න වත්තබ්බං සඞ්ඝස්ස දින්නං මහප්ඵලන්ති කථා නිට්ඨිතා.
17. 10.
න වත්තබ්බං බුද්ධස්ස දින්නං මහප්ඵලන්ති කථා.
1. ස. පු: න වත්තබ්බං බුද්ධස්ස දින්නං මහප්ඵලන්ති.
ප. පටිඤ්ඤා: ආමන්තා.
ස. අනු: නනු භගවා ද්විපදානං{1}. අග්ගො, ද්විපදානං සෙට්ඨො, ද්විපදානං පමොක්ඛො, ද්විපදානං උත්තමො, ද්විපාදානං පරරො, අසමො අසමසමො අප්පටිසමො අප්පටිභාගො අප්පටිපුග්ගලො’ති.
ප. පටිඤ්ඤා: ආමන්තා.
ස. ඨ: හඤ්චි භගවා ද්විපදානං{1}. අග්ගො, ද්විපදානං සෙට්ඨො, ද්විපදානං පමොක්ඛො, ද්විපදානං උත්තමො, ද්විපදානං පවරො, අසමො අසමසමෙං අප්පටිසමො අප්පටිභාගො අප්පටිපුග්ගලො,
ස. පා: තෙන වත රෙ වත්තබ්බෙ “බුද්ධස්ස දින්නං මහප්ඵල”න්ති.
2. ස. පු: න වත්තබ්බං බුද්ධස්ස දින්නං මහප්ඵලන්ති.
ප. පටිඤ්ඤා: ආමන්තා.
ස. අනු: අත්ථි කොචි{2} බුද්ධෙන සමසමො සීලෙන සමාධිනා පඤ්ඤායා’ති.
ප. වි: නත්ථි.
ස. ඨ: හඤ්චි නත්ථි කොචි{2} බුද්ධෙන සමසමො සීලෙන සමාධිනා පඤ්ඤාය,
ස. පා: තෙන වන රෙ වත්තබ්බෙ “බුද්ධස්ස දින්නං මහප්ඵල”න්ති.
3. ස. පු: න වත්තබ්බං’බුද්ධස්ස දින්නං මහප්ඵල’න්ති.
ප. පටිඤ්ඤා: ආමන්තා.
ස. අනු: නනු වුත්තං භගවතා:
“නයිමස්මිං ලොකෙ පරස්මිං වා පන{1} බුද්ධෙන සෙට්ඨො ච සමො ච විජ්ජති යමාහුනෙය්යානං අග්ගතං ගතො පුඤ්ඤත්ථිකානං විපුලඵලෙසින”න්ති.
අත්ථෙව සුත්තන්තොති.
ප. පටිඤ්ඤා: ආමන්තා.
ස. පා: තෙන හි “බුද්ධස්ස දින්නං මහප්ඵල”න්ති.
න වත්තබ්බං බුද්ධස්ස දින්නං මහප්ඵලන්ති කථා නිට්ඨිතා.
17. 11.
දක්ඛිණාවිසුද්ධි කථා.
1. ස. පු: දායකතො’ව දානං විසුජ්ඣති, නො පටිග්ගාහකතො’ති.
ප. පටිඤ්ඤා: ආමන්තා.
ස. අනු: නනු අත්ථි කෙචි පටිග්ගාහකා ආහුනෙය්යා පාහුනෙය්යා දක්ඛිණෙය්යා අඤ්ජලිකරණීයා අනුත්තරං පුඤ්ඤක්ඛෙත්තං ලොකස්සාති.
ප. පටිඤ්ඤා: ආමන්තා.
ස. ඨ: හඤ්චි අත්ථි කෙචි පටිග්ගාහකා ආහුනෙය්යා පාහුනෙය්යා දක්ඛිණෙය්යා අඤ්ජලිකරණීයා අනුත්තරං පුඤ්ඤක්ඛෙත්තං ලොකස්ස,
ස. පා: නො ච වත රෙ වත්තබ්බෙ “දායකතො’ව දානං විසුජ්ඣති, නො පටිග්ගාහකතො”ති.
2. ස. පු: දායකතො’ව දානං විසුජ්ඣති නො පටිග්ගාහකතො’ති.
ප. පටිඤ්ඤා: ආමන්තා.
ස. අනු: නනු චත්තාරො පුරිසයුගා අට්ඨපුරිසපුග්ගලා දක්ඛිණෙය්යා වුත්තා භගවතා’ති.
ප. පටිඤ්ඤා: ආමන්තා.
ස. ඨ: හඤ්චි චත්තාරො පුරිසයුගා අට්ඨපුරිසපුග්ගලා දක්ඛිණෙය්යා වුත්තා භගවතා,
ස. පා: නො ච වත රෙ වත්තබ්බෙ “දායකතො’ව දානං විසුජ්ඣති, නො පටිග්ගාහකතො”ති.
