ස. ඨ: හඤ්චි සමාධි මනොවිඤ්ඤාණසමඞ්ගිස්ස, සොතවිඤ්ඤාණසමඞ්ගී සද්දං සුණාති,
ස. පා: නො ච වත රෙ වත්තබ්බෙ “සමාපන්නො සද්දං සුණාතී”ති.
4. ස. පු: සමාධි මනොවිඤ්ඤාණසමඞ්ගිස්ස, සොතවිඤ්ඤාණසමඞ්ගී සද්දං සුණාතී’ති.
ප. පටිඤ්ඤා: ආමන්තා.
ස. අනු: අද්වින්නං ඵස්සානං -පෙ- ද්වින්නං චිත්තානං සමොධානං හොතී’ති.
ප. පටි: න හෙවං වත්තබ්බෙ -පෙ-
5. ප. පු: න වත්තබ්බං සමාපන්නො සද්දං සුණාතී’ති.
ස. පටිඤ්ඤා: ආමන්තා.
ප. අනු: නනු පඨමස්ස ඣානස්ස සද්දො කණ්ටකො වුත්තො භගවතා’ති.
ස. පටිඤ්ඤා: ආමන්තා.
ප. ඨ: හඤ්චි පඨමස්ස ඣානස්ස සද්දො කණ්ටකො වුත්තො භගවතා,
ප. පා: තෙන වත රෙ වත්තබ්බෙ “සමාපන්නො සද්දං සුණාතී”ති.
6. ස. පු: “පඨමස්ස ඣානස්ස සද්දො කණ්ටකො වුත්තො භගවතා’ති. සමාපන්නො සද්දං සුණාතී”ති.
ප. පටිඤ්ඤා: ආමන්තා.
ස. අනු: දුතියස්ස ඣානස්ස විතක්කො විචාරො කණ්ටකො වුත්තො භගවතා, අත්ථි තස්ස විතක්කවිචාරා’ති.
ප. පටි: න හෙවං වත්තබ්බෙ -පෙ-
7. ස. පු: “පඨමස්ස ඣානස්ස සද්දො කණ්ටකො වුත්තො භගවතා’ති. සමාපන්නො සද්දං සුණාතී”ති.
ප. පටිඤ්ඤා: ආමන්තා.
ස. අනු: තතියස්ස ඣානස්ස පීති කණ්ටකො -පෙ- චතුත්ථස්ස ඣානස්ස අස්සාසපස්සාසා කණ්ටකො, ... ආකාසානඤ්චායතනං සමාපන්නස්ස රූපසඤ්ඤා කණ්ටකො ... විඤ්ඤාණඤ්චායතනං සමාපන්නස්ස ආකාසානඤ්චායතනසඤ්ඤා කණ්ටකො ... ආකිඤ්චඤ්ඤායතනං සමාපන්නස්ස විඤ්ඤාණඤ්චායතනසඤ්ඤා කණ්ටකො ... නෙවසඤ්ඤා නාසඤ්ඤායතනං සමාපන්නස්ස ආකිඤ්චඤ්ඤායතනසඤ්ඤා කණ්ටකො ... සඤ්ඤාවෙදයිතනිරොධං සමාපන්නස්ස සඤ්ඤා ච වෙදනා ච කණ්ටකො වුත්තො භගවතා, අත්ථි තස්ස සඤ්ඤා ච වෙදනා චා’ති.
ප. පටි: න හෙවං වත්තබ්බෙ -පෙ-
සමාපන්නො සද්දං සුණාතී’ති කථා නිට්ඨිතා.
18. 9.
චක්ඛුනා රූපං පස්සතීති කථා.
1. ස. පු: චක්ඛුනා රූපං පස්සතීති.
ප. පටිඤ්ඤා: ආමන්තා.
ස. අනු: රූපෙන රූපං පස්සතී’ති.
ප. පටි: න හෙවං වත්තබ්බෙ -පෙ-
2. ස. පු: රූපෙන රූපං පස්සතී’ති.
ප. පටිඤ්ඤා: ආමන්තා.
ස. අනු: රූපෙන රූපං පටිවිජානාතී’ති.
ප. පටි: න හෙවං වත්තබ්බෙ -පෙ-
3. ස. පු: රූපෙන රූපං පටිවිජානාතී’ති.
ප. පටිඤ්ඤා: ආමන්තා.
ස. අනු: රූපං මනොවිඤ්ඤාණන්ති.
ප. පටි: න හෙවං වත්තබ්බෙ -පෙ-
4. ස. පු: චක්ඛුනා රූපං පස්සතී’ති.
ප. පටිඤ්ඤා: ආමන්තා.
ස. අනු: අත්ථි චක්ඛුස්ස ආවට්ටනා -පෙ- පණිධී’ති.
ප. පටි: න හෙවං වත්තබ්බෙ -පෙ-
ස. අනු: නනු නත්ථි චක්ඛුස්ස ආවට්ටනා -පෙ- පණිධී’ති.
ප. පටිඤ්ඤා: ආමන්තා.
ස. ඨ: හඤ්චි නත්ථි චක්ඛුස්ස ආවට්ටනා -පෙ- පණිධි,
ස. පා: නො ච වත රෙ වත්තබ්බෙ “චක්ඛුනා රූපං පස්සතී”ති.
5. ස. පු: සොතෙන සද්දං සුණාතී’ති -පෙ- ඝානෙන ගන්ධං ඝායතී’ති -පෙ- ජිව්හාය රසං සායතී’ති -පෙ- කායෙන ඵොට්ඨබ්බං ඵුසති’ති.
ප. පටිඤ්ඤා: ආමන්තා.
