5. ස. පු: ඉද්ධිබලෙන සමන්නාගතො කප්පං තිටෙඨය්යා’ති.
ප. පටිඤ්ඤා: ආමන්තා.
ස. අනු: උප්පන්නො ඵස්සො මා නිරුජ්ඣී’ති ලබ්භා ඉද්ධියා පග්ගහෙතුන්ති.
ප. පටි: න හෙවං වත්තබ්බෙ -පෙ-
ස. අනු: උප්පන්නා වෙදනා -පෙ- උප්පන්නා සඤ්ඤා -පෙ- උප්පන්නා චෙතනා -පෙ- උප්පන්නං චිත්තං -පෙ- උප්පන්නා සද්ධා -පෙ- උප්පන්නං විරියං -පෙ- උප්පන්නා සති -පෙ- උප්පන්නො සමාධි, -පෙ- උප්පන්නා පඤ්ඤා මා නිරුජ්ඣි’ති ලබ්භා ඉද්ධියා පග්ගහෙතුන්ති.
ප. පටි: න හෙවං වත්තබ්බෙ -පෙ-
6. ස. පු: ඉද්ධිබලෙන සමන්නාගතො කප්පං තිට්ඨෙය්යා’ති.
ප. පටිඤ්ඤා: ආමන්තා.
ස. අනු: රූපං නිච්චං හොතූ’ති ලබ්භා ඉද්ධියා පග්ගහෙතුන්ති.
ප. පටි: න හෙවං වත්තබ්බෙ -පෙ-
ස. අනු: වෙදනා -පෙ- සඤ්ඤා -පෙ- සඞ්ඛාරා -පෙ- විඤ්ඤාණං නිච්චං හොතූ’ති ලබ්භා ඉද්ධියා පග්ගහෙතුන්ති.
ප. පටි: න හෙවං වත්තබ්බෙ -පෙ-
7. ස. පු: ඉද්ධිබලෙන සමන්නාගතො කප්පං තිට්ඨෙය්යා’ති.
ප. පටිඤ්ඤා: ආමන්තා.
ස. අනු: ජාතිධම්මා සත්තා මා ජායිංසූ’ති ලබ්භා ඉද්ධියා පග්ගහෙතුන්ති.
ප. පටි: න හෙවං වත්තබ්බෙ -පෙ-
ස. අනු: ජරාධම්මා සත්තා මා ජීයිංසූ’ති{1} -පෙ- ව්යාධිධම්මා සත්තා මා ව්යාධියිංසූ’ති -පෙ- මරණධම්මා සත්තා මා මීයිංසූ’ති ලබ්භා ඉද්ධියා පග්ගහෙතුන්ති.
ප. පටි: න හෙවං වත්තබ්බෙ -පෙ-
8. ප. පු: න වත්තබ්බං ඉද්ධිබලෙන සමන්නාගතො කප්පං තිට්ඨෙය්යා’ති.
ස. පටිඤ්ඤා: ආමන්තා.
ප. අනු: නනු වුත්තං භගවතා “යස්ස කස්සචි ආනන්ද චත්තාරො ඉද්ධිපාදා භාවිතා බහුලීකතා යානීකතා වත්ථුකතා අනුට්ඨිතා පරිචිතා සුසමාරද්ධා සො ආකඞ්ඛමානො{1} කප්පං වා තිට්ඨෙය්ය කප්පාවසෙසං වා”ති{a} අත්ථෙව සුත්තන්තො’ති.
ස. පටිඤ්ඤා: ආමන්තා.
ප. ආ: තෙන හි ඉද්ධිබලෙන සමන්නාගතො කප්පං තිට්ඨෙය්යා’ති.
