ප. පටි: න හෙවං වත්තබ්බෙ -පෙ-
3. ස. පු: න වත්තබ්බං “බුද්ධෙන භගවතා ධම්මො දෙසිතො”ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “සඞ්ඛිත්තෙන’පි කො අහං සාරිපුත්ත ධම්මං දෙසෙය්යං, විත්ථාරෙන’පි ඛො අහං සාරිපුත්ත ධම්මං දෙසෙය්යං, සංඛිත්තවිත්ථාරෙන’පි ඛො අහං සාරිපුත්ත ධම්මං දෙසෙය්යං. අඤ්ඤාතාරො ච දුල්ලභා”ති{a} අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. පා: තෙන හි “බුද්ධෙන භගවතා ධම්මො දෙසිතො”ති.
4. ස. පු: න වත්තබ්බං “බුද්ධෙන භගවතා ධම්මො දෙසිතො”ති.
ප. පටිඤ්ඤා ආමන්තා.
ස. අනු: නනු වුත්තං භගවතා “අභිඤ්ඤායාහං භික්ඛවෙ ධම්මං දෙසෙමි නො අනභිඤ්ඤාය. සනිදානාහං භික්ඛවෙ ධම්මං දෙසෙමි නො අනිදානං. සප්පටිහාරියං. තස්ස{1} මය්හං භික්ඛවෙ අභිඤ්ඤාය ධම්මං දෙසයතො නො අනභිඤ්ඤාය, සනිදානං ධම්මං දෙසයතො නො අනිදානං, සප්පටිහාරියං ධම්මං දෙසයතො නො අප්පාටිහාරියං, කරණීයො ඔවාදො, කරණීයා අනුසාසනී, අලඤ්ච පන වො භික්ඛවෙ තුට්ඨියා, අලං අත්තමනතාය, අලං සොමනස්සාය, ‘සම්මාසම්බුද්ධො භගවා, ස්වාක්ඛාතො{2} ධම්මො, සුපටිපන්නො{3} සඞ්ඝො”ති. ඉමස්මිඤ්ච පන වෙය්යාකරණස්මිං භඤ්ඤමානෙ දසසහස්සීලොකධාතු අකම්පිත්ථා’ති.{a} අත්ථෙව සුත්තන්තො’ති.
ප. පටිඤ්ඤා: ආමන්තා.
ස. පා: තෙන හි “බුද්ධෙන භගවතා ධම්මො දෙසිතො”ති.
ධම්මදෙසනාකථා නිට්ඨිතා.
18. 3.
කරුණා කථා.
1. ස. පු: නත්ථි “බුද්ධස්ස භගවතො කරුණා”ති.
ප. පටිඤ්ඤා: ආමන්තා.
ස. අනු: නත්ථි “බුද්ධස්ස භගවතො මෙත්තා”ති.
ප. පටි: න හෙවං වත්තබ්බෙ -පෙ-
2. ස. පු: නත්ථි “බුද්ධස්ස භගවතො කරුණා”ති.
ප. පටිඤ්ඤා: ආමන්තා.
ස. අනු: නත්ථි බුද්ධස්ස භගවතො මුදිතා -පෙ- උපෙක්ඛා’ති.
ප. පටි: න හෙවං වත්තබ්බෙ -පෙ-
3. ස. පු: අත්ථි බුද්ධස්ස භගවතො මෙත්තා’ති.
ප. පටිඤ්ඤා: ආමන්තා.
ස. අනු: අත්ථි බුද්ධස්ස භගවතො කරුණාති.
ප. පටි: න හෙවං වත්තබ්බෙ -පෙ-
4. ස. පු: අත්ථි බුද්ධස්ස භගවතො මුදිතා -පෙ- උපෙක්ඛා’ති.
ප. පටිඤ්ඤා: ආමන්තා.
ස. අනු: අත්ථි බුද්ධස්ස භගවතො කරුණා’ති.
