අනු. පා: නො ච වත රෙ වත්තබ්බෙ: දිට්ඨිසම්පන්නො පුග්ගලො සඤ්චිච්ච පාණං ජීවිතා වොරොපෙය්යා’ති.
ස. අනු: නනු දිට්ඨිසම්පන්නො පුග්ගලො ධම්මෙ -පෙ- සඞ්ඝෙ -පෙ- සික්ඛාය සගාරවො’ති.
ප. පටිඤ්ඤා: ආමන්තා.
අනු. ඨ: හඤ්චි දිට්ඨිසම්පන්නො පුග්ගලො සික්ඛාය සගාරවො,
අනු. පා: නො ච වත රෙ වත්තබ්බෙ “දිට්ඨිසම්පන්නො පුග්ගලො සඤ්චිච්ච පාණං ජීවිතා වොරොපෙය්යා”ති.
3. ස. පු: දිට්ඨිසම්පන්නො පුග්ගලො සත්ථරි අගාරවො’ති.
ස. පටිඤ්ඤා: ආමන්තා.
ස. අනු: දිට්ඨිසම්පන්නො පුග්ගලො බුද්ධථූපෙ ඔහදෙය්ය{1} ඔමුත්තෙය්ය නිට්ඨුභෙය්ය, බුද්ධථූපෙ අපබ්යාමතො{2} කරෙය්යා’ති.
ප. පටි: න හෙවං වත්තබ්බෙ -පෙ-
4. ස. පු: දිට්ඨිසම්පන්නො පුග්ගලො සඤ්චිච්ච පාණං ජීවිතා වොරොපෙය්යා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “සෙය්යථාපි භික්ඛවෙ මහාසමුද්දො ඨිතධම්මො වෙලං නාතිවත්තති, එවමෙව ඛො භික්ඛවෙ යං මයා සාවකානං සික්ඛාපදං පඤ්ඤත්තං, තං මම සාවකා ජීවිතහෙතූ’පි නාතික්කමන්තී”ති{a} අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. ආ: තෙන හි න වත්තබ්බං : දිට්ඨිසම්පන්නො පුග්ගලො සඤ්චිච්ච පාණං ජීවිතා වොරොපෙය්යා’ති.
ජීවිතා වොරොපන කථා නිට්ඨිතා.
12. 9.
දුග්ගතිකථා.
1. ස. පු: දිට්ඨිසම්පන්නස්ස පුග්ගලස්ස පහීනා දුග්ගතී’ති.
ප. පටිඤ්ඤා: ආමන්තා.
ස. අනු: දිට්ඨිසම්පන්නො පුග්ගලො ආපායිකෙ රූපෙ රජ්ජෙය්යා’ති.
ප. පටිඤ්ඤා: ආමන්තා.
අනු. ඨ: හඤ්චි දිට්ඨිසම්පන්නො පුග්ගලො ආපායිකෙ රූපෙ රජ්ජෙය්ය,
අනු. පා: නො ච වත රෙ වත්තබ්බෙ “දිට්ඨිසම්පන්නස්ස පුග්ගලස්ස පහීනා දුග්ගතී”ති.
2. ස. පු: දිට්ඨිසම්පන්නස්ස පුග්ගලස්ස පහීනා දුග්ගතී’ති.
ප. පටිඤ්ඤා: ආමන්තා.
ස. අනු: දිට්ඨිසම්පන්නො පුග්ගලො ආපායිකෙ සද්දෙ -පෙ- ගන්ධෙ -පෙ- රසෙ -පෙ- ඵොට්ඨබ්බෙ රජ්ජෙය්ය -පෙ- අමනුස්සිත්ථියා තිරච්ඡානගතිත්ථියා නාගකඤ්ඤාය මෙථුනං ධම්මං පටිසෙවෙය්ය, අජෙළකං{1} පටිගණ්හෙය්ය,{2} කුක්කුටසූකරං{3} පටිගණ්හෙය්ය, හත්ථිගවාස්සවළවං{4} පටිගණ්හෙය්ය{2}, තිත්තිරවට්ටකං මොරකපිඤ්ජලං පටිගණ්හෙය්යා’ති.
ප. පටිඤ්ඤා: ආමන්තා.
අනු. ඨ: හඤ්චි දිට්ඨිසම්පන්නො පුග්ගලො -පෙ- තිත්තිරවට්ටකං මොරකපිඤ්ජලං පටිගණ්හෙය්ය,{2}
අනු. පා: නො ච වත රෙ වත්තබ්බෙ “දිට්ඨිසම්පන්නස්ස පුග්ගලස්ස පහීනා දුග්ගතී”ති.
