ස. අනු: පරො පරස්ස උප්පන්නා වෙදනා -පෙ- උප්පන්නා සඤ්ඤා -පෙ- උප්පන්නා චෙතනා -පෙ- උප්පන්නං චිත්තං -පෙ- උප්පන්නා සද්ධා -පෙ- උප්පන්නං විරියං -පෙ- උප්පන්නා සති -පෙ- උප්පන්නො සමාධි -පෙ- උප්පන්නා පඤ්ඤා මා නිරුජ්ඣී’ති පග්ගණ්හාතී’ති.
ප. පටි: න හෙවං වත්තබ්බෙ -පෙ-
4. ස. පු: පරො පරස්ස චිත්තං පග්ගණ්හාතී’ති.
ප. පටිඤ්ඤා: ආමන්තා.
ස. අනු: පරො පරස්ස අත්ථාය රාගං පජහති, දොසං පජහති, මොහං පජහති -පෙ- අනොත්තප්පං පජහතී’ති.
ප. පටි: න හෙවං වත්තබ්බෙ -පෙ-
5. ස. පු: පරො පරස්ස චිත්තං පග්ගණ්හාතී’ති.
ප. පටිඤ්ඤා: ආමන්තා.
ස. අනු: පරො පරස්ස අත්ථාය මග්ගං භාවෙති -පෙ- සතිපට්ඨානං භාවෙති -පෙ- බොජ්ඣඞ්ගං භාවෙතී’ති.
ප. පටි: න හෙවං වත්තබ්බෙ -පෙ-
6. ස. පු: පරො පරස්ස චිත්තං පග්ගණ්හාතී’ති.
ප. පටිඤ්ඤා: ආමන්තා.
ස. අනු: පරො පරස්ස අත්ථාය දුක්ඛං පරිජානාති -පෙ- මග්ගං භාවෙතී’ති.
ප. පටි: න හෙවං වත්තබ්බෙ -පෙ-
7. ස. පු: පරො පරස්ස චිත්තං පග්ගණ්හාතී’ති.
ප. පටිඤ්ඤා: ආමන්තා.
ස. අනු: අඤ්ඤො අඤ්ඤස්ස කාරකො, පරං කතං සුඛං දුක්ඛං, අඤ්ඤො කරොති, අඤ්ඤො පටිසංවෙදෙතී’ති.
ප. පටි: න හෙවං වත්තබ්බෙ -පෙ-
8. ස. පු: පරො පරස්ස චිත්තං පග්ගණ්හාතී’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා. “අත්තනාව කතං පාපං -පෙ- නාඤ්ඤො අඤ්ඤා විසොධයෙ”ති{a} අත්ථෙව සුත්තන්තොති.
ප. පටිඤ්ඤා: ආමන්තා.
ස. පා: තෙන හි න වත්තබ්බං: පරො පරස්ස චිත්තං පග්ගණ්හාතී’ති.
9. ප. පු: න වත්තබ්බං පරො පරස්ස චිත්තං පග්ගණ්හාතී’ති.
ස. පටිඤ්ඤා: ආමන්තා.
ප. අනු: නනු අත්ථි බලප්පත්තා අත්ථි වසීභූතා’ති.
ස. පටිඤ්ඤා: ආමන්තා.
ප. ඨ: හඤ්චි අත්ථි බලප්පත්තා අත්ථි වසීභූතා.
ප. පා: තෙන වත රෙ වත්තබ්බෙ “පරො පරස්ස චිත්තං පග්ගණ්හා”ති.
පග්ගහකථා නිට්ඨිතා.
16. 3.
සුඛානුප්පදාන කථා.
1. ස. පු: පරො පරස්ස සුඛං අනුප්පදෙතී’ති.
ප. පටිඤ්ඤා: ආමන්තා.
ස. පු: පරො පරස්ස දුක්ඛං අනුප්පදෙතී’ති.
ප. පටි: න හෙවං වත්තබ්බෙ -පෙ-
2. ස. පු: පරො පරස්ස දුක්ඛං අනුප්පදෙතීති.
ප. පටිඤ්ඤා: ආමන්තා.
ස. අනු: පරො පරස්ස සුඛං අනුප්පදෙතීති.
ප. පටි: න හෙවං වත්තබ්බෙ -පෙ-
3. ස. පු: පරො පරස්ස සුඛං අනුප්පදෙතීති.
ප. පටිඤ්ඤා: ආමන්තා.
ස. අනු: පරො පරස්ස අත්තනො සුඛං අනුප්පදෙති, අඤ්ඤෙසං සුඛං අනුප්පදෙති, තස්ස සුඛං අනුප්පදෙතීති.
ප. පටි: න හෙවං වත්තබ්බෙ -පෙ-
4. ස. පු: පරො පරස්ස නෙවත්තනො, න අඤ්ඤෙසං, න තස්ස සුඛං අනුප්පදෙතීති.
ප. පටිඤ්ඤා: ආමන්තා.
ස. ඨ: හඤ්චි පරො පරස්ස නෙවත්තනො, න අඤ්ඤෙසං, න තස්ස සුඛං අනුප්පදෙති,
ස. පා: නො ච වත රෙ වත්තබ්බෙ “පරො පරස්ස සුඛං අනුප්පදෙති”ති.
5. ස. පු: පරො පරස්ස සුඛං අනුප්පදෙතී’ති.
ප. පටිඤ්ඤා: ආමන්තා.
ස. අනු: අඤ්ඤො අඤ්ඤස්ස කාරකො, පරං කතං සුඛං දුක්ඛං, අඤ්ඤො කරොති, අඤ්ඤො පටිසංවෙදෙතී’ති.
