ස. පටිඤ්ඤා: ආමන්තා.
ප. අනු: නනු වුත්තං භගවතා:
“ආපායිකො නෙරයිකො කප්පට්ඨො සඞ්ඝභෙදකො වග්ගරතො අධම්මට්ඨො යොගක්ඛෙමා පධංසති{1} සඞ්ඝං සමග්ගං භෙත්වාන කප්පං නිරයම්හි පච්චතී”ති{a}
අත්ථෙ’ව සුත්තන්තො’ති.
ස. පටිඤ්ඤා: ආමන්තා.
ප. පා: තෙන හි “සඞ්ඝභෙදකො ආනන්තරිකො”ති.
අසඤ්චිච්ච කථා නිට්ඨිතා.
20. 2.
ඤාණ කථා.
1. ස. පු: නත්ථි පුථුජ්ජනස්ස ඤාණන්ති.
ප. පටිඤ්ඤා: ආමන්තා.
ස. අනු: නත්ථි පුථුජ්ජනස්ස පඤ්ඤා පජානනා විචයො පවිචයො ධම්මවිචයො සල්ලක්ඛණා උපලක්ඛණා පච්චුපලක්ඛණා’ති.
ප. පටි: න හෙවං වත්තබ්බෙ -පෙ-
ස. අනු: නනු අත්ථි පුථුජ්ජනස්ස පඤ්ඤා පජානනා විචයො -පෙ- පච්චුපලක්ඛණා’ති.
ප. පටිඤ්ඤා: ආමන්තා.
ස. ඨ: හඤ්චි අත්ථි පුථුජ්ජනස්ස පඤ්ඤා පජානනා විචයො -පෙ- පච්චුපලක්ඛණා.
ස. පා: නො ච වත රෙ වත්තබ්බෙ “නත්ථි පුථුජ්ජනස්ස ඤාණ”න්ති.
2. ස. පු: නත්ථි පුථුජ්ජනස්ස ඤාණන්ති.
ප. පටිඤ්ඤා: ආමන්තා.
ස. අනු: පුථුජ්ජනො පඨමං ඣානං සමාපජ්ජෙය්යාති.
ප. පටිඤ්ඤා: ආමන්තා.
ස. ඨ: හඤ්චි පුථුජ්ජනො පඨමං ඣානං සමාපජ්ජෙය්ය,
ස. පා: නො ච වත රෙ වත්තබ්බෙ “නත්ථි පුථුජ්ජනස්ස ඤාණ”න්ති.
3. ස. පු: පුථුජ්ජනො දුතියං ඣානං -පෙ- තතියං ඣානං -පෙ- චතුත්ථං ඣානං -පෙ- ආකාසානඤ්චායතනං සමාපජ්ජෙය්ය, විඤ්ඤාණඤ්චායතනං -පෙ- ආකිඤ්චඤ්ඤායතනං -පෙ- නෙවසඤ්ඤානාසඤ්ඤායතනං සමාපජ්ජෙය්ය, පුථුජ්ජනො දානං දදෙය්ය -පෙ- චීවරං දදෙය්ය -පෙ- පිණ්ඩපාතං දදෙය්ය -පෙ- සෙනාසනං දදෙය්ය -පෙ- ගිලානපච්චයභෙසජ්ජපරික්ඛාරං දදෙය්යා’ති.
ප. පටිඤ්ඤා: ආමන්තා.
ස. ඨ: හඤ්චි පුථුජ්ජනො ගිලානපච්චයභෙසජ්ජපරික්ඛාරං දදෙය්ය,
ස. පා: නො ච වත රෙ වත්තබ්බෙ “නත්ථි පුථුජ්ජනස්ස ඤාණ”න්ති.
4. ප. පු: අත්ථි පුථුජ්ජනස්ස ඤාණන්ති.
ස. පටිඤ්ඤා: ආමන්තා.
ප. අනු: පුථුජ්ජනො තෙන ඤාණෙන දුක්ඛං පරිජානාති, සමුදයං පජහති, නිරොධං සච්ඡිකරොති, මග්ගං භාවෙතී’ති.
ස. පටි: න හෙවං වත්තබ්බෙ -පෙ-
ඤාණ කථා නිට්ඨිතා.
