ප. පටිඤ්ඤා: ආමන්තා.
ස. අනු: අරහා සරාගො -පෙ- සකිලෙසො’ති.
ප. පටි: න හෙවං වත්තබෙ -පෙ-
ස. අනු: නනු අරහා නිරාගො -පෙ- නික්කිලෙසො’ති.
ප. පටිඤ්ඤා: ආමන්තා.
ස. ඨ: හඤ්චි අරහා නිරාගො ... නික්කිලෙසො,
ස. පා: නො ච වත රෙ වත්තබ්බෙ “අත්ථි කිඤ්චි සඤ්ඤොජනං අප්පහාය පරිනිබ්බාන”න්ති.
3. ප. පු: න වත්තබ්බං “අත්ථි කිඤ්චි සඤ්ඤොජනං අප්පහාය පරිනිබ්බාන”න්ති.
ස. පටිඤ්ඤා: ආමන්තා.
ප. අනු: අරහා සබ්බං බුද්ධවිසයං ජානාතී’ති.
ස. පටි: න හෙවං වත්තබ්බෙ -පෙ-
ප. පා: තෙන හි “අත්ථි කිඤ්චි සඤ්ඤොජනං අප්පහාය පරිනිබ්බාන”න්ති.
පරිනිබ්බාන කථා නිට්ඨිතා.
22. 2.
කුසලචිත්ත කථා.
1. ස. පු: අරහා කුසලචිත්තො පරිනිබ්බායතී’ති.
ප. පටිඤ්ඤා: ආමන්තා.
ස. අනු: අරහා පුඤ්ඤාභිසඞ්ඛාරං අභිසඞ්ඛරොන්තො,{1} ආනෙඤ්ජාභිසඞ්ඛාරං අභිසඞ්ඛරොන්තො, ගති සංවත්තනියං කම්මං කරොන්තො, භවසංවත්තනියං කම්මං කරොන්තො, ඉස්සරියසංවත්තනියං කම්මං කරොන්තො, ආධිපච්චසංවත්තනියං{2} කම්මං කරොන්තො, මහාභොගසංවත්තනියං කම්මං කරොන්තො, මහාපරිවාරසංවත්තනියං කම්මං කරොන්තො, දෙවසොභග්ගියසංවත්තනියං කම්මං කරොන්තො, මනුස්සසොභග්ගියසංවත්තනියං කම්මං කරොන්තො පරිනිබ්බායතී’ති.
ප. පටි: න හෙවං වත්තබ්බෙ -පෙ-
2. ස. පු: අරහා කුසලචිත්තො පරිනිබ්බායතී’ති.
ප. පටිඤ්ඤා: ආමන්තා.
ස. අනු: අරහා ආචිනන්තො අපචිනන්තො පජහන්තො උපාදියන්තො{3} විසිනෙන්තො උස්සිනෙන්තො විධූපෙන්තො සංධූපෙන්තො පරිනිබ්බායතී”ති.
ප. පටි: න හෙවං වත්තබ්බෙ -පෙ-
ස. අනු: නනු අරහා නෙවාචිනාති න අපචිනාති අපචිනිත්වා ඨිතො’ති.
ප. පටිඤ්ඤා: ආමන්තා.
ස. ඨ: හඤ්චි අරහා නෙවාචිනාති න අපචිනාති අපචිනිත්වා ඨිතො,
ස. පා: නො ච වත රෙ වත්තබ්බෙ “අරහා කුසලචිත්තො පරිනිබ්බායතී”ති.
3. ස. අනු: නනු අරහා නෙව පජහති න උපාදියති පජහිත්වා ඨිතො -පෙ- නෙව විසිනෙති න උස්සිනෙති විසිනෙත්වා ඨිතො -පෙ- නනු අරහා නෙව විධූපෙති න සංධූපෙති විධූපෙත්වා ඨිතො’ති.
ප. පටිඤ්ඤා: ආමන්තා.