ප. පටි: න හෙවං වත්තබ්බෙ -පෙ-
6. ප. පු: න වත්තබ්බං පරො පරස්ස සුඛං අනුප්පදෙතී’ති.
ස. පටිඤ්ඤා: ආමන්තා.
ප. අනු: නනු ආයස්මා උදායී එතදවොච:
“බහුන්නං{1} වත නො භගවා දුක්ඛධම්මානං අපහත්තා, බහුන්නං වත නො භගවා සුඛධම්මානං උපහත්තා, බහුන්නං{1} වත නො භගවා අකුසලානං ධම්මානං අපහත්තා, බහුන්නං{1} වත නො භගවා කුසලානං ධම්මානං උපහත්තා”ති.{a} අත්ථෙව සුත්තන්තො’ති.
ස. පටිඤ්ඤා: ආමන්තා.
ප. පා: තෙන හි “පරො පරස්ස සුඛං අනුප්පදෙතී”ති.
සුඛානුප්පදානකථා නිට්ඨිතා.
16. 4.
අධිගය්හමනසිකාරකථා.
1. ස. පු: අධිගය්හ මනසිකරොතී’ති.
ප. පටිඤ්ඤා: ආමන්තා.
ස. අනු: තෙන චිත්තෙන තං චිත්තං පජානාතී’ති.
ප. පටි: න හෙවං වත්තබ්බෙ -පෙ-
2. ස. පු: තෙන චිත්තෙන තං චිත්තං පජානාතී’ති.
ප. පටිඤ්ඤා: ආමන්තා.
ස. අනු: තෙන චිත්තෙන තං චිත්තං ‘චිත්ත’න්ති පජානාතීති.
ප. පටි: න හෙවං වත්තබ්බෙ -පෙ-
3. ස. පු: තෙන චිත්තෙන තං චිත්තං පජානාතීති.
ප. පටිඤ්ඤා ආමන්තා.
ස. අනු: තං චිත්තං තස්ස චිත්තස්ස ආරම්මණන්ති.
ප. පටි: න හෙවං වත්තබ්බෙ -පෙ-
4. ස. පු: තං චිත්තං තස්ස චිත්තස්ස ආරම්මණන්ති.
ප. පටිඤ්ඤා: ආමන්තා.
ස. අනු: තෙන ඵස්සෙන තං ඵස්සං ඵුසති, තාය වෙදනාය -පෙ- තාය සඤ්ඤාය -පෙ- තාය චෙතනාය -පෙ- තෙන චිත්තෙන -පෙ- තෙන විතක්කෙන -පෙ- තෙන විචාරෙන -පෙ- තාය පීතියා -පෙ- තාය සතියා -පෙ- තාය පඤ්ඤාය තං පඤ්ඤං පජානාතීති.
ප. පටි: න හෙවං වත්තබ්බෙ -පෙ-
ස. අනු: අතීතං අතීතන්ති මනසිකරොන්තො අනාගතං අනාගතන්ති මනසිකරොතීති.
ප. පටි: න හෙවං වත්තබ්බෙ -පෙ-
5. ස. පු: අතීතං අතීතන්ති මනසිකරොන්තො අනාගතං අනාගතන්ති මනසිකරොතීති.
ප. පටිඤ්ඤා: ආමන්තා.
ස. අනු: ද්වින්නං ඵස්සානං -පෙ- ද්වින්නං චිත්තානං සමොධානං හොතීති.
ප. පටි: න හෙවං වත්තබ්බෙ -පෙ-
ස. අනු: අතීතං අතීතන්ති මනසිකරොන්තො පච්චුප්පන්නං පච්චුප්පන්නන්ති මනසිකරොතීති.
ප. පටි: න හෙවං වත්තබ්බෙ -පෙ-
6. ස. පු: අතීතං අතීතන්ති මනසිකරොන්තො පච්චුප්පන්නං පච්චුප්පන්ති මනසිකරොතීති.
ප. පටිඤ්ඤා: ආමන්තා.
ස. අනු: ද්වින්නං ඵස්සානං -පෙ- ද්වින්නං චිත්තානං සමොධානං හොතීති.
ප. පටි: න හෙවං වත්තබ්බෙ -පෙ-
ස. අනු: අතීතං අතීතන්ති මනසිකරොන්තො අනාගතං අනාගතන්ති මනසිකරොති, පච්චුප්පන්නං පච්චුප්පන්නන්ති මනසිකරොතීති.
ප. පටි: න හෙවං වත්තබ්බෙ -පෙ-
7. ස. පු: අතීතං අතීතන්ති මනසිකරොන්තො අනාගතං අනාගතන්ති මනසිකරොති, පච්චුප්පන්නං පච්චුප්පන්නන්ති මනසිකරොතීති.
ප. පටිඤ්ඤා: ආමන්තා.
ස. අනු: තිණ්ණං ඵස්සානං -පෙ- තිණ්ණං චිත්තානං සමොධානං හොතීති.
ප. පටි: න හෙවං වත්තබ්බෙ -පෙ-
ස. අනු: අනාගතං අනාගතන්ති මනසිකරොන්තො අතීතං අතීතන්ති මනසිකරොතීති.
ප. පටි: න හෙවං වත්තබ්බෙ -පෙ-
8. ස. පු: අනාගතං අනාගතන්ති මනසිකරොන්තො අතීතං අතීතන්ති මනසිකරොතීති.
ප. පටිඤ්ඤා: ආමන්තා.
ස. අනු: ද්වින්නං ඵස්සානං -පෙ- ද්වින්නං චිත්තානං සමොධානං හොතීති.