ප. පටි: න හෙවං වත්තබ්බෙ -පෙ-
3. ස. පු: රාගො අකුසලො, මග්ගො අකුසලො’ති.
ප. පටිඤ්ඤා: ආමන්තා.
ස. අනු: කුසලාකුසලා සාවජ්ජානවජ්ජා හීනප්පණීතා කණ්හසුක්කසප්පටිභාගා ධම්මා සම්මුඛීභාවං ආගච්ඡන්තී’ති.
ප. පටි: න හෙවං වත්තබ්බෙ -පෙ-
4. ස. පු: කුසලාකුසලා සාවජ්ජානවජ්ජා හීනප්පණීතා කණ්හසුක්කසප්පටිභාගා ධම්මා සම්මුඛීභාවං ආගච්ඡන්තී’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “චත්තාරිමානි භික්ඛවෙ සුවිදූරවිදූරානි කතමානි චත්තාරි: නභඤ්ච භික්ඛවෙ පඨවී ච ඉදං පඨමං සුවිදූරවිදූරං -පෙ- තස්මා සතං ධම්මො අසබ්භි ආරකා’ති{a} අත්ථෙව සුත්තන්තො’ති.
ප. පටිඤ්ඤා: ආමන්තා.
ස. ආ: තෙන හි න වත්තබ්බං “කුසලාකුසලා -පෙ- සම්මුඛීභාවං ආගච්ඡන්තී’ති.
5. ස. පු: නිවුතො නීවරණං ජහතී’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “සො එවං සමාහිතෙ චිත්තෙ පරිසුද්ධෙ පරියොදාතෙ අනඞ්ගණෙ විගතූපක්කිලෙසෙ මුදුභූතෙ කම්මනියෙ ඨිතෙ අනෙඤ්ජප්පත්තෙ ආසවානං ඛයඤාණාය චිත්තං අභිනින්නාමෙතී’ති{b} අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. ආ: තෙන හි න වත්තබ්බං “නිවුතො නීවරණං ජහතී”ති.
6. ප. පු: න වත්තබ්බං නිවුතො නීවරණං ජහතී’ති.
ස. පටිඤ්ඤා: ආමන්තා.
ප. අනු: නනු වුත්තං භගවතා “තස්ස එවං ජානතො එවං පස්සතො කාමාසවා’පි චිත්තං විමුච්චති -පෙ- අවිජ්ජාසවා’පි චිත්තං විමුච්චතී”ති.{b} අත්ථෙව සුත්තන්තො’ති.
ස. පටිඤ්ඤා: ආමන්තා.
ප. ආ: තෙන හි නිවුතො නීවරණං ජහතී’ති.
නිවුතකථා නිට්ඨිතා.
13. 6.
සම්මුඛීභූතකථා.
1. ස. පු: සම්මුඛීභූතො සඤ්ඤොජනං ජහතී’ති.
ප. පටිඤ්ඤා: ආමන්තා.
ස. අනු: රත්තො රාගං ජහති, දුට්ඨො දොසං ජහති, මූළ්හො මොහං ජහති, කිලිට්ඨො කිලෙසෙ ජහතී’ති.
ප. පටි: න හෙවං වත්තබ්බෙ -පෙ-
ස. අනු: රාගෙන රාගං ජහති, දොසෙන දොසං ජහති, මොහෙන මොහං ජහති, කිලෙසෙහි කිලෙසෙ ජහතී’ති.
ප. පටි: න හෙවං වත්තබ්බෙ -පෙ-
2. ස. පු: රාගො චිත්තසම්පයුත්තො, මග්ගො චිත්තසම්පයුත්තො’ති.
ප. පටිඤ්ඤා: ආමන්තා.
ස. අනු: ද්වින්නං ඵස්සානං -පෙ- ද්වින්නං චිත්තානං සමොධානං හොතී’ති.
ප. පටි: න හෙවං වත්තබ්බෙ -පෙ-
3. ස. පු: රාගො අකුසලො, මග්ගො කුසලො’ති.
ප. පටිඤ්ඤා: ආමන්තා.
ස. අනු: කුසලාකුසලා සාවජ්ජානවජ්ජා හීනප්පණීතා කණ්හසුක්කසප්පටිභාගා ධම්මා සම්මුඛීභාවං ආගච්ඡන්තී’ති.
