නිරොධකථා
1. ස. පු: ද්වෙ නිරොධා’ති.
ප. පටිඤ්ඤා: ආමන්තා.
ස. අනු: ද්වෙ දුක්ඛනිරොධාති.
ප. පටි: න හෙවං වත්තබ්බෙ -පෙ-
2. ස. පු: ද්වෙ දුක්ඛනිරොධාති.
ප. පටිඤ්ඤා: ආමන්තා.
ස. අනු: ද්වෙ නිරොධසච්චානීති.
ප. පටි: න හෙවං වත්තබ්බෙ -පෙ-
3. ස. පු: ද්වෙ නිරොධසච්චානීති.
ප. පටිඤ්ඤා: ආමන්තා.
ස. අනු: ද්වෙ දුක්ඛසච්චානීති.
ප. පටි: න හෙවං වත්තබ්බෙ -පෙ-
4. ස. පු: ද්වෙ නිරොධසච්චානීති.
ප. පටිඤ්ඤා: ආමන්තා.
ස. අනු: ද්වෙ සමුදයසච්චානීති.
ප. පටි: න හෙවං වත්තබ්බෙ -පෙ-
5. ස. පු: ද්වෙ නිරොධසච්චානීති.
ප. පටිඤ්ඤා: ආමන්තා.
ස. අනු: ද්වෙ මග්ගසච්චානීති.
ප. පටි: න හෙවං වත්තබ්බෙ -පෙ-
6. ස. පු: ද්වෙ නිරොධසච්චානීති.
ප. පටිඤ්ඤා: ආමන්තා.
ස. අනු: ද්වෙ තාණානි -පෙ- ද්වෙ ලෙණානි -පෙ- ද්වෙ සරණානි -පෙ- ද්වෙ පරායනානි -පෙ- ද්වෙ අච්චුතානි -පෙ- ද්වෙ අමතානි -පෙ- ද්වෙ නිබ්බානානීති.
ප. පටි: න හෙවං වත්තබ්බෙ -පෙ-
7. ස. පු: ද්වෙ නිබ්බානානී’ති.
ප. පටිඤ්ඤා: ආමන්තා.
ස. අනු: අත්ථී ද්වින්නං නිබ්බානානං උච්චනීචතා, හීනප්පණීතතා, උක්කංසාවකංසො, සීමා වා භෙදො වා, රාජී වා අන්තරිකා වාති.
ප. පටි: න හෙවං වත්තබ්බෙ -පෙ-
8. ස. පු: ද්වෙ නිරොධාති.
ප. පටිඤ්ඤා: ආමන්තා.
ස. අනු: නනු අප්පටිසඞ්ඛානිරුද්ධෙ සඞ්ඛාරෙ පටිසඞ්ඛා නිරොධෙන්තී’ති.
ප. පටිඤ්ඤා: ආමන්තා.
අනු. ඨ: හඤ්චි අප්පටිසඞ්ඛානිරුද්ධෙ සඞ්ඛාරෙ පටිසඞ්ඛා නිරොධෙන්ති,
අනු. පා: නො ච වත රෙ වත්තබ්බෙ ‘ද්වෙ නිරොධා’ති.
9. ප. පු: න වත්තබ්බං ද්වෙ නිරොධාති.
ස. පටිඤ්ඤා: ආමන්තා.
ප. අනු: නනු අප්පටිසඞ්ඛානිරුද්ධාපි සඞ්ඛාරා අච්චන්තභග්ගා, පටිසඞ්ඛානිරුද්ධාපි සඞ්ඛාරා අච්චන්තභග්ගාති.
ස. පටිඤ්ඤා: ආමන්තා.
අනු. ඨ: හඤ්චි අප්පටිසඞ්ඛානිරුද්ධාපි සඞ්ඛාරා අච්චන්තභග්ගා, පටිසඞ්ඛානිරුද්ධාපි සඞ්ඛාරා අච්චන්තභග්ගා,
අනු. පා: තෙන වත රෙ වත්තබ්බෙ ‘ද්වෙ නිරොධා’ති.
10. ස. පු: ද්වෙව නිරොධාති.
ප. පටිඤ්ඤා: ආමන්තා.
ස. අනු: පටිසඞ්ඛානිරුද්ධාපි සඞ්ඛාරා අරියමග්ගං ආගම්ම නිරුද්ධාති.
ප. පටිඤ්ඤා: ආමන්තා.
ස. අනු: අප්පටිසඞ්ඛානිරුද්ධාපි සඞ්ඛාරා අරියමග්ගං ආගම්ම නිරුද්ධාති.
ප. පටි: න හෙවං වත්තබ්බෙ -පෙ-
11. ස. පු: ද්වෙ නිරොධාති.
ප. පටිඤ්ඤා: ආමන්තා.
ස. අනු: පටිසඞ්ඛානිරුද්ධා සඞ්ඛාරා න පුන උප්පජ්ජන්තