ප. පටිඤ්ඤා: ආමන්තා.
ස. ඨ: හඤ්චි කාමරාගබ්යාපාදානං අනවසෙසප්පහානං අනාගාමිඵලං වුත්තං භගවතා.
ස. පා: නො ච වත රෙ වත්තබ්බෙ ‘අරහත්තමග්ගෙන අණුසහගතං කාමරාගං අණුසහගතං බ්යාපාදං ජහතී’ති.
6. ප. පු: න වත්තබ්බං එකෙන අරියමග්ගෙන චත්තාරි සාමඤ්ඤඵලානි සච්ඡිකරොතී’ති.
ස. පටිඤ්ඤා: ආමන්තා.
ප. අනු: භගවතා සොතාපත්තිමග්ගො භාවිතො’ති.
ස. පටිඤ්ඤා: ආමන්තා.
ප. අනු: භගවා සොතාපන්නො’ති.
ස. පටි: න හෙවං වත්තබ්බෙ -පෙ-
ප. අනු: භගවතා සකදාගාමු -පෙ- අනාගාමිමග්ගො භාවිතො’ති.
ස. පටිඤ්ඤා: ආමන්තා.
ප. අනු: භගවා අනාගාමී’ති.
ස. පටි: න හෙවං වත්තබ්බෙ -පෙ-
7. ස. පු: භගවා එකෙන අරියමග්ගෙන චත්තාරි සාමඤ්ඤඵලානි සච්ඡිකරොති, සාවකා චතූහි අරියමග්ගෙහි චත්තාරිසාමඤ්ඤඵලානි සච්ඡිකරොන්තී’ති.
ප. පටිඤ්ඤා: ආමන්තා.
ස. අනු: සාවකා බුද්ධස්ස භගවතො අදිට්ඨං දක්ඛන්ති{1} අනධිගතං අධිගච්ඡන්ති, අසච්ඡිකතං සච්ඡිකරොන්තී’ති.
ප. පටි: න හෙවං වත්තබ්බෙ -පෙ-
එකමග්ග කථා නිට්ඨිතා
18. 6.
ඣානසඞ්කන්ති කථා.
1. ස. පු: ඣානා ඣානං සඞ්කමතීති.
ප. පටිඤ්ඤා: ආමන්තා.
ස. අනු: පඨමා ඣානං තතියං ඣානං සඞ්කමතීති.
ප. පටි: න හෙවං වත්තබ්බෙ -පෙ-
2. ස. පු: ඣානා ඣානං සඞ්කමතී’ති.
ප. පටිඤ්ඤා: ආමන්තා.
ස. අනු: දුතියා ඣානං චතුත්ථං ඣානං සඞ්කමතී’ති.
ප. පටි: න හෙවං වත්තබ්බෙ -පෙ-
3. ස. පු: පඨමා ඣානා දුතියං ඣානං සඞ්කමතී’ති.
ප. පටිඤ්ඤා: ආමන්තා.
ස. අනු: යා පඨමස්ස ඣානස්ස උප්පාදාය ආවට්ටනා -පෙ- පණිධි, සා’ව දුතියස්ස ඣානස්ස උප්පාදාය ආවට්ටනා -පෙ- පණිධී’ති.
ප. පටි: න හෙවං වත්තබ්බෙ -පෙ-
4. ස. පු: පඨමා ඣානා දුතියං ඣානං සඞ්කමති,{1} න වත්තබ්බං “යා පඨමස්ස ඣානස්ස උප්පාදාය ආවට්ටනා -පෙ- පණිධි, සා’ව දුතියස්ස ඣානස්ස උප්පාදාය ආවට්ටනා -පෙ- පණිධී’ති.
ප. පටිඤ්ඤා: ආමන්තා.
ස. අනු: දුතියං ඣානං අනාවට්ටෙන්තස්ස උප්පජ්ජති -පෙ- අප්පණිදහන්තස්ස උප්පජ්ජතී’ති.
