සංවරො කම්මන්තිකථා නිට්ඨිතා.
12. 2.
කම්මකථා.
1. ස. පු: සබ්බං කම්මං සවිපාකන්ති.
ප. පටිඤ්ඤා: ආමන්තා.
ස. අනු: සබ්බා චෙතනා සවිපාකා’ති.
ප. පටි: න හෙවං වත්තබ්බෙ -පෙ-
2. ස. පු: සබ්බා චෙතනා සවිපාකා’ති.
ප. පටිඤ්ඤා: ආමන්තා.
ස. අනු: විපාකාබ්යාකතා චෙතනා සවිපාකා’ති.
ප. පටි: න හෙවං වත්තබ්බෙ -පෙ-
3. ස. පු: සබ්බා චෙතනා සවිපාකා’ති.
ප. පටිඤ්ඤා: ආමන්තා.
ස. අනු: කිරියාබ්යාකතා චෙතනා සවිපාකා’ති.
ප. පටි: න හෙවං වත්තබ්බෙ -පෙ-
4. ස. පු: සබ්බා චෙතනා සවිපාකා’ති.
ප. පටිඤ්ඤා: ආමන්තා.
ස. අනු: කාමාවචරා විපාකාබ්යාකතා චෙතනා සවිපාකා’ති.
ප. පටි: න හෙවං වත්තබ්බෙ -පෙ-
5. ස. පු: සබ්බා චෙතනා සවිපාකා’ති.
ප. පටිඤ්ඤා: ආමන්තා.
ස. අනු: රූපාවචරා අරූපාවචරා අපරියාපන්නා විපාකාබ්යාකතා චෙතනා සවිපාකා’ති.
ප. පටි: න හෙවං වත්තබ්බෙ -පෙ-
6. ස. පු: සබ්බා චෙතනා සවිපාකා’ති.
ප. පටිඤ්ඤා: ආමන්තා.
ස. අනු: කාමාවචරා කිරියාබ්යාකතා චෙතනා සවිපාකා’ති.
ප. පටි: න හෙවං වත්තබ්බෙ -පෙ-
7. ස. පු: සබ්බා චෙතනා සවිපාකාති.
ප. පටිඤ්ඤා: ආමන්තා.
ස. අනු: රූපාවචරා අරූපාවචරා කිරියාබ්යාකතා චෙතනා සවිපාකාතී’ති.
ප. පටි: න හෙවං වත්තබ්බෙ.
ස. අනු: විපාකාබ්යාකතා චෙතනා අවිපාකා’ති.
ප. පටිඤ්ඤා: ආමන්තා.
අනු. ඨ: හඤ්චි විපාකාබ්යාකතා චෙතනා අවිපාකා.
අනු. පා: නො ච වත රෙ වත්තබ්බෙ “සබ්බා චෙතනා සවිපාකා”ති.
ස. අනු: කිරියාබ්යාකතා චෙතනා අවිපාකා’ති.
ප. පටිඤ්ඤා: ආමන්තා.
අනු. ඨ: හඤ්චි කිරියාබ්යාකතා චෙතනා අවිපාකා’ති.
අනු පා: නො ච වත රෙ වත්තබ්බෙ “සබ්බා චෙතනා සවිපාකා”ති.
ස. අනු. කාමාවචරා රූපාවචරා අරූපාවචරා අපරියාපන්නා විපාකාබ්යාකතා චෙතනා අවිපාකාති.
ප. පටිඤ්ඤා: ආමන්තා.
අනු. ඨ: හඤ්චි අපරියාපන්නා විපාකාබ්යාකතා චෙතනා අවිපාකා,
අනු පා: නො ච වත රෙ වත්තබ්බෙ “සබ්බා චෙතනා සවිපාකා”ති.
ස. අනු. කාමාවචරා රූපාවචරා අරූපාවචරා කිරියාබ්යාකතා චෙතනා අවිපාකාති.
ප. පටිඤ්ඤා: ආමන්තා.
අනු. ඨ: හඤ්චි අරූපාවචරා කිරියාබ්යාකතා චෙතනා අවිපාකා,
අනු. පා: නො ච වත රෙ වත්තබ්බෙ “සබ්බා චෙතනා සවිපාකා”ති.
8. ප. පු: න වත්තබ්බං සබ්බං කම්මං සවිපාකන්ති.
ස. පටිඤ්ඤා: ආමන්තා.
ප. අනු: නනු වුත්තං භගවතා: “නාහං භික්ඛවෙ සඤ්චෙතනිකානං කම්මානං කතානං උපචිතානං අප්පටිසංවිදිත්වා බ්යන්තීභාවං වදාමි. තඤ්ච ඛො දිට්ඨෙ වා ධම්මෙ උපපජ්ජෙ වා අපරෙ වා පරියායෙ”ති{a} අත්ථෙ’ව සුත්තන්තො’ති.
ස. පටිඤ්ඤා: ආමන්තා.
ප. ආ: තෙන හි “සබ්බං කම්මං සවිපාක”න්ති.
කම්මකථා නිට්ඨිතා.
12. 3.
සද්දො විපාකොතිකථා.
1. ස. පු: සද්දො විපාකො’ති.
ප. පටිඤ්ඤා: ආමන්තා.
ස. අනු: සුඛවෙදනීයො දුක්ඛවෙදනීයො අදුක්ඛමසුඛවෙදනීයො, සුඛාය වෙදනාය සම්පයුත්තො දුක්ඛාය වෙදනාය සම්පයුත්තො අදුක්ඛමසුඛාය වෙදනාය සම්පයුත්තො, ඵස්සෙන සම්පයුත්තො වෙදනාය සම්පයුත්තො සඤ්ඤාය සම්පයුත්තො චෙතනාය සම්පයුත්තො චිත්තෙන සම්පයුත්තො සාරම්මණො. අත්ථි තස්ස ආවට්ටනා ආභොගො සමන්නාහාරො මනසිකාරො චෙතනා පත්ථනා පණිධී’ති.
