ස. අනු: චතුත්ථං ඣානං සුඛසහගතන්ති.
ප. පටි: න හෙවං වත්තබ්බෙ -පෙ-
16. ස. පු: තතියා ඣානා චතුත්ථං ඣානං සඞ්කමතී’ති.
ප. පටිඤ්ඤා: ආමන්තා.
ස. අනු: තඤ්ඤෙව තතියං ඣානං තං චතුත්ථං ඣානන්ති.
ප. පටි: න හෙවං වත්තබ්බෙ -පෙ-
17. ප. පු: න වත්තබ්බං “ඣානා ඣානං සඞ්කමතී’ති.
ස. පටිඤ්ඤා: ආමන්තා.
ප. අනු: නනු වුත්තං භගවතා “ඉධ භික්ඛවෙ භික්ඛු විවිච්චෙව කාමෙහි [පඨමං ඣානං] -පෙ- චතුත්ථං ඣානං උපසම්පජ්ජ විහරතී’ති. අත්ථෙව සුත්තන්තා’ති.
ස. පටිඤ්ඤා: ආමන්තා.
ප. පා: තෙන හි”ඣානා ඣානං සඞ්කමතී’ති.
ඣානසඞ්කන්ති කථා නිට්ඨිතා.
18. 7.
ඣාන්තරික කථා
1. ස. පු: අත්ථි ඣානන්තරිකා’ති.
ප. පටිඤ්ඤා: ආමන්තා.
ස. අනු: අත්ථි ඵස්සන්තරිකා -පෙ- අත්ථි සඤ්ඤන්තරිකා’ති.
ප. පටි: න හෙවං වත්තබ්බෙ -පෙ-
2. ස. පු: අත්ථි ඣානන්තරිකා’ති.
ප. පටිඤ්ඤා: ආමන්තා.
ස. අනු: දුතියස්ස ච ඣානස්ස තතියස්ස ච ඣානස්ස අන්තරෙ අත්ථි ඣානන්තරිකා’ති.
ප. පටි: න හෙවං වත්තබ්බෙ -පෙ-
3. ස. පු: අත්ථි ඣානන්තරිකා’ති.
ප. පටිඤ්ඤා: ආමන්තා.
ස. අනු: තතියස්ස ච ඣානස්ස චතුත්ථස්ස ච ඣානස්ස අන්තරෙ අත්ථි ඣානන්තරිකා’ති.
ප. පටි: න හෙවං වත්තබ්බෙ -පෙ-
4. ස. පු: දුතියස්ස ච ඣානස්ස තතියස්ස ච ඣානස්ස අන්තරෙ නත්ථි ඣානන්තරිකා’ති.
ප. පටිඤ්ඤා: ආමන්තා.
ස. ඨ: හඤ්චි දුතියස්ස ච ඣානස්ස තතියස්ස ච ඣානස්ස අන්තරෙ නත්ථි ඣානන්තරිකා,
ස. පා: නො ච වත රෙ වත්තබ්බෙ”අත්ථි ඣානන්තරිකා’ති.
5. ස. පු: තතියස්ස ච ඣානස්ස චතුත්ථස්ස ච ඣානස්ස අන්තරෙ නත්ථි ඣානන්තරිකා’ති.
ප. පටිඤ්ඤා: ආමන්තා.
ස. ඨ. හඤ්චි තතියස්ස ච ඣානස්ස චතුත්ථස්ස ච ඣානස්ස අන්තරෙ නත්ථි ඣානන්තරිකා,
ස. පා: නො ච වත රෙ වත්තබ්බෙ “අත්ථි ඣානන්තරිකා”ති.
6. ස. පු: පඨමස්ස ච ඣානස්ස දුතියස්ස ච ඣානස්ස අන්තරෙ අත්ථි ඣානන්තරිකා’ති.
ප. පටිඤ්ඤා: ආමන්තා.
ස. අනු: දුතියස්ස ච ඣානස්ස තතියස්ස ච ඣානස්ස අන්තරෙ අත්ථි ඣානන්තරිකා’ති.
ප. පටි: න හෙවං වත්තබ්බෙ -පෙ-
7. ස. පු: පඨමස්ස ච ඣානස්ස දුතියස්ස ච ඣානස්ස අන්තරෙ අත්ථි ඣානන්තරිකා’ති.
ප. පටිඤ්ඤා: ආමන්තා.
ස. අනු: තතියස්ස ච ඣානස්ස චතුත්ථස්ස ච ඣානස්ස අන්තරෙ අත්ථි ඣානන්තරිකා’ති.
ප. පටි: න හෙවං වත්තබ්බෙ -පෙ-
8. ස. පු: දුතියස්ස ච ඣානස්ස තතියස්ස ච ඣානස්ස අන්තරෙ නත්ථි ඣානන්තරිකා’ති.
ප. පටිඤ්ඤා: ආමන්තා.
ස. අනු: පඨමස්ස ච ඣානස්ස දුතියස්ස ච ඣානස්ස අන්තරෙ නත්ථි ඣානන්තරිකා’ති.
ප. පටි: න හෙවං වත්තබ්බෙ -පෙ-
9. ස. පු: තතියස්ස ච ඣානස්ස චතුත්ථස්ස ච ඣානස්ස අන්තරෙ නත්ථි ඣානන්තරිකා’ති.
ප. පටිඤ්ඤා: ආමන්තා.
ස. අනු: පඨමස්ස ච ඣානස්ස දුතියස්ස ච ඣානස්ස අන්තරෙ නත්ථි ඣානන්තරිකා’ති.