ප. පටි: න හෙවං වත්තබ්බෙ -පෙ-
ස. අනු: නනු දුතියං ඣානං ආවට්ටෙන්තස්ස උප්පජ්ජති -පෙ- පණිදහන්තස්ස උප්පජ්ජතී’ති.
ප. පටිඤ්ඤා: ආමන්තා.
ස. ඨ: හඤ්චි දුතියං ඣානං ආවට්ටෙන්තස්ස උප්පජ්ජති -පෙ- පණිදහන්තස්ස උප්පජ්ජති.
ස. පා: නො ච වත රෙ වත්තබ්බෙ “පඨමා ඣානා දුතියං ඣානං සඞ්කමතී’ති.
5. ස. පු: පඨමා ඣානා දුතියං ඣානං සඞ්කමතී’ති.
ප. පටිඤ්ඤා: ආමන්තා.
ස. අනු: පඨමං ඣානං කාමෙ ආදීනවතො මනසිකරොතො උප්පජ්ජතී’ති.
ප. පටිඤ්ඤා: ආමන්තා.
ස. අනු: දුතියං ඣානං කාමෙ ආදීනවතො මනසිකරොතො උප්පජ්ජතී’ති.
ප. පටි: න හෙවං වත්තබ්බෙ -පෙ-
6. ස. පු: පඨමං ඣානං සවිතක්කං සවිචාරන්ති.
ප. පටිඤ්ඤා ආමන්තා.
ස. අනු: දුතියං ඣානං සවිතක්කං සවිචාරන්ති.
ප. පටි: න හෙවං වත්තබ්බෙ -පෙ-
ස. අනු: පඨමා ඣානා දුතියං ඣානං සඞ්කමතී’ති.
ප. පටිඤ්ඤා: ආමන්තා.
ස. අනු: තඤ්ඤෙව පඨමං ඣානං තං දුතියං ඣානන්ති.
ප. පටි: න හෙවං වත්තබ්බෙ -පෙ-
7. ස. පු: දුතියා ඣානා තතියං ඣානං සඞ්කමතී’ති.
ප. පටිඤ්ඤා: ආමන්තා.
ස. අනු: යා දුතියස්ස ඣානස්ස උප්පාදාය ආවට්ටනා{1} -පෙ- පණිධි, සා’ව තතියස්ස ඣානස්ස උප්පාදාය ආවට්ටනා -පෙ- පණිධී’ති.
ප. පටි: න හෙවං වත්තබ්බෙ -පෙ-
8. ස. පු: දුතියා ඣානා තතියං ඣානං සඞ්කමති,{1} න වත්තබ්බං “යා දුතියස්ස ඣානස්ස උප්පාදාය ආවට්ටනා -පෙ- පණිධි, සා’ව තතියස්ස ඣානස්ස උප්පාදාය ආවට්ටනා -පෙ- පණිධී’ති.
ප. පටිඤ්ඤා: ආමන්තා.
ස. අනු: තතියං ඣානං අනාවට්ටෙන්තස්ස{2} උප්පජ්ජති -පෙ- අප්පණිදහන්තස්ස{3} උප්පජ්ජතී’ති.
ප. පටි: න හෙවං වත්තබ්බෙ -පෙ-
ස. අනු: නනු තතියං ඣානං ආවට්ටෙන්තස්ස උප්පජ්ජති -පෙ- පණිදහන්තස්ස උප්පජ්ජතී’ති.
ප. පටිඤ්ඤා: ආමන්තා.
ස. ඨ. හඤ්චි තතියං ඣානං ආවට්ටෙන්තස්ස උප්පජ්ජති -පෙ- පණිදහන්තස්ස උප්පජ්ජති.
ස. පා: නො ච වත රෙ වත්තබ්බෙ දුතියා ඣානා තතියං ඣානං සඞ්කමතී’ති.