3. ස. පු: දායකතො’ව දානං විසුජ්ඣති, නො පටිග්ගාහකතො’ති.
ප. පටිඤ්ඤා: ආමන්තා.
ස. අනු: නනු අත්ථි කෙචි සොතාපන්නෙ දානං දත්වා දක්ඛිණං ආරාධෙන්තීති.
ප. පටිඤ්ඤා: ආමන්තා.
ස. ඨ: හඤ්චි අත්ථි කෙචි සොතාපන්නෙ දානං දත්වා දක්ඛිණං ආරාධෙන්ති.
ස. පා: නො ච වත රෙ වත්තබ්බෙ “දායකතො’ව දානං විසුජ්ඣති, නො පටිග්ගාහකතො”ති.
ස. අනු: නනු අත්ථි කෙචි සකදාගාමිස්ස -පෙ- අනාගාමිස්ස -පෙ- අරහතො දානං දත්වා දක්ඛිණං ආරාධෙන්තී’ති.
ප. පටිඤ්ඤා: ආමන්තා.
ස. ඨ: හඤ්චි අත්ථි කෙචි අරහතො දානං දත්වා දක්ඛිණං ආරාධෙන්ති,
ස. පා: නො ච වත රෙ වත්තබ්බෙ “දායකතො’ව දානං විසුජ්ඣති. නො පටිග්ගාහකතො”ති.
4. ප. පු: පටිග්ගාහකතො දානං විසුජ්ඣතීති.
ස. පටිඤ්ඤා: ආමන්තා.
ප. අනු: අඤ්ඤො අඤ්ඤස්ස කාරකො, පරකතං සුඛදුක්ඛං, අඤ්ඤො කරොති, අඤ්ඤො පටිසංවෙදෙතීති.
ස. පටි: න හෙවං වත්තබ්බෙ -පෙ-
ස. පු: දායකතො’ව දානං විසුජ්ඣති, නො පටිග්ගාහකතො’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා: “චතස්සො ඛො ඉමා ආනන්ද, දක්ඛිණාවිසුද්ධියො, කතමා චතස්සො: අත්ථානන්ද, දක්ඛිණා දායකතො විසුජ්ඣති නො පටිග්ගාහකතො. අත්ථානන්ද දක්ඛිණා පටිග්ගාහකතො විසුජ්ඣති නො දායකතො. අත්ථානන්ද දක්ඛිණා දායකතො චෙව විසුජ්ඣති පටිග්ගකතො ච. අත්ථානන්ද දක්ඛිණා නෙව දායකතො විසුජ්ඣති නො පටිග්ගාහකතො. ඉමා ඛො ආනන්ද, චතස්සො දක්ඛිණාවිසුද්ධියො”ති{a} අත්ථෙව සුත්තන්තොති.
ප. පටිඤ්ඤා: ආමන්තා.
ස. පා: තෙන හි න වත්තබ්බං “දායකතො’ව දානං විසුජ්ඣති නො පටිග්ගාහකතො”ති.
දක්ඛිණාවිසුද්ධිකථා නිට්ඨිතා.
සත්තරසමො වග්ගො නිට්ඨිතො.
තස්සුද්දානං:
“අත්ථි අරහතො පුඤ්ඤූපචයො, නත්ථි අරහතො අකාලමච්චු, සබ්බමිදං කම්මතො, ඉන්ද්රියබද්ධඤ්ඤෙව දුක්ඛං, ඨපෙත්වාරියමග්ගං අවසෙසා සඞ්ඛාරා දුක්ඛා, සඞ්ඝො දක්ඛිණං පතිගණ්හාති, සඞ්ඝො දක්ඛිණං විසොධෙති, සඞ්ඝො භුඤ්ජති පිවති ඛාදති සායති, සඞ්ඝස්ස දින්නං මහප්ඵලං, න වත්තබ්බං බුද්ධස්ස දින්නං මහප්ඵලං, අත්ථිදානං විසුද්ධියා”ති.
අට්ඨාරසමො වග්ගො.
18. 1.
මනුස්සලොක කථා.
1. ස. පු: න වත්තබ්බං බුද්ධො භගවා මනුස්සලොකෙ අට්ඨාසී’ති.
ප. පටිඤ්ඤා: ආමන්තා.
ස. අනු: නනු අත්ථි බුද්ධවුත්ථානි චෙතියානි ආරාමවිහාරගාමනිගමනගරානි රට්ඨානි ජනපදානී’ති.
ප. පටිඤ්ඤා: ආමන්තා.
