6. ස. පු: දිට්ඨිගතං අබ්යාකතන්ති.
ප. පටිඤ්ඤා: ආමන්තා.
ස. අනු: අඵලං අවිපාකන්ති.
ප. පටි: න හෙවං වත්තබ්බෙ -පෙ-
ස. අනු: නනු සඵලං සවිපාකන්තී.
ප. පටිඤ්ඤා: ආමන්තා.
අනු. ඨ: හඤ්චි සඵලං සවිපාකං,
අනු. පා: නො ච වත රෙ වත්තබ්බෙ ‘දිට්ඨිගතං අබ්යාකත’න්ති.
7. ස. පු: දිට්ඨිගතං අබ්යාකතන්ති.
ප. පටිඤ්ඤා: ආමන්තා.
ස. අනු: නනු මිච්ඡාදිට්ඨිපරමානි වජ්ජානි,{1} වුත්තානි භගවතා’ති.
ප. පටිඤ්ඤා: ආමන්තා.
අනු. ඨ: හඤ්චි “මිච්ඡාදිට්ඨිපරමානි වජ්ජානි,{1} වුත්තානි භගවතා,
අනු. පා: නො ච වත රෙ වත්තබ්බෙ දිට්ඨිගතං අබ්යාකතන්ති.
8. ස. පු: දිට්ඨිගතං අබ්යාකතන්ති.
ප. පටිඤ්ඤා: ආමන්තා.
ස. අනු: නනු වුත්තං භගවතා: “මිච්ඡාදිට්ඨි ඛො වච්ඡ, අකුසලං{2} -පෙ- සම්මාදිට්ඨි කුසල{3}න්ති.{a} අත්ථෙව සුත්තන්තො’ති.
ප. පටිඤ්ඤා: ආමන්තා.
ස. ආ: තෙන හි න වත්තබ්බං “දිට්ඨිගතං අබ්යාකත”න්ති.
9. ස. පු: දිට්ඨිගතං අබ්යාකතන්ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “මිච්ඡාදිට්ඨිකස්ස ඛො අහං පුණ්ණ ද්වින්නං ගතීනං අඤ්ඤතරං ගතිං වදාමි: නිරයං වා තිරච්ඡානයොනිං වා”ති{a} අත්ථෙව සුත්තන්තො’ති.
ප. පටිඤ්ඤා: ආමන්තා.
ස. ආ: තෙන හි න වත්තබ්බං: දිට්ඨිගතං අබ්යාකතන්ති.
10. ප. පු: න වත්තබ්බං “දිට්ඨිගතං අබ්යාකත”න්ති.
ස. පටිඤ්ඤා: ආමන්තා.
ප. අනු: නනු වුත්තං භගවතා “සස්සතො ලොකො’ති ඛො වච්ඡ, අබ්යාකතමෙතං. අසස්සතො ලොකො’ති ඛො වච්ඡ, අබ්යාකතමෙතං. අන්තවා ලොකො’ති ඛො වච්ඡ, අබ්යාකතමෙතං. අනන්තවා ලොකො’ති ඛො වච්ඡ, -පෙ- තං ජීවං තං සරීරන්ති ඛො වච්ඡ -පෙ- අඤ්ඤං ජීවං අඤ්ඤං සරීරන්ති ඛො වච්ඡ -පෙ- හොති තථාගතො පරම්මරණා’ති ඛො වච්ඡ -පෙ- න හොති තථාගතො පරම්මරණා’ති ඛො වච්ඡ -පෙ- හොති ච න ච හොති තථාගතො පරම්මරණා’ති ඛො වච්ඡ -පෙ- නෙව හොති න න හොති තථාගතො පරම්මරණා’ති ඛො වච්ඡ, අබ්යාකතමෙත”න්ති{b} අත්ථෙව සුත්තන්තො’ති.
ස. පටිඤ්ඤා: ආමන්තා.
ප. ආ: තෙන හි “දිට්ඨිගතං අබ්යාකත”න්ති.
11. ස. පු: දිට්ඨිගතං අබ්යාකතන්ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “මිච්ඡාදිට්ඨිකස්ස භික්ඛවෙ පුරිසපුග්ගලස්ස යඤ්චෙව කායකම්මං යථාදිට්ඨි සමත්තං සමාදින්නං, යඤ්ච වචීකම්මං -පෙ- යඤ්ච මනොකම්මං -පෙ- යා ච චෙතනා, යා ච පත්ථනා, යො ච පණිධි, යෙ ච සඞ්ඛාරා, සබ්බෙ තෙ ධම්මා අනිට්ඨාය අකන්තාය අමනාපාය අහිතාය දුක්ඛාය සංවත්තන්තී”ති{c} අත්ථෙව සුත්තන්තො’ති.
ප. පටිඤ්ඤා: ආමන්තා.
ස. පා: තෙන හි න වත්තබ්බං “දිට්ඨිගතං අබ්යාකත”න්ති.
අබ්යාකතකථා නිට්ඨිතා.
14. 9.
අපරියාපන්නකථා.
1. ස. පු: දිට්ඨිගතං අපරියාපන්න’න්ති.
ප. පටිඤ්ඤා: ආමන්තා.
ස. අනු: මග්ගො, ඵලං, නිබ්බානං, සොතාපත්තිමග්ගො, සොතාපත්තිඵලං, සකදාගාමිමග්ගො, සකදාගාමිඵලං, අනාගාමිමග්ගො, අනාගාමිඵලං, අරහත්තමග්ගො, අරහත්තඵලං, සතිපට්ඨානං, සම්මප්පධානං ඉද්ධිපාදො, ඉන්ද්රියං, බලං, බොජ්ඣඞ්ගො’ති.
ප. පටි: න හෙවං වත්තබ්බෙ -පෙ-
2. ප. පු: න වත්තබ්බං දිට්ඨිගතං අපරියාපන්නන්ති.
ස. පටිඤ්ඤා: ආමන්තා.
ප. අනු: ‘පුථුජ්ජනො කාමෙසු වීතරාගො’ති වත්තබ්බො’ති.
ස. පටිඤ්ඤා: ආමන්තා.
ප. අනු: ‘විගතදිට්ඨියො’ති වත්තබ්බො’ති.
ස. පටි: න හෙවං වත්තබ්බෙ -පෙ-
ප. පා: තෙන හි දිට්ඨිගතං අපරියාපන්නන්ති.
අපරියාපන්නකථා නිට්ඨිතා.
චුද්දසමො වග්ගො.
තස්සුද්දානං:
අකුසලමූලං පටිසන්දහති කුසලමූලං කුසලමූලං පටිසන්දහති අකුසලමූලං සළායතනං ඡ විඤ්ඤාණකායා අරියරූපං මහාභූතානුපාදාය. ස්වෙවානුසයො තං පරියුට්ඨානං යථාධාතු තඤ්ඤෙවනුසෙති දිට්ඨිගතං අබ්යාකතමපරියාපන්නන්ති.
පණ්ණරසමො වග්ගො.
15. 1.
පච්චයකථා.
1. ස. පු: පච්චයතා වවත්ථිතා’ති.
ප. පටිඤ්ඤා: ආමන්තා.
ස. අනු: නනු වීමංසා හෙතු, සො ච අධිපතී’ති.
ප. පටිඤ්ඤා: ආමන්තා.
ස. ඨ: හඤ්චි වීමංසා හෙතු, සො ච අධිපති,
ස. පා: තෙන වත රෙ වත්තබ්බෙ “හෙතුපච්චයෙන පච්චයො, අධිපතිපච්චයෙන පච්චයො”ති.
2. ස. අනු: නනු ඡන්දාධිපති සහජාතානං ධම්මානං අධිපතී’ති.
ප. පටිඤ්ඤා: ආමන්තා.
ස. ඨ: හඤ්චි ඡන්දාධිපති සහජාතානං ධම්මානං අධිපති,
ස. පා: තෙන වත රෙ වත්තබ්බෙ “අධිපතිපච්චයෙන පච්චයො, සහජාතපච්චයෙන පච්චයො”ති.
3. ස. අනු: නනු විරියාධිපති සහජාතානං ධම්මානං අධිපතී’ති.
ප. පටිඤ්ඤා: ආමන්තා.
ස. ඨ: හඤ්චි විරියාධිපති සහජාතානං ධම්මානං අධිපති,
ස. පා’ තෙන වත රෙ වත්තබ්බෙ “අධිපතිපච්චයෙන පච්චයො, සහජාතපච්චයෙන පච්චයො”ති.
4. ස. අනු: නනු විරියාධිපති සහජාතානං ධම්මානං අධිපති, තං ච ඉන්ද්රියන්ති.
ප. පටිඤ්ඤා: ආමන්තා.
ස. ඨ. හඤ්චි විරියාධිපති සහජාතානං ධම්මානං අධිපති තං ච ඉන්ද්රියං,
ස. පා: තෙන වත රෙ වත්තබ්බෙ “අධිපතිපච්චයෙන පච්චයො, ඉන්ද්රියපච්චයෙන පච්චයො”ති.
5. ස. අනු: නනු විරියාධිපති සහජාතානං ධම්මානං අධිපති, තං ච මග්ගඞ්ගන්ති.
ප. පටිඤ්ඤා: ආමන්තා.
ස. ඨ. හඤ්චි විරියාධිපති සහජාතානං ධම්මානං අධිපති තඤ්ච මග්ගඞ්ගං,
ස. පා: තෙන වත රෙ වත්තබ්බෙ “අධිපතිපච්චයෙන පච්චයො, මග්ගපච්චයෙන පච්චයො”ති.
6. ස. අනු: නනු චිත්තාධිපති සහජාතානං ධම්මානං අධිපතී’ති.
ප. පටිඤ්ඤා: ආමන්තා.
ස. ඨ. හඤ්චි චිත්තාධිපති සහජාතානං ධම්මානං අධිපති,
ස. පා: තෙන වත රෙ වත්තබ්බෙ “අධිපතිපච්චයෙන පච්චයො, සහජාතපච්චයෙන පච්චයො”ති.
7. ස. අනු: නනු චිත්තාධිපති සහජාතානං ධම්මානං අධිපති, සො ච ආහාරො’ති.
ප. පටිඤ්ඤා: ආමන්තා.
ස. ඨ. හඤ්චි චිත්තාධිපති සහජාතානං ධම්මානං අධිපති, සො ච ආහාරො,
ස. පා: තෙන වත රෙ වත්තබ්බෙ “අධිපතිපච්චයෙන පච්චයො, ආහාරපච්චයෙන පච්චයො”ති.
8. ස. අනු: නනු චිත්තාධිපති සහජාතානං ධම්මානං අධිපති, තඤ්ච ඉන්ද්රියන්ති.
ප. පටිඤ්ඤා: ආමන්තා.
ස. ඨ. හඤ්චි චිත්තාධිපති සහජාතානං ධම්මානං අධිපති තං ච ඉන්ද්රියං,
ස. අනු: තෙන වත රෙ වත්තබ්බෙ “අධිපතිපච්චයෙන පච්චයො, ඉන්ද්රියපච්චයෙන පච්චයො”ති.
9. ස. අනු: වීමංසාධිපති සහජාතානං ධම්මානං අධිපතී’ති.
ප. පටිඤ්ඤා: ආමන්තා.
ස. ඨ. හඤ්චි වීමංසාධිපති සහජාතානං ධම්මානං අධිපති.
ස. පා: තෙන වත රෙ වත්තබ්බෙ “අධිපතිපච්චයෙන පච්චයො, සහජාතපච්චයෙන පච්චයො”ති.
10. ස. අනු: නනු වීමංසාධිපති සහජාතානං ධම්මානං අධිපති, තං ච ඉන්ද්රියන්ති.
ප. පටිඤ්ඤා: ආමන්තා.
ස. ඨ. හඤ්චි වීමංසාධිපති සහජාතානං ධම්මානං අධිපති, තං ච ඉන්ද්රියං,
ස. පා: තෙන වත රෙ වත්තබ්බෙ “අධිපතිපච්චයෙන පච්චයො, ඉන්ද්රියපච්චයෙන පච්චයො”ති.
11. ස. අනු: නනු වීමංසාධිපති සහජාතානං ධම්මානං අධිපති, තං ච මග්ගඞ්ගන්ති.
ප. පටිඤ්ඤා: ආමන්තා.
ස. ඨ. හඤ්චි වීමංසාධිපති සහජාතානං ධම්මානං අධිපති, තං ච මග්ගඞ්ගං,