ප. පටි: න හෙවං වත්තබ්බෙ -පෙ-
4. ප. පු: මාතුකුච්ඡිගතස්ස පච්ඡා චක්ඛායතනං උප්පජ්ජතී’ති.
ස. පටිඤ්ඤා: ආමන්තා.
ප. අනු: මාතුකුච්ඡිස්මිං චක්ඛුපටිලාභාය කම්මං කරොතී’ති.
ස. පටි: න හෙවං වත්තබ්බෙ -පෙ-
5. ප. පු: මාතුකුච්ඡිගතස්ස පච්ඡා සොතායතනං -පෙ- ඝානායතනං -පෙ- ජිව්හායතනං උප්පජ්ජතී’ති.
ස. පටිඤ්ඤා: ආමන්තා.
ප. අනු: මාතුකුච්ඡිස්මිං ජිව්හායතනපටිලාභය කම්මං කරොතී’ති.
ස. පටි: න හෙවං වත්තබ්බෙ -පෙ-
6. ප. පු: මාතුකුච්ඡිගතස්ස පච්ඡා කෙසා ලොමා නඛා දන්තා අට්ඨි උප්පජ්ජන්තී’ති.
ස. පටිඤ්ඤා: ආමන්තා.
ප. අනු: මාතුකුච්ඡිස්මිං අට්ඨිපටිලාභාය කම්මං කරොතී’ති.
ස. පටි: න හෙවං වත්තබ්බෙ -පෙ-
7. ස. පු: න වත්තබ්බං මාතුකුච්ඡිගතස්ස පච්චයා කෙසා ලොමා නඛා දන්තා අට්ඨි උප්පජ්ජන්තී’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා.
“පඨමං කලලං හොති කලලා හොති අබ්බුදං අබ්බුදා ජායතෙ පෙසී පෙසී නිබ්බත්තතී ඝනො ඝනා පසාඛා ජායන්ති කෙසා ලොමා නඛා’පි ච.
යඤ්චස්ස භුඤ්ජතෙ{1}. මාතා අන්නං පානඤ්ච භොජනං තෙන සො තත්ථ යාපෙති මාතුකුච්ඡිගතො නරො’ති”{a}
අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. ආ: තෙන හි “මාතුකුච්ඡිගතස්ස පච්ඡා කෙසා ලොමා නඛා දන්තා අට්ඨි උප්පජ්ජන්තී”ති.
සළායතනුප්පත්තිකථා නිට්ඨිතා.
14. 3.
අනන්තරපච්චයකථා
1. ස. පු: චක්ඛුවිඤ්ඤාණස්ස අනන්තරා සොතවිඤ්ඤාණං උප්පජ්ජතී’ති.
ප. පටිඤ්ඤා: ආමන්තා.
ස. අනු: යා චක්ඛුවිඤ්ඤාණස්ස උප්පාදාය ආවට්ටනා -පෙ- පණිධි, සා’ව සොතවිඤ්ඤාණස්ස උප්පාදාය ආවට්ටනා -පෙ- පණිධී’ති.
ප. පටි: න හෙවං වත්තබ්බෙ -පෙ-
2. ස. පු: චක්ඛුවිඤ්ඤාණස්ස අනන්තරා සොතවිඤ්ඤාණං උප්පජ්ජති,{1} න වත්තබ්බං ‘යා චක්ඛුවිඤ්ඤාණස්ස උප්පාදාය ආවට්ටනා -පෙ- පණිධි, සාව’ සොතවිඤ්ඤාණස්ස උප්පාදාය ආවට්ටනා -පෙ- පණී’ධීති.
ප. පටිඤ්ඤා: ආමන්තා.
ස. අනු: සොතවිඤ්ඤාණං අනාවට්ටන්තස්ස උප්පජ්ජති -පෙ- අපණිදහන්තස්ස උප්පජ්ජතී’ති.
ප. පටි: න හෙවං වත්තබ්බෙ -පෙ-
ස. අනු: නනු සොතවිඤ්ඤාණං ආවට්ටන්තස්ස උප්පජ්ජති -පෙ- පණිදහන්තස්ස උප්පජ්ජතී’ති.
ප. පටිඤ්ඤා: ආමන්තා.
අනු. ඨ: හඤ්චි සොතවිඤ්ඤාණං ආවට්ටන්තස්ස උප්පජ්ජති -පෙ- පණිදහන්තස්ස උප්පජ්ජති.
අනු. පා: නො ච වත රෙ වත්තබ්බෙ “චක්ඛුවිඤ්ඤාණස්ස අනන්තරා සොතවිඤ්ඤාණං උප්පජ්ජතී’ති.