ප. පටි: න හෙවං වත්තබ්බෙ -පෙ-
5. ස. පු: නත්ථි බුද්ධස්ස භගවතො කරුණා’ති.
ප. පටිඤ්ඤා: ආමන්තා.
ස. අනු: “භගවා අකාරුණිකො’ති.
ප. පටි: න හෙවං වත්තබ්බෙ -පෙ-
ස. අනු: නනු භගවා කාරුණිකො ලොකහිතො ලොකානුකම්පකො ලොකත්ථචරො’ති.
ප. පටිඤ්ඤා: ආමන්තා.
ස. ඨ: හඤ්චි භගවා කාරුණිකො ලොකහිතො ලොකානුකම්පකො ලොකත්ථචරො,
ස. පා: නො ච වත රෙ වත්තබ්බෙ ‘නත්ථි බුද්ධස්ස භගවතො කරුණා’ති
6. ස. පු: නත්ථි බුද්ධස්ස භගවතො කරුණා’ති.
ප. පටිඤ්ඤා: ආමන්තා.
ස. අනු: නනු භගවා මහාකරුණාසමාපත්තිං සමාපජ්ජී’ති.
ප. පටිඤ්ඤා: ආමන්තා.
ස. ඨ: හඤ්චි භගවා මහාකරුණාසමාපත්තිං සමාපජ්ජි,
ස. පා: නො ච වත රෙ වත්තබ්බෙ, ‘නත්ථි බුද්ධස්ස භගවතො කරුණා’ති.
7. ප. පු: අත්ථි බුද්ධස්ස භගවතො කරුණා’ති.
ස. පටිඤ්ඤා: ආමන්තා.
ප. අනු: භගවා සරාගො’ති.
ස. පටි: න හෙවං වත්තබ්බෙ -පෙ-
ප. පා: තෙන හි ‘නත්ථි බුද්ධස්ස භගවතො කරුණා’ති.
කරුණාකථා නිට්ඨිතා.
18. 4.
ගන්ධජාතකථා.
1. ස. පු: බුද්ධස්ස භගවතො උච්චාරපස්සාවො අතිවිය අඤ්ඤෙ ගන්ධජාතෙ අධිගණ්හාතී’ති{1}.
ප. පටිඤ්ඤා: ආමන්තා.
ස. අනු: භගවා ගන්ධභොජී’ති.
ප. පටි: න හෙවං වත්තබ්බෙ -පෙ-
ස. අනු: නනු භගවා ඔදනකුම්මාසං භුඤ්ජතී’ති.
ප. පටිඤ්ඤා: ආමන්තා.
ස. ඨ: හඤ්චි භගවා ඔදනකුම්මාසං භුඤ්ජති,
ස. පා: නො ච වත රෙ වත්තබ්බෙ “බුද්ධස්ස භගවතො උච්චාරපස්සාවො අතිවිය අඤ්ඤො ගන්ධජාතෙ අධිගණ්හාතී’ති.
2. ස. පු: බුද්ධස්ස භගවතො උච්චාරපස්සාවො අතිවිය අඤ්ඤෙ ගන්ධජාතෙ අධිගණ්හාතී’ති.
ප. පටිඤ්ඤා: ආමන්තා.
ස. අනු: අත්ථි කෙචි බුද්ධස්ස භගවතො උච්චාරපස්සාවං නහායන්ති.{2} විලිම්පෙන්ති{3} උච්ඡාදෙන්ති.{4} පෙළාය පටිසාමෙන්ති. කරණ්ඩාය නික්ඛිපෙන්ති.{5} ආපණෙ පසාරෙන්ති.{6} තෙන ච ගන්ධෙන ගන්ධකරණීයං කරොන්තී’ති.
ප. පටි: න හෙවං වත්තබ්බෙ -පෙ-
ගන්ධජාත කථා නිට්ඨිතා.
18. 5.
