ප. අනු: ආසවානං ඛයෙ යථාභූතං ඤාණං තථාගතබලං අරියං න වත්තබ්බං සුඤ්ඤතාරම්මණන්ති.
ස. පටි: න හෙවං වත්තබ්බෙ -පෙ-
34. ප. පු: ඨානාඨානෙ යථාභූතං ඤාණං තථාගතබලං අරියං න වත්තබ්බං අනිමිත්තාරම්මණං -පෙ- අප්පණිහිතාරම්මණන්ති.
ස. පටිඤ්ඤා: ආමන්තා.
ප. අනු: ආසවානං ඛයෙ යථාභූතං ඤාණං තථාගතබලං අරියං න වත්තබ්බං අප්පණිහිතාරම්මණන්ති.
ස. පටි: න හෙවං වත්තබ්බෙ -පෙ-
35. ප. පු: සත්තානං චුතූපපාතෙ යථාභූතං ඤාණං තථාගතබලං අරියං න වත්තබ්බං සුඤ්ඤතාරම්මණං -පෙ- අනිමිත්තාරම්මණං -පෙ- අප්පණිහිතාරම්මණන්ති.
ස. පටිඤ්ඤා: ආමන්තා.
ප. අනු: ආසවානං ඛයෙ යථාභූතං ඤාණං තථාගතබලං අරියං න වත්තබ්බං අප්පණිහිතාරම්මණන්ති.
ස. පටි: න හෙවං වත්තබ්බෙ -පෙ-
අරියන්තිකථා නිට්ඨිතා.
3. 3.
විමුත්තිකථා.
1. ස. පු: සරාගං චිත්තං විමුච්චතීති.
ප. පටිඤ්ඤා: ආමන්තා.
ස. අනු: රාගසහගතං රාගසහජාතං රාගසංසට්ඨං රාගසම්පයුත්තං රාගසහභූ රාගානුපරිවත්ති අකුසලං ලොකියං සාසවං සංයොජනියං ගන්ථනීයං ඔඝනීයං{1}. යොගනීයං{2}. නීවරණියං පරාමට්ඨං උපාදානියං සංකිලෙසිකං{3} චිත්තං විමුච්චතීති.
ප. පටි: න හෙවං වත්තබ්බෙ -පෙ-
2. ස. පු: සඵස්සං චිත්තං විමුච්චති, ඵස්සො ච චිත්තං ච උභො විමුච්චන්තීති.
ප. පටිඤ්ඤා: ආමන්තා.
ස. අනු: සරාගං චිත්තං විමුච්චති, රාගො ච චිත්තං ච උභො විමුච්චන්තීති.
ප. පටි: න හෙවං වත්තබ්බෙ -පෙ-
3. ස. පු: සවෙදනං -පෙ- සසඤ්ඤං -පෙ- සචෙතනං -පෙ- සසඤ්ඤං{4} චිත්තං විමුච්චති, සඤ්ඤා ච චිත්තං ච උභො විමුච්චන්තීති.
ප. පටිඤ්ඤා: ආමන්තා.
ස. අනු: සරාගං චිත්තං විමුච්චති, රාගො ච චිත්තං ච උභො විමුච්චන්තීති.
ප. පටි: න හෙවං වත්තබ්බෙ -පෙ-
4. ස. පු: සඵස්සං සරාගං චිත්තං විමුච්චති, ඵස්සො ච චිත්තා ච උභො විමුච්චන්තීති.
ප. පටිඤ්ඤා: ආමන්තා.
ස. අනු: රාගො ච චිත්තං ච උභො විමුච්චන්තීති.
ප. පටි: න හෙවං වත්තබ්බෙ -පෙ-
5. ස. පු: සවෙදනං සරාගං -පෙ- සසඤ්ඤං සරාගං -පෙ- සචෙතනං සරාගං -පෙ- සසඤ්ඤං සරාගං චිත්තං විමුච්චති, සඤ්ඤා ච චිත්තං ච උහො විමුච්චන්තීති.
ප. පටිඤ්ඤා: ආමන්තා.
ස. අනු: රාගො ච චිත්තඤ්ච උභො විමුච්චන්තීති.
ප. පටි: න හෙවං වත්තබ්බෙ -පෙ-
6. ස. පු: සදොසං චිත්තං විමුච්චතීති.
ප. පටිඤ්ඤා: ආමන්තා.
ස. අනු: දොසසහගතං දොසසහජාතං දොසසංසට්ඨං දොසසම්පයුත්තං දොසසහභූ දොසානුපරිවත්ති අකුසලං ලොකියං සාසවං සංයොජනියං ගන්ථනීයං ඔඝනීයං යොගනීයං නීවරණියං පරාමට්ඨං උපාදානියං සංකිලෙසිකං චිත්තං විමුච්චතීති.
ප. පටි: න හෙවං වත්තබ්බෙ -පෙ-
7. ස. පු: සඵස්සං චිත්තං විමුච්චති, ඵස්සො ච චිත්තං ච උභො විමුච්චන්තීති.
ප. පටිඤ්ඤා: ආමන්තා.
ස. අනු: සදොසං චිත්තං විමුච්චති, දොසො ච චිත්තං ච උභො විමුච්චන්තීති.
ප. පටි: න හෙවං වත්තබ්බෙ -පෙ-
8. ස. පු: සවෙදනං -පෙ- සසඤ්ඤං -පෙ- සචෙතනං -පෙ- සසඤ්ඤං චිත්තං විමුච්චති, සඤ්ඤාච චිත්තංච උභො විමුච්චන්තීති.
ප. පටිඤ්ඤා: ආමන්තා.
ස. අනු: සදොසං චිත්තං විමුච්චති, දොසො ච චිත්තං ච උභො විමුච්චන්තීති.
ප. පටි: න හෙවං වත්තබ්බෙ -පෙ-
9. ස. පු: සඵස්සං සදොසං චිත්තං විමුච්චති, ඵස්සො ච චිත්තං ච උභො විමුච්චන්තීති.
ප. පටිඤ්ඤා: ආමන්තා.
ස. අනු: සදොසං චිත්තං විමුච්චති, දොසො ච චිත්තං ච උභො විමුච්චන්තීති.
ප. පටි: න හෙවං වත්තබ්බෙ -පෙ-
10. ස. පු: සවෙදනං සදොසං -පෙ- සසඤ්ඤං සදොසං -පෙ- සචෙතනං සදොසං -පෙ- සසඤ්ඤං සසඤ්ඤං සදොසං චිත්තං විමුච්චති, සඤ්ඤා ච චිත්තං ච උභො විමුච්චන්තීති.
ප. පටිඤ්ඤා: ආමන්තා.
ස. අනු: දොසො ච චිත්තං ච උභො විමුච්චන්තීති.
ප. පටි: න හෙවං වත්තබ්බෙ -පෙ-
11. ස. පු සමොහං චිත්තං විමුච්චතීති.
ප. පටිඤ්ඤා: ආමන්තා.
ස. අනු: මොහසහගතං මොහසහජාතං මොහසංසට්ඨං මොහසම්පයුත්තං මොහසහභූ මොහානුපරිවත්ති අකුසලං ලොකියං සාසවං සංයොජනියං{1} ගන්ථනීයං ඔඝනීයං යොගනීයං නීවරණියං{2} පරාමට්ඨං උපාදානියං සංකිලෙසිකං{3} චිත්තං විමුච්චතීති.
ප. පටි: න හෙවං වත්තබ්බෙ -පෙ-
12. ස. පු: සඵස්සං චිත්තං විමුච්චති, ඵස්සො ච චිත්තං ච උභො විමුච්චන්තීති.
ප. පටිඤ්ඤා: ආමන්තා.
ස. අනු: සමොහං චිත්තං විමුච්චති, මොහො ච චිත්තං ච උභො විමුච්චන්තීති.
ප. පටි: න හෙවං වත්තබ්බෙ -පෙ-
13. ස. පු: සවෙදනං -පෙ- සසඤ්ඤං -පෙ- සචෙතනං -පෙ- සසඤ්ඤං චිත්තං විමුච්චති, සඤ්ඤා ච චිත්තං ච උභො විමුච්චන්තී’ති.
ප. පටිඤ්ඤා: ආමන්තා.
ස. අනු: සමොහං චිත්තං විමුච්චති, මොහො ච චිත්තං උභො විමුච්චන්තී’ති.
ප. පටි: න හෙවං වත්තබ්බෙ -පෙ-
14. ස. පු: සඵස්සං සමොහං චිත්තං විමුච්චති, ඵස්සො ච චිත්තං ච උභො විමුච්චන්තී’ති.
ප. පටිඤ්ඤා: ආමන්තා.
ස. අනු: මොහො ච චිත්තං ච උභො විමුච්චන්තී’ති.
ප. පටි: න හෙවං වත්තබ්බෙ -පෙ-
15. ස. පු: සවෙදනං සමොහං -පෙ- සසඤ්ඤං සමොහං -පෙ- සචෙතනං සමොහං -පෙ- සසඤ්ඤං සමොහං චිත්තං විමුච්චති, සඤ්ඤා ච චිත්තං ච උභො විමුච්චන්තී’ති.
ප. පටිඤ්ඤා: ආමන්තා.
