ප. පටිඤ්ඤා: ආමන්තා.
ස. ඨ: හඤ්චි අත්ථි කෙචි සඞ්ඝස්ස පානීයං දෙන්තී,
ස. පා: තෙන වත රෙ වත්තබ්බෙ: “සඞ්ඝො දක්ඛිණං පතිගණ්හාතී”ති.
4. ස. පු: න වත්තබ්බං සඞ්ඝො දක්ඛිණං පතිගණ්හාතීති.
ප. පටිඤ්ඤා: ආමන්තා.
ස. අනු: නනු වුත්තං භගවතා:
“ආහුතිං{1} ජාතවෙදොව මහාමෙඝංව මෙදිනී{2}. සඞ්ඝො සමාධිසම්පන්නො පතිගණ්හාති දක්ඛිණ”න්ති.
අත්ථෙව සුත්තන්තොති.
ප. පටිඤ්ඤා: ආමන්තා.
ස. පා: තෙන හි “සඞ්ඝො දක්ඛිණං පතිගණ්හාතී”ති.
5. ප. පු: සඞ්ඝො දක්ඛිණං පතිගණ්හාතීති.
ස. පටිඤ්ඤා: ආමන්තා.
ප. අනු: මග්ගො පටිගණ්හාති, ඵලං පටිගණ්හාතීති.
ස. පටි: න හෙවං වත්තබ්බෙ -පෙ-
න වත්තබ්බං සඞ්ඝො දක්ඛිණං පතිගණ්හාතීති කථා නිට්ඨිතා.
17. 7.
න වත්තබ්බං සඞ්ඝො දක්ඛිණං විසොධෙතීති කථා.
1. ස. පු: න වත්තබ්බං සඞ්ඝො දක්ඛිණං විසොධෙතීති.
ප. පටිඤ්ඤා: ආමන්තා.
ස. අනු: නනු සඞ්ඝො ආහුනෙය්යො පාහුනෙය්යො දක්ඛිණෙය්යො අඤ්ජලිකරණීයො අනුත්තරං පුඤ්ඤක්ඛෙත්තං ලොකස්සාති.
ස. පටිඤ්ඤා: ආමන්තා.
ස. ඨ: හඤ්චි සඞ්ඝො ආහුනෙය්යො -පෙ- අනුත්තරං පුඤ්ඤක්ඛෙත්තං ලොකස්ස,
ස. පා: තෙන වත රෙ වත්තබ්බෙ “සඞ්ඝො දක්ඛිණං විසොධෙතී”ති.
2. ස. පු: න වත්තබ්බං සඞ්ඝො දක්ඛිණං විසොධෙතීති.
ප. පටිඤ්ඤා: ආමන්තා.
ස. අනු: නනු චත්තාරො පුරිසයුගා අට්ඨපුරිසපුග්ගලා දක්ඛිණෙය්යා වුත්තා භගවතාති.
ප. පටිඤ්ඤා: ආමන්තා.
ස. ඨ: හඤ්චි චත්තාරො පුරිසයුගා අට්ඨපුරිසපුග්ගලා දක්ඛිණෙය්යා වුත්තා භගවතා,
ස. පා: තෙන වත රෙ වත්තබ්බෙ “සඞ්ඝො දක්ඛිණං විසොධෙතී”ති.
3. ස. පු: න වත්තබ්බං සඞ්ඝො දක්ඛිණං විසොධෙතී’ති.
ප. පටිඤ්ඤා: ආමන්තා.
ස. අනු: නනු අත්ථි කෙචි සඞ්ඝස්ස දානං දත්වා දක්ඛිණං ආරාධෙන්තී’ති.
ප. පටිඤ්ඤා: ආමන්තා.
ස. ඨ: හඤ්චි ‘අත්ථි කෙචි සඞ්ඝස්ස දානං දත්වා දක්ඛිණං ආරාධෙන්ති,
ස. පා: තෙන වත රෙ වත්තබ්බෙ “සඞ්ඝො දක්ඛිණං විසොධෙතී”ති.
ස. අනු: නනු අත්ථි කෙචි සඞ්ඝස්ස චීවරං දත්වා -පෙ- පිණ්ඩපාතං දත්වා -පෙ- සෙනාසනං දත්වා -පෙ- ගිලානපච්චයභෙසජ්ජපරික්ඛාරං දත්වා -පෙ- ඛාදනීයං දත්වා -පෙ- භොජනීයං දත්වා -පෙ- පානීයං දත්වා දක්ඛිණං ආරාධෙන්තීති.
