ප. පටිඤ්ඤා: ආමන්තා.
ස. පු: නනු යො න සුණාති -පෙ- යො න ඝායති -පෙ- යො න සායති -පෙ- යො න ඵුසති -පෙ- යො න විජානාති යං න විජානාති යෙන විජානාති, සො න විජානාති තං න විජානාති තෙන න විජානාතී’ති.
ප. පටිඤ්ඤා: ආමන්තා.
අනු. ඨ: හඤ්චි යො න විජානාති යං න විජානාති යෙන න විජානාති, සො න විජානාති තං න විජානාති තෙන න විජානාති,
අනු. පා: නො ච වත රෙ වත්තබ්බෙ පුග්ගලො උපලබ්භති සච්චිකට්ඨපරමත්ථෙනා’ති.
207. ප. පු: න වත්තබ්බං, ‘පුග්ගලො උපලබ්භති සච්චිකට්ඨපරමත්ථෙනා’ති.
ස. පටිඤ්ඤා: ආමන්තා.
ප. පු: නනු වුත්තං භගවතා: “පස්සාමහං භික්ඛවෙ දිබ්බෙන චක්ඛුනා විසුද්ධෙන අතික්කන්තමානුසකෙන සත්තෙ චවමානෙ උප්පජ්ජමානෙ{1} හීනෙ පණීතෙ සුවණ්ණෙ දුබ්බණ්ණෙ සුගතෙ දුග්ගතෙ යථාකම්මූපගෙ සත්තෙ පජානාමී”ති අත්ථෙව සුත්තන්තො’ති.
ස. පටිඤ්ඤා: ආමන්තා.
ප. නිග: තෙන හි පුග්ගලො උපලබ්භති සච්චිකට්ඨපරමත්ථෙනා’ති.
208. ස. පු: වුත්තං භගවතා: “පස්සාමහං භික්ඛවෙ දිබ්බෙන චක්ඛුනා විසුද්ධෙන අතික්කන්තමානුසකෙන සත්තෙ චවමානෙ උප්පජ්ජමානෙ හීනෙ පණීතෙ සුවණ්ණෙ දුබ්බණ්ණෙ සුගතෙ දුග්ගතෙ යථාකම්මූපගෙ සත්තෙ පජානාමී” ති කත්වා තෙනෙව කාරණෙන පුග්ගලො උපලබ්භති සච්චිකට්ඨපරමත්ථෙනා’ති.
ප. පටිඤ්ඤා: ආමන්තා.
ස. පු: භගවා දිබ්බෙන චක්ඛුනා විසුද්ධෙන අතික්කන්තමානුසකෙන රූපං පස්සති පුග්ගලං පස්සතී’ති.
ප. පටිඤ්ඤා: රූපං පස්සති.
ස. අනු: රූපං පුග්ගලො, රූපං චවති රූපං උප්පජ්ජති, රූපං යථාකම්මූපගන්ති.
ප. පටි: න හෙවං වත්තබ්බෙ -පෙ-
209. ස. පු: භගවා දිබ්බෙන චක්ඛුනා විසුද්ධෙන අතික්කන්තමානුසකෙන රූපං පස්සති පුග්ගලං පස්සතී’ති.
ප. පටිඤ්ඤා: පුග්ගලං පස්සති.
ස. අනු: පුග්ගලො රූපං, රූපායතනං, රූපධාතු, නීලං, පීතකං, ලොහිතකං, ඔදාතං, චක්ඛුවිඤ්ඤෙය්යං, චක්ඛුස්මිං පටිහඤ්ඤති, චක්ඛුස්ස ආපාථං ආගච්ඡතී’ති.
ප. පටි: න හෙවං වත්තබ්බෙ -පෙ-
ස. පු: භගවා දිබ්බෙන චක්ඛුනා විසුද්ධෙන අතික්කන්තමානුස්සකෙන රූපං පස්සති, පුග්ගලං පස්සතී’ති.
ප. පටිඤ්ඤා: උභො පස්සති.
ස. අනු: උභො රූපං, රූපායතනං, රූපධාතු, උභො නීලා, උභො පීතකා, උභො ලොහිතකා, උභො ඔදාතා, උභො චක්ඛුවිඤ්ඤෙය්යා, උභො චක්ඛුස්මිං පටිහඤ්ඤන්ති, උභො චක්ඛුස්ස ආපාථං ආගච්ඡන්ති, උභො චවන්ති, උභො උප්පජ්ජන්ති, උභො යථාකම්මූපගා’ති.
ප. පටි: න හෙවං වත්තබ්බෙ -පෙ-
උපාදාපඤ්ඤත්තානුයොගො.
210. ප. පු: කල්යාණපාපකානි කම්මානි උපලබ්භන්තී’ති.