ප. පටි: න හෙවං වත්තබ්බෙ -පෙ-
4. ස. පු: කුසලාකුසලා -පෙ- සම්මුඛීභාවං ආගච්ඡන්තී’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “චත්තාරිමානි භික්ඛවෙ සුවිදූරවිදූරානි. කතමානි චත්තාරි: නභඤ්ච භික්ඛවෙ පඨවී ච, ඉදං පඨමං සුවිදූරවිදූරං -පෙ- තස්මා සතං ධම්මො අසබ්භි ආරකා”ති.{a} අත්ථෙව සුත්තන්තො’ති.
ප. පටිඤ්ඤා: ආමන්තා.
ස. ආ: තෙන හි වත්තබ්බං “කුසලාකුසලා -පෙ- සම්මුඛීභාවං ආගච්ඡන්තී”ති.
5. ස. පු: සම්මුඛීභූතො සඤ්ඤොජනං ජහතී’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “සො එවං සමාහිතෙ චිත්තෙ පරිසුද්ධෙ -පෙ- ආසවානං ඛයඤාණාය චිත්තං අභිනින්නාමෙතී”ති.{b} අත්ථෙව සුත්තන්තො’ති.
ප. පටි: ආමන්තා.
ස. ආ: තෙන හි න වත්තබ්බං “සම්මූඛීභුතො සඤ්ඤොජනං ජහතී’ති.
6. ප. පු: න වත්තබ්බං “සම්මුඛීභූතො සඤ්ඤොජනං ජහතී”ති.
ස. පටිඤ්ඤා: ආමන්තා.
ස. අනු: නනු වුත්තං භගවතා: තස්ස එවං ජානතො එවං පස්සතො කාමාසවා’පි චිත්තං විමුච්චති -පෙ- අවිජ්ජාසවා’පි චිත්තං විමුච්චතී”ති.{b} අත්ථෙ’ව සුත්තන්තො’ති.
ස. පටි: ආමන්තා.
ප. ආ: තෙන හි සම්මුඛීභූතො සඤ්ඤොජනං ජහතී”ති.
සම්මුඛීභූතකථා නිට්ඨිතා.
13. 7.
සමාපන්නො අස්සාදෙතිකථා.
1. ස. පු: සමාපන්නො අස්සාදෙති, ඣානනිකන්ති ඣානාරම්මණා’ති.
ප. පටිඤ්ඤා: ආමන්තා.
ස. අනු: තං ඣානං තස්ස ඣානස්ස ආරම්මණන්ති.
ප. පටි: න හෙවං වත්තබ්බෙ -පෙ-
2. ස. පු: තං ඣානං තස්ස ඣානස්ස ආරම්මණන්ති.
ප. පටිඤ්ඤා: ආමන්තා.
ස. අනු: තෙන ඵස්සෙන තං ඵස්සං ඵුසති, තාය වෙදනාය තං වෙදනං වෙදෙති, තාය සඤ්ඤාය තං සඤ්ඤං ජානාති, තාය චෙතනාය තං චෙතනං චෙතෙති, තෙන චිත්තෙන තං චිත්තං චින්තෙති, තෙන විතක්කෙන තං විතක්කං විතක්කෙති, තෙන විචාරෙන තං විචාරං විචාරෙති, තාය පීතියා තං පීති පියායති, තාය සතියා තං සතිං සරති, තාය පඤ්ඤාය තං පඤ්ඤං පජානාතී’ති.
ප. පටි: න හෙවං වත්තබ්බෙ -පෙ-
3. ස. පු: ඣානනිකන්ති චිත්තසම්පයුත්තා, ඣානං චිත්තසම්පයුත්තන්ති.
ප. පටිඤ්ඤා: ආමන්තා.
ස. අනු: ද්වින්නං ඵස්සානං -පෙ- ද්වින්නං චිත්තානං සමොධානං හොතී’ති.
ප. පටි: න හෙවං වත්තබ්බෙ -පෙ-
4. ස. පු: ඣානනිකන්ති අකුසලං, ඣානං කුසලන්ති.
ප. පටිඤ්ඤා: ආමන්තා.
ස. අනු: කුසලාකුසලා සාවජ්ජානවජ්ජා හීනප්පණීතා කණ්හසුක්කසප්පටිභාගා ධම්මා සම්මුඛීභාවං ආගච්ඡන්තී’ති.
