15. ප. පු: න වත්තබ්බං පඤ්චවිඤ්ඤාණා අඤ්ඤමඤ්ඤස්ස සමනන්තරා උප්පජ්ජන්තී’ති.
ස. පටිඤ්ඤා: ආමන්තා.
ප. අනු: නනු අත්ථි කොචි නච්චති, ගායති, වාදෙති, රූපඤ්ච පස්සති, සද්දඤ්ච සුණාති, ගන්ධඤ්ච ඝායති, රසඤ්ච සායති, ඵොට්ඨබ්බඤ්ච ඵුසති’ති.
ස. පටිඤ්ඤා: ආමන්තා.
අනු. ඨ: නනු අත්ථි කොචි නච්චති, ගායති, වාදෙති, රූපඤ්ච පස්සති, සද්දඤ්ච සුණාති, ගන්ධඤ්ච ඝායති, රසඤ්ච සායති, ඵොට්ඨබ්බඤ්ච ඵුසති,
අනු. පා: තෙන වත රෙ වත්තබ්බෙ “පඤ්චවිඤ්ඤාණා අඤ්ඤමඤ්ඤස්ස සමනන්තරා උප්පජ්ජන්තී”ති.
අනන්තරපච්චයකථා නිට්ඨිතා.
14. 4.
අරියරූපකථා.
1. ස. පු: අරියරූපං මහාභූතානං උපාදායා’ති.
ප. පටිඤ්ඤා: ආමන්තා.
ස. අනු: අරියරූපං කුසලන්ති.
ප. පටිඤ්ඤා: ආමන්තා.
ස. අනු: මහාභූතා කුසලා’ති.
ප. පටි: න හෙවං වත්තබ්බෙ -පෙ-
2. ස. පු: මහාභූතා අබ්යාකතා’ති.
ප. පටිඤ්ඤා: ආමන්තා.
ස. අනු: අරියරූපං අබ්යාකතන්ති.
ප. පටි: න හෙවං වත්තබ්බෙ -පෙ-
3. ස. පු: අරියරූපං මහාභූතානං උපාදායා’ති.
ප. පටිඤ්ඤා ආමන්තා.
ස. අනු: අරියරූපං අනාසවං අසංයොජනියං{1} අගන්ථනීයං{2} අනොඝනීයං{3} අයොගනීයං{4} අනීවරණියං අපරාමට්ඨං අනුපාදානියං අසංකිලෙසිකන්ති.{5}
ප. පටිඤ්ඤා: ආමන්තා.
ස. අනු: මහාභූතා අනාසවා -පෙ- අසංකිලෙසිකාති.
ප. පටි: න හෙවං වත්තබ්බෙ -පෙ-
4. ස. පු: මහාභූතා සාසවා සංයොජනියා -පෙ- සංකිලෙසිකා’ති.
ප. පටිඤ්ඤා: ආමන්තා.
ස. අනු: අරියරූපං සාසවං සංයොජනියං -පෙ- සංකිලෙසිකන්ති.
ප. පටි: න හෙවං වත්තබ්බෙ -පෙ-
5. ප. පු: න වත්තබ්බං ‘අරියරූපං මහාභූතානං උපාදායා’ති.
ස. පටිඤ්ඤා: ආමන්තා.
ප. අනු: නනු වුත්තං භගවතා: “යං කිඤ්චි භික්ඛවෙ රූපං චත්තාරි මහාභූතානි චතුන්නඤ්ච මහාභූතානං උපාදාය රූප”න්ති අත්ථෙව සුත්තන්තො’ති.
ස. පටිඤ්ඤා: ආමන්තා.
ප. ආ: තෙන හි “අරියරූපං මහාභූතානං උපාදායා”ති.{4}
අරියරූපකථා නිට්ඨිතා.
14. 5.
අඤ්ඤො අනුසයොතිකථා.
1. ස. පු: අඤ්ඤො කාමරාගානුසයො අඤ්ඤං කාමරාගපරියුට්ඨානන්ති.
ප. පටිඤ්ඤා: ආමන්තා.
ස. අනු: අඤ්ඤො කාමරාගො අඤ්ඤං කාමරාගපරියුට්ඨානන්ති.
ප. පටි: න හෙවං වත්තබ්බෙ -පෙ-
2. ස. පු: ස්වෙ’ව කාමරාගො තං කාමරාගපරියුට්ඨානන්ති.
ප. පටිඤ්ඤා: ආමන්තා.
ස. අනු: ස්වෙ’ව කාමාරාගානුසයො තං කාමරාගපරියුට්ඨානන්ති.
ප. පටි: න හෙවං වත්තබ්බෙ -පෙ-
3. ස. පු: අඤ්ඤො පටිඝානුසයො අඤ්ඤං පටිඝපරියුට්ඨානන්ති.
ප. පටිඤ්ඤා: ආමන්තා.
ස. අනු: අඤ්ඤං පටිඝං අඤ්ඤං පටිඝපරියුට්ඨානන්ති.
ප. පටි: න හෙවං වත්තබ්බෙ -පෙ-
4. ස. පු: තඤ්ඤෙව පටිඝං තං පටිඝපරියුට්ඨානන්ති.
