රූපං රූපාවචරාරූපාවචරන්ති කථා.
1. ස. පු: අත්ථි රූපං රූපාවචරන්ති.
ප. පටිඤ්ඤා: ආමන්තා.
ස. අනු: සමාපත්තෙසියං උපපත්තෙසියං දිට්ඨධම්මසුඛවිහාරං සමාපත්තෙසියෙන චිත්තෙන උපපත්තෙසියෙන චිත්තෙන දිට්ඨධම්මසුඛවිහාරෙන චිත්තෙන සහගතං සහජාතං සංසට්ඨං සම්පයුත්තං එකුප්පාදං එකනිරොධං එකවත්ථුකං එකාරම්මණන්ති.
ප. පටි: න හෙවං වත්තබ්බෙ -පෙ-
ස. අනු: නනු න සමාපත්තෙසියං න උපපත්තෙසියං න දිට්ඨධම්මසුඛවිහාරං න සමාපත්තෙසියෙන චිත්තෙන න උපපත්තෙසියෙන චිත්තෙන න දිට්ඨධම්මසුඛවිහාරෙන චිත්තෙන සහගතං සහජාතං සංසට්ඨං සම්පයුත්තං එකුප්පාදං එකනිරොධං එකවත්ථුකං එකාරම්මණන්ති.
ප. පටිඤ්ඤා: ආමන්තා.
ස. ඨ: හඤ්චි න සමාපත්තෙසියං න උපපත්තෙසියං න දිට්ඨධම්මසුඛවිහාරං න සමාපත්තෙසියෙන චිත්තෙන -පෙ- එකාරම්මණං,
ස. පා: නො ච වත රෙ වත්තබ්බෙ “අත්ථි රූපං රූපාවචර’න්ති.
2. ස. පු: අත්ථි රූපං අරූපාවචරන්ති.
ප. පටිඤ්ඤා: ආමන්තා.
ස. අනු: සමාපත්තෙසියං උපපත්තෙසියං දිට්ඨධම්මසුඛ විහාරං සමාපත්තෙසියෙන චිත්තෙන උපපත්තෙසියෙන චිත්තෙන දිට්ඨධම්මසුඛවිහාරෙන චිත්තෙන සහගතං සහජාතං සංසට්ඨං සම්පයුත්තං එකුප්පාදං එකනිරොධං එකවත්ථුකං එකාරම්මණන්ති.
ප. පටි: න හෙවං වත්තබ්බෙ -පෙ-
ස. අනු: නනු න සමාපත්තෙසියං න උපපත්තෙසියං න දිට්ඨධම්මසුඛවිහාරං න සමාපත්තෙසියෙන චිත්තෙන -පෙ- එකාරම්මණන්ති.
ප. පටිඤ්ඤා: ආමන්තා.
ස. ඨ: හඤ්චි න සමාපත්තෙසියං න උපපත්තෙසියං -පෙ- එකවත්ථුකං එකාරම්මණං,
ස. පා: නො ච වත රෙ වත්තබ්බෙ “අත්ථි රූපං අරූපාවචර’න්ති.
3. ප. පු: න වත්තබ්බං අත්ථි රූපං රූපාවචරං, අත්ථි රූපං අරූපාවචරන්ති.
ස. පටිඤ්ඤා: ආමන්තා.
ප. අනු: නනු කාමාවචරකම්මස්ස කතත්තා රූපා කාමාවචරන්ති.
ස. පටිඤ්ඤා: ආමන්තා.
ප. ඨ: හඤ්චි කාමාවචරකම්මස්ස කතත්තා රූපං කාමාවචරං,
ප. පා: තෙන වත රෙ වත්තබ්බෙ “රූපාවචරකම්මස්ස කතත්තා රූපං රූපාවචරං, අරුපාවචරකම්මස්ස කතත්තා රූපං අරූපාවචරන්ති.
රූපං රූපාවචරාරූපාවචරන්ති කථා නිට්ඨිතා.
16. 10.
රූපරාගො රූපධාතුපරියාපන්නො අරූපරාගො අරූපධාතුපරියාපන්නොති කථා.
1. ස. පු: රූපරාගො රූපධාතුපරියාපන්නො’ති.
ප. පටිඤ්ඤා: ආමන්තා.
ස. අනු: සමාපත්තෙසියො උපපත්තෙසියො දිට්ඨධම්මසුඛවිහාරො සමාපත්තෙසියෙන චිත්තෙන උපපත්තෙසියෙන චිත්තෙන දිට්ඨධම්මසුඛවිහාරෙන චිත්තෙන සහගතො සහජාතො සංසට්ඨො සම්පයුත්තො එකුප්පාදො එකනිරොධො එකවත්ථුකො එකාරම්මණො’ති.
ප. පටි: න හෙවං වත්තබ්බෙ -පෙ-
ස. අනු: නනු න සමාපත්තෙසියො න උපපත්තෙසියො න දිට්ඨධම්මසුඛවිහාරො, න සමාපත්තෙසියෙන චිත්තෙන -පෙ- එකවත්ථුකො එකාරම්මණො’ති.
ප. පටිඤ්ඤා: ආමන්තා.
ස. ඨ: හඤ්චි න සමාපත්තෙසියො න උපපත්තෙසියො න දිට්ඨධම්මසුඛවිහාරො, න සමාපත්තෙසියෙන -පෙ- එකවත්ථුකො එකාරම්මණො,
ස. පා: නො ච වත රෙ වත්තබ්බෙ “රූපරාගො රූපධාතුපරියාපන්නො”ති.
2. ස. පු: රූපරාගො රූපධාතුපරියාපන්නො’ති.
ප. පටිඤ්ඤා: ආමන්තා.
ස. අනු: සද්දරාගො සද්දධාතුපරියාපන්නො’ති.
ප. පටි: න හෙවං වත්තබ්බෙ -පෙ-
3. ස. පු: රූපරාගො රූපධාතුපරියාපන්නො’ති.
ප. පටිඤ්ඤා: ආමන්තා.
ස. අනු: ගන්ධරාගො -පෙ- රසරාගො -පෙ- ඵොට්ඨබ්බරාගො ඵොට්ඨබ්බධාතුපරියාපන්නො’ති.
ප. පටි: න හෙවං වත්තබ්බෙ -පෙ-
4. ස. පු: සද්දරාගො න වත්තබ්බං සද්දධාතුපරියාපන්නො’ති.
ප. පටිඤ්ඤා: ආමන්තා.
ස. අනු: රූපරාගො න වත්තබ්බං රූපධාතුපරියාපන්නො’ති.
ප. පටි: න හෙවං වත්තබ්බෙ -පෙ-
5. ස. පු: ගන්ධරාගො -පෙ- රසරාගො -පෙ- ඵොට්ඨබ්බරාගො න වත්තබ්බං ඵොට්ඨබ්බධාතුපරියාපන්නො’ති.
ප. පටිඤ්ඤා: ආමන්තා.
ස. අනු: රූපරාගො න වත්තබ්බං රූපධාතු පරියාපන්නො’ති.
ප. පටි: න හෙවං වත්තබ්බෙ -පෙ-
6. ස. පු: අරූපරාගො අරූපධාතුපරියාපන්නොති.
ප. පටිඤ්ඤා: ආමන්තා,
ස. අනු: අරූපරාගො න වත්තබ්බං අරූපධාතුපරියාපන්නො’ති.
ප. පටි: න හෙවං වත්තබ්බෙ -පෙ-
7. ස. පු: අරූපරාගො අරූපධාතුපරියාපන්නො’ති.
ප. පටිඤ්ඤා: ආමන්තා.
ස. අනු: සමාපත්තෙසියො උපපත්තෙසියො දිට්ඨධම්මසුඛවිහාරො සමාපත්තෙසියෙන චිත්තෙන උපපත්තෙසියෙන චිත්තෙන දිට්ඨධම්මසුඛවිහාරෙන චිත්තෙන සහගතො සහජාතො සංසට්ඨො සම්පයුත්තො එකුප්පාදො එකනිරොධො එකවත්ථුකො එකාරම්මණො’ති.
ප. පටි: න හෙවං වත්තබ්බෙ -පෙ-
ස. අනු: නනු න සමාපත්තෙසියො න උපපත්තෙසියො න දිට්ඨධම්මසුඛවිහාරො න සමාපත්තෙසියෙන චිත්තෙන -පෙ- එකවත්ථුකො එකාරම්මණො’ති.
ප. පටිඤ්ඤා: ආමන්තා.
ස. ඨ: හඤ්චි න සමාපත්තෙසියො න උපපත්තෙසියො න දිට්ඨම්මසුඛවිහාරො න සමාපත්තෙසියෙන චිත්තෙන න උපපත්තෙසියෙන චිත්තෙන න දිට්ඨධම්මසුඛවිහාරෙන චිත්තෙන සහගතො සහජාතො සංසට්ඨො සම්පයුත්තො එකුප්පාදො එකනිරොධො එකවත්ථුකො එකාරම්මණො.
ස. පා: නො ච වත රෙ වත්තබ්බෙ “අරූපරාගො අරූපධාතු පරියාපන්නො’ති
8. ස. පු: අරූපරාගො අරූපධාතුපරියාපන්නො’ති.
ප. පටිඤ්ඤා: ආමන්තා.
ස. අනු: සද්දරාගො සද්දධාතු පරියාපන්නො’ති.
ප. පටි: න හෙවං වත්තබ්බෙ -පෙ-
9. ස. පු: අරූපරාගො අරූපධාතුපරියාපන්නො’ති.
ප. පටිඤ්ඤා: ආමන්තා.
ස. අනු: ගන්ධරාගො -පෙ- රසරාගො -පෙ- ඵොට්ඨබ්බරාගො ඵොට්ඨබ්බධාතු පරියාපන්නොති.
ප. පටි: න හෙවං වත්තබ්බෙ -පෙ-
10. ස. පු: සද්දරාගො න වත්තබ්බං සද්දධාතුපරියාපන්නොති.
ප. පටිඤ්ඤා: ආමන්තා.
ස. අනු: අරූපරාගො න වත්තබ්බං අරූපධාතුපරියාපන්නො’ති.
ප. පටි: න හෙවං වත්තබ්බෙ -පෙ-
11. ස. පු: ගන්ධරාගො -පෙ- රසරාගො -පෙ- ඵොට්ඨබ්බරාගො න වත්තබ්බං ඵොට්ඨබ්බධාතුපරියාපන්නො’ති.
ප. පටිඤ්ඤා: ආමන්තා.
ස. අනු: අරූපරාගො න වත්තබ්බං අරූපධාතු පරියාපන්නො’ති.
ප. පටි: න හෙවං වත්තබ්බෙ -පෙ-
12. ප. පු: න වත්තබ්බං රූපරාගො රූපධාතුපරියාපන්නො, අරූපරාගො අරූපධාතුපරියාපන්නො’ති.
ස. පටිඤ්ඤා: ආමන්තා.
ප. අනු: නනු කාමරාගො කාමධාතුපරියාපන්නො’ති.
ස. පටිඤ්ඤා: ආමන්තා.
ප. ඨ: හඤ්චි කාමරාගො කාමධාතුපරියාපන්නො,
ප. පා: තෙන වත රෙ වත්තබ්බෙ “රූපරාගො රූපධාතුපරියාපන්නො, අරූපරාගො අරූපධාතුපරියාපන්නො’ති.
රූපරාගො රූපධාතුපරියාපන්නො අරූපරාගො අරූපධාතුපරියාපන්නොති කථා නිට්ඨිතා.
සොළසමො වග්ගො නිට්ඨිතො
තස්ස උද්දානං:
“චිත්තනිග්ගහො චිත්තපග්ගහො සුඛානුප්පදානං අධිගය්හමනසිකාරො රූපං හෙතු රූපං සහෙතුකං රූපං කුසලම්පි, අකුසලම්පි
රූපං විපාකො අත්ථි රූපං රූපාවචරං, අත්ථි රූපං අරූපාවචරං සබ්බෙ කිලෙසා කාමධාතු පරියාපන්නා”ති.
සත්තරසමො වග්ගො.
17. 1.
අත්ථි අරහතො පුඤ්ඤූපචයොති කථා.
1. ස. පු: අත්ථි අරහතො පුඤ්ඤූපචයො’ති.
ප. පටිඤ්ඤා: ආමන්තා.
ස. අනු: අත්ථි අරහතො අපුඤ්ඤූපචයො’ති.
ප. පටි: න හෙවං වත්තබ්බෙ -පෙ-
2. ස. පු: නත්ථි අරහතො අපුඤ්ඤූපචයො’ති.
ප. පටිඤ්ඤා: ආමන්තා.
ස. අනු: නත්ථි අරහතො පුඤ්ඤූපචයො’ති.
ප. පටි: න හෙවං වත්තබ්බෙ -පෙ-