ස. පටිඤ්ඤා: ආමන්තා.
ප. අනු: නනු වුත්තං භගවතා:
“කම්මුනා වත්තති ලොකො කම්මුනා වත්තතී පජා, කම්මනිබන්ධනා සත්තා. රථස්සාණීව යායතො.{a}
කම්මෙන කිත්තිං ලභතෙ පසංසං කම්මෙන ජානිං ච වධං ච බන්ධා. තං කම්මනානාකරණං විදිත්වා කස්මා වදෙ නත්ථි කම්මන්ති ලොකොති”ති{a}
අත්ථෙව සුත්තන්තොති.
ස. පටිඤ්ඤා: ආමන්තා.
ප. පා: තෙන හි “සබ්බමිදං කම්මතො”ති.
සබ්බමිදං කම්මතොති කථා නිට්ඨිතා.
17. 4.
ඉන්ද්රියබද්ධකථා.
1. ස. පු: ඉන්ද්රියබද්ධඤ්ඤෙව දුක්ඛන්ති.
ප. පටිඤ්ඤා: ආමන්තා.
ස. අනු: ඉන්ද්රියබද්ධඤ්ඤෙව අනිච්චං සඞ්ඛතං පටිච්චසමුප්පන්නං ඛයධම්මං වයධම්මං විරාගධම්මං නිරොධධම්මං විපරිනාමධම්මන්ති.
ප. පටි: න හෙවං වත්තබ්බෙ -පෙ-
ස. අනු: නනු අනින්ද්රියබද්ධං අනිච්චං සඞ්ඛතං පටිච්ච සමුප්පන්නං ඛයධම්මං වයධම්මං විරාගධම්මං නිරොධධම්මං විපරිනාමධම්මන්ති.
ප. පටිඤ්ඤා: ආමන්තා.
ස. ඨ: හඤ්චි අනින්ද්රියබද්ධං අනිච්චං සඞ්ඛතං පටිච්චසමුප්පන්නං ඛයධම්මං වයධම්මං විරාගධධම්මං නිරොධධම්මං විපරිනාමධම්මං,
ස. පා: නො ච වත රෙ වත්තබ්බෙ: “ඉන්ද්රියබද්ධඤ්ඤෙව දුක්ඛ”න්ති.
2. ස. පු: ඉන්ද්රියබද්ධං අනිච්චං සඞ්ඛතං පටිච්චසමුප්පන්නං ඛයධම්මං වයධම්මං විරාගධම්මං නිරොධධම්මං විපරිනාමධම්මං, තඤ්ච න දුක්ඛන්ති.
ප. පටිඤ්ඤා: ආමන්තා.
ස. අනු: ඉන්ද්රියබද්ධං අනිච්චං සඞ්ඛතං -පෙ- විපරිනාමධම්මං තඤ්ච න දුක්ඛන්ති.
ප. පටි: න හෙවං වත්තබ්බෙ -පෙ-
3. ස. පු: ඉන්ද්රියබද්ධං අනිච්චං සඞ්ඛතං -පෙ- විපරිනාමධම්මං තඤ්ච දුක්ඛන්ති.
ප. පටිඤ්ඤා: ආමන්තා.
ස. අනු: අනින්ද්රියබද්ධං අනිච්චං සඞ්ඛතං -පෙ- විපරිනාමධම්මං, තඤ්ච දුක්ඛන්ති.
ප. පටි: න හෙව වත්තබ්බෙ -පෙ-
4. ස. පු: ඉන්ද්රියබද්ධඤ්ඤෙව දුක්ඛන්ති.
ප. පටිඤ්ඤා: ආමන්තා.
ස. අනු: නනු “යදනිච්චං තං දුක්ඛං” වුත්තං භගවතා, අනින්ද්රියබද්ධං අනිච්චන්ති.
ප. පටිඤ්ඤා: ආමන්තා.
ස. ඨ: හඤ්චි “යදනිච්චං තං දුක්ඛං” වුත්තං භගවතා, අනින්ද්රියබද්ධං අනිච්චං,
ස. පා: නො ච වත රෙ වත්තබ්බෙ: ඉන්ද්රියබද්ධඤ්ඤෙව දුක්ඛන්ති.
5. ප. පු: න වත්තබ්බං ඉන්ද්රියබද්ධඤ්ඤෙව දුක්ඛන්ති.
ස. පටිඤ්ඤා: ආමන්තා.
ප. අනු: යථා ඉන්ද්රියබද්ධස්ස දුක්ඛස්ස පරිඤ්ඤාය භගවති බ්රහ්මචරියං වුස්සති, එවමෙවං අනින්ද්රියබද්ධස්ස දුක්ඛස්ස පරිඤ්ඤාය භගවති බ්රහ්මචරියං වුස්සතී’ති.
ස. පටි: න හෙවං වත්තබ්බෙ -පෙ-
ප. අනු: යථා ඉන්ද්රියබද්ධං දුක්ඛං පරිඤ්ඤාතං න පුන උප්පජ්ජති, එවමෙවං අනින්ද්රියබද්ධං දුක්ඛං පරිඤ්ඤාතං න පුන උප්පජ්ජතී’ති.
ස. පටි: න හෙවං වත්තබ්බෙ -පෙ-
ප. පා: තෙන හි “ඉන්ද්රියබද්ධඤ්ඤෙව දුක්ඛ”න්ති.
ඉන්ද්රියපද්ධකථා නිට්ඨිතා.
17. 5.
ඨපෙත්වා අරියමග්ගන්ති කථා.
1. ස. පු: ඨපෙත්වා අරියමග්ගං අවසෙසා සඞ්ඛාරා දුක්ඛා’ති.
ප. පටිඤ්ඤා: ආමන්තා.
ස. අනු: දුක්ඛසමුදයොපි දුක්ඛො’ති.
ප. පටි: න හෙවං වත්තබ්බෙ -පෙ-
2. ස. පු: දුක්ඛසමුදයොපි දුක්ඛො’ති.
ප. පටිඤ්ඤා: ආමන්තා.
ස. අනු: තීණෙව අරියසච්චානී’ති.
ප. පටි: න හෙවං වත්තබ්බෙ -පෙ-
3. ස. පු: තීණෙව අරියසච්චානීති.
ප. පටිඤ්ඤා: ආමන්තා.
ස. අනු: නනු චත්තාරි අරියසච්චානි වුත්තානි භගවතා: “දුක්ඛං දුක්ඛසමුදයො දුක්ඛනිරොධො දුක්ඛනිරොධගාමිනී පටිපදා”ති.
ප. පටිඤ්ඤා: ආමන්තා.
ස. ඨ: හඤ්චි චත්තාරි අරියසච්චානි වුත්තානි භගවතා: දුක්ඛං දුක්ඛසමුදයො දුක්ඛනිරොධො දුක්ඛනිරොධගාමිනී පටිපදා,
ස. පා: නො ච වත රෙ වත්තබ්බෙ: “තීණෙව අරියසච්චානී”ති.
4. ස. පු: දුක්ඛසමුදයො’පි දුක්ඛො’ති.
ප. පටිඤ්ඤා: ආමන්තා.
ස. පු: කෙනට්ඨෙනාති.
ප. වි: අනිච්චට්ඨෙනාති.
ස. අනු: අරියමග්ගො අනිච්චො’ති.
ප. පටිඤ්ඤා: ආමන්තා.
ස. අනු: අරියමග්ගො දුක්ඛො’ති.
ප. පටි: න හෙවං වත්තබ්බෙ -පෙ-
5. ස. පු: අරියමග්ගො අනිච්චො, සො ච න දුක්ඛොති.
ප. පටිඤ්ඤා: ආමන්තා.
ස. අනු: දුක්ඛසමුදයො අනිච්චො, සො ච න දුක්ඛො’ති.
ප. පටි: න හෙවං වත්තබ්බෙ -පෙ-
6. ස. පු: දුක්ඛසමුදයො අනිච්චො, සො ච දුක්ඛො’ති.
ප. පටිඤ්ඤා: ආමන්තා.