ස. අනු: රූපෙන රූපං ඵුසතී’ති.
ප. පටි: න හෙවං වත්තබ්බෙ -පෙ-
6. ස. පු: රූපෙන රූපං ඵුසතී’ති.
ප. පටිඤ්ඤා: ආමන්තා.
ස. අනු: රූපෙන රූපං පටිවිජානාතී’ති.
ප. පටි: න හෙවං වත්තබ්බෙ -පෙ-
7. ස. පු: රූපෙන රූපං පටිවිජානාතී’ති.
ප. පටිඤ්ඤා: ආමන්තා.
ස. අනු: රූපං මනොවිඤ්ඤාණන්ති.
ප. පටි: න හෙවං වත්තබ්බෙ -පෙ-
8. ස. පු: කායෙන ඵොට්ඨබ්බං ඵුසති’ති.
ප. පටිඤ්ඤා ආමන්තා.
ස. අනු: අත්ථි කායස්ස ආවට්ටනා -පෙ- පණිධී’ති.
ප. පටි: න හෙවං වත්තබ්බෙ -පෙ-
ස. අනු: නනු නත්ථි කායස්ස ආවට්ටනා -පෙ- පණිධී’ති.
ප. පටිඤ්ඤා ආමන්තා.
ස. ඨ: හඤ්චි නත්ථි කායස්ස ආවට්ටනා -පෙ- පණිධි,
ස. පා: නො ච වත රෙ වත්තබ්බෙ “කායෙන ඵොට්ඨබ්බං ඵුසති”ති.
9. ප. පු: න වත්තබ්බං ‘චක්ඛුනා රූපං පස්සති -පෙ- කායෙන ඵොට්ඨබ්බං ඵුසති’ති.
ස. පටිඤ්ඤා: ආමන්තා.
ප. අනු: නනු වුත්තං භගවතා “ඉධ භික්ඛවෙ භික්ඛු චක්ඛුනා රූපං පස්සති -පෙ- කායෙන ඵොට්ඨබ්බං ඵුසතී’ති අත්ථෙ’ව සුත්තන්තො’ති.
ස. පටිඤ්ඤා: ආමන්තා.
ප. ආ: තෙන හි ‘චක්ඛුනා රූපං පස්සති -පෙ- කායෙන ඵොට්ඨබ්බං ඵුසතී’ති.
චක්ඛුනා රූපං පස්සතී’ති කථා නිට්ඨිතා.
අට්ඨාරසමො වග්ගො නිට්ඨිතො.
තස්ස උද්දානං.
බුද්ධො භගවා මනුස්සලොකෙ අට්ඨාසි, බුද්ධෙන භගවතා ධම්මො දෙසිතො, නත්ථි බුද්ධස්ස භගවතො කරුණා, බුද්ධස්ස භගවතො උච්චාරපස්සාවො අතිවිය අඤ්ඤෙ ගන්ධජාතෙ අධිගණ්හාති, එකෙන අරියමග්ගෙන චත්තාරි සාමඤ්ඤඵලානි සච්ඡිකරොති, ඣානා ඣානං සඞ්කමති, අත්ථි ඣානන්තරිකා, සමාපන්නො සද්දං සුණාති, චක්ඛුනා රූපං පස්සති -පෙ- කායෙන ඵොට්ඨබ්බං ඵුසති.
එකූනවීසතිමො වග්ගො.
19. 1.
කිලෙසජහන කථා.
1. ස. පු: අතීතෙ කිලෙසෙ ජහතී’ති.
ප. පටිඤ්ඤා: ආමන්තා.
ස. අනු: නිරුද්ධං නිරොධෙති, විගතං විගමෙති, ඛීණං ඛෙපෙති, අත්ථඞ්ගතං අත්ථඞ්ගමෙති, අබ්භත්ථඞ්ගතං අබ්භත්ථඞ්ගමෙතීති.
ප. පටි: න හෙවං වත්තබ්බෙ -පෙ-
2. ස. පු: අතීතෙ කිලෙසෙ ජහතී’ති.
ප. පටිඤ්ඤා: ආමන්තා.
ස. අනු: නනු අතීතං නිරුද්ධන්ති.
ප. පටිඤ්ඤා: ආමන්තා.
ස. ඨ: හඤ්චි අතීතං නිරුද්ධං.
ස. පා: නො ච වත රෙ වත්තබ්බෙ “අතීතෙ කිලෙසෙ ජහතී”ති.
3. ස. පු: අතීතෙ කිලෙසෙ ජහතී’ති.
ප. පටිඤ්ඤා: ආමන්තා.
ස. අනු: නනු අතීතං නත්ථි’ති.
ස. පටිඤ්ඤා: ආමන්තා.
ස. ඨ: හඤ්චි අතීතං නත්ථි,
ස. පා: නො ච වත රෙ වත්තබ්බෙ “අතීතෙ කිලෙසෙ ජහතී”ති.
4. ස. පු: අනාගතෙ කිලෙසෙ ජහතී’ති.
ප. පටිඤ්ඤා: ආමන්තා.
ස. අනු: අජාතං අජනෙති, අසඤ්ජාතං අසඤ්ජනෙති, අනිබ්බත්තං අනිබ්බත්තෙති, අපාතුභූතං අපාතුභාවෙතී’ති.
ප. පටි: න හෙවං වත්තබ්බෙ -පෙ-
5. ස. පු: අනාගතෙ කිලෙසෙ ජහතී’ති.
ප. පටිඤ්ඤා: ආමන්තා.
ස. අනු: නනු අනාගතං අජාතන්ති.
ප. පටිඤ්ඤා: ආමන්තා.
ස. ඨ: හඤ්චි අනාගතං අජාතං.