ප. අනු: නනු වුත්තං භගවතා: “තීණිමානි භික්ඛවෙ කථාවත්ථුනි. කතමානි තීණි: අතීතං වා භික්ඛවෙ, අද්ධානං ආරබ්භ කථං කථෙය්ය: එවං අහොසි අතීතමද්ධානන්ති.{1} අනාගතං වා භික්ඛවෙ, අද්ධානං ආරබ්භ කථං කථෙය්ය: එවං භවිස්සති අනාගතමද්ධානන්ති{2}. එතරහි වා භික්ඛවෙ, පච්චුප්පන්නං අද්ධානං ආරබ්භ කථං කථෙය්ය: එවං හොති එතරහි පච්චුප්පන්නන්ති. ඉමානි ඛො භික්ඛවෙ, තීණි කථාවත්ථුනී”ති{a} අත්ථෙව සුත්තන්තො’ති.
ස. පටිඤ්ඤා: ආමන්තා.
ප. පා: තෙන හි අද්ධා පරිනිප්ඵන්නො’ති.
අද්ධාකථා නිට්ඨිතා.
15. 4.
ඛණ-ලය-මුහුත්තකථා.
1. ස. පු: ඛණො පරිනිප්ඵන්නො -පෙ- ලයො පරිනිප්ඵන්නො -පෙ- මුහුත්තං පරිනිප්ඵන්නන්ති.
ප. පටිඤ්ඤා: ආමන්තා.
ස. අනු: රූපන්ති.
ප. පටි: න හෙවං වත්තබ්බෙ -පෙ-
ස. අනු: වෙදනා -පෙ- සඤ්ඤා -පෙ- සඞ්ඛාරා -පෙ- විඤ්ඤාණන්ති.
ප. පටි: න හෙවං වත්තබ්බෙ -පෙ-
2. ප. පු: න වත්තබ්බං මුහුත්තං පරිනිප්ඵන්නන්ති.
ස. පටිඤ්ඤා: ආමන්තා.
ප. අනු: නනු වුත්තං භගවතා: “තීණිමානි භික්ඛවෙ, කථාවත්ථුනි. කතමානි තීණි: අතීතං වා භික්ඛවෙ, අද්ධානං ආරබ්භ කථං කථෙය්ය: එවං අහොසි අතීතමද්ධානන්ති. අනාගතං වා භික්ඛවෙ අද්ධානං ආරබ්භ කථාං කථෙය්ය: එවං භවිස්සති අනාගතමද්ධානන්ති. එතරහි වා පච්චුප්පන්නං අද්ධානං ආරබ්භ කතං කථෙය්ය: එවං හොති එතරහි පච්චුප්පන්නන්ති ඉමානි ඛො භික්ඛවෙ, තීණි කථාවත්ථුනි’ති{a} අත්ථෙව සුත්තන්තො’ති.
ස. පටිඤ්ඤා: ආමන්තා.
ප. පා: තෙන හි මුහුත්තං පරිනිප්ඵන්නන්ති.
ඛණ-ලය-මුහුත්තකථා නිට්ඨිතා.
15. 5.
ආසවකථා.
1. ස. පු: චත්තාරො ආසවා අනාසවා’ති.
ස. පටි: ආමන්තා.
ස. අනු: මග්ගො -පෙ- ඵලං -පෙ- නිබ්බානං -පෙ- සොතාපත්තිමග්ගො -පෙ- සොතාපත්තිඵලං
-පෙ- බොජ්ඣඞ්ගො’ති.
ප. පටි: න හෙවං වත්තබ්බෙ -පෙ-
2. ප. පු: න වත්තබ්බං: චත්තාරො ආසවා අනාසවා’ති.
ස. පටිඤ්ඤා: ආමන්තා.
ප. අනු: අත්ථඤ්ඤෙව ආසවා යෙහි ආසවෙහි තෙ ආසවා සාසවා හොන්ති’ති.
ස. පටි: න හෙවං වත්තබ්බෙ -පෙ-
ප. නිග: තෙන හි චත්තාරො ආසවා අනාසවා’ති.
ආසවකථා නිට්ඨිතා.
15. 6.
ජරාමරණකථා.
1. ස. පු: ලොකුත්තරානං ධම්මානං ජරාමරණං ලොකුත්තරන්ති.
ප. පටිඤ්ඤා: ආමන්තා.
ස. අනු: මග්ගො ඵලං නිබ්බානං සොතාපත්තිමග්ගො -පෙ- සොතාපත්තිඵලං -පෙ- බොජ්ඣඞ්ගො’ති.
ප. පටි: න හෙවං වත්තබ්බෙ -පෙ-
ස. අනු: සොතාපත්තිමග්ගස්ස ජරාමරණං සොතාපත්තිමග්ගො’ති.
ප. පටි: න හෙවං වත්තබ්බෙ -පෙ-
2. ස. පු: සොතාපත්තිමග්ගස්ස ජරාමරණං සොතාපත්තිමග්ගොති.
ප. පටිඤ්ඤා ආමන්තා.
ස. අනු: සොතාපත්තිඵලස්ස ජරාමරණං සොතාපත්තිඵලන්ති.
ප. පටි: න හෙවං වත්තබ්බෙ -පෙ-
ස. අනු: සකදාගාමිමග්ගස්ස -පෙ- සකදාගාමිඵලස්ස -පෙ- අනාගාමිමග්ගස්ස -පෙ- අනාගාමිඵලස්ස -පෙ- අරහත්තමග්ගස්ස ජරාමරණං අරහත්තමග්ගො’ති.