ස. අනු: අරියමග්ගො අනිච්චො, සො ච දුක්ඛො’ති.
ප. පටි: න හෙවං වත්තබ්බෙ -පෙ-
7. ප. පු: න වත්තබ්බං ඨපෙත්වා අරියමග්ගං අවසෙසා සඞ්ඛාරා දුක්ඛා’ති
ස. පටිඤ්ඤා: ආමන්තා.
ප. අනු: නනු සා දුක්ඛනිරොධගාමිනී පටිපදාති.
ස. පටිඤ්ඤා: ආමන්තා.
ප. ඨ: හඤ්චි සා දුක්ඛනිරොධගාමිනී පටිපදා,
ප. පා: තෙන වත රෙ වත්තබ්බෙ: “ඨපෙත්වා අරියමග්ගං අවසෙසා සඞ්ඛාරා දුක්ඛා”ති.
ඨපෙත්වා අරියමග්ගන්ති කථා නිට්ඨිතා.
17. 6.
න වත්තබ්බං සඞ්ඝො දක්ඛිණං පතිගණ්හාතීති කථා.
1. ස. පු: න වත්තබ්බං සඞ්ඝො දක්ඛිණං පතිගණ්හාතීති.{1}
ප. පටිඤ්ඤා: ආමන්තා.
ස. අනු: නනු සඞ්ඝො ආහුනෙය්යො පාහුනෙය්යො දක්ඛිණෙය්යො අඤ්ජලිකරණීයො අනුත්තරං පුඤ්ඤක්ඛෙත්තං ලොකස්සා’ති.
ස. පටිඤ්ඤා: ආමන්තා.
ප. ඨ: හඤ්චි සඞ්ඝො ආහුනෙය්යො පාහුනෙය්යො දක්ඛිණෙය්යො අඤ්ජලිකරණීයො අනුත්තරං පුඤ්ඤක්ඛෙත්තං ලොකස්ස,
ප. පා: තෙන වත රෙ වත්තබ්බෙ: ‘සඞ්ඛො දක්ඛිණං පතිගණ්හාතීති{1}.
2. ස. පු: න වත්තබ්බං ‘සඞ්ඝො දක්ඛිණං පතිගණ්හාතී’ති.
ප. පටිඤ්ඤා: ආමන්තා.
ස. අනු: නනු චත්තාරො පුරිසයුගා අට්ඨපුරිසපුග්ගලා දක්ඛිණෙය්යා වුත්තා භගවතාති.
ප. පටිඤ්ඤා: ආමන්තා.
ස. ඨ: හඤ්චි චත්තාරො පුරිසයුගා අට්ඨපුරිසපුග්ගලා දක්ඛිණෙය්යා වුත්තා භගවතා.
ස. පා: තෙන වත රෙ වත්තබ්බෙ: “සඞ්ඝො දක්ඛිණං පතිගණ්හාතී”ති{1}.
3. ස. පු: න වත්තබ්බං ‘සඞ්ඝො දක්ඛිණං පතිගණ්හාතී’ති.
ප. පටිඤ්ඤා: ආමන්තා.
ස. අනු: නනු අත්ථි කෙචි සඞ්ඝස්ස දානං දෙන්තීති.
ප. පටිඤ්ඤා: ආමන්තා.
ස. ඨ: හඤ්චි අත්ථි කෙචි සඞ්ඝස්ස දක්ඛිණං දෙන්ති.
ස. පා: තෙන වත රෙ වත්තබ්බෙ: “සඞ්ඝො දක්ඛිණං පතිගණ්හාතී’ති.
ස. අනු: නනු අත්ථි කෙචි සඞ්ඝස්ස චීවරං දෙන්ති -පෙ- පිණ්ඩපාතං දෙන්ති -පෙ- සෙනාසනං දෙන්ති -පෙ- ගිලානපච්චයභෙසජ්ජපරික්ඛාරං දෙන්ති -පෙ- ඛාදනීයං දෙන්ති -පෙ- භොජනීයං දෙන්ති -පෙ- පානීයං දෙන්තී’ති.