ප. පටි: න හෙවං වත්තබ්බෙ -පෙ-
ස. අනු: සුරාමෙරයමජ්ජපමාදට්ඨානන්ති.
ප. පටි: න හෙවං වත්තබ්බෙ -පෙ-
2. ස. පු: පාපකම්මං සමාදියිත්වා දානං දදන්තස්ස පුඤ්ඤඤ්ච අපුඤ්ඤඤ්ච උභො වඩ්ඪන්තී’ති.
ප. පටි: න හෙවං වත්තබ්බෙ -පෙ-
ස. අනු: පුඤ්ඤඤ්ච අපුඤ්ඤඤ්ච උභො වඩ්ඪන්තී’ති.
ප. පටිඤ්ඤා: ආමන්තා.
ස. අනු: ද්වින්නං ඵස්සානං -පෙ- ද්වින්නං චිත්තානං සමොධානං හොතී’ති.
ප. පටි: න හෙවං වත්තබ්බෙ -පෙ-
3. ස. පු: ද්වින්නං ඵස්සානං -පෙ- ද්වින්නං චිත්තානං සමොධානං හොතී’ති.
ප. පටිඤ්ඤා: ආමන්තා.
ස. අනු: කුසලාකුසලා සාවජ්ජානවජ්ජා හීනප්පණීතා කණ්හසුක්කසප්පටිභාගා ධම්මා සම්මුඛීභාවං ආගච්ඡන්තී’ති.
ප. පටි: න හෙවං වත්තබ්බෙ -පෙ-
4. ස. පු: කුසලාකුසලා සාවජ්ජානවජ්ජා හීනප්පණීතා කණ්හසුක්කසප්පටිභාගා ධම්මා සම්මුඛීභාවං ආගච්ඡන්තී’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “චත්තාරි’මානි භික්ඛවෙ සුවිදූරවිදූරානි කතමානි චත්තාරි: නභඤ්ච{1} භික්ඛවෙ පඨවී ච ඉදං පඨමං සුවිදූරවිදූරං -පෙ- තස්මා සතං ධම්මො අසබ්භි ආරකා”තිa අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. ආ: තෙන හි න වත්තබ්බං: කුසලාකුසලා සාවජ්ජානවජ්ජා හීනප්පණීතා කණ්හසුක්කසප්පටිභාගා ධම්මා සම්මුඛීභාවං ආගච්ඡන්තී’ති.
5. ස. පු: පාපාකම්මං සමාදියිත්වා චීවරං දදන්තස්ස, පිණ්ඩපාතං දදන්තස්ස, සෙනාසනං දදන්තස්ස, ගිලානපච්චයභෙසජ්ජපරික්ඛාරං දදන්තස්ස, අභිවාදනාරහස්ස අභිවාදෙන්තස්ස, පච්චුට්ඨානාරහස්ස පච්චුට්ඨෙන්තස්ස. අඤ්ජලිකම්මාරහස්ස අඤ්ජලිකම්මං කරොන්තස්ස. සාමීචිකම්මාරහස්ස සාමීචි{2}කම්මං කරොන්තස්ස, ආසනාරහස්ස ආසනං දදන්තස්ස, මග්ගාරහස්ස මග්ගං දදන්තස්ස පුඤ්ඤඤ්ච අපුඤ්ඤඤ්ච උභො වඩ්ඪන්තී’ති.
ප. පටි: න හෙවං වත්තබ්බෙ -පෙ-
ස. අනු: පුඤ්ඤඤ්ච අපුඤ්ඤඤ්ච උභො වඩ්ඪන්තී’ති.
ප. පටිඤ්ඤා: ආමන්තා.
ස. අනු: ද්වින්නං ඵස්සානං -පෙ- ද්වින්නං චිත්තානං සමොධානං හොතී’ති.
ප. පටි: න හෙවං වත්තබ්බෙ -පෙ-
6. ස. පු: ද්වින්නං ඵස්සානං -පෙ- ද්වින්නං චිත්තානං සමොධානං හොතී’ති.
ප. පටිඤ්ඤා: ආමන්තා.
ස. අනු: කුසලාකුසලා සාවජ්ජානවජ්ජා හීනප්පණීතා කණ්හසුක්කසප්පටිභාගා ධම්මා සම්මුඛීභාවං ආගච්ඡන්තී’ති.
ප. පටි: න හෙවං වත්තබ්බෙ -පෙ-
7. ස. පු: කුසලාකුසලා සාවජ්ජානවජ්ජා හීනප්පණීතා කණ්හසුක්කසප්පටිභාගා ධම්මා සම්මුඛීභාවං ආගච්ඡන්තී’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “චත්තාරි”මානි භික්ඛවෙ සුවිදූරවිදූරානි. කතමානි චත්තාරි: නභඤ්ච භික්ඛවෙ පඨවී ච, ඉදං පඨමං සුවිදූරවිදූරං -පෙ- තස්මා සතං ධම්මො අසබ්භි ආරකා”ති{a} අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. ආ: තෙන හි න වත්තබ්බං: කුසලාකුසලා සාවජ්ජානවජ්ජා හීනප්පණීතා කණ්හසුක්කසප්පටිභාගා ධම්මා සම්මුඛීභාවං ආගච්ඡන්තී’ති.
8. ප. පු: න වත්තබ්බං: අවිඤ්ඤත්ති දුස්සීල්යන්ති.
ස. පටිඤ්ඤා: ආමන්තා.
ප. අනු: නනු පාපකම්මං සමාදින්නො ආසී’ති.
ස. පටිඤ්ඤා: ආමන්තා.
අනු. ඨ: හඤ්චි පාපකම්මං සමාදින්නො ආසි,
අනු. පා: තෙන වත රෙ වත්තබ්බෙ: අවිඤ්ඤත්ති දුස්සිල්යන්ති.
අවිඤ්ඤත්ති දුස්සීල්යන්ති කථා නිට්ඨිතා.
දසමො වග්ගො නිට්ඨිතො.
තස්ස උද්දානං:
නිරොධො රූපං මග්ගොති පඤ්චවිඤ්ඤාණසමඞ්ගිනො අත්ථී මග්ගභාවනා කුසලාපි අකුසලාපීති සාභොගො ද්වීහි සීලෙහි සීලං අචෙතසිකන්ති න චිත්තානුපරිවත්ති සමාදානහෙතු වඩ්ඪති. විඤ්ඤත්ති සීලං අවිඤ්ඤත්ති දුස්සිල්යන්ති භවන්ති තෙ.
දුතියො පණ්ණාසකො.
අභිධම්මපිටකෙ
කථාවත්ථුප්පකරණං
තතියො භාගො
නමො තස්ස භගවතො අරහතො සම්මාසම්බුද්ධස්ස.
එකාදසමො වග්ගො
11. 1.
තිස්සොපි අනුසයකථා
1. ස. පුච්ඡා: අනුසයා අබ්යාකතා’ති.
ප. පටිඤ්ඤා: ආමන්තා.
ස. අනුයොගො: විපාකාබ්යාකතා කිරියාබ්යාකතා, රූපං නිබ්බානං චක්ඛායතනං -පෙ- ඵොට්ඨබ්බායතනන්ති.
ප. පටික්ඛෙපො: න හෙවං වත්තබ්බෙ -පෙ-
2. ස. පු: කාමරාගානුසයො අබ්යාකතො’ති.
ප. පටිඤ්ඤා: ආමන්තා.
ස. අනු: කාමරාගො කාමරාගපරියුට්ඨානං කාමරාගසඤ්ඤොජනං කාමොඝො කාමයොගො කාමච්ඡන්දනීවරණං අබ්යාකතන්ති.
ප. පටි: න හෙවං වත්තබ්බෙ -පෙ-
3. ස. පු: කාමරාගො කාමරාගපරියුට්ඨානං -පෙ- කාමච්ඡන්දනීවරණං අකුසලන්ති.