3. ස. පු: චක්ඛුවිඤ්ඤාණස්ස අනන්තරා සොතවිඤ්ඤාණං උප්පජ්ජතී’ති.
ප. පටිඤ්ඤා: ආමන්තා.
ස. අනු: චක්ඛුවිඤ්ඤාණං රූපනිමිත්තං මනසිකරොතො උප්පජ්ජතී’ති.
ප. පටිඤ්ඤා: ආමන්තා.
ස. අනු: සොතවිඤ්ඤාණං රූපනිමිත්තං මනසිකරොතො උප්පජ්ජතී’ති.
ප. පටි: න හෙවං වත්තබ්බෙ -පෙ-
4. ස. පු: චක්ඛුවිඤ්ඤාණං රූපාරම්මණඤ්ඤෙව න අඤ්ඤාරම්මණන්ති.
ප. පටිඤ්ඤා: ආමන්තා.
ස. අනු: සොතවිඤ්ඤාණං රූපාරම්මණඤ්ඤෙව න අඤ්ඤාරම්මණන්ති.
ප. පටි: න හෙවං වත්තබ්බෙ -පෙ-
5. ස. පු: චක්ඛුඤ්ච පටිච්ච රූපෙ ච උප්පජ්ජති චක්ඛුවිඤ්ඤාණන්ති.
ප. පටිඤ්ඤා: ආමන්තා.
ස. අනු: චක්ඛුඤ්ච පටිච්ච රූපෙ ච උප්පජ්ජති සොතවිඤ්ඤාණන්ති.
ප. පටි: න හෙවං වත්තබ්බෙ -පෙ-
6. ස. පු: චක්ඛුඤ්ච පටිච්ච රූපෙ ච උප්පජ්ජති සොතවිඤ්ඤාණන්ති.
ප. පටිඤ්ඤා: ආමන්තා.
ස. අනු: “චක්ඛුඤ්ච පටිච්ච රූපෙ ච උප්පජ්ජති සොතවිඤ්ඤාණන්ති” අත්ථෙ’ව සුත්තන්තො’ති.
ප. පටි: නත්ථි.
ස. අනු: “චක්ඛුඤ්ච පටිච්ච රූපෙ ච උප්පජ්ජති චක්ඛු විඤ්ඤාණන්ති” අත්ථෙ’ව සුත්තන්තො’ති.
ප. පටිඤ්ඤා: ආමන්තා.
අනු. ඨ: හඤ්චි “චක්ඛුඤ්ච පටිච්ච රූපෙ ච උප්පජ්ජති චක්ඛුවිඤ්ඤාණ”න්ති. අත්ථෙ’ව සුත්තන්තො,
අනු. පා: නො ච වත රෙ වත්තබ්බෙ “චක්ඛුඤ්ච පටිච්ච රූපෙ ච උප්පජ්ජති සොතවිඤ්ඤාණ”න්ති.
7. ස. පු: චක්ඛුවිඤ්ඤාණස්ස අනන්තරා සොතවිඤ්ඤාණං උප්පජ්ජතී’ති.
ප. පටිඤ්ඤා: ආමන්තා.
ස. අනු: තඤ්ඤෙ’ව චක්ඛුවිඤ්ඤාණං තං සොතවිඤ්ඤාණන්ති.
ප. පටි: න හෙවං වත්තබ්බෙ -පෙ-
8. ස. පු: සොතවිඤ්ඤාණස්ස අනන්තරා ඝානවිඤ්ඤාණං උප්පජ්ජති, ඝානවිඤ්ඤාණස්ස අනන්තරා ජිව්හාවිඤ්ඤාණං උප්පජ්ජති, ජිව්හාවිඤ්ඤාණස්ස අනන්තරා කායවිඤ්ඤාණං උප්පජ්ජතී’ති.
ප. පටිඤ්ඤා: ආමන්තා.
ස. අනු: යා ජිහ්වාවිඤ්ඤාණස්ස උප්පාදාය ආවට්ටනා -පෙ- පණිධි සා’ව කායවිඤ්ඤාණස්ස උප්පාදාය ආවට්ටනා -පෙ- පණිධී’ති.
ප. පටි: න හෙවං වත්තබ්බෙ -පෙ-
9. ස. පු: ජිව්හාවිඤ්ඤාණස්ස අනන්තරා කායවිඤ්ඤාණං උප්පජ්ජති, න වත්තබ්බං “යා ජිවිහාවිඤ්ඤාණස්ස උප්පාදාය ආවට්ටනා -පෙ- පණිධි, සා’ව කායවිඤ්ඤාණස්ස උප්පාදාය ආවට්ටනා -පෙ- පණීධි’ති.