ස. පටිඤ්ඤා: ආමන්තා.
ප. අනු: කල්යාණපාපකානං කම්මානං කත්තා කාරෙතා උපලබ්භතී’ති.
ස. පටි: න හෙවං වත්තබ්බෙ -පෙ-
ස. පු: කල්යාණපාපකානි කම්මානි උපලබ්භන්තී’ති කල්යාණපාපකානං කම්මානං කත්තා කාරෙතා උපලබ්භතී’ති.
ප. පටිඤ්ඤා: ආමන්තා.
ස. අනු: තස්ස කත්තා කාරෙතා උපලබ්භතී’ති.
ප. පටි: න හෙවං වත්තබ්බෙ -පෙ-
ස. පු: තස්ස කත්තා කාරෙතා උපලබ්භතී’ති.
ප. පටිඤ්ඤා: ආමන්තා.
ස. අනු: තස්ස තස්සෙව නත්ථි දුක්ඛස්ස අන්තකිරියා, නත්ථි වට්ටුපච්ඡෙදො, නත්ථි අනුපාදාපරිනිබ්බානන්ති.
ප. පටි: න හෙවං වත්තබ්බෙ -පෙ-
211. ස. පු: කල්යාණපාපකානි කම්මානි උපලබ්භන්තී’ති කල්යාණපාපකානං කම්මානං කත්තා කාරෙතා උපලබ්භතී’ති.
ප. පටිඤ්ඤා: ආමන්තා.
ස. අනු: පුග්ගලො උපලබ්භතී’ති පුග්ගලස්ස කත්තා කාරෙතා උපලබ්භතී’ති.
ප. පටි: න හෙවං වත්තබ්බෙ -පෙ-
212. ස. පු: කල්යාණපාපකානි කම්මානි උපලබ්භන්තී’ති කල්යාණපාපකානං කම්මානං කත්තා කාරෙතා උපලබ්භතී’ති.
ප. පටිඤ්ඤා: ආමන්තා.
ස. අනු: නිබ්බානං උපලබ්භතී’ති නිබ්බානස්ස කත්තා කාරෙතා උපලබ්භතී’ති.
ප. පටි: න හෙවං වත්තබ්බෙ -පෙ-
213. ස. පු: කල්යාණපාපකානි කම්මානි උපලබ්භන්තී’ති කල්යාණපාපකානං කම්මානං කත්තා කාරෙතා උපලබ්භතී’ති.
ප. පටිඤ්ඤා: ආමන්තා.
ස. අනු: මහාපඨවී උපලබ්භතී’ති මහාපඨවියා කත්තා කාරෙතා උපලබ්භතී’ති.
ප. පටි: න හෙවං වත්තබ්බෙ -පෙ-
214. ස. පු: කල්යාණපාපකානි කම්මානි උපලබ්භන්තී’ති කල්යාණපාපකානං කම්මානං කත්තා කාරෙතා උපලබ්භතී’ති.
ප. පටිඤ්ඤා: ආමන්තා.
ස. අනු: මහාසමුද්දො උපලබ්භතීති මහාසමුද්දස්ස කත්තා කාරෙතා උපලබ්භතී’ති.
ප. පටි: න හෙවං වත්තබ්බෙ -පෙ-
215. ස. පු: කල්යාණපාපකානි කම්මානි උපලබ්භන්තී’ති කල්යාණපාපකානං කම්මානං කත්තා කාරෙතා උපලබ්භතී’ති.
ප. පටිඤ්ඤා: ආමන්තා.
ස. අනු: සිනෙරු පබ්බතරාජා උපලබ්භතී’ති සිනෙරුස්ස පබ්බතරඤ්ඤො කත්තා කාරෙතා උපලබ්භතී’ති.
ප. පටි: න හෙවං වත්තබ්බෙ -පෙ-
216. ස. පු: කල්යාණපාපකානි කම්මානි උපලබ්භන්තී’ති කල්යාණපාපකානං කම්මානං කත්තා කාරෙතා උපලබ්භතී’ති.
ප. පටිඤ්ඤා: ආමන්තා.
ස. අනු: ආපො උපලබ්භතී’ති ආපස්ස කත්තා කාරෙතා උපලබ්භතී’ති.
ප. පටි: න හෙවං වත්තබ්බෙ -පෙ-
217. ස. පු: කල්යාණපාපකානි කම්මානි උපලබ්භන්තී’ති කල්යාණපාපකානං කම්මානං කත්තා කාරෙතා උපලබ්භතී’ති.
ප. පටිඤ්ඤා: ආමන්තා.
ස. අනු: තෙජො උපලබ්භතී’ති තෙජස්ස කත්තා කාරෙතා උපලබ්භතී’ති.
ප. පටි: න හෙවං වත්තබ්බෙ -පෙ-
218. ස. පු: කල්යාණපාපකානි කම්මානි උපලබ්භන්තී’ති කල්යාණපාපකානං කම්මානං කත්තා කාරෙතා උපලබ්භතී’ති
ප. පටිඤ්ඤා: ආමන්තා.
ස. අනු: වායො උපලබ්භතී’ති වායස්ස කත්තා කාරෙතා උපලබ්භතී’ති.
ප. පටි: න හෙවං වත්තබ්බෙ -පෙ-
219. ස. පු: කල්යාණපාපකානි කම්මානි උපලබ්භන්තී’ති කල්යාණපාපකානං කම්මානං කත්තා කාරෙතා උපලබ්භතී’ති.
ප. පටිඤ්ඤා: ආමන්තා.
ස. අනු: තිණකට්ඨවනප්පතයො{1} උපලබ්භන්තීති තිණකට්ඨවනප්පතීනං කත්තා කාරෙතා උපලබ්භතීති.
ප. පටි: න හෙවං වත්තබ්බෙ -පෙ-
220. ස. පු: කල්යාණපාපකානි කම්මානි උපලබ්භන්තීති කල්යාණපාපකානං කම්මානං කත්තා කාරෙතා උපලබ්භතීති.
ප. පටිඤ්ඤා: ආමන්තා.
ස. අනු: අඤ්ඤානි කල්යාණපාපකානි කම්මානි, අඤ්ඤො කල්යාණපාපකානං කම්මානං කත්තා කාරෙතාති.
ප. පටි: න හෙවං වත්තබ්බෙ -පෙ-
221. ස. පු: කල්යාණපාපකානං කම්මානං විපාකො උපලබ්භතී’ති.
ප. පටිඤ්ඤා: ආමන්තා.
ස. අනු: කල්යාණපාපකානං කම්මානං විපාකපටිසංවෙදී උපලබ්භතීති.
ප. පටි: න හෙවං වත්තබ්බෙ -පෙ-
222. ස. පු: කල්යාණපාපකානං කම්මානං විපාකො උපලබ්භතීති කල්යාණපාපකානං කම්මානං විපාකපටිසංවෙදී උපලබ්භතීති.
ප. පටිඤ්ඤා: ආමන්තා.
ස. අනු: තස්ස පටිසංවෙදී උපලබ්භතීති.
ප. පටි: න හෙවං වත්තබ්බෙ -පෙ-
223. ස. පු: තස්ස පටිසංවෙදී උපලබ්භතී’ති.
ප. පටිඤ්ඤා: ආමන්තා.
ස. අනු: තස්ස තස්සෙව නත්ථි දුක්ඛස්ස අන්තකිරියා, නත්ථි වට්ටූපච්ඡෙදො, නත්ථි අනුපාදාපරිනිබ්බානන්ති.
ප. පටි: න හෙවං වත්තබ්බෙ -පෙ-
224. ස. පු: කල්යාණපාපකානං කම්මානං විපාකො උපලබ්භතී’ති කල්යාණපාපකානං කම්මානං විපාකපටිසංවෙදී උපලබ්භතී’ති.
ප. පටිඤ්ඤා: ආමන්තා.
ස. අනු: පුග්ගලො උපලබ්භතී’ති පුග්ගලස්ස පටිසංවෙදී උපලබ්භතී’ති.
ප. පටි: න හෙවං වත්තබ්බෙ -පෙ-
225. ස. පු: කල්යාණපාපකානං කම්මානං විපාකො උපලබ්භතී’ති කල්යාණපාපකානං කම්මානං විපාකපටිසංවෙදී උපලබ්භතී’ති.
ප. පටිඤ්ඤා: ආමන්තා.
ස. අනු: නිබ්බානං උපලබ්භතී’ති නිබ්බානස්ස පටිසංවෙදී උපලබ්භතී’ති.
ප. පටි: න හෙවං වත්තබ්බෙ -පෙ-
226. ස. පු: කල්යාණපාපකානං කම්මානං විපාකො උපලබ්භතී’ති කල්යාණපාපකානං කම්මානං විපාකපටිසංවෙදී උපලබ්භතී’ති.
ප. පටිඤ්ඤා: ආමන්තා.
ස. අනු: මහාපඨවී උපලබ්භතී’ති -පෙ- මහාසමුද්දො උපලබ්භතී’ති -පෙ- සිනෙරුපබ්බතරාජා උපලබ්භතී’ති -පෙ- ආපො උපලබ්භතී’ති -පෙ- තෙජො උපලබ්භතී’ති -පෙ- වායො උපලබ්භතී’ති -පෙ- තිණකට්ඨවනප්පතයො උපලබ්භන්තී’ති තිණකට්ඨවනප්පතීනං පටිසංවෙදී උපලබ්භතී’ති.