9. ස. පු: ඉද්ධිබලෙන සමන්නාගතො කප්පං තිට්ඨෙය්යා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “චතුන්නං භික්ඛවෙ ධම්මානං නත්ථි කොචි පාටිභොගො සමණො වා බ්රාහ්මණො වා දෙවො වා මාරො වා බ්රහ්මා වා කොචි වා ලොකස්මිං. කතමෙසං චතුන්නං: ජරාධම්මො මා ජීරී’ති නත්ථි කොචි පාටිභොගො සමණො වා බ්රාහ්මණො වා දෙවො වා මාරො වා බ්රහ්මා වා කොචි වා ලොකස්මිං. ව්යාධිධම්මො මා ව්යාධීයීති -පෙ- මරණධම්මො මා මීයීති -පෙ- යානි ඛො පන තානි පුබ්බෙ කතානි පාපකානි කම්මානි සංකිලෙසිකානි පොනොභවිකානි{2} නිස්සාරානි{3} දුක්ඛවිපාකානි ආයතිං ජාති ජරා මරණීයානි, තෙසං විපාකො මා නිබ්බත්තී’ති නත්ථි කොචි පාටිභොගො සමණො වා බ්රාහ්මණො වා දෙවො වා මාරො වා බ්රහ්මා වා කොචි වා ලොකස්මිං. ඉමෙසං ඛො භික්ඛවෙ චතුන්නං ධම්මානං නත්ථි කොචි පාටිභොගො සමණො වා බ්රාහ්මණො වා දෙවො වා මාරො වා බ්රහ්මා වා කොචි වා ලොකස්මිං”න්ති{b} අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. ආ. තෙන හි න වත්තබ්බං ‘ඉද්ධිබලෙන සමන්නාගතො කප්පං තිට්ඨෙය්යා’ති.
ඉද්ධිබලකථා නිට්ඨිතා.
11. 6.
සමාධිකථා
1. ස. පු: චිත්තසන්තති සමාධී’ති.
ප. පටිඤ්ඤා: ආමන්තා.
ස. අනු: අතීතා චිත්තසන්තති සමාධී’ති.
ප. පටි: න හෙවං වත්තබ්බෙ -පෙ-
2. ස. පු: චිත්තසන්තති සමාධී’ති.
ප. පටිඤ්ඤා: ආමන්තා.
ස. අනු: අනාගතා චිත්තසන්තති සමාධී’ති.
ප. පටි: න හෙවං වත්තබ්බෙ -පෙ-
3. ස. පු: චිත්තසන්තති සමාධී’ති.
ප. පටිඤ්ඤා: ආමන්තා.{1}
ස. අනු: නනු අතීතං නිරුද්ධං අනාගතං අජාතන්ති.
ප. පටිඤ්ඤා: ආමන්තා.
අනු. ඨ: හඤ්චි අතීතං නිරුද්ධං අනාගතං අජාතං,
අනු. පා: නො ච වත රෙ වත්තබ්බෙ “චිත්තසන්තති සමාධී”ති.
4. ප. පු: එකචිත්තක්ඛණිකො සමාධී’ති.
ස. පටිඤ්ඤා: ආමන්තා.
ප. අනු: චක්ඛ්විඤ්ඤාණසමඞ්ගී සමාපන්නො’ති.
ස. පටි: න හෙවං වත්තබ්බෙ -පෙ-
ප. අනු: සොතවිඤ්ඤාණසමඞ්ගී -පෙ- ඝානවිඤ්ඤාණසමඞ්ගී -පෙ- ජිව්හාවිඤ්ඤාණසමඞ්ගී -පෙ- කායවිඤ්ඤාණසමඞ්ගී -පෙ- අකුසලචිත්තසමඞ්ගී -පෙ- රාගසහගතං -පෙ- දොසසහගතං -පෙ- මොහසහගතං -පෙ- අනොත්තප්ප සහගතං චිත්තසමඞ්ගී සමාපන්නො’ති.
ස. පටි: න හෙවං වත්තබ්බෙ -පෙ-
5. ස. පු: චිත්තසන්තති සමාධී’ති.
ප. පටිඤ්ඤා: ආමන්තා.
ස. අනු: අකුසලචිත්තසන්තති සමාධී’ති.
ප. පටි: න හෙවං වත්තබ්බෙ -පෙ-
ස. අනු: රාගසහගතා -පෙ- දොසසහගතා -පෙ- මොහසහගතා -පෙ- අනොත්තප්පසහගතා චිත්තසන්තති සමාධී’ති.
ප. පටි: න හෙවං වත්තබ්බෙ -පෙ-
6. ප. පු: න වත්තබ්බං ‘චිත්තසන්තති සමාධී’ති.
ස. පටිඤ්ඤා ආමන්තා.