ප. පටිඤ්ඤා: ආමන්තා.
ස. අනු: කායවිඤ්ඤාණං අනාවට්ටන්තස්ස උප්පජ්ජති. -පෙ- අපණිදහන්තස්ස උප්පජ්ජතී’ති.
ප. පටි: න හෙවං වත්තබ්බෙ -පෙ-
ස. අනු: නනු කායවිඤ්ඤාණං ආවට්ටන්තස්ස උප්පජ්ජති -පෙ- පණිදහන්තස්ස උප්පජ්ජතී’ති.
ප. පටිඤ්ඤා: ආමන්තා.
අනු. ඨ: හඤ්චි කායවිඤ්ඤාණං ආවට්ටන්තස්ස උප්පජ්ජති, -පෙ- පණිදහන්තස්ස උප්පජ්ජති,
අනු. පා: නො ච වත රෙ වත්තබ්බෙ “ජිව්හාවිඤ්ඤාණස්ස අනන්තරා කායවිඤ්ඤාණං උප්පජ්ජතී”ති.
10. ස. පු: ජිව්හාවිඤ්ඤාණස්ස අනන්තරා කායවිඤ්ඤාණං උප්පජ්ජතී’ති.
ප. පටිඤ්ඤා: ආමන්තා.
ස. අනු: ජිව්හාවිඤ්ඤාණං රසනිමිත්තං මනසිකරොතො උප්පජ්ජතී’ති.
ප. පටිඤ්ඤා: ආමන්තා.
ස. අනු: කායවිඤ්ඤාණං රසනිමිත්තං මනසිකරොතො උප්පජ්ජතී’ති.
ප. පටි: න හෙවං වත්තබ්බෙ -පෙ-
11. ස. පු: ජිව්හාවිඤ්ඤාණං රසාරම්මණඤ්ඤෙ’ව න අඤ්ඤාරම්මණන්ති.
ප. පටිඤ්ඤා: ආමන්තා.
ස. අනු: කායවිඤ්ඤාණං රසාරම්මණඤ්ඤො’ව න අඤ්ඤාරම්මණන්ති.
ප. පටි: න හෙවං වත්තබ්බෙ -පෙ-
12. ස. පු: ජිව්හඤ්ච පටිච්ච රසෙ ච උප්පජ්ජති ජිව්හා විඤ්ඤාණන්ති.
ප. පටිඤ්ඤා: ආමන්තා.
ස. අනු: ජිව්හඤ්ච පටිච්ච රසෙ ච උප්පජ්ජති කායවිඤ්ඤාණන්ති.
ප. පටි: න හෙවං වත්තබ්බෙ -පෙ-
13. ස. පු: ජිව්හඤ්ච පටිච්ච රසෙ ච උප්පජ්ජති කායවිඤ්ඤාණන්ති.
ප. පටිඤ්ඤා: ආමන්තා.
ස. අනු: “ජිව්හඤ්ච පටිච්ච රසෙ ච උප්පජ්ජති කායවිඤ්ඤාණ”න්ති අත්ථෙ’ව සුත්තන්තො’ති.
ප. පටි: නත්ථි.
ස. අනු: “ජිව්හඤ්ච පටිච්ච රසෙ ච උප්පජ්ජති ජිව්හා විඤ්ඤාණ”න්ති අත්ථෙ’ව සුත්තන්තො’ති.
ප. පටිඤ්ඤා: ආමන්තා.
අනු. ඨ: හඤ්චි ජිව්හඤ්ච පටිච්ච රසෙ ච උප්පජ්ජති ජිව්හාවිඤ්ඤාණන්ති අත්ථෙ’ව සුත්තන්තො,{1}.
අනු. පා: නො ච වත රෙ වත්තබ්බෙ “ජිව්හඤ්ච පටිච්ච රසෙ ච උප්පජ්ජති කායවිඤ්ඤාණ”න්ති.
14. ස. පු: ජිව්හාවිඤ්ඤාණස්ස අනන්තරා කායවිඤ්ඤාණං උප්පජ්ජතී’ති.
ප. පටිඤ්ඤා: ආමන්තා.
ස. අනු: තඤ්ඤෙ’ව ජිව්හාවිඤ්ඤාණං තං කාය විඤ්ඤාණන්ති.
ප. පටි: න හෙවං වත්තබ්බෙ -පෙ-