ප. පටිඤ්ඤා: ආමන්තා.
ස. අනු: ස්වෙ’ව පටිඝානුසයො තං පටිඝපරියුට්ඨානන්ති.
ප. පටි: න හෙවං වත්තබ්බෙ -පෙ-
5. ස. පු: අඤ්ඤො මානානුසයො අඤ්ඤං මානපරියුට්ඨානන්ති.
ප. පටිඤ්ඤා: ආමන්තා.
ස. අනු: අඤ්ඤො මානො අඤ්ඤං මානපරියුට්ඨානන්ති.
ප. පටි: න හෙවං වත්තබ්බෙ -පෙ-
6. ස. පු: ස්වෙ’ව මානො තං මානපරියුට්ඨානන්ති.
ප. පටිඤ්ඤා: ආමන්තා.
ස. අනු: ස්වෙ’ව මානානුසයො තං මානපරියුට්ඨානන්ති.
ප. පටි: න හෙවං වත්තබ්බෙ -පෙ-
7. ස. පු: අඤ්ඤො දිට්ඨානුසයො අඤ්ඤං දිට්ඨිපරියුට්ඨානන්ති.
ප. පටිඤ්ඤා. ආමන්තා.
ස. අනු: අඤ්ඤා දිට්ඨි අඤ්ඤං දිට්ඨිපරියුට්ඨානන්ති.
ප. පටි: න හෙවං වත්තබ්බෙ -පෙ-
8. ස. පු: සා’ව දිට්ඨි තං දිට්ඨිපරියුට්ඨානන්ති.
ප. පටිඤ්ඤා: ආමන්තා.
ස. අනු: ස්වෙ’ව දිට්ඨානුසයො තං දිට්ඨිපරියුට්ඨානන්ති.
ප. පටි: න හෙවං වත්තබ්බෙ -පෙ-
9. ස. පු: අඤ්ඤො විචිකිච්ඡානුසයො අඤ්ඤං විචිකිච්ඡාපරියුට්ඨානන්ති.
ප. පටිඤ්ඤා: ආමන්තා.
ස. අනු: අඤ්ඤා විචිකිච්ඡා අඤ්ඤං විචිකිච්ඡාපරියුට්ඨන්ති.
ප. පටි: න හෙවං වත්තබ්බෙ -පෙ-
10. ස. පු: සා’ව විචිකිච්ඡා තං විචිකිච්ඡාපරියුට්ඨානන්ති.
ප. පටිඤ්ඤා: ආමන්තා.
ස. අනු: ස්වෙ’ව විචිකිච්ඡානුසයො තං විචිකිච්ඡාපරියුට්ඨානන්ති.
ප. පටි: න හෙවං වත්තබ්බෙ -පෙ-
11. ස. පු: අඤ්ඤො භවරාගානුසයො අඤ්ඤං භවරාගපරියුට්ඨානන්ති.
ප. පටිඤ්ඤා: ආමන්තා.
ස. අනු: අඤ්ඤො භවරාගො අඤ්ඤං භවරාගපරියුට්ඨානන්ති.
ප. පටි: න හෙවං වත්තබ්බෙ -පෙ-
12. ස. පු: ස්වෙ’ව භවරාගො තං භවරාගපරියුට්ඨානන්ති.
ප. පටිඤ්ඤා: ආමන්තා.
ස. අනු: ස්වෙ’ව භවරාගානුසයො තං භවරාගපරියුට්ඨානන්ති.
ප. පටි: න හෙවං වත්තබ්බෙ -පෙ-
13. ස. පු: අඤ්ඤො අවිජ්ජානුසයො, අඤ්ඤං අවිජ්ජාපරියුට්ඨානන්ති.
ප. පටිඤ්ඤා: ආමන්තා.
ස. අනු: අඤ්ඤා අවිජ්ජා, අඤ්ඤං අවිජ්ජාපරියුට්ඨානන්ති.
ප. පටි: න හෙවං වත්තබ්බෙ -පෙ-
14. ස. පු: සා’ව අවිජ්ජා තං අවිජ්ජාපරියුට්ඨානන්ති.
ප. පටිඤ්ඤා: ආමන්තා.
ස. අනු: ස්වෙ’ව අවිජ්ජානුසයො තං අවිජ්ජාපරියුට්ඨානන්ති.
ප. පටි: න හෙවං වත්තබ්බෙ -පෙ-
15. ප. පු: න වත්තබ්බං අඤ්ඤො අනුසයො අඤ්ඤං පරියුට්ඨානන්ති.
ස. පටිඤ්ඤා ආමන්තා.
ප. අනු: පුථුජ්ජනො කුසලාබ්යාකතෙ චිත්තෙ වත්තමානෙ සානුසයො’ති වත්තබ්බො’ති.
ස. පටිඤ්ඤා ආමන්තා.
ප. අනු: පරියුට්ඨිතො’ති වත්තබ්බො’ති.
ස. පටි: න හෙවං වත්තබ්බෙ -පෙ-
ප. ආ: තෙන හි අඤ්ඤො අනුසයො, අඤ්ඤං පරියුට්ඨානන්ති.