ස. ඨ: හඤ්චි අරහා නෙව විධූපෙති න සංධූපෙති විධූපෙත්වා ඨිතො.
ස. පා: නො ච වත රෙ වත්තබ්බෙ “අරහා කුසලචිත්තො පරිනිබ්බායතී”ති.
4. ප. පු: න වත්තබ්බං “අරහං කුසලචිත්තො පරිනිබ්බායතී”ති.
ස. පටිඤ්ඤා: ආමන්තා.
ප. අනු: නනු අරහා උපට්ඨිතසති{1} සතො සම්පජානො පරිනිබ්බායතී’ති.
ස. පටිඤ්ඤා: ආමන්තා.
ප. ඨ: හඤ්චි අරහා උපට්ඨිතසති සතො සම්පජානො පරිනිබ්බායති.
ප. පා: තෙන වත{2} රෙ වත්තබ්බෙ “අරහා කුසලචිත්තො පරිනිබ්බායතී”ති.
කුසලචිත්ත කථා නිට්ඨිතා.
22. 3.
ආනෙඤ්ජ කථා.
1. ස. පු: අරහා ආනෙඤ්ජෙ ඨිතො පරිනිබ්බායතී’ති.
ප. පටිඤ්ඤා: ආමන්තා.
ස. අනු: නනු අරහා පකතිචිත්තෙ ඨිතො පරිනිබ්බායතී’ති.
ප. පටිඤ්ඤා: ආමන්තා.
ස. ඨ: හඤ්චි අරහා පකතිචිත්තෙ ඨිතො පරිනිබ්බායති,
ස. පා: නො ච වත රෙ වත්තබ්බෙ “අරහා ආනෙඤ්ජෙඨිතො පරිනිබ්බායතී”ති.
2. ස. පු: අරහා ආනෙඤ්ජෙ ඨිතො පරිනිබ්බායතී’ති.
ප. පටිඤ්ඤා: ආමන්තා.
ස. අනු: අරහා කිරියමයෙ ඨිතො පරිනිබ්බායතී’ති.
ප. පටි: න හෙවං වත්තබ්බෙ -පෙ-
ස. අනු: නනු අරහා විපාකචිත්තෙ ඨිතො පරිනිබ්බායතී’ති.
ප. පටිඤ්ඤා: ආමන්තා.
ස. ඨ: හඤ්චි අරහා විපාකචිත්තෙ ඨිතො පරිනිබ්බායති,
ස. පා: නො ච වත රෙ වත්තබ්බෙ “අරහා ආනෙඤ්ජෙඨිතො පරිනිබ්බායතී”ති.
3. ස. පු: අරහා අනෙඤ්ජෙ ඨිතො පරිනිබ්බායතී’ති.
ප. පටිඤ්ඤා: ආමන්තා.
ස. අනු: අරහා කිරියාබ්යාකතෙ චිත්තෙ ඨිතො පරිනිබ්බායතී’ති.
ප. පටි: න හෙවං වත්තබ්බෙ -පෙ-
ස. අනු: නනු අරහා විපාකාබ්යාකතෙ චිත්තෙ ඨිතො පරිනිබ්බායතී’ති.
ප. පටිඤ්ඤා: ආමන්තා.
ස. ඨ: හඤ්චි අරහා විපාකාබ්යාකතෙ චිත්තෙ ඨිතො පරිනිබ්බායති.
ස. පා: නො ච වත රෙ වත්තබ්බෙ “අරහා ආනෙඤ්ජෙඨිතො පරිනිබ්බායතී”ති.
4. ස. පු: අරහා ආනෙඤ්ජෙ ඨිතො පරිනිබ්බායතී’ති.
ප. පටිඤ්ඤා: ආමන්තා.
ස. අනු: නනු භගවා චතුත්ථජ්ඣානා වුට්ඨහිත්වා සමනන්තරා පරිනිබ්බුතො’ති.
ප. පටිඤ්ඤා: ආමන්තා.
