ්ඣත්තිකො චෙව කායො අපරිභින්නො හොති බාහිරා ච ඵොට්ඨබ්බා ආපාථං ආගච්ඡන්ති, තජ්ජො ච සමන්නාහාරො හොති, එවං තජ්ජස්ස විඤ්ඤාණභාගස්ස පාතුභාවො හොතී”ති{a} අත්ථෙව සුත්තන්තො’ති.
ප. පටිඤ්ඤා: ආමන්තා.
ස. පා: තෙන හි න වත්තබ්බං “කායායතනං කායවිඤ්ඤාණෙන සහජාත’න්ති.
6. ප. පු: න වත්තබ්බං එකචිත්තක්ඛණිකා සබ්බෙ ධම්මා’ති.
ස. පටිඤ්ඤා: ආමන්තා.
ප. අනු: සබ්බෙ ධම්මා නිච්චා ධුවා සස්සතා අවිපරිණාමධම්මා’ති.
ස. පටි: න හෙවං වත්තබ්බෙ -පෙ-
ප. පා: තෙන හි එකචිත්තක්ඛණිකා සබ්බෙ ධම්මා”ති.
ඛණික කථා නිට්ඨිතා.
ද්වාවීසතිමො වග්ගො නිට්ඨිතො.
තස්සුද්දානං:
“අත්ථි කිඤ්චි සඤ්ඤොජනං අප්පහාය පරිනිබ්බානං, අරහා කුසලං චිත්තො පරිනිබ්බායති, අරහා අනෙඤ්ජෙ ඨිතො පරිනිබ්බායති, අත්ථි ගබ්භසෙය්යාය ධම්මාභිසමයො, අත්ථි ගබ්භසෙය්යාය අරහත්තප්පත්ති, අත්ථි සුපිනගතස්ස ධම්මාභිසමයො, අත්ථි සුපිනගතස්ස අරහත්තප්පත්ති, සබ්බං සුපිනගතස්ස චිත්තං අබ්යාකතං, නත්ථි කාචි ආසෙවනපච්චයතා, එකචිත්තක්ඛණිකා සබ්බෙ ධම්මා.
තෙවීසතිමො වග්ගො
23. 1.
එකාධිප්පාය කථා.
1. ස. පු: එකාධිප්පායෙන{1} මෙථුනො ධම්මො පතිසෙවිතබ්බො’ති.
ප. පටිඤ්ඤා: ආමන්තා.
ස. අනු: එකාධිප්පායෙන අස්සමණෙන{2} හොතබ්බං අභික්ඛුනා හොතබ්බං ජින්නමූලෙන{3} හොතබ්බං පාරාජිකෙන හොතබ්බන්ති.
ප. පටි: න හෙවං වත්තබ්බෙ -පෙ-
2. ස. පු: එකාධිප්පායෙන මෙථුනො ධම්මො පතිසෙවිතබ්බො’ති.
ප. පටිඤ්ඤා: ආමන්තා.