ප. පටි: න හෙවං වත්තබ්බෙ -පෙ-
10. ස. පු: අවිතක්කො විචාරමත්තො සමාධි ඣානන්තරිකා’ති.
ප. පටිඤ්ඤා: ආමන්තා.
ස. අනු: සවිතක්කො සවිචාරො සමාධි ඣානන්තරිකා’ති.
ප. පටි: න හෙවං වත්තබ්බෙ -පෙ-
11. ස. පු: අවිතක්කො විචාරමත්තො සමාධි ඣානන්තරිකා’ති.
ප. පටිඤ්ඤා: ආමන්තා.
ස. අනු: අවිතක්කො අවිචාරො සමාධි ඣානන්තරිකා’ති.
ප. පටි: න හෙවං වත්තබ්බෙ -පෙ-
12. ස. පු: සවිතක්කො සවිචාරො සමාධි න ඣානන්තරිකා’ති.
ප. පටිඤ්ඤා: ආමන්තා.
ස. අනු: අවිතක්කො විචාරමත්තො සමාධි න ඣානන්තරිකා’ති.
ප. පටි: න හෙවං වත්තබ්බෙ -පෙ-
13. ස. පු: අවිතක්කො අවිචාරො සමාධි න ඣානන්තරිකා’ති.
ප. පටිඤ්ඤා: ආමන්තා.
ස. අනු: අවිතක්කො විචාරමත්තො සමාධි න ඣානන්තරිකා’ති.
ප. පටි: න හෙවං වත්තබ්බෙ -පෙ-
14. ස. පු: ද්වින්නං ඣානානං පටුප්පන්නානං{1} අන්තරෙ අවිතක්කො විචාරමත්තො සමාධී’ති.
ප. පටිඤ්ඤා: ආමන්තා.
ස. අනු: නනු අවිතක්කෙ විචාරමත්තෙ සමාධිම්හි වත්තමානෙ පඨමං ඣානං නිරුද්ධං, දුතියං ඣානං පටුප්පන්නන්ති.{2}
ප. පටිඤ්ඤා: ආමන්තා.
ස. ඨ: හඤ්චි අවිතක්කෙ විචාරමත්තෙ සමාධිම්හි වත්තමානෙ පඨමං ඣානං නිරුද්ධං, දුතියං ඣානං පටුප්පන්නං,{2}
ස. පා: නො ච වත රෙ වත්තබ්බෙ “ද්වින්නං ඣානානං පටුප්පන්නානං අන්තරෙ අවිතක්කො විචාරමත්තො සමාධි{3} ඣානන්තරිකා”ති.{4}
15. ප. පු: අවිතක්කො විචාරමත්තො සමාධි න ඣානන්තරිකා’ති.
ස. පටිඤ්ඤා: ආමන්තා.
ප. අනු: අවිතක්කො විචාරමත්තො සමාධි පඨමං ඣානං -පෙ- දුතියං ඣානං -පෙ- තතියං ඣානං -පෙ- චතුත්ථං ඣානන්ති.
ස. පටි: න හෙවං වත්තබ්බෙ -පෙ-
ප. ආ: තෙන හි “අවිතක්කො විචාරමත්තො සමාධි ඣානන්තරිකා”ති.
16. ස. පු: අවිතක්කො විචාරමත්තො සමාධි ඣානන්තරිකා’ති.
ප. පටිඤ්ඤා: ආමන්තා.
ස. අනු: නනු තයො සමාධි වුත්තා භගවතා “සවිකක්කො සවිචාරො සමාධි, අවිතක්කො විචාරමත්තො සමාධි, අවිතක්කො අවිචාරො සමාධීති.
ප. පටිඤ්ඤා: ආමන්තා.
ස. ඨ: හඤ්චි තයො සමාධී වුත්තා භගවතා සවිතක්කො -පෙ- [විචාරමත්තො -පෙ-] අවිචාරො සමාධි,
ස. පා: නෙ ච වත රෙ වත්තබ්බෙ “අවිතක්කො විචාරමත්තො සමාධි ඣානන්තරිකා”ති.
ඣානන්තරික කථා නිට්ඨිතා.
18. 8.
සමාපන්නො සද්දං සුණාතීති කථා.
1. ස. පු: සමාපන්නො සද්දං සුණාතී’ති.
ප. පටිඤ්ඤා: ආමන්තා.
ස. අනු: සමාපන්නො චක්ඛුනා රූපං පස්සති -පෙ- සොතෙන -පෙ- ඝානෙන -පෙ- ජිව්හාය -පෙ- කායෙන ඵොට්ඨබ්බං ඵුසති’ති.
ප. පටි: න හෙවං වත්තබ්බෙ -පෙ-
2. ස. පු: සමාපන්නො සද්දං සුණාතී’ති.
ප. පටිඤ්ඤා: ආමන්තා.
ස. අනු: සොතවිඤ්ඤාණසමඞ්ගී සමාපන්නො’ති.
ප. පටි: න හෙවං වත්තබ්බෙ -පෙ-
ස. අනු: නනු සමාධි මනොවිඤ්ඤාණසමඞ්ගිස්සා’ති.
ප. පටිඤ්ඤා: ආමන්තා.
ස. ඨ: හඤ්චි සමාධි මනොවිඤ්ඤාණසමඞ්ගිස්ස.
ස. පා: නො ච වත රෙ වත්තබ්බෙ “සමාපන්නො සද්දං සුණාතී”ති.
3. ස. පු: සමාධි මනොවිඤ්ඤාණසමඞ්ගිස්ස, සොතවිඤ්ඤාණසමඞ්ගී සද්දං සුණාති’ති.
ප. පටිඤ්ඤා: ආමන්තා.