ප. පටි: න හෙවං වත්තබ්බෙ{1} -පෙ-
ස. අනු: නනු න සුඛවෙදනීයො න දුක්ඛවෙදනීයො -පෙ- අනාරම්මණො. නත්ථි තස්ස ආවට්ටනා -පෙ- පණිධී’ති,
ප. පටිඤ්ඤා: ආමන්තා.
අනු. ඨ: හඤ්චි න සුඛවෙදනීයො -පෙ- අනාරම්මණො. නත්ථි තස්ස ආවට්ටනා -පෙ- පණිධි,
අනු. පා: නො ච වත රෙ වත්තබ්බෙ ‘සද්දො විපාකො’ති.
2. ස. පු: ඵස්සො විපාකො, ඵස්සො සුඛවෙදනීයො -පෙ- සාරම්මණො. අත්ථි තස්ස ආවට්ටනා -පෙ- පණිධී’ති.
ප. පටිඤ්ඤා: ආමන්තා.
ස. අනු: සද්දො විපාකො, සද්දො සුඛවෙදනීයො -පෙ- සාරම්මණො. අත්ථි තස්ස ආවට්ටනා -පෙ- පණිධී’ති.
ප. පටි: න හෙවං වත්තබ්බෙ -පෙ-
3. ස. පු: සද්දො විපාකො, සද්දො න සුඛවෙදනීයො -පෙ- අනාරම්මණො. නත්ථි තස්ස ආවට්ටනා -පෙ- පණිධී’ති.
ප. පටිඤ්ඤා: ආමන්තා.
ස. අනු: ඵස්සො විපාකො, ඵස්සො න සුඛවෙදනීයො න දුක්ඛවෙදනීයො -පෙ- අනාරම්මණො. නත්ථි තස්ස ආවට්ටනා -පෙ- පණිධී’ති.
ප. පටි: න හෙවං වත්තබ්බෙ -පෙ-
4. ප. පු: න වත්තබ්බං ‘සද්දො විපාකො’ති.
ස. පටිඤ්ඤා: ආමන්තා.
ප. අනු: නනු වුත්තං භගවතා: “සො තස්ස කම්මස්ස කතත්තා උපචිත්තා උස්සන්නත්තා විපුලත්තා බ්රහ්මස්සරො හොති කරවීකභාණී”ති.{a} අත්ථෙ’ව සුත්තන්තො’ති.
ස. පටිඤ්ඤා: ආමන්තා.
ප. ආ: තෙන හි ‘සද්දො විපාකො’ති.
සද්දො විපාකොතිකථා නිට්ඨිතා.
12. 4.
සළායතනකථා.
1. ස. පු: චක්ඛායතනං විපාකො’ති.
ප. පටිඤ්ඤා: ආමන්තා.
ස. අනු: සුඛවෙදනීයං දුක්ඛවෙදනීයං -පෙ- සාරම්මණං. අත්ථි තස්ස ආවට්ටනා -පෙ- පණිධී’ති.
ප. පටි: න හෙවං වත්තබ්බෙ -පෙ-
ස. අනු: නනු න සුඛවෙදනීයං -පෙ- අනාරම්මණං. නත්ථි තස්ස ආවට්ටනා -පෙ- පණිධී’ති.
ප. පටිඤ්ඤා: ආමන්තා.
අනු. ඨ: හඤ්චි න සුඛවෙදනීයං -පෙ- අනාරම්මණං. නත්ථි තස්ස ආවට්ටනා -පෙ- පණිධි,
අනු. පා: නො ච වත රෙ වත්තබ්බෙ: ‘චක්ඛායතනං විපාකො’ති.
2. ස. පු: ඵස්සො විපාකො, ඵස්සො සුඛවෙදනීයො -පෙ- සාරම්මණො. අත්ථි තස්ස ආවට්ටනා -පෙ- පණිධී’ති.
ප. පටිඤ්ඤා: ආමන්තා.
ස. අනු: චක්ඛායතනං විපාකො, චක්ඛායතනං සුඛවෙදනීයං -පෙ- සාරම්මණං. අත්ථි තස්ස ආවට්ටනා -පෙ- පණිධී’ති.
ප. පටි: න හෙවං වත්තබ්බෙ -පෙ-
3. ස. පු: චක්ඛායතනං විපාකො, චක්ඛායතනං න සුඛවෙදනීයං -පෙ- අනාරම්මණං. නත්ථි තස්ස ආවට්ටනා -පෙ- පණිධී’ති.
ප. පටිඤ්ඤා: ආමන්තා.
ස. අනු: ඵස්සො විපාකො, ඵස්සො න සුඛවෙදනීයො -පෙ- අනාරම්මණො. නත්ථි තස්ස ආවට්ටනා -පෙ- පණිධී’ති.
ප. පටි: න හෙවං වත්තබ්බෙ -පෙ-
4. ස. පු: සොතායතනං -පෙ- ඝානායතනං -පෙ- ජිව්හායතනං -පෙ- කායායතනං විපාකො’ති.
ප. පටිඤ්ඤා: ආමන්තා.
ස. අනු: සුඛවෙදනීයං දුක්ඛවෙදනීයං -පෙ- සාරම්මණං, අත්ථි තස්ස ආවට්ටනා -පෙ- පණිධී’ති.
ප. පටි: න හෙවං වත්තබ්බෙ -පෙ-
ස. අනු: නනු සුඛවෙදනීයං -පෙ- අනාරම්මණං. නත්ථි තස්ස ආවට්ටනා -පෙ- පණිධී’ති.