3. ස. පු: අත්ථි අරහතො පුඤ්ඤූපචයො’ති.
ප. පටිඤ්ඤා: ආමන්තා.
ස. අනු: අරහා පුඤ්ඤාභිසඞ්ඛාරං අභිසඞ්ඛරොති, ආනෙඤ්ජාභිසඞ්ඛාරං අභිසඞ්ඛරොති, ගතිසංවත්තනිකං. කම්මං කරොති, භවසංවත්තනිකං{1} කම්මං කරොති, ඉස්සරියසංවත්තනිකං කම්මං කරොති, ආධිපච්ච{2} සංවත්තනිකං කම්මං කරොති, මහාභොගසංවත්තනිකං කම්මං කරොති, මහාපරිවාරසංවත්තනිකං කම්මං කරොති, දෙවසොභග්යසංවත්තනිකං කම්මං කරොති, මනුස්සසොභග්යසංවත්තනිකං කම්මං කරොතී’ති.
ප. පටි: න හෙවං වත්තබ්බෙ -පෙ-
4. ස. පු: අත්ථි අරහතො පුඤ්ඤූපචයො’ති.
ප. පටිඤ්ඤා: ආමන්තා.
ස. අනු: අරහා ආචිනාතීති.
ප. පටි: න හෙවං වත්තබ්බෙ -පෙ-
ස. අනු: අරහා අපචිනාතී’ති.
ප. පටි: න හෙවං වත්තබ්බෙ -පෙ-
ස. අනු: අරහා පජහතීති -පෙ- අරහා උපාදියතීති -පෙ- අරහා විසිනෙතීති -පෙ- අරහා උස්සිනෙතීති -පෙ- අරහා විධූපෙතීති -පෙ- අරහා සන්ධූපෙතීති.
ප. පටි: න හෙවං වත්තබ්බෙ -පෙ-
ස. අනු: නනු අරහා නෙවාචිනාති න අපචිනාති. අපචිනිත්වා ඨිතො’ති.
ප. පටිඤ්ඤා: ආමන්තා.
ස. ඨ: හඤ්චි අරහා නෙවාචිනාති නාපචිනාති, අපචිනිත්වා ඨිතො.
ස. පා: නො ච වත රෙ වත්තබ්බෙ “අත්ථි අරහතො පුඤ්ඤූපචයො”ති.
ස. අනු: නනු අරහා නෙව පජහති, න උපාදියති, පජහිත්වා ඨිතො නෙව විසිනෙති, න උස්සිනෙති, විසිනෙත්වා ඨිතො. නෙව විධූපෙති, න සන්ධූපෙති, විධූපෙත්වා ඨිතො’ති.
ප. පටිඤ්ඤා: ආමන්තා.
ස. ඨ: හඤ්චි අරහා නෙව විධූපෙති, න සන්ධූපෙති, විධූපෙත්වා ඨිතො,
ස. පා: නො ච වත රෙ වත්තබ්බෙ “අත්ථි අරහතො පුඤ්ඤූපචයො”ති.
8. ප. පු: නත්ථි අරහතො පුඤ්ඤූපචයොති.
ස. පටිඤ්ඤා: ආමන්තා.
ප. අනු: අරහා දානං දදෙය්යාති.
ස. පටිඤ්ඤා: ආමන්තා.
ප. ඨ: හඤ්චි අරහා දානං දදෙය්ය,
ප. පා: නො ච වත රෙ වත්තබ්බෙ “නත්ථි අරහතො පුඤ්ඤූපචයො”ති.
ප. අනු: අරහා චීවරං දදෙය්ය -පෙ- පිණ්ඩපාතං දදෙය්ය -පෙ- සෙනාසනං දදෙය්ය -පෙ- ගිලානපච්චය භෙසජ්ජපරික්ඛාරං දදෙය්ය -පෙ- ඛාදනීයං දදෙය්ය -පෙ- භොජනීයං දදෙය්ය -පෙ- චෙතියං වන්දෙය්ය -පෙ- චෙතියෙ මාලං ආරොපෙය්ය -පෙ- ගන්ධං ආරොපෙය්ය -පෙ- විලෙපනං ආරොපෙය්ය -පෙ- චෙතියං අභිදක්ඛිණං කරෙය්යාති.
ස. පටිඤ්ඤා: ආමන්තා.
ප. ඨ: හඤ්චි අරහා චෙතියං අභිදක්ඛිණං කරෙය්ය,
ප. පා: නො ච වත රෙ වත්තබ්බෙ “නත්ථි අරහතො පුඤ්ඤූපචයො”ති.
අත්ථි අරහතො පුඤ්ඤූපචයොති කථා නිට්ඨිතා.
17. 2.
නත්ථි අරහතො අකාලමච්චූති කථා.
1. ස. පු: නත්ථි අරහතො අකාලමච්චූති.
ප. පටිඤ්ඤා: ආමන්තා.
ස. අනු: නත්ථි අරහන්තඝාතකො’ති.
ප. පටි: න හෙවං වත්තබ්බෙ -පෙ-
2. ස. පු: නත්ථි අරහතො අකාලමච්චූති.
ප. පටිඤ්ඤා: ආමන්තා.
ස. අනු: යො අරහන්තං ජීවිතා වොරොපෙති, සති ජීවිතෙ ජීවිතාවසෙසෙ ජීවිතා වොරොපෙති, අසති ජීවිතෙ ජීවිතාවසෙසෙ ජීවිතා වොරොපෙතීති.
ප. පටිඤ්ඤා: සති ජිවිතො ජීවිතාවසෙසෙ ජීවිතා වොරොපෙතීති.
ස. ඨ: හඤ්චි සති ජීවිතෙ ජීවිතාවසෙසෙ ජීවිතා වොරොපෙති.
ස. පා: නො ච වත රෙ වත්තබ්බෙ “නත්ථි අරහතො අකාලමච්චූ”ති.
ස. අනු: අසති ජීවිතෙ ජීවිතාවසෙසෙ ජීවිතා වොරොපෙති, නත්ථි අරහන්තඝාතකො’ති.
ප. පටි: න හෙවං වත්තබ්බෙ -පෙ-
3. ස. පු: නත්ථි අරහතො අකාලමච්චූති.
ප. පටිඤ්ඤා: ආමන්තා.
ස. අනු: අරතො කායෙ විසං න කමෙය්ය, සත්ථං න කමෙය්ය, අග්ගිං{1} න කමෙය්යාති.
ප. පටි: න හෙවං වත්තබ්බෙ -පෙ-
ස. අනු: නනු අරහතො කායෙ විසං කමෙය්ය, සත්ථං කමෙය්ය, අග්ගිං කමෙය්යාති.
ප. පටිඤ්ඤා: ආමන්තා.
ස. ඨ: හඤ්චි අරහතො කායෙ විසං කමෙය්ය, සත්ථං කමෙය්ය, අග්ගිං කමෙය්ය,
ස. පා: නො ච වත රෙ වත්තබ්බෙ “නත්ථි අරහතො අකාලමච්චු”ති.
4. ස. පු: අරහතො කායෙ විසං න කමෙය්ය, සත්ථං න කමෙය්ය, අග්ගිං න කමෙය්යාති.
ප. පටිඤ්ඤා: ආමන්තා.
ස. අනු: නත්ථි අරහන්තඝාතකො’ති.
ප. පටි: න හෙවං වත්තබ්බෙ -පෙ-
5. ප. පු: අත්ථි අරහතො අකාලවමච්චූ’ති.
ස. පටිඤ්ඤා: ආමන්තා.
ප. අනු: නනු වුත්තං භගවතා “නාහං භික්ඛවෙ, සඤ්චෙතනිකානං කම්මානං කතානං උපචිතානං අප්පටිසංවෙදිත්වා{1}. බ්යන්තීභාවං වදාමි, තඤ්ච ඛො දිට්ඨෙ වා ධම්මෙ{2} උපපජ්ජෙ වා{3} අපරෙ වා පරියායෙ’ ති{a} අත්ථෙව සුත්තන්තොති.
ස. පටිඤ්ඤා: ආමන්තා.
ප. පා: තෙන හි “නත්ථි අරහතො අකාලමච්චූ”ති.
නත්ථි අරහතො අකාලමච්චූති කථා නිට්ඨිතා.
17. 3.
සබ්බමිදං කම්මතොති කථා.
1. ස. පු: සබ්බමිදං.{1} කම්මතො’ති.
ප. පටිඤ්ඤා: ආමන්තා.
ස. අනු: කම්මම්පි කම්මතොති.
ප. පටි: න හෙවං වත්තබ්බෙ -පෙ-
2. ස. පු: සබ්බමිදං කම්මතොති.
ප. පටිඤ්ඤා: ආමන්තා.
ස. අනු: සබ්බමිදං පුබ්බෙකතහෙතූති.
ප. පටි: න හෙවංවත්තබ්බෙ -පෙ-
3. ස. පු: සබ්බමිදං.{1} කම්මතොති.
ප. පටිඤ්ඤා: ආමන්තා.
ස. අනු: සබ්බමිදං කම්මවිපාකතොති.
ප. පටි: න හෙවං වත්තබ්බෙ -පෙ-
4. ස. පු: සබ්බමිදං.{1} කම්මවිපාකතොති.
ප. පටිඤ්ඤා: ආමන්තා.
ස. අනු: කම්මවිපාකෙන පාණං හනෙය්යාති.
ප. පටිඤ්ඤා: ආමන්තා.
ස. පු: පාණාතිපාතො සඵලොති.
ප. පටිඤ්ඤා: ආමන්තා.
ස. අනු: කම්මවිපාකො සඵලොති.
ප. පටි: න හෙවං වත්තබ්බෙ -පෙ-
ස. පු: කම්මවිපාකො අඵලොති.
ප. පටිඤ්ඤා: ආමන්තා.
ස. අනු: පාණාතිපාතො අඵලො’ති.
ප. පටි: න හෙවං වත්තබ්බෙ -පෙ-
5. ස. පුච්ඡා: කම්මවිපාකෙන අදින්නං ආදියෙය්ය -පෙ- මුසා භණෙය්ය -පෙ- පිසුණං භණෙය්ය -පෙ- ඵරුසං භණෙය්ය -පෙ- සම්ඵං පලපෙය්ය{1} -පෙ- සන්ධිං ඡින්දෙය්ය -පෙ- නිල්ලොපං හරෙය්ය -පෙ- එකාගාරිකං කරෙය්ය -පෙ- පරිපන්ථෙ තිට්ඨෙය්ය -පෙ- පරදාරං ගච්ඡෙය්ය -පෙ- ගාමඝාතකං{2} කරෙය්ය -පෙ- නිගමඝාතකං{3} කරෙය්ය -පෙ- කම්මවිපාකෙන දානං දදෙය්ය -පෙ- චීවරං දදෙය්ය -පෙ- පිණ්ඩපාතං දදෙය්ය -පෙ- සෙනාසනං දදෙය්ය -පෙ- ගිලානපච්චය භෙසජ්ජ පරික්ඛාරං දදෙය්යාති.
ප. පටිඤ්ඤා: ආමන්තා.
ස. අනු: ගිලානපච්චයභෙසජ්ජපරික්ඛාරො සඵලොති.
ප. පටිඤ්ඤා: ආමන්තා.
ස. අනු: කම්මවිපාකො සඵලොති.
ප. පටි: න හෙවං වත්තබ්බෙ -පෙ-
8. ස. පු: කම්මවිපාකො අඵලොති.
ප. පටිඤ්ඤා: ආමන්තා.
ස. අනු: ගිලානපච්චයභෙසජ්ජපරික්ඛාරො අඵලොති.
ප. පටි: න හෙවං වත්තබ්බං -පෙ-
9. ප. පු: න වත්තබ්බං ‘සබ්බමිදං කම්මතො’ති.