3. ස. පු: දිට්ඨිසම්පන්නස්ස පුග්ගලස්ස පහීනා දුග්ගති, දිට්ඨිසම්පන්නො පුග්ගලො ආපායිකෙ රූපෙ රජ්ජෙය්යා’ති.
ප. පටිඤ්ඤා: ආමන්තා.
ස. අනු: අරහතො පහීනා දුග්ගති, අරහා ආපායිකෙ රූපෙ රජ්ජෙය්යා’ති.
ප. පටි: න හෙවං වත්තබ්බෙ -පෙ-
4. ස. පු: දිට්ඨිසම්පන්නස්ස පුග්ගලස්ස පහීනා දුග්ගති, දිට්ඨිසම්පන්නො පුග්ගලො ආපායිකෙ සද්දෙ -පෙ- ගන්ධෙ -පෙ- රසෙ -පෙ- ඵොට්ඨබ්බෙ -පෙ- තිත්තිරවට්ටකං මොරකපිඤ්ජලං{1} පටිගණ්හෙය්යා’ති.
ප. පටිඤ්ඤා: ආමන්තා.
ස. අනු: අරහතො පහීනා දුග්ගති. අරහා -පෙ- තිත්තිරවට්ටකං මොරකපිඤ්ජලං{1} පටිගණ්හෙය්යා’ති.
ප. පටි: න හෙවං වත්තබ්බෙ -පෙ-
5. ස. පු: අරහතො පහීනා දුග්ගති. න ච අරහා ආපායිකෙ රූපෙ රජ්ජෙය්යා’ති.
ප. පටිඤ්ඤා: ආමන්තා.
ස. අනු: දිට්ඨිසම්පන්නස්ස පුග්ගලස්ස පහීනා දුග්ගති, න ච දිට්ඨිසම්පන්නො පුග්ගලො ආපායිකෙ රූපෙ රජ්ජෙය්යා’ති.
ප. පටි: න හෙවං වත්තබ්බෙ -පෙ-
6. ස. පු: අරහතො පහීනා දුග්ගති. න ච අරහා ආපායිකෙ සද්දෙ -පෙ- ගන්ධෙ -පෙ- රසෙ -පෙ- ඵොට්ඨබ්බෙ රජ්ජෙය්ය, අමනුස්සිත්ථියා තිරච්ඡානගතිත්ථියා නාගකඤ්ඤාය මෙථුනං ධම්මං පටිසෙවෙය්ය, අජෙළකං පටිගණ්හෙය්ය, කුක්කුටසූකරං පටිගණ්හෙය්ය, හත්ථිගවාස්සවළවං පටිගණ්හෙය්ය තිත්තිරවට්ටකං මොරකපිඤ්ජලං පටිගණ්හෙය්යා’ති.
ප. පටිඤ්ඤා: ආමන්තා.
ස. අනු: දිට්ඨිසම්පන්නස්ස පුග්ගලස්ස පහීනා දුග්ගති, න ච දිට්ඨිසම්පන්නො පුග්ගලො -පෙ- තිත්තිරවට්ටකං මොරකපිඤ්ජලං පටිගණ්හෙය්යා’ති.
ප. පටි: න හෙවං වත්තබ්බෙ -පෙ-
7. ස. පු: න වත්තබ්බං “දිට්ඨිසම්පන්නස්ස පුග්ගලස්ස පහීනා දුග්ගතී”ති.
ස. පටිඤ්ඤා: ආමන්තා.
ප. අනු: දිට්ඨිසම්පන්නො පුග්ගලො නිරයං උපපජ්ජෙය්ය -පෙ- තිරච්ඡානයොනිං උපපජ්ජෙය්ය -පෙ- පෙත්තිවිසයං{2} උපපජ්ජෙය්යා’ති.
ස. පටි: න හෙවං වත්තබ්බෙ -පෙ-
ප. ආ: තෙනෙහි “දිට්ඨිසම්පන්නස්ස පුග්ගලස්ස පහීනා දුග්ගතී”ති.
දුග්ගතිකථා නිට්ඨිතා.
12. 10.
සත්තමභවිකකථා.
1. ප. පු: න වත්තබ්බං: සත්තමභවිකස්ස පුග්ගලස්ස පහීනා දුග්ගතී’ති.
ස. පටිඤ්ඤා: ආමන්තා.
ප. අනු: සත්තමභවිකො පුග්ගලො නිරයං උපපජ්ජෙය්ය, තිරච්ඡානයොනිං උපපජ්ජෙය්ය, පෙත්තිවිසයං උපපජ්ජෙය්යා’ති.