20. 3.
නිරයපාල කථා.
1. ස. පු: නත්ථි නිරයෙසු නිරයපාලා’ති.
ප. පටිඤ්ඤා: ආමන්තා.
ස. අනු: නත්ථි නිරයෙසු කම්මකාරණා’ති.
ප. පටි: න හෙවං වත්තබ්බෙ -පෙ-
2. ස. පු: අත්ථි නිරයෙසු කම්මකාරණා’ති.
ප. පටිඤ්ඤා: ආමන්තා.
ස. අනු: අත්ථි නිරයෙසු නිරයපාලා’ති.
ප. පටි: න හෙවං වත්තබ්බෙ -පෙ-
3. ස. පු: අත්ථි මනුස්සෙසු කම්මකාරණා, අත්ථි ච කාරණිකා’ති.
ප. පටිඤ්ඤා: ආමන්තා.
ස. අනු: අත්ථි නිරයෙසු කම්මකාරණා, අත්ථි ච කාරණිකා’ති.
ප. පටි: න හෙවං වත්තබ්බෙ -පෙ-
4. ස. පු: අත්ථි නිරයෙසු කම්මකාරණා, නත්ථි ච කාරණිකා’ති.
ප. පටිඤ්ඤා: ආමන්තා.
ස. අනු: අත්ථි මනුස්සෙසු කම්මකාරණා, නත්ථි ච කාරණිකා’ති.
ප. පටි: න හෙවං වත්තබ්බෙ -පෙ-
5. ස. පු: අත්ථි නිරයෙසු නිරයපාලා’ති.
ස. පටිඤ්ඤා: ආමන්තා.
ප. අනු: නනු වුත්තං භගවතා:
“න වෙස්සභූ නො’පි ච පෙත්තිරාජා සොමො යමො වෙස්සවණො ච රාජා සකානි කම්මානි හනන්ති තත්ථ ඉතො පණුන්නං පරලොකපත්තන්ති”
අත්ථෙ’ව සුත්තන්තො’ති.
ස. පටිඤ්ඤා: ආමන්තා.
ප. පා: තෙන හි නත්ථි නිරයෙසු නිරයපාලා’ති.
6. ස. පු: නත්ථි නිරයෙයු නිරයපාලා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා: “තමෙනං භික්ඛවෙ නිරයපාලා පඤ්චවිධ බන්ධනං නාම කම්මකාරණං කාරෙන්ති: තත්තං අයොඛීලං හත්ථෙ ගමෙන්ති, තත්තං අයොඛීලං දුතියෙ හත්ථෙ ගමෙන්ති, තත්තං අයොඛීලං පාදෙ ගමෙන්ති, තත්තං අයොඛීලං දුතියෙ පාදෙ ගමෙන්ති, තත්තං අයොඛීලං මජ්ඣෙ උරස්මිං ගමෙන්තී. සො තත්ථ දුක්ඛා තිබ්බා කටුකා වෙදනා වෙදෙති, න ච තාව කාලං කරොති යාව.{1} න තං පාපං කම්මං.{2} බ්යන්තීහොතී”ති{a} අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. පා: තෙ න හි අත්ථි නිරයෙසු නිරයපාලා’ති.