ප. පටි: න හෙවං වත්තබ්බෙ -පෙ-
5. ස. පු: කුසලාකුසලා සාවජ්ජානවජ්ජා හීනප්පණීතා කණ්හසුක්කසප්පටිභාගා ධම්මා සම්මුඛීභාවං ආගච්ඡන්තී’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “චත්තාරිමානි භික්ඛවෙ සුවිදූරවිදූරානි. කතමානි චත්තාරි: නභඤ්ච භික්ඛවෙ පඨවී ච, ඉදං පඨමං සුවිදූර විදූරං -පෙ- තස්මා සතං ධම්මො අසබ්භි ආරකා”ති{a} අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. ආ: තෙන හි න වත්තබ්බං: කුසලාකුසලා සාවජ්ජානවජ්ජා හීනප්පණීතා කණ්හසුක්කසප්පටිභාගා ධම්මා සම්බුඛීභාවං ආගච්ඡන්තී’ති.
6. ප. පු: න වත්තබ්බං “සමාපන්නො අස්සාදෙති. ඣානනිකන්ති ඣානාරම්මණා”ති.
ස. පටිඤ්ඤා: ආමන්තා.
ප. අනු: නනු වුත්තං භගවතා “ඉධ භික්ඛවෙ භික්ඛු විවිච්චෙව කාමෙහි විවිච්ච අකුසලෙහි ධම්මෙහි සවිතක්කං සවිචාරං විවෙකජං පීතිසුඛං පඨමංඣානං උපසම්පජ්ජ විහරති. සො තං අස්සාදෙති. තං නිකාමෙති. තෙන ච විත්තිං ආපජ්ජති. විතක්කවිචාරානං වූපසමා -පෙ- දුතියං ඣානං -පෙ- තතියං ඣානං -පෙ- චතුත්ථං ඣානං උපසම්පජ්ජ විහරති. සො තං අස්සාදෙති. තං නිකාමෙති. තෙන ච විත්තිං ආපජ්ජතී”ති{b} අත්ථෙ’ව සුත්තන්තො’ති.
ස. පටිඤ්ඤා: ආමන්තා.
ප. ආ: තෙන හි “සමාපන්නො අස්සාදෙති, ඣානනිකන්ති ඣානාරම්මණා”ති.
සමාපන්නො අස්සාදෙතිකථා නිට්ඨිතා.
13. 8.
අසාතරාගකථා.
1. ස. පු: අත්ථි අසාතරාගො’ති.
ප. පටිඤ්ඤා: ආමන්තා.
ස. අනු: දුක්ඛාභිනන්දිනො සත්තා අත්ථි කෙචි දුක්ඛං පත්ථෙන්ති පිහෙන්ති එසන්ති ගවෙසන්ති පරියෙසන්ති, දුක්ඛං අජ්ඣොසාය තිට්ඨන්තී’ති.
ප. පටි: න හෙවං වත්තබ්බෙ.
ස. අනු: නනු සුඛාභිනන්දිනො සත්තා අත්ථි කෙචි සුඛං පත්ථෙන්ති පිහෙන්ති එසන්ති ගවෙසන්ති පරියෙසන්ති, සුඛං අජ්ඣොසාය තිට්ඨන්තී’ති.
ප. පටිඤ්ඤා: ආමන්තා.
අනු. ඨ: හඤ්චි සුඛාභිනන්දිනො සත්තා අත්ථි කෙචි සුඛං පත්ථෙන්ති පිහෙන්ති එසන්ති ගවෙසන්ති පරියෙසන්ති, සුඛං අජ්ඣොසාය තිට්ඨන්ති,
අනු. පා: නො ච වත රෙ වත්තබ්බෙ: අත්ථි අසාතරාගො’ති.{1}
2. ස. පු: අත්ථි අසාතරාගො’ති.{1}
ප. පටිඤ්ඤා: ආමන්තා.
ස. අනු: දුක්ඛාය වෙදනාය රාගානුසයො අනුසෙති, සුඛාය වෙදනාය පටිඝානුසයො අනුසෙතී’ති.
ප. පටි: න හෙවං වත්තබ්බෙ.
ස. අනු: නනු සුඛාය වෙදනාය රාගානුසයො අනුසෙති, දුක්ඛාය වෙදනාය පටිඝානුසයො අනුසෙතී’ති.
ප. පටිඤ්ඤා: ආමන්තා.
අනු. ඨ: හඤ්චි සුඛාය වෙදනාය රාගානුසයො අනුසෙති, දුක්ඛාය වෙදනාය පටිඝානුසයො අනුසෙති,
අනු. පා: නො ච වත රෙ වත්තබ්බෙ “අත්ථි අසාතරාගො”ති.