එකමග්ග කථා
1. ස. පු: එකෙන අරියමග්ගෙන චත්තාරි සාමඤ්ඤඵලානි සච්ඡිකරොතී’ති.
ප. පටිඤ්ඤා: ආමන්තා.
ස. අනු: චතුන්නං ඵස්සානං -පෙ- චතුන්නං සඤ්ඤානං සමොධානං හොතී’ති.
ප. පටි: න හෙවං වත්තබ්බෙ -පෙ-
2. ස. පු: එකෙන අරියමග්ගෙන චත්තාරි සාමඤ්ඤඵලානි සච්ඡිකරොතී’ති.
ප. පටිඤ්ඤා: ආමන්තා.
ස. අනු: සොතාපත්තිමග්ගෙනාති.{1}
ප. පටි: න හෙවං වත්තබ්බෙ -පෙ-
ස. අනු: සකදාගාමි -පෙ- අනාගාමිමග්ගෙනාති.
ප. පටි: න හෙවං වත්තබ්බෙ -පෙ-
ස. පු: කතමෙන මග්ගෙනාති.
ප. වි: අරහත්තමග්ගෙනා’ති.
ස. අනු: අරහත්තමග්ගෙන සක්කායදිට්ඨිං විචිකිච්ඡං සීලබ්බතපරාමාසං ජහතී’ති.
ප. පටි: න හෙවං වත්තබ්බෙ -පෙ-
3. ස. පු: අරහත්තමග්ගෙන සක්කායදිට්ඨිං විචිකිච්ඡං සීලබ්බතපරාමාසං ජහතී’ති.
ප. පටිඤ්ඤා: ආමන්තා.
ස. අනු: නනු තිණ්ණං සඤ්ඤොජනානං පහානං සොතාපත්තිඵලං වුත්තං භගවතා’ති.
ප. පටි: ආමන්තා.
ස. ඨ: හඤ්චි තිණ්ණං සඤ්ඤොජනානං පහානං සොතාපත්තිඵලං වුත්තං භගවතා,
ස. පා: නො ච වත රෙ වත්තබ්බෙ අරහත්තමග්ගෙන සක්කායදිට්ඨිං විචිකිච්ඡං සීලබ්බතපරාමාසං ජහතීති.
4. ස. පු: අරහත්තමග්ගෙන ඔළාරිකං කාමරාගං ඔළාරිකං බ්යාපාදං ජහතී’ති.
ප. පටි: න හෙවං වත්තබ්බෙ -පෙ-
ස. පු: අරහත්තමග්ගෙන ඔළාරිකං කාමරාගං ඔළාරිකං බ්යාපාදං ජහතී’ති.
ප. පටිඤ්ඤා: ආමන්තා.
ස. අනු: නනු කාමරාගබ්යාපාදානං තනුභාවං සකදාගාමිඵලං වුත්තං භගවතා’ති.
ප. පටිඤ්ඤා: ආමන්තා.
ස. ඨ: හඤ්චි කාමරාගබ්යාපාදානං තනුභාවං සකදාගාමිඵලං වුත්තං භගවතා.
ස. පා: නො ච වත රෙ වත්තබ්බෙ ‘අරහත්තමග්ගෙන ඔළාරිකං කාමරාගං ඔළාරිකං බ්යාපාදං ජහතී’ති.
5. ස. පු: අරහත්තමග්ගෙන අණුසහගතං කාමරාගං අණුසහගතං බ්යාපාදං ජහතී’ති.
ප. පටි: න හෙවං වත්තබ්බෙ -පෙ-
ස. අනු: අරහත්තමග්ගෙන අණුසහගතං කාමරාගං අණුසහගතං බ්යාපාදං ජහතී’ති.
ප. පටිඤ්ඤා: ආමන්තා.
ස. අනු: නනු කාමරාගබ්යාපාදානං අනවසෙසප්පහානං අනාගාමිඵලං වුත්තං භගවතා’ති.