ප. පටි: න හෙවං වත්තබ්බෙ -පෙ-
3. ස. පු: අරහත්තමග්ගස්ස ජරාමරණං අරහත්තමග්ගො’ති.
ප. පටිඤ්ඤා: ආමන්තා.
ස. අනු: අරහත්තඵලස්ස ජරාමරණං අරහත්තඵලන්ති.
ප. පටි: න හෙවං වත්තබ්බෙ -පෙ-
ස. අනු: සතිපට්ඨානානං -පෙ- සම්මප්පධානානං -පෙ- ඉද්ධිපාදානං -පෙ- ඉන්ද්රියානං -පෙ- බලානං -පෙ- බොජ්ඣඞ්ගානං ජරාමරණං බොජ්ඣඞ්ගො’ති.
ප. පටි: න හෙවං වත්තබ්බෙ -පෙ-
4. ප. පු: න වත්තබ්බං ලොකුත්තරානං ධම්මානං ජරාමරණං ලොකුත්තරන්ති.
ස. පටිඤ්ඤා: ආමන්තා.
ප. අනු: ලොකියන්ති.
ස. පටි: න හෙවං වත්තබ්බෙ -පෙ-
ප. පා: තෙන හි ලොකුත්තරන්ති.
ජරාමරණකථා නිට්ඨිතා.
15. 7.
සඤ්ඤාවෙදයිතකථා.
1. ස. පු: සඤ්ඤාවෙදයිතනිරොධසමාපත්ති ලොකුත්තරාති.
ප. පටිඤ්ඤා: ආමන්තා.
ස. අනු: මග්ගො -පෙ- ඵලං -පෙ- නිබ්බානං -පෙ- සොතාපත්තිමග්ගො -පෙ- සොතාපත්තිඵලං -පෙ- බොජ්ඣඞ්ගො’ති.
ප. පටි: න හෙවං වත්තබ්බෙ -පෙ-
2. ප. පු: න වත්තබ්බං සඤ්ඤාවෙදයිතනිරොධසමාපත්ති ලොකුත්තරා’ති.
ස. පටිඤ්ඤා: ආමන්තා.
ප. අනු: ලොකියා’ති.
ස. පටි: න හෙවං වත්තබ්බෙ -පෙ-
ප. පා: තෙන හි ලොකුත්තරාති.
සඤ්ඤාවෙදයිතකථා නිට්ඨිතා.
15. 8.
දුතියසඤ්ඤාවෙදයිතකථා
1. ස. පු: සඤ්ඤාවෙදයිතනිරොධසමාපත්ති ලොකියා’ති.
ප. පටිඤ්ඤා: ආමන්තා.
ස. අනු: රූපන්ති.
ප. පටි: න හෙවං වත්තබ්බෙ -පෙ-
ස. අනු: වෙදනා -පෙ- සඤ්ඤා -පෙ- සඞ්ඛාරා -පෙ- විඤ්ඤාණන්ති.
ප. පටි: න හෙවං වත්තබ්බෙ -පෙ-
ස. අනු: කාමාවචරාති.
ප. පටි: න හෙවං වත්තබ්බෙ -පෙ-
ස. අනු: රූපාවචරා’ති.
ප. පටි: න හෙවං වත්තබ්බෙ -පෙ-
ස. අනු: අරූපාවචරා’ති.
ප. පටි: න හෙවං වත්තබ්බෙ -පෙ-
2. ප. පු: න වත්තබ්බං සඤ්ඤාවෙදයිතනිරොධසමාපත්ති ලොකියා’ති.
ස. පටිඤ්ඤා: ආමන්තා.
ප. අනු: ලොකුත්තරා’ති.
ස. පටි: න හෙවං වත්තබ්බෙ -පෙ-
ප. පා: තෙන හි ලොකියා’ති.
දුතියසඤ්ඤාවෙදයිතකථා නිට්ඨිතා.
15. 9.
තතියසඤ්ඤාවෙදයිතකථා.
1. ස. පු: සඤ්ඤාවෙදයිතනිරොධං සමාපන්නො{1} කාලං කරෙය්යාති.
ප. පටිඤ්ඤා: ආමන්තා.
ස. අනු: අත්ථි සඤ්ඤාවෙදයිතනිරොධං සමාපන්නස්ස.{1} මාරණන්තියො{2} ඵස්සො, මාරණන්තියා{3} වෙදනා, මාරණන්තියා සඤ්ඤා, මාරණන්තියා චෙතනා, මාරණන්තියං චිත්තන්ති.
ප. පටි: න හෙවං වත්තබ්බෙ -පෙ-
2. ස. පු: නත්ථි සඤ්ඤාවෙදයිතනිරොධං සමාපන්නස්ස,{1} මාරණන්තියො2 ඵස්සො, මාරණන්තියා වෙදනා, මාරණන්තියා සඤ්ඤා, මාරණන්තියා චෙතනා, මාරණන්තියං{3} චිත්තන්ති.
ප. පටිඤ්ඤා: ආමන්තා.
ස. ඨ: හඤ්චි නත්ථි සඤ්ඤාවෙදයිතනිරොධං සමාපන්නස්ස මාරණන්තියො ඵස්සො, මාරණන්තියා වෙදනා, මාරණන්තියා සඤ්ඤා, මාරණන්තියා චෙතනා, මාරණන්තියං චිත්තං.
ස. පා: නො ච වත රෙ වත්තබ්බෙ ‘සඤ්ඤා වෙදයිතනිරොධං සමාපන්නො කාලං කරෙය්යා’ති.
3. ස. පු: සඤ්ඤාවෙදයිතනිරොධං සමාපන්නො කාලං කරෙය්යා’ති.