ස. අනු: සාමඤ්ඤඵලං අසඞ්ඛතන්ති.
ප. පටි: න හෙවං වත්තබ්බෙ -පෙ-
6. ස. පු: සොතාපත්තිඵලං අසඞ්ඛතන්ති.
ප. පටිඤ්ඤා: ආමන්තා.
ස. අනු: සොතාපත්තිමග්ගො අසඞ්ඛතො.
ප. පටි: න හෙවං වත්තබ්බෙ -පෙ-
7. ස. පු: සොතාපත්තිමග්ගො සඞ්ඛතො’ති.
ප. පටිඤ්ඤා: ආමන්තා.
ස. අනු: සොතාපත්තිඵලං සඞ්ඛන්ති.
ප. පටි: න හෙවං වත්තබ්බෙ -පෙ-
8. ස. පු: සකදාගාමි -පෙ- අනාගාමී -පෙ- අරහත්තඵලං අසඞ්ඛතන්ති.
ප. පටිඤ්ඤා: ආමන්තා.
ස. අනු: අරහත්තමග්ගො අසඞ්ඛතො.
ප. පටි: න හෙවං වත්තබ්බෙ -පෙ-
9. ස. පු: අරහත්තමග්ගො සඞ්ඛතො’ති.
ප. පටිඤ්ඤා: ආමන්තා.
ස. අනු: අරහත්තඵලං සඞ්ඛතන්ති.
ප. පටි: න හෙවං වත්තබ්බෙ -පෙ-
10. ස. පු: සොතාපත්තිඵලං අසඞ්ඛතං, සකදාගාමී -පෙ- අනාගාමී -පෙ- අරහත්තඵලං අසඞ්ඛතං, නිබ්බානං අසඞ්ඛතන්ති.
ප. පටිඤ්ඤා: ආමන්තා.
ස. අනු: පඤ්ච අසඞ්ඛතානී’ති.
ප. පටි: න හෙවං වත්තබ්බෙ -පෙ-
11. ස. පු: අසඞ්ඛතානී’ති.
ප. පටිඤ්ඤා: ආමන්තා.
ස. අනු: පඤ්ච තාණානි -පෙ- අන්තරිකා වා’ති.
ප. පටි: න හෙවං වත්තබ්බෙ -පෙ-
සාමඤ්ඤඵල කථා නිට්ඨිතා.
19. 4.
පත්ති කථා.
1. ස. පු: පත්ති අසඞ්ඛතා’ති.
ප. පටිඤ්ඤා: ආමන්තා.
ස. අනු: තාණං ලෙණං සරණං පරායනං අච්චුතං අමතන්ති.
ප. පටි: න හෙවං වත්තබ්බෙ -පෙ-
2. ස. පු: පත්ති අසඞ්ඛතා, නිබ්බානං අසඞ්ඛතන්ති.
ප. පටිඤ්ඤා: ආමන්තා.
ස. අනු: ද්වෙ අසඞ්ඛතානී’ති.
ප. පටි: න හෙවං වත්තබ්බෙ -පෙ-
3. ස. පු: ද්වෙ අසඞ්ඛතානී’ති.
ප. පටිඤ්ඤා: ආමන්තා.
ස. අනු: ද්වෙ තාණානි -පෙ- [ද්වෙ] අන්තරිකා වා’ති.
ප. පටි: න හෙවං වත්තබ්බෙ -පෙ-
4. ස. පු: චීවරස්ස පත්ති අසඞ්ඛතා’ති.
ප. පටිඤ්ඤා: ආමන්තා.
ස. අනු: නිබ්බානං -පෙ- අමතන්ති.
ප. පටි: න හෙවං වත්තබ්බෙ -පෙ-
5. ස. පු: චීවරස්ස වත්ති අසඞ්ඛතා, නිබ්බානං අසඞ්ඛතන්ති.
ප. පටිඤ්ඤා: ආමන්තා.
ස. අනු: ද්වෙ අසඞ්ඛතානී’ති.
ප. පටි: න හෙවං වත්තබ්බෙ -පෙ-
6. ස. පු: ද්වෙ අසඞ්ඛතානී’ති.
ප. පටිඤ්ඤා: ආමන්තා.
ස. අනු: ද්වෙ තාණානි, -පෙ- [ද්වෙ] අන්තරිකා වා’ති.
ප. පටි: න හෙවං වත්තබ්බෙ -පෙ-
7. ස. පු: පිණ්ඩපාතස්ස -පෙ- සෙනාසනස්ස -පෙ- ගිලානපච්චයභෙසජ්ජපරික්ඛාරස්ස පත්ති අසඞ්ඛතා’ති.
ප. පටිඤ්ඤා: ආමන්තා.
ස. අනු: නිබ්බානං -පෙ- අච්චුතං අමතන්ති.
ප. පටි: න හෙවං වත්තබ්බෙ -පෙ-
8. ස. පු: ගිලානපච්චයභෙසජ්ජපරික්ඛාරස්ස පත්ති අසඞ්ඛතා, නිබ්බානං අසඞ්ඛතන්ති.