7. ස. පු: නත්ථි නිරයෙසු නිරයපාලා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා: “තමෙනං භික්ඛවෙ නිරයපාලා සංවෙසෙත්වා කුඨාරීහි{3} තච්ඡන්ති. තමෙනං භික්ඛවෙ නිරයපාලා උද්ධපාදං{4}. අධොසිරං ඨපෙත්වා වාසීහි තච්ඡන්ති. තමෙනං භික්ඛවෙ නිරයපාලා රථෙ යොජෙත්වා ආදිත්තාය පඨවියා සම්පජ්ජලිතාය සජොතිභූතාය සාරෙන්ති’පි පච්චාසාරෙන්තිපි -පෙ- තමෙනං භික්ඛවෙ නිරයපාලා මහන්තං අඞ්ගාරපබ්බතං ආදිත්තං සම්පජ්ජලිතං සජොතිභූතං ආරොපෙන්ති’පි ඔරොපෙන්තී’පි -පෙ-
තමෙනං භික්ඛවෙ නිරයපාලා උද්ධපාදං අධොසිරං ගහෙත්වා තත්තාය ලොහකුම්භියා පක්ඛිපන්ති ආදිත්තාය සම්පජ්ජලිතාය සජොතිභූතාය. සො තත්ථ ඵෙණුද්දෙහකං පච්චති. සො තත්ථ ඵෙණුද්දෙහකං පච්චමානො සකිම්පි උද්ධං ගච්ඡති. සකිම්පි අධොගච්ඡති. සකිම්පි තිරියං ගච්ඡති. සො තත්ථ තිබ්බා කටුකා වෙදනා වෙදෙති, න ච තාව කාලං කරොති යාව න තං පාපං කම්මං බ්යන්තී හොති. තමෙනං භික්ඛවෙ නිරයපාලා මහානිරයෙ පක්ඛිපන්ති. සො ඛො පන භික්ඛවෙ මහානිරයො:
“චතුක්කණ්ණො චතුද්වාරො විභත්තො භාගසො මිතො අයොපාකාරපරියන්තො අයසා පටිකුජ්ජිතො.
තස්ස අයොමයාභූමි ජලිතා තෙජසා යුතා සමන්තා යොජනසතං ඵරිත්වා තිට්ඨති සබ්බදා”ති.{a}
අත්ථෙ ව සුත්තන්තො’ති.
ප. පටිඤ්ඤා: ආමන්තා.
ස. පා: තෙන හි අත්ථි නිරයෙසු නිරයපාලා’ති.
නිරයපාල කථා නිට්ඨිතා.
20. 4.
තිරච්ඡාන කථා.
1. ස. පු: අත්ථි දෙවෙසු තිරච්ඡානගතා’ති.
ප. පටිඤ්ඤා: ආමන්තා.
ස. අනු: අත්ථි තිරච්ඡානගතෙසු දෙවා’ති.
ප. පටි: න හෙවං වත්තබ්බෙ -පෙ-
2. ස. පු: අත්ථි දෙවෙසු තිරච්ඡානගතා’ති.
ප. පටිඤ්ඤා: ආමන්තා.
ස. අනු: දෙවලොකො තිරච්ඡානයොනී’ති.
ප. පටි: න හෙවං වත්තබ්බෙ -පෙ-
3. ස. පු: අත්ථි දෙවෙසු තිරච්ඡානගතා’ති.
ප. පටිඤ්ඤා: ආමන්තා.
ස. අනු: අත්ථි තත්ථ කීටා පටඞ්ගා මකසා මක්ඛිකා අහී විච්ඡිකා සතපදී ගණ්ඩුප්පාදා’ති.
ප. පටි: න හෙවං වත්තබ්බෙ -පෙ-
4. ප. පු: නත්ථි දෙවෙසු තිරච්ඡානගතා’ති.
ස. පටිඤ්ඤා: ආමන්තා.
ප. අනු: නනු අත්ථි තත්ථ එරාවණො නාම හත්ථිනාගො, සහස්සයුත්තං දිබ්බං යානන්ති.
ස. පටිඤ්ඤා: ආමන්තා.
ප. ඨ: හඤ්චි අත්ථි තත්ථ එරාවණො නාම හත්ථිනාගො, සහස්සයුත්තං දිබ්බං යානං,
ප. පා: තෙන වත රෙ වත්තබ්බෙ ‘අත්ථි දෙවෙසු තිරච්ඡානගතා”ති.
5. ස. පු: අත්ථි දෙවෙසු තිරච්ඡානගතා’ති.
ප. පටිඤ්ඤා: ආමන්තා.
ස. අනු: අත්ථි තත්ථ හත්ථිබන්ධා අස්සබන්ධා යාවසිකා කාරණිකා භත්තකාරකා’ති.
ප. පටි: න හෙවං වත්තබ්බෙ -පෙ-
ස. පා: තෙන හි “නත්ථි දෙවෙසු තිරච්ඡානගතා”ති.
තිරච්ඡාන කථා නිට්ඨිතා.
20. 5.
මග්ගකථා.