ස. ඨ: හඤ්චි අත්ථි බුද්ධවුත්ථානි චෙතියානි ආරමවිහාරගාමනිගමනගරානි රට්ඨානි ජනපදානි,
ස. පා: තෙන වත රෙ වත්තබ්බෙ “බුද්ධො භගවා මනුස්සලොකෙ අට්ඨාසී”ති.
2. ස. පු: න වත්තබ්බං “බුද්ධො භගවා මනුස්සලොකෙ අට්ඨාසී”ති.
ප. පටිඤ්ඤා: ආමන්තා.
ස. අනු: නනු භගවා ලුම්බිනියා ජාතො, බොධියා මූලෙ අභිසම්බුද්ධො, බාරාණසියං භගවතා ධම්මචක්කං පවත්තිතං, චාපාලෙ චෙතියෙ ආයුසඞ්ඛාරො ඔස්සට්ඨො, කුසිනාරායං භගවා පරිනිබ්බුතො’ති.
ප. පටිඤ්ඤා: ආමන්තා.
ස. ඨ: හඤ්චි භගවා ලුම්බිනියා ජාතො -පෙ- කුසිනාරායං භගවා පරිනිබ්බුතො.
ස. පා: තෙන වත රෙ වත්තබ්බෙ “බුද්ධො භගවා මනුස්සලොකෙ අට්ඨාසී”ති.
3. ස. පු: න වත්තබ්බං “බුද්ධො භගවා මනුස්සලොකෙ අට්ඨාසී”ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “එකමිදාහං භික්ඛවෙ සමයං උක්කට්ඨායං විහරාමි සුභගවනෙ සාලරාජමූලෙ”ති{a} “එකමිදාහං භික්ඛවෙ සමයං උරුවෙලායං විහරාමි අජපාලෙ නිග්රොධෙ පඨමාභිසම්බුද්ධො”ති.{b} “එකමිදාහං භික්ඛවෙ සමයං රාජගහෙ විහරාමි වෙළුවනෙ කලන්දකනිවාපෙ”ති. “එකමිදාහං භික්ඛවෙ සමයං සාවත්ථියං විහරාමි ජෙතවනෙ අනාථපිණ්ඩිකස්ස ආරාමෙ”ති. “එකමිදාහං භික්ඛවෙ සමයං වෙසාලියං විහරාමි මහාවනෙ කූටාගාරසාලාය”න්ති අත්ථෙව සුත්තන්තො’ති.
ප. පටිඤ්ඤා: ආමන්තා.
ස. පා: තෙන හි බුද්ධො භගවා මනුස්සලොකෙ අට්ඨාසී’ති.
4. ප. පු: භගවා මනුස්සලොකො අට්ඨාසී’ති.
ස. පටිඤ්ඤා: ආමන්තා.
ප. අනු: නනු භගවා ලොකෙ ජාතො ලොකෙ සංවද්ධො{1} ලොකං අභිභුය්ය විහරති අනුපලිත්තො ලොකෙනා’ති.
ස. පටිඤ්ඤා: ආමන්තා.
ප. ඨ: හඤ්චි භගවා ලොකෙ ජාතො ලොකෙ සංවද්ධො{1} ලොකං අභිභුය්ය විහරති අනුපලිත්තො ලොකෙන,
ප. පා: නො ච වත රෙ වත්තබ්බෙ “බුද්ධො භගවා මනුස්සලොකෙ අට්ඨාසී”ති.
මනුස්සලොක කථා නිට්ඨිතා.
18. 2.
ධම්මදෙසනා කථා.
1. ස. පු: න වත්තබ්බං “බුද්ධෙන භගවතා ධම්මො දෙසිතො”ති.
ප. පටිඤ්ඤා: ආමන්තා.
ස. පු: කෙන දෙසිතො’ති.
ප. වි: අභිනිම්මිතෙන දෙසිතො’ති.
ස. අනු: අභිනිම්මිතො ජිනො සත්ථා සම්මාසම්බුද්ධො සබ්බඤ්ඤූ සබ්බදස්සාවී ධම්මස්සාමී ධම්මපටිසරණො’ති.
ප. පටි: න හෙවං වත්තබ්බෙ -පෙ-
2. ස. පු: න වත්තබ්බං “බුද්ධෙන භගවතා ධම්මො දෙසිතො”ති.
ප. පටිඤ්ඤා: ආමන්තා.
ස. පු: කෙන දෙසිතො’ති.
ප. වි: ආයස්මතා ආනන්දෙන දෙසිතො’ති.
ස. අනු: ආයස්මා ආනන්දො ජිනො සත්ථා සම්මාසම්බුද්ධො සබ්බඤ්ඤූ සබ්බදස්සාවී ධම්මස්සාමී ධම්මපටිසරණො”ති.