ස. ඨ: හඤ්චි භගවා චතුත්ථජ්ඣානා වුට්ඨහිත්වා සමනන්තරා පරිනිබ්බුතො,
ස. පා: නො ච වත රෙ වත්තබ්බෙ “අරහා ආනෙඤ්ජෙඨිතො පරිනිබ්බායතී”ති.
ආනෙඤ්ජ කථා නිට්ඨිතා.
22. 4.
ධම්මාභිසමය කථා.
1. ස. පු: අත්ථි ගබ්භසෙය්යාය ධම්මාභිසමයො’ති.
ප. පටිඤ්ඤා: ආමන්තා.
ස. අනු: අත්ථි ගබ්භසෙය්යාය ධම්මදෙසනා, ධම්මසමවණං, ධම්මසාකච්ඡා, පරිපුච්ඡා, සීලසමාදානං, ඉන්ද්රියෙසු ගුත්තද්වාරතා, භොජනෙ මත්තඤ්ඤුතා, පුබ්බරත්තාපරරත්තං ජාගරියානුයොගො’ති.
ප. පටි: න හෙවං වත්තබ්බෙ -පෙ-
ස. අනු: නත්ථි ගබ්භසෙය්යාය ධම්මදෙසනා, ධම්මසවණං -පෙ- පුබ්බරත්තාපරරත්තං ජාගරියානුයොගො’ති.
ප. පටිඤ්ඤා: ආමන්තා.
ස. ඨ: හඤ්චි නත්ථි ගබ්භසෙය්යාය ධම්මදෙසනා, ධම්මසවණං -පෙ- පුබ්බරත්තාපරරත්තං ජාගරියානුයොගො,
ස. පා: නො ච වත රෙ වත්තබ්බෙ”අත්ථි ගබ්භසෙය්යාය ධම්මාභිසමයො”ති.
2. ස. පු: අත්ථි ගබ්භසෙය්යාය ධම්මාභිසමයො’ති.
ප. පටිඤ්ඤා: ආමන්තා.
ස. අනු: නනු ද්වෙ පච්චයා සම්මාදිට්ඨියා උප්පාදාය.{1} පරතො ච ඝොසො යොනිසො ච මනසිකාරො’ති.
ප. පටිඤ්ඤා: ආමන්තා.
ස. ඨ: හඤ්චි ද්වෙ පච්චයා සම්මාදිට්ඨියා උප්පාදාය.{1} පරතො ච ඝොසො යොනිසො ච මනසිකාරො,
ස. පා: නො ච වත රෙ වත්තබ්බෙ “අත්ථි ගබ්භසෙය්යාය ධම්මාභිසමයො”ති.
3. ස. පු: අත්ථි ගබ්භසෙය්යාය ධම්මාභිසමයො’ති.
ප. පටිඤ්ඤා: ආමන්තා.
ස. අනු: සුත්තස්ස පමත්තස්ස මුට්ඨස්සතිස්ස අසම්පජානස්ස ධම්මාභිසමයො’ති.
ප. පටි: න හෙවං වත්තබ්බෙ -පෙ-
ධම්මාභිසමය කථා නිට්ඨිතා.
22. 5-7.
තිස්සොපි කථා.
1. ස. පු: අත්ථි ගබ්භසෙය්යාය අරහත්තප්පත්තී’ති.
ප. පටිඤ්ඤා: ආමන්තා.
ස. අනු: සුත්තස්ස පමත්තස්ස මුට්ඨස්සතිස්ස{1} අසම්පජානස්ස අරහත්තප්පත්තී’ති.
ප. පටි: න හෙවං වත්තබ්බෙ -පෙ-
2. ස. පු: අත්ථි සුපිනගතස්ස ධම්මාභිසමයො’ති.
ප. පටිඤ්ඤා: ආමන්තා.
ස. අනු: සුත්තස්ස පමත්තස්ස මුට්ඨස්සතිස්ස{1} අසම්පජානස්ස ධම්මාභිසමයො’ති.
ප. පටි: න හෙවං වත්තබ්බෙ -පෙ-