ස. පටි: න හෙවං වත්තබ්බෙ -පෙ-
ප. ආ: තෙන හි සත්තමභවිකස්ස පුග්ගලස්ස පහීනා දුග්ගතී’ති.
සත්තමභවිකකථා නිට්ඨිතා.
ද්වාදසමො වග්ගො නිට්ඨිතො.
තස්ස උද්දානං:
සංවරො කම්මං තථෙව අසංවරො සබ්බං කම්මං සවිපාකං සද්දො විපාකො සළායතනං විපාකො සත්තක්ඛත්තුපරමො පුග්ගලො සත්තක්ඛත්තුපරමතා නියතො කොලංකොලො පුග්ගලො කොලංකොලතානියතො එකබීජී පුග්ගලො එකබීජිතානියතො දිට්ඨිසම්පන්නො පුග්ගලො සඤ්චිච්ච පාණං ජීවිතා වොරොපෙය්ය දිට්ඨිසම්පන්නස්ස පුග්ගලස්ස පහීනා දුග්ගති තථෙව සත්තමභවිකස්සා’ති.
තෙරසමො වග්ගො.
13. 1.
කප්පට්ඨකථා.
1. ස. පු: කප්පට්ඨො කප්පං තිට්ඨෙය්යා’ති.
ප. පටිඤ්ඤා: ආමන්තා.
ස. අනු: කප්පො ච සණ්ඨාති, බුද්ධො ච ලොකෙ උප්පජ්ජතී’ති.
ප. පටි: න හෙවං වත්තබ්බෙ -පෙ-
2. ස. පු: කප්පට්ඨො කප්පං තිට්ඨෙය්යා’ති.
ප. පටිඤ්ඤා: ආමන්තා.
ස. අනු: කප්පො ච සණ්ඨාති, සඞ්ඝො ච භිජ්ජතී’ති.
ප. පටි: න හෙවං වත්තබ්බෙ -පෙ-
3. ස. පු: කප්පට්ඨො කප්පං තිට්ඨෙය්යා’ති.
ප. පටිඤ්ඤා: ආමන්තා.
ස. අනු: කප්පො ච සණ්ඨාති, කප්පට්ඨො ච කප්පට්ඨියං කම්මං කරොතී’ති.
ප. පටි: න හෙවං වත්තබ්බෙ -පෙ-
4. ස. පු: කප්පට්ඨො කප්පං තිට්ඨෙය්යා’ති.
ප. පටිඤ්ඤා: ආමන්තා.
ස. අනු: කප්පො ච සණ්ඨාති, කප්පට්ඨො ච පුග්ගලො කාලං කරොතී’ති.
ප. පටි: න හෙවං වත්තබ්බෙ -පෙ-
5. ස. පු: කප්පට්ඨො කප්පං තිට්ඨෙය්යා’ති.
ප. පටිඤ්ඤා: ආමන්තා.
ස. අනු: අතීතං කප්පං තිට්ඨෙය්ය, අනාගතං කප්පං තිට්ඨෙය්යා’ති.
ප. පටි: න හෙවං වත්තබ්බෙ -පෙ-
6. ස. පු: කප්පට්ඨො කප්පං තිට්ඨෙය්යා’ති.
ප. පටිඤ්ඤා: ආමන්තා.
ස. අනු: ද්වෙ කප්පෙ තිට්ඨෙය්ය, තයො කප්පෙ තිට්ඨෙය්ය. චත්තාරො කප්පෙ තිට්ඨෙය්යා’ති.
ප. පටි: න හෙවං වත්තබ්බෙ -පෙ-
7. ස. පු: කප්පට්ඨො කප්පං තිට්ඨෙය්යා’ති.
ප. පටිඤ්ඤා: ආමන්තා.
ස. අනු: කප්පට්ඨො කප්පෙ ඩය්හන්තෙ කත්ථ ගච්ඡතී’ති.
ප. පටිඤ්ඤා: අඤ්ඤං ලොකධාතුං ගච්ඡතී’ති.
ස. අනු: මතො ගච්ඡති, වෙහාසං ගච්ඡතී’ති.
ප. පටිඤ්ඤා: මතො ගච්ඡතී’ති.
ස. අනු: කප්පට්ඨියං කම්මං අපරාපරියවෙපක්කන්ති.{1}
ප. පටි: න හෙවං වත්තබ්බෙ -පෙ-
8. ස. පු: වෙහාසං ගච්ඡතී’ති.
ප. පටිඤ්ඤා: ආමන්තා.
ස. අනු: කප්පට්ඨො ඉද්ධිමා’ති.