ප. අනු: නනු වුත්තං භගවතා: “අහං ඛො ආවුසො නිගණ්ඨා{1} පහොමි අනිඤ්ජමානො{2} කායෙන, අභාසමානො වාචං, සත්ත රත්තින්දිවානි එකන්තසුඛපටිසංවෙදී විහරිතු”න්ති{a} අත්ථෙ’ව සුත්තන්තො’ති.
ස. පටිඤ්ඤා: ආමන්තා.
ප. ආ: තෙන හි ‘චිත්තසන්තති සමාධී’ති.
සමාධිකථා නිට්ඨිතා.
11. 7.
ධම්මට්ඨිතතා කථා
1. ස. පු: ධම්මට්ඨිතතා පරිනිප්ඵන්නා’ති.
ප. පටිඤ්ඤා: ආමන්තා.
ස. අනු: තාය ඨිතතා පරිනිප්ඵන්නා’ති.
ප. පටි: න හෙවං වත්තබ්බෙ -පෙ-
2. ස. පු: තාය ඨිතතා පරිනිප්ඵන්නා’ති.
ප. පටිඤ්ඤා: ආමන්තා.
ස. අනු: තාය තායෙ’ව නත්ථි දුක්ඛස්ස අන්තකිරියා, නත්ථි වට්ටූපච්ඡෙදො, නත්ථි අනුපාදා පරිනිබ්බානන්ති.
ප. පටි: න හෙවං වත්තබ්බෙ -පෙ-
3. ස. පු: රූපස්ස ඨිතතා පරිනිප්ඵන්නා’ති.
ප. පටිඤ්ඤා: ආමන්තා.
ස. අනු: තාය ඨිතතා පරිනිප්ඵන්නා’ති.
ප. පටි: න හෙවං වත්තබ්බෙ -පෙ-
4. ස. පු: තාය ඨිතතා පරිනිප්ඵන්නා’ති.
ප. පටිඤ්ඤා: ආමන්තා.
ස. අනු: තාය තායෙ’ව නත්ථි දුක්ඛස්ස අන්තකිරියා, නත්ථි වට්ටූපච්ඡෙදො, නත්ථි අනුපාදා පරිනිබ්බානන්ති.
ප. පටි: න හෙවං වත්තබ්බෙ -පෙ-
5. ස. පු: වෙදනාය ඨිතතා -පෙ- සඤ්ඤාය ඨිතතා -පෙ- සඞ්ඛාරානං ඨිතතා -පෙ- විඤ්ඤාණස්ස ඨිතතා පරිනිප්ඵන්නා’ති.
ප. පටිඤ්ඤා: ආමන්තා.
ස. අනු: තාය ඨිතතා පරිනිප්ඵන්නා’ති.
ප. පටි: න හෙවං වත්තබ්බෙ -පෙ-
6. ස. පු: තාය ඨිතතා පරිනිප්ඵන්නා’ති.
ප. පටිඤ්ඤා: ආමන්තා.
ස. අනු: තාය තායෙ’ව නත්ථි දුක්ඛස්ස අන්තකිරියා, නත්ථි වට්ටුපච්ඡෙදො, නත්ථි අනුපාදා පරිනිබ්බානන්ති.
ප. පටි: න හෙවං වත්තබ්බෙ -පෙ-
ධම්මට්ඨිතතාකථා නිට්ඨිතා.
11. 8.
අනිච්චතා කථා
1. ස. පු: අනිච්චතා පරිනිප්ඵන්නා’ති.
ප. පටිඤ්ඤා: ආමන්තා.
ස. අනු: තාය අනිච්චතාය අනිච්චතා පරිනිප්ඵන්නා’ති.
ප. පටි: න හෙවං වත්තබ්බෙ -පෙ-
2. ස. පු: තාය අනිච්චතාය තාය අනිච්චතා පරිනිප්ඵන්නා’ති.
ප. පටිඤ්ඤා: ආමන්තා.
ස. අනු: තාය තායෙ’ව නත්ථි දුක්ඛස්ස අන්තකිරියා නත්ථි වට්ටූපච්ඡෙදො, නත්ථි අනුපාදා පරිනිබ්බානන්ති.
ප. පටි: න හෙවං වත්තබ්බෙ -පෙ-