ප. පටිඤ්ඤා: ආමන්තා.
ස. අනු: අත්ථි සඤ්ඤාවෙදයිතනිරොධං සමාපන්නස්ස ඵස්සො වෙදනා සඤ්ඤා චෙතනා චිත්තන්ති.
ප. පටි: න හෙවං වත්තබ්බෙ -පෙ-
4. ස. පු: නත්ථි සඤ්ඤාවෙදයිතනිරොධං සමාපන්නස්ස ඵස්සො වෙදනා සඤ්ඤා චෙතනා චිත්තන්ති.
ප. පටිඤ්ඤා: ආමන්තා.
ස. අනු: අඵස්සකස්ස කාලකිරියා{4} ආවෙදකස්ස කාලකිරියා -පෙ- අචිත්තකස්ස කාලකිරියා’ති.
ප. පටි: න හෙවං වත්තබ්බෙ -පෙ-
ස. අනු: නනු සඵස්සකස්ස කාලකිරියා -පෙ- සචිත්තකස්ස කාලකිරියා’ති.
ප. පටිඤ්ඤා: ආමන්තා.
ස. ඨ: හඤ්චි සඵස්සකස්ස කාලකිරියා -පෙ- සචිත්තකස්ස කාලකිරියා.
ස. පා: නො ව වත රෙ වත්තබ්බෙ “සඤ්ඤාවෙදයිතනිරොධං සමාපන්නො කාලං කරෙය්ය”ති.
5. ස. පු: සඤ්ඤාවෙදයිතනිරොධං සමාපන්නො කාලං කරෙය්යා’ති.
ප. පටිඤ්ඤා: ආමන්තා.
ස. අනු: සඤ්ඤාවෙදයිතනිරොධං සමාපන්නස්ස කායෙ විසං කමෙය්ය, සත්ථං කමෙය්ය, අග්ගි.{1} කමෙය්යා’ති.
ප. පටි: න හෙවං වත්තබ්බෙ -පෙ-
6. ස. පු: සඤ්ඤාවෙදයිතනිරොධං සමාපන්නස්ස කායෙ විසං කමෙය්ය, සත්ථං කමෙය්ය, අග්ගි{1}. කමෙය්යා’ති.
ප. පටිඤ්ඤා: ආමන්තා.
ස. ඨ: හඤ්චි සඤ්ඤාවෙදයිතනිරොධං සමාපන්නස්ස කායෙ විසං කමෙය්ය, සත්ථං කමෙය්ය, අග්ගි කමෙය්ය,
ස. පා: නො ච වත රෙ{2}. වත්තබ්බෙ “සඤ්ඤාවෙදයිත නිරොධං සමාපන්නො කාලං කරෙය්යා”ති.
7. ස. පු: සඤ්ඤාවෙදයිතනිරොධං සමාපන්නො කාලං කරෙය්යා’ති.
ප. පටිඤ්ඤා: ආමන්තා.
ස. අනු: සඤ්ඤාවෙදයිතනිරොධං සමාපන්නස්ස කායෙ විසං කමෙය්ය, සත්ථං කමෙය්ය, අග්ගි.{1} කමෙය්යා’ති,
ප. පටිඤ්ඤා: ආමන්තා.
ස. අනු: න නිරොධං සමාපන්නො’ති.
ප. පටි: න හෙවං වත්තබ්බෙ -පෙ-
8. ප. පු: සඤ්ඤාවෙදයිතනිරොධං සමාපන්නො න කාලං කරෙය්යා’ති.
ස. පටිඤ්ඤා: ආමන්තා.
ප. අනු: අත්ථි සො නියාමො යෙන නියාමෙන නියතො සඤ්ඤාවෙදයිතනිරොධං සමාපන්නො න කාලං කරෙය්යා’ති.
ස. පටි: නත්ථි.
ප. ඨ: හඤ්චි නත්ථි සො නියාමො යෙන නියාමෙන නියතො සඤ්ඤාවෙදයිතනිරොධං සමාපන්නො න කාලංකරෙය්ය,{1}.
ප. පා: නො ච වත රෙ{2} වත්තබ්බෙ “සඤ්ඤාවෙදයිතනිරොධං සමාපන්නො න කාලංකරෙය්යා”ති.
9. ස. පු: චක්ඛුවිඤ්ඤාණසමඞ්ගී න කාලංකරෙය්යා’ති.
ප. පටිඤ්ඤා: ආමන්තා.
ස. අනු: අත්ථි සො නියාමො යෙන නියාමෙන නියතො චක්ඛුවිඤ්ඤාණසමඞ්ගී න කාලංකරෙය්යා’ති.
ප. පටි: නත්ථි.
ස. ඨ: හඤ්චි නත්ථි සො නියාමො යෙන නියාමෙන නියතො චක්ඛුවිඤ්ඤාණසමඞ්ගී න කාලංකරෙය්ය,
ස. පා: නො ච වත රෙ වත්තබ්බෙ “චක්ඛුවිඤ්ඤාණසමඞ්ගී න කාලංකරෙය්යා”ති.
තතියසඤ්ඤාවෙදයිතකථා නිට්ඨිතා.
15. 10.
අසඤ්ඤසත්තූපිකකථා.
1. ස. පු: සඤ්ඤාවෙදයිතනිරොධසමාපත්ති අසඤ්ඤසත්තූපිකා’ති.
ප. පටිඤ්ඤා: ආමන්තා.
ස. අනු: අත්ථි සඤ්ඤාවෙදයිතනිරොධං සමාපන්නස්ස අලොභො කුසලමූලං, අදොසො කුසලමූලං, අමොහො කුසලමූලං, සද්ධා විරියං සති සමාධි පඤ්ඤා’ති.
ප. පටි: න හෙවං වත්තබ්බෙ -පෙ-
2. ස. පු: නත්ථි සඤ්ඤාවෙදයිතනිරොධං සමාපන්නස්ස අලොභො කුසලමූලං, අදොසො කුසලමූලං, අමොහො කුසලමූලං සද්ධා -පෙ- පඤ්ඤා’ති.
ප. පටිඤ්ඤා: ආමන්තා.
ස. ඨ: හඤ්චි නත්ථි සඤ්ඤාවෙදයිතනිරොධං සමාපන්නස්ස අලොභො කුසලමූලං, අදොසො කුසලමූලං, අමොහො කුසලමූලං, සද්ධා විරියං සති සමාධි පඤ්ඤා,
ස. පා: නො ච වත රෙ වත්තබ්බෙ “සඤ්ඤාවෙදයිතනිරොධසමාපත්ති අසඤ්ඤසත්තූපිකා”ති.
3. ස. පු: සඤ්ඤාවෙදයිතනිරොධසමාපත්ති අසඤ්ඤසත්තූපිකා’ති.
ප. පටිඤ්ඤා: ආමන්තා.
ස. අනු: අත්ථි සඤ්ඤාවෙදයිතනිරොධං සමාපන්නස්ස ඵස්සො වෙදනා සඤ්ඤා චෙතනා චිත්තන්ති.
ප. පටි: න හෙවං වත්තබ්බෙ -පෙ-
4. ස. පු: නත්ථි සඤ්ඤාවෙදයිතනිරොධං සමාපන්නස්ස ඵස්සො වෙදනා සඤ්ඤා චෙතනා චිත්තන්ති.
ප. පටිඤ්ඤා: ආමන්තා.
ස. අනු: අඵස්සකස්ස මග්ගභාවනා -පෙ- අචිත්තකස්ස මග්ගභාවනා’ති.
ප. පටි: න හෙවං වත්තබ්බෙ -පෙ-
ස. අනු: නනු සඵස්සකස්ස මග්ගභාවනා -පෙ- සචිත්තකස්ස මග්ගභාවනා’ති.
ප. පටිඤ්ඤා: ආමන්තා.
ස. ඨ: හඤ්චි සඵස්සකස්ස මග්ගභාවනා -පෙ- සචිත්තකස්ස මග්ගභාවනා,
ස. පා: නො ච වත රෙ වත්තබ්බෙ සඤ්ඤාවෙදයිතනිරොධ සමාපත්ති අසඤ්ඤසත්තූපිකා’ති.
5. ස. පු: සඤ්ඤාවෙදයිතනිරොධසමාපත්ති අසඤ්ඤසත්තූපිකා’ති.
ප. පටිඤ්ඤා: ආමන්තා.
ස. අනු: යෙ කෙචි සඤ්ඤාවෙදයිතනිරොධං සමාපජ්ජන්ති. සබ්බෙ තෙ අසඤ්ඤසත්තූපිකාති.
ප. පටි: න හෙවං වත්තබ්බෙ -පෙ-
6. ප. පු: න වත්තබ්බං සඤ්ඤාවෙදයිතනිරොධසමාපත්ති අසඤ්ඤසත්තූපිකා’ති.
ස. පටිඤ්ඤා: ආමන්තා.
ප. අනු: තනු ඉධාපි අසඤ්ඤී තත්රාපි අසඤ්ඤී’ති.
ස. පටිඤ්ඤා: ආමන්තා.
ප. ඨ: හඤ්චි ඉධාපි අසඤ්ඤී තත්රාපි අසඤ්ඤී,
ප. පා: තෙන වත රෙ වත්තබ්බෙ “සඤ්ඤාවෙදයිත නිරොධසමාපත්ති අසඤ්ඤසත්තූපිකා”ති.
අසඤ්ඤසත්තූපිකකථා නිට්ඨිතා.
15. 11.
කම්මූපචයකථා.
1. ස. පු: අඤ්ඤං කම්මං, අඤ්ඤො කම්මූපචයො’ති.
ප. පටිඤ්ඤා: ආමන්තා.
ස. අනු: අඤ්ඤො ඵස්සො, අඤ්ඤො ඵස්සුපචයො, අඤ්ඤා වෙදනා, අඤ්ඤො වෙදනූපචයො, අඤ්ඤා සඤ්ඤා, අඤ්ඤො සඤ්ඤූපචයො, අඤ්ඤා චෙතනා, අඤ්ඤො චෙතනූපචයො, අඤ්ඤං චිත්තං, අඤ්ඤො චිත්තූපචයො, අඤ්ඤා සද්ධා, අඤ්ඤො සද්ධූපචයො, අඤ්ඤං විරියං, අඤ්ඤො විරියූපචයො, අඤ්ඤා සති, අඤ්ඤො සතූපචයො, අඤ්ඤො සමාධි, අඤ්ඤො සමාධුපචයො, අඤ්ඤා පඤ්ඤා, අඤ්ඤො පඤ්ඤූපචයො, අඤ්ඤො රාගො, අඤ්ඤො රාගූපචයො -පෙ- අඤ්ඤං අනොත්තප්පං, අඤ්ඤො අනොත්තප්පුපචයො’තී.
ප. පටි: න හෙවං වත්තබ්බෙ -පෙ-
2. ස. පු: අඤ්ඤං කම්මං, අඤ්ඤො කම්මුපචයොති.
ප. පටිඤ්ඤා: ආමන්තා,
ස. අනු: කම්මුපචයො කම්මෙන සහජාතො’ති.
ප. පටි: න හෙවං වත්තබ්බෙ -පෙ-
3. ස. පු: කම්මූපචයො කම්මෙන සහජාතො’ති.
ප. පටිඤ්ඤා: ආමන්තා.
ස. අනු: කුසලෙන කම්මෙන සහජාතො කම්මුපචයො කුසලො’ති.
ප. පටි: න හෙවං වත්තබ්බෙ -පෙ-
4. ස. පු: කුසලෙන කම්මෙන සහජාතො කම්මූපචයො කුසලො’ති.
ප. පටිඤ්ඤා: ආමන්තා.
ස. අනු: සුඛාය වෙදනාය සම්පයුත්තෙන කම්මෙන සහජාතො කම්මුපචයො සුඛාය වෙදනාය සම්පයුත්තො’ති.
ප. පටි: න හෙවං වත්තබ්බෙ -පෙ-
ස. අනු: දුක්ඛාය වෙදනාය -පෙ- අදුක්ඛමසුඛාය වෙදනාය සම්පයුත්තෙන කම්මෙන සහජාතො කම්මූපචයො අදුක්ඛමසුඛාය වෙදනාය සම්පයුත්තො’ති.
ප. පටි: න හෙවං වත්තබ්බෙ -පෙ-
5. ස. පු: කම්මූපචයො කම්මෙන සහජාතො’ති.
ප. පටිඤ්ඤා: ආමන්තා.
ස. අනු: අකුසලෙන කම්මෙන සහජාතො කම්මූපචයො අකුසලොති.
ප. පටි: න හෙවං වත්තබ්බෙ -පෙ-
6. ස. පු: අකුසලෙන කම්මෙන සහජාතො කම්මූපචයො අකුසලො’ති.
ප. පටිඤ්ඤා: ආමන්තා.
ස. අනු: සුඛාය වෙදනාය සම්පයුත්තෙන කම්මෙන සහජාතො කම්මුපචයො සුඛාය වෙදනාය සම්පයුත්තො’ති.
ප. පටි: න හෙවං වත්තබ්බෙ -පෙ-
ස. අනු: දුක්ඛාය වෙදනාය -පෙ- අදුක්ඛමසුඛාය වෙදනාය සම්පයුත්තෙන කම්මෙන සහජාතො කම්මූපචයො අදුක්ඛමසුඛාය වෙදනාය සම්පයුත්තො’ති.