ප. පටිඤ්ඤා: ආමන්තා.
ස. ඨ: හඤ්චි අත්ථි කෙචි සඞ්ඝස්ස පානීයං දත්වා දක්ඛිණං ආරාධෙන්ති,
ස. පා: තෙන වත රෙ වත්තබ්බෙ: “සඞ්ඝො දක්ඛිණං විසොධෙතී”ති.
4. ප. පු: සඞ්ඝො දක්ඛිණං විසොධෙතීති.
ස. පටිඤ්ඤා: ආමන්තා.
ප. අනු: මග්ගො විසොධෙති, ඵලං විසොධෙතීති.
ස. පටි: න හෙවං වත්තබ්බෙ -පෙ-
න වත්තබ්බං සඞ්ඝො දක්ඛිණං විසොධෙතීති කථා නිට්ඨිතා.
17. 8.
න වත්තබ්බං සඞ්ඝො භුඤ්ජතීති කථා.
1. ස. පු: න වත්තබ්බං ‘සඞ්ඝො භුඤ්ජති, පිවති, ඛාදති, සායතී’ති.
ප. පටිඤ්ඤා: ආමන්තා.
ස. අනු: නනු අත්ථි කෙචි සඞ්ඝභත්තානි කරොන්ති, උද්දෙසභත්තානි කරොන්ති, යාගුපානානි කරොන්තී’ති.
ප. පටිඤ්ඤා: ආමන්තා.
ස. ඨ: හඤ්චි අත්ථි කෙචි සඞ්ඝභත්තානි කරොන්ති, උද්දෙසභත්තානි කරොන්ති, යාගුපානානි කරොන්ති.
ස. පා: තෙන වත රෙ වත්තබ්බෙ “සඞ්ඝො භුඤ්ජති, පිවති, ඛාදති, සායතී’ති.
2. ස. පු: න වත්තබ්බං ‘සඞ්ඝො භුඤ්ජති, පිවති ඛාදති, සායතී’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “ගණභොජනං පරම්පරභොජනං අතිරිත්තභොජනං අනතිරිත්තභොජන”න්ති.
ප. පටිඤ්ඤා: ආමන්තා.
ස. ඨ: හඤ්චි වුත්තං භගවතා ගණභොජනං පරම්පරභොජනං අතිරිත්තභොජනං අනතිරිත්තභොජනං,
ස. පා: තෙන වත රෙ වත්තබ්බෙ “සඞ්ඝො භුඤ්ජති, පිවති, ඛාදති, සායතී”ති.
3. ස. පු: න වත්තබ්බං ‘සඞ්ඝො භුඤ්ජති, පිවති ඛාදති සායතී’ති.
ප. පටිඤ්ඤා: ආමන්තා.
ස. අනු: නනු අට්ඨපානානි වුත්තානි භගවතා: ‘අම්බපානං ජම්බුපානං චොචපානං මොචපානං මධුපානං මුද්දිකපානං සාලුකපානං ඵාරුසකපානන්ති.
ප. පටිඤ්ඤා: ආමන්තා.
ස. ඨ: හඤ්චි අට්ඨපානානි වුත්තානි භගවතා: ‘අම්බපානං ජම්බුපානං චොචපානං මොචපානං මධුපානං මුද්දිකපානං සාලුකපානං ඵාරුසකපානං,
ස. පා: තෙන වත රෙ වත්තබ්බෙ ‘සඞ්ඝො භුඤ්ජති පිවති ඛාදති සායතී’ති.
4. ස. පු: සඞ්ඝො භුඤ්ජති පිවති ඛාදති සායතී’ති.
ස. පටිඤ්ඤා: ආමන්තා.
ප. අනු: මග්ගො භුඤ්ජති පිවති ඛාදති සායති, ඵලං භුඤ්ජති පිවති ඛාදති සායතී’ති.
ස. පටි: න හෙවං වත්තබ්බෙ -පෙ-
න වත්තබ්බං සඞ්ඝො භුඤ්ජතීති කථා නිට්ඨිතා.
17. 9.
න වත්තබ්බං සඞ්ඝස්ස දින්නං මහප්ඵලන්ති කථා.