ස. අනු: මොහො ච චිත්තං ච උභො විමුච්චන්තී’ති.
ප. පටි: න හෙවං වත්තබ්බෙ -පෙ-
16. ප. පු. න වත්තබ්බං{1} සරාගං සදොසං සමොහං චිත්තං විමුච්චතී’ති.
ස. පටිඤ්ඤා: ආමන්තා.
ප. අනු: චිතරාගං වීතදොසං වීතමොහං නික්කිලෙසං චිත්තං විමුච්චතී’ති.
ස. පටි: න හෙවං වත්තබ්බෙ -පෙ-
අනු. ආ: තෙන හි න වත්තබ්බං{2} ‘සරාගං සදොසං සමොහං චිත්තං විමුච්චතී’ති.
විමුත්තිකථා නිට්ඨිතා.
3. 4.
විමුච්චමානකථා
1. ස. පු: විමුත්තං විමුච්චමානන්ති.
ප. පටිඤ්ඤා: ආමන්තා.
ස. අනු: එකදෙසං විමුත්තං එකදෙසං අවිමුත්තන්ති.
ප. පටි: න හෙවං වත්තබ්බෙ -පෙ-
2. ස. පු: එකදෙසං විමුත්තං, එකදෙසං අවිමුත්තන්ති.
ප. පටිඤ්ඤා: ආමන්තා.
ස. අනු: එකදෙසං සොතාපන්නො, එකදෙසං න සොතාපන්නො, එකදෙසං සොතාපත්තිඵලප්පත්තො පටිලද්ධො අධිගතො සච්ඡිකතො උපසම්පජ්ජ විහරති, කායෙන ඵුසිත්වා විහරති, එකදෙසං න කායෙන ඵුසිත්වා විහරති, එකදෙසං සත්තක්ඛත්තුපරමො කොලංකොලො එකබීජී, බුද්ධෙ අවෙච්චප්පසාදෙන සමන්නාගතො. ධම්මෙ -පෙ- සඞ්ඝෙ -පෙ- අරියකන්තෙහි සීලෙහි සමන්නාගතො, එකදෙසං අරියකන්තෙහි සීලෙහි න සමන්නාගතොති.
ප. පටි: න හෙවං වත්තබ්බෙ -පෙ-
3. ස. පු: එකදෙසං විමුත්තං, එකදෙසං අවිමුත්තන්ති.
ප. පටිඤ්ඤා: ආමන්තා.
ස. අනු: එකදෙසං සකදාගාමී, එකදෙසං න සකදාගාමී, එකදෙසං සකදාගාමිඵලප්පත්තො, පටිලද්ධො අධිගතො සච්ඡිකතො උපසම්පජ්ජ විහරති, කායෙන ඵුසිත්වා විහරති, එකදෙසං න කායෙන ඵුසිත්වා විහරතීති.
ප. පටි: න හෙවං වත්තබ්බෙ -පෙ-
4. ස. පු: එකදෙසං විමුත්තං, එකදෙසං අවිමුත්තන්ති.
ප. පටිඤ්ඤා: ආමන්තා.
ස. අනු: එකදෙසං අනාගාමී, එකදෙසං න අනාගාමී, එකදෙසං අනාගාමිඵලප්පත්තො, පටිලද්ධො අධිගතො සච්ඡිකතො උපසම්පජ්ජ විහරති, කායෙන ඵුසිත්වා විහරති, එකදෙසං න කායෙන ඵුසිත්වා විහරති, එකදෙසං අන්තරාපරිනිබ්බායී, උපහච්ච පරිනිබ්බායී, අසඞ්ඛාරපරිනිබ්බායී, සසඞ්ඛාරපරිනිබ්බායී, උද්ධංසොතො අකනිට්ඨගාමී, එකදෙසං න උද්ධංසොතො අකනිට්ඨගාමී’ති.
ප. පටි: න හෙවං වත්තබ්බෙ -පෙ-
5. ස. පු: එකදෙසං විමුත්තං, එකදෙසං අවිමුත්තන්ති.
ප. පටිඤ්ඤා: ආමන්තා.
ස. අනු: එකදෙසං අරහා, එකදෙසං න අරහා, එකදෙසං අරහත්තප්පත්තො, පටිලද්ධො අධිගතො සච්ඡිකතො උපසම්පජ්ජ විහරති, කායෙන ඵුසිත්වා{1} විහරති, එකදෙසං වීතරාගො වීතදොසො වීතමොහො -පෙ- එකදෙසං සච්ඡිකාතබ්බා සච්ඡිකතං, එකදෙසං සච්ඡිකාතබ්බං න සච්ඡිකතන්ති.