ප. පටිඤ්ඤා: ආමන්තා.
ස. අනු: ද්වෙ අසඞ්ඛතානී’ති.
ප. පටි: න හෙවං වත්තබ්බෙ -පෙ-
9. ස. පු: ද්වෙ අසඞ්ඛතානී’ති.
ප. පටිඤ්ඤා: ආමන්තා.
ස. අනු: ද්වෙ තාණානි -පෙ- [ද්වෙ] අන්තරිකා වා’ති.
ප. පටි: න හෙවං වත්තබ්බෙ -පෙ-
10. ස. පු: චීවරස්ස පත්ති අසඞ්ඛතා -පෙ- පිණ්ඩපාතස්ස -පෙ- සෙනාසනස්ස -පෙ- ගිලානපච්චයභෙසජ්ජපරික්ඛාරස්ස පත්ති අසඞ්ඛතා, නිබ්බානං අසඞ්ඛතන්ති.
ප. පටිඤ්ඤා: ආමන්තා.
ස. අනු: පඤ්ච අසඞ්ඛතානී’ති.
ප. පටි: න හෙවං වත්තබ්බෙ -පෙ-
11. ස. පු: පඤ්ච අසඞ්ඛතානී’ති.
ප. පටිඤ්ඤා: ආමන්තා.
ස. අනු: පඤ්ච තාණානි -පෙ- [පඤ්ච] අන්තරිකා වා’ති.
ප. පටි: න හෙවං වත්තබ්බෙ -පෙ-
12. ස. පු: පඨමස්ස ඣානස්ස පත්ති අසඞ්ඛතා [එවං සබ්බං විත්ථාරෙතබ්බං], දුතියස්ස ඣානස්ස -පෙ- තතියස්ස ඣානස්ස -පෙ- චතුත්ථස්ස ඣානස්ස -පෙ- ආකාසානඤ්චායතනස්ස -පෙ- විඤ්ඤාණඤ්චායතනස්ස -පෙ- ආකිඤ්චඤ්ඤායතනස්ස -පෙ- නෙවසඤ්ඤානාසඤ්ඤායතනස්ස -පෙ- සොතාපත්තිමග්ගස්ස -පෙ- සොතාපත්තිඵලස්ස -පෙ- සකදාගාමිමග්ගස්ස -පෙ- සකදාගාමිඵලස්ස -පෙ- අනාගාමිමග්ගස්ස -පෙ- අනාගාමිඵලස්ස -පෙ- අරහත්තමග්ගස්ස -පෙ- අරහත්තඵලස්ස පත්ති අසඞ්ඛතා’ති.
ප. පටිඤ්ඤා: ආමන්තා.
ස. අනු: නිබ්බානං -පෙ- අච්චුතං අමතන්ති.
ප. පටි: න හෙවං වත්තබ්බෙ -පෙ-
13. ස. පු: ද්වෙ අසඞ්ඛතානී’ති.
ප. පටිඤ්ඤා: ආමන්තා.
ස. අනු: ද්වෙ තාණානි -පෙ- (ද්වෙ) අන්තරිකා වා’ති.
ප. පටි: න හෙවං වත්තබ්බෙ -පෙ-
14. ස. පු: සොතාපත්තිමග්ගස්ස පත්ති අසඞ්ඛතා, සොතාපත්තිඵලස්ස පත්ති අසඞ්ඛතා -පෙ- අරහත්තමග්ගස්ස පත්ති අසඞ්ඛතා, අරහත්තඵලස්ස පත්ති අසඞ්ඛතා, නිබ්බානං අසඞ්ඛතන්ති.
ප. පටිඤ්ඤා: ආමන්තා.
ස. අනු: නව අසඞ්ඛතානී’ති.
ප. පටි: න හෙවං වත්තබ්බෙ -පෙ-
15. ස. පු: නව අසඞ්ඛතානී’ති.
ප. පටිඤ්ඤා: ආමන්තා.
ස. අනු: නව තාණානි -පෙ- [නව] අන්තරිකා වා’ති.
ප. පටි: න හෙවං වත්තබ්බෙ -පෙ-
16. ප. පු: න වත්තබ්බං පත්ති අසඞ්ඛතා’ති.
ස. පටිඤ්ඤා: ආමන්තා.
ප. අනු: පත්ති රූපං{1} වෙදනා සඤ්ඤා සඞ්ඛාරා විඤ්ඤාණන්ති.
ස. පටි: න හෙවං වත්තබ්බෙ -පෙ-
ප. පා: තෙන හි “පත්ති අසඞ්ඛතා”ති.
පත්ති කථා නිට්ඨිතා.
19. 5.
තථතා කථා.
1. ස. පු: සබ්බධම්මානං තථතා අසඞ්ඛතා’ති.
ප. පටි: ආමන්තා.
ස. අනු: නිබ්බානං තාණං ලෙණං සරණං පරායනං අච්චුතං අමතන්ති.