1. ස. පු: න වත්තබ්බං “සඞ්ඝස්ස දින්නං මහප්ඵල”න්ති.
ප. පටිඤ්ඤා: ආමන්තා.
ස. අනු: නනු සඞ්ඝො ආහුනෙය්යො පාහුනෙය්යො දක්ඛිණෙය්යො අඤ්ජලිකරණීයො අනුත්තරං පුඤ්ඤක්ඛෙත්තං ලොකස්සා’ති.
ප. පටිඤ්ඤා: ආමන්තා.
ස. ඨ: හඤ්චි සඞ්ඝො ආහුනෙය්යො -පෙ- අනුත්තරං පුඤ්ඤක්ඛෙත්තං ලොකස්ස,
ස. පා: තෙන වත රෙ වත්තබ්බෙ: “සඞ්ඝස්ස දින්නං මහප්ඵල”න්ති.
2. ස. පු: න වත්තබ්බං ‘සඞ්ඝස්ස දින්නං මහප්ඵල’න්ති.
ප. පටිඤ්ඤා: ආමන්තා.
ස. අනු: නනු චත්තාරො පුරිසයුගා අට්ඨපුරිසපුග්ගලා දක්ඛිණෙය්යා වුත්තා භගවතා’ති.
ප. පටිඤ්ඤා: ආමන්තා.
ස. ඨ: හඤ්චි චත්තාරො පුරිසයුගා අට්ඨපුරිසපුග්ගලා දක්ඛිණෙය්යා වුත්තා භගවතා,
ස. පා: තෙන වත රෙ වත්තබ්බෙ “සඞ්ඝස්ස දින්නං මහප්ඵල”න්ති.
3. ස. පු: න වත්තබ්බං ‘සඞ්ඝස්ස දින්නං මහප්ඵල’න්ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “සඞ්ඝෙ ගොතමි, දෙහි, සඞ්ඝෙ තෙ දින්නෙ අහඤ්චෙව පූජිතො භවිස්සාමි, සඞ්ඝො චා”ති.{a} අත්ථෙව සුත්තන්තො’ති.
ප. පටිඤ්ඤා: ආමන්තා.
ස. පා: තෙන හි සඞ්ඝස්ස දින්නං මහප්ඵල’න්ති.
4. ස. පු: න වත්තබ්බං සඞ්ඝස්ස දින්නං මහප්ඵලන්ති.
ප. පටිඤ්ඤා: ආමන්තා.
ස. අනු: නනු සක්කො දෙවානමින්දො භගවන්තං එතදවොච:
“යජමානානං{1} මනුස්සානං පුඤ්ඤපෙඛාන{2} පාණිනං තරොතං ඔපධිකං{3} පුඤ්ඤං කත්ථ දින්නං මහප්ඵලන්ති.
චත්තාරො ච පටිපන්නා චත්තාරො ච ඵලෙ ඨිතා එස සඞ්ඝො උජුභූතො පඤ්ඤාසීලසමාහිතො.
යජමානානං{1} මනුස්සානං පුඤ්ඤපෙඛාන{2} පාණිනං කරොතං ඔපධිකං{3} පුඤ්ඤං සඞ්ඝෙ දින්නං මහප්ඵලන්ති.{a}
එසො හි සඞ්ඝො විපුලො මහග්ගතො එසප්පමෙය්යො උදධීව සාගරො එතෙ හි සෙට්ඨා නරවීර සාවකා පභඞ්කරා ධම්මමුදීරයන්ති.{4}
තෙසං සුදින්නං සුහුතං සුයිට්ඨං යෙ සඞ්ඝමුද්දිස්ස දදන්ති දානං සා දක්ඛිණා සඞ්ඝගතා පතිට්ඨිතා මහප්ඵලා ලොකවිදූන{5} වණ්ණිතා.
එතාදිසං යඤ්ඤමනුස්සරන්තා යෙ වෙදජාතා විහරන්ති ලොකෙ විනෙය්ය මච්ඡෙරමලං සමූලං{6} අනින්දිතා සග්ගමුපෙන්ති ඨාන”න්ති.
අත්ථෙව සුත්තන්තොති.
ප. පටිඤ්ඤා: ආමන්තා.
ස. පා: තෙන හි සඞ්ඝස්ස දින්නං මහප්ඵලන්ති.