9. ස. පු: දුතියා ඣානා තතියං ඣානං සඞ්කමතී’ති.
ප. පටිඤ්ඤා: ආමන්තා.
ස. අනු: දුතියං ඣානං විතක්කවිචාරෙ ආදීනවතො මනසිකරොතො උප්පජ්ජතී’ති.
ප. පටිඤ්ඤා: ආමන්තා.
ස. අනු: තතියං ඣානං විතක්කවිචාරෙ ආදීනවතො මනසිකරොතො උප්පජ්ජතී’ති.
ප. පටි: න හෙවං වත්තබ්බෙ -පෙ-
10. ස. පු: දුතියං ඣානං සප්පීතිකන්ති.
ප. පටිඤ්ඤා: ආමන්තා.
ස. අනු: තතියං ඣානං සප්පීතිකන්ති.
ප. පටි: න හෙවං වත්තබ්බෙ -පෙ-
11. ස. පු: දුතියා ඣානා තතියං ඣානං සඞ්කමතීති.
ප. පටිඤ්ඤා: ආමන්තා.
ස. අනු: තඤ්ඤෙව දුතියං ඣානං තං තතියං ඣානන්ති
ප. පටි: න හෙවං වත්තබ්බෙ -පෙ-
12. ස. පු: තතියා ඣානා චතුත්ථං ඣානං සඞ්කමතී’ති
ප. පටිඤ්ඤා: ආමන්තා.
ස. අනු: යා තතියස්ස ඣානස්ස උප්පාදාය ආවට්ටනා -පෙ- පණිධි, සා’ව චතුත්ථස්ස ඣානස්ස උප්පාදාය ආවට්ටනා -පෙ- පණිධීති.
ප. පටි: න හෙවං වත්තබ්බෙ -පෙ-
13. ස. පු: තතියා ඣානා චතුත්ථං ඣානං සඞ්කමති, න වත්තබ්බං “යා තතියස්ස ඣානස්ස උප්පාදාය ආවට්ටනා -පෙ- පණිධි, සා’ව චතුත්ථස්ස ඣානස්ස උප්පාදාය ආවට්ටනා -පෙ- පණිධී’ති.
ප. පටිඤ්ඤා: ආමන්තා.
ස. අනු: චතුත්ථං ඣානං අනාවට්ටෙන්තස්ස උප්පජ්ජති -පෙ- අප්පණිදහන්තස්ස උප්පජ්ජතී’ති.
ප. පටි: න හෙවං වත්තබ්බෙ -පෙ-
ස. අනු: නනු චතුත්ථං ඣානං ආවට්ටෙන්තස්ස උප්පජ්ජති -පෙ- පණිදහන්තස්ස උප්පජ්ජතී’ති.
ප. පටිඤ්ඤා: ආමන්තා.
ස. ඨ: හඤ්චි චතුත්ථං ඣානං ආවට්ටෙන්තස්ස උප්පජ්ජති -පෙ- පණිදහන්තස්ස උප්පජ්ජති.
ස. පා: නො ච වත රෙ වත්තබ්බෙ “තතියා ඣානා චතුත්ථං ඣානං සඞ්කමතී’ති.
14. ස. පු: තතියා ඣානා චතුථං ඣානං සඞ්කමතී’ති.
ප. පටිඤ්ඤා: ආමන්තා.
ස. අනු: තතියං ඣානං පීතිං ආදීනවතො මනසිකරොතො උප්පජ්ජතී’ති.
ප. පටිඤ්ඤා: ආමන්තා.
ස. අනු: චතුත්ථ ඣානං පීතිං ආදීනවතො මනසිකරොතො උප්පජ්ජතී’ති.
ප. පටි: න හෙවං වත්තබ්බෙ -පෙ-
15. ස. පු: තතියං ඣානං සුඛසහගතන්ති.
ප. පටිඤ්ඤා: ආමන්තා.