ප. පටිඤ්ඤා: ආමන්තා.
ස. අනු: කාමරාගානුසයො අකුසලො’ති.
ප. පටි: න හෙවං වත්තබ්බෙ -පෙ-
4. ස. පු: පටිඝානුසයො අබ්යාකතො’ති.
ප. පටිඤ්ඤා: ආමන්තා.
ස. අනු: පටිඝං පටිඝපරියුට්ඨානං පටිඝසඤ්ඤොජනං අබ්යාකතන්ති.
ප. පටි: න හෙවං වත්තබ්බෙ -පෙ-
5. ස. පු: පටිඝං පටිඝපරියුට්ඨානං පටිඝසඤ්ඤොජනං අකුසලන්ති.
ප. පටිඤ්ඤා: ආමන්තා.
ස. අනු: පරිඝානුසයො අකුසලො’ති.
ප. පටි: න හෙවං වත්තබ්බෙ -පෙ-
6. ස. පු: මානානුසයො අබ්යාකතො’ති.
ප. පටිඤ්ඤා: ආමන්තා.
ස. අනු: මානො මානපරියුට්ඨානං මානසඤ්ඤොජනං අබ්යාකතන්ති.
ප. පටි: න හෙවං වත්තබ්බෙ -පෙ-
7. ස. පු: මානො මානපරියුට්ඨානං මානසඤ්ඤොජනං අකුසලන්ති.
ප. පටිඤ්ඤා: ආමන්තා.
ස. අනු: මානානුසයො අකුසලො’ති.
ප. පටි: න හෙවං වත්තබ්බෙ -පෙ-
8. ස. පු: දිට්ඨානුසයො අබ්යාකතො’ති.
ප. පටිඤ්ඤා: ආමන්තා.
ස. අනු: දිට්ඨි දිට්ඨොඝො දිට්ඨියොගො දිට්ඨිපරියුට්ඨානං දිට්ඨිසඤ්ඤොජනං අබ්යාකතන්ති.
ප. පටි: න හෙවං වත්තබ්බෙ -පෙ-
9. ස. පු: දිට්ඨි දිට්ඨොඝො දිට්ඨියොගො දිට්ඨිපරියුට්ඨානං දිට්ඨිසඤ්ඤොජනං අකුසලන්ති.
ප. පටිඤ්ඤා: ආමන්තා.
ස. අනු: දිට්ඨානුසයො අකුසලො’ති.
ප. පටි: න හෙවං වත්තබ්බෙ -පෙ-
10. ස. පු: විචිකිච්ඡානුසයො අබ්යාකතො’ති.
ප. පටිඤ්ඤා: ආමන්තා.
ස. අනු: විචිකිච්ඡා විචිකිච්ඡාපරියුට්ඨානං විචිකිච්ඡාසඤ්ඤොජනං විචිකිච්ඡානීවරණං අබ්යාකතන්ති.
ප. පටි: න හෙවං වත්තබ්බෙ -පෙ-
11. ස. පු: විචිකිච්ඡා විචිකිච්ඡාපරියුට්ඨානං විචිකිච්ඡාසඤ්ඤොජනං විචිකිච්ඡානීවරණං අකුසලන්ති.
ප. පටිඤ්ඤා: ආමන්තා.
ස. අනු: විචිකිච්ඡානුසයො අකුසලො’ති.
ප. පටි: න හෙවං වත්තබ්බෙ -පෙ-
12. ස. පු: භවරාගානුසයො අබ්යාකතො’ති.
ප. පටිඤ්ඤා: ආමන්තා.
ස. අනු: භවරාගො භවරාගපරියුට්ඨානං භවරාගසඤ්ඤොජනං අබ්යාකතන්ති.
ප. පටි: න හෙවං වත්තබ්බෙ -පෙ-
13. ස. පු: භවරාගො භවරාගපරියුට්ඨානං භවරාගසඤ්ඤොජනං අකුසලන්ති.