16. ප. පු: කුසලාබ්යාකතෙ චිත්තෙ වත්තමානෙ සරාගො’ති වත්තබ්බො’ති.
ස. පටිඤ්ඤා: ආමන්තා.
ප. අනු: පරියුට්ඨිතො’ති වත්තබ්බො’ති.
ස. පටි: න හෙවං වත්තබ්බෙ -පෙ-
ප. ආ: තෙන හි අඤ්ඤො රාගො, අඤ්ඤං පරියුට්ඨානන්ති.
අඤ්ඤො අනුසයොතිකථා නිට්ඨිතා.
14. 6.
පරියුට්ඨානං චිත්තවිප්පයුත්තන්තිකථා.
1. ස. පු: පරියුට්ඨානං චිත්තවිප්පයුත්තන්ති.
ප. පටිඤ්ඤා: ආමන්තා.
ස. අනු: රූපං නිබ්බානං චක්ඛායතනං -පෙ- ඵොට්ඨබ්බායතනන්ති.
ප. පටි: න හෙවං වත්තබ්බෙ -පෙ-
2. ස. පු: පරියුට්ඨානං චිත්තවිප්පයුත්තන්ති.
ප. පටිඤ්ඤා: ආමන්තා.
ස. අනු: නත්ථි සරාගං චිත්තං, සදොසං චිත්තං, සමොහං චිත්තං -පෙ- අකුසලං චිත්තං, සංකිලිට්ඨං චිත්තන්ති.
ප. පටි: න හෙවං වත්තබ්බෙ -පෙ-
ස. අනු: නනු අත්ථි සරාගං චිත්තං, සදොසං චිත්තං, සමොහං චිත්තං, -පෙ- අකුසලං චිත්තං සංකිලිට්ඨං චිත්තන්ති.
ප. පටිඤ්ඤා: ආමන්තා.
අනු. ඨ: හඤ්චි අත්ථි සරාගං චිත්තං, සදොසං චිත්තං, සමොහං චිත්තං -පෙ- අකුසලං චිත්තං සංකිලිට්ඨං චිත්තං,
අනු. පා: නො ච වත රෙ වත්තබ්බෙ ‘පරියුට්ඨානං චිත්තවිප්පයුත්ත’න්ති.
පරියුට්ඨානං චිත්තවිප්පයුත්තන්තිකථා නිට්ඨිතා.
14. 7.
පරියාපන්නකථා.
1. ස. පු: රූපරාගො රූපධාතුං අනුසෙති, රූපධාතුපරියාපන්නො’ති.
ප. පටිඤ්ඤා: ආමන්තා.
ස. අනු: සමාපත්තෙසියො උපපත්තෙසියො දිට්ඨධම්මසුඛවිහාරො, සමාපත්තෙසියෙන චිත්තෙන උපපත්තෙසියෙන චිත්තෙන දිට්ඨධම්මසුඛවිහාරෙන චිත්තෙන සහගතො සහජාතො සංසට්ඨො සම්පයුත්තො එකුප්පාදො එකනිරොධො එකවත්ථුකො එකාරම්මණො’ති.
ප. පටි: න හෙවං වත්තබ්බෙ -පෙ-
ස. අනු: නනු න සමාපත්තෙසියො න උපපත්තෙසියො න දිට්ඨධම්මසුඛවිහාරො, න සමාපත්තෙසියෙන චිත්තෙන න උපපත්තෙසියෙන චිත්තෙන න දිට්ඨධම්මසුඛවිහාරෙන චිත්තෙන සහගතො සහජාතො සංසට්ඨො සම්පයුත්තො එකුප්පාදො එකනිරොධො එකවත්ථුකො එකාරම්මණො’ති.
ප. පටිඤ්ඤා: ආමන්තා.
අනු. ඨ, හඤ්චි න සමාපත්තෙසියො න උපපත්තෙසියො න දිට්ඨධම්මසුඛවිහාරො -පෙ- එකාරම්මණො,
අනු. පා: නො ච වත රෙ වත්තබ්බෙ: රූපරාගො රූපධාතුං අනුසෙති, රූපධාතු පරියාපන්නො’ති.
2. ස. පු: රූපරාගො රූපධාතුං අනුසෙති, රූපධාතුපරියාපන්නො’ති.
ප. පටිඤ්ඤා: ආමන්තා.
ස. අනු: සද්දරාගො සද්දධාතුං අනුසෙති, සද්දධාතුපරියාපන්නො’ති.
ප. පටි: න හෙවං වත්තබ්බෙ -පෙ-
3. ස. පු: රූපරාගො රූපධාතුං අනුසෙති, රූපධාතුපරියාපන්නො’ති.
ප. පටිඤ්ඤා: ආමන්තා.
ස. අනු: ගන්ධරාගො -පෙ- රසරාගො -පෙ- ඵොට්ඨබ්බරාගො ඵොට්ඨබ්බධාතුං අනුසෙති, ඵොට්ඨබ්බධාතු පරියාපන්නො’ති.
ප. පටි: න හෙවං වත්තබ්බෙ -පෙ-
4. ස. පු: සද්දරාගො සද්දධාතුං අනුසෙති, න වත්තබ්බං සද්දධාතුපරියාපන්නො’ති.
ප. පටිඤ්ඤා: ආමන්තා.
ස. අනු: රූපරාගො රූපධාතුං අනුසෙති, න වත්තබ්බං රූපධාතුපරියාපන්නො’ති.
ප. පටි: න හෙවං වත්තබ්බෙ -පෙ-
5. ස. පු: ගන්ධරාගො -පෙ- රසරාගො -පෙ- ඵොට්ඨබ්බරාගො ඵොට්ඨබ්බධාතුං අනුසෙති, න වත්තබ්බං ඵොට්ඨබ්බධාතුපරියාපන්නොති.
ප. පටිඤ්ඤා: ආමන්තා.
ස. අනු: රූපරාගො රූපධාතුං අනුසෙති, න වත්තබ්බං: රූපධාතුපරියාපන්නො’ති.
ප. පටි: න හෙවං වත්තබ්බෙ -පෙ-
6. ස. පු: අරූපරාගො අරූපධාතුං අනුසෙති, අරූපධාතු පරියාපන්නො’ති.
ප. පටිඤ්ඤා: ආමන්තා.
ස. අනු: සමාපත්තෙසියො උපපත්තෙසියො දිට්ඨධම්මසුඛවිහාරො, සමාපත්තෙසියෙන චිත්තෙන උපපත්තෙසියෙන චිත්තෙන දිට්ඨධම්මසුඛවිහාරෙන චිත්තෙන සහගතො සහජාතො සංසට්ඨො සම්පයුත්තො එකුප්පාදො එකනිරොධො එකවත්ථුකො එකාරම්මණො’ති.
ප. පටි: න හෙවං වත්තබ්බෙ -පෙ-
ස. අනු: නනු න සමාපත්තෙසියො න උපපත්තෙසියො න දිට්ඨධම්මසුඛවිහාරො, න සමාපත්තෙසියෙන චිත්තෙන සහගතො -පෙ- එකාරම්මණො’ති.
ප. පටිඤ්ඤා: ආමන්තා.
අනු. ඨ: හඤ්චි න සමාපත්තෙසියො න උපපත්තෙසියො -පෙ- එකාරම්මණො,
අනු. පා: නො ච වත රෙ වත්තබ්බෙ “අරූපරාගො අරූපධාතුං අනුසෙති, අරූපධාතුපරියාපන්නො”ති.
7. ස. පු: අරූපරාගො අරූපධාතුං අනුසෙති, අරූපධාතු පරියාපන්නො’ති.
ප. පටිඤ්ඤා: ආමන්තා.
ස. අනු: සද්දරාගො සද්දධාතුං අනුසෙති, සද්දධාතු පරියාපන්නො’ති.
ප. පටි: න හෙවං වත්තබ්බෙ -පෙ-
8. ස. පු: අරූපරාගො අරූපධාතුං අනුසෙති, අරූපධාතු පරියාපන්නො’ති.
ප. පටිඤ්ඤා: ආමන්තා.
ස. අනු: ගන්ධරාගො -පෙ- රසරාගො -පෙ- ඵොට්ඨබ්බරාගො ඵොට්ඨබ්බධාතුං අනුසෙති, ඵොට්ඨබ්බධාතු පරියාපන්නො’ති.
ප. පටි: න හෙවං වත්තබ්බෙ -පෙ-
9. ස. පු: සද්දරාගො සද්දධාතුං අනුසෙති, න වත්තබ්බං: සද්දධාතුපරියාපන්නො’ති.
ප. පටිඤ්ඤා: ආමන්තා.
ස. අනු: අරූපරාගො අරූපධාතුං අනුසෙති, න වත්තබ්බං: අරූපධාතුපරියාපන්නො’ති.
ප. පටි: න හෙවං වත්තබ්බං -පෙ-
10. ස. පු: ගන්ධරාගො -පෙ- රසරාගො{1} -පෙ- ඵොට්ඨබ්බරාගො ඵොට්ඨබ්බධාතුං අනුසෙති, න වත්තබ්බං ඵොට්ඨබ්බධාතුපරියාපන්නො’ති.
ප. පටිඤ්ඤා: ආමන්තා.
ස. අනු: අරූපරාගො අරූපධාතුං අනුසෙති, න වත්තබ්බං: අරූපධාතුපරියාපන්නො’ති.
ප. පටි: න හෙවං වත්තබ්බෙ -පෙ-
11. ප. පු: න වත්තබ්බං: රූපරාගො රූපධාතුං අනුසෙති, රූපධාතුපරියාපන්නො, අරූපරාගො අරූපධාතුං අනුසෙති, අරූපධාතු පරියාපන්නො’ති.
ස. පටිඤ්ඤා: ආමන්තා.
ප. අනු: නනු කාමරාගො කාමධාතුං අනුසෙති, කාමධාතු පරියාපන්නො’ති.
ස. පටිඤ්ඤා: ආමන්තා.
අනු. ඨ: හඤ්චි කාමරාගො කාමධාතුං අනුසෙති, කාමධාතු පරියාපන්නො,
අනු. පා: තෙන වත රෙ වත්තබ්බෙ “රූපරාගො රූපධාතුං අනුසෙති, රූපධාතුපරියාපන්නො; අරූපරාගො අරූපධාතුං අනුසෙති, අරූපධාතුපරියාපන්නො’ති.
පරියාපන්නකථා නිට්ඨිතා.
14. 8.
අබ්යාකතකථා.
1. ස. පු: දිට්ඨිගතං අබ්යාකතන්ති.
ප. පටිඤ්ඤා: ආමන්තා.
ස. අනු: විපාකාබ්යාකතං කිරියාබ්යාකතං රූපං නිබ්බානං චක්ඛායතනං -පෙ- ඵොට්ඨබ්බායතනන්ති.
ප. පටි: න හෙවං වත්තබ්බෙ -පෙ-
2. ස. පු: දිට්ඨිගතං අබ්යාකතන්ති.
ප. පටිඤ්ඤා: ආමන්තා.
ස. අනු: දිට්ඨිගතසම්පයුත්තො ඵස්සො අබ්යාකතො’ති.
ප. පටි: න හෙවං වත්තබ්බෙ -පෙ-
3. ස. පු: දිට්ඨිගතං අබ්යාකතන්ති.
ප. පටිඤ්ඤා: ආමන්තා.
ස. අනු: දිට්ඨිගතසම්පයුත්තා වෙදනා -පෙ- සඤ්ඤා -පෙ- චෙතනා -පෙ- චිත්තං අබ්යාකතන්ති.
ප. පටි: න හෙවං වත්තබ්බෙ -පෙ-
4. ස. පු: දිට්ඨිගතසම්පයුත්තො ඵස්සො අකුසලො’ති.
ප. පටිඤ්ඤා: ආමන්තා.
ස. අනු: දිට්ඨිගතං අකුසලන්ති.
ප. පටි: න හෙවං වත්තබ්බෙ -පෙ-
5. ස. පු: දිට්ඨිගතසම්පයුත්තා වෙදනා -පෙ- සඤ්ඤා -පෙ- චෙතනා -පෙ- චිත්තං අකුසලන්ති.
ප. පටිඤ්ඤා: ආමන්තා.
ස. අනු: දිට්ඨිගතං අකුසලන්ති.
ප. පටි: න හෙවං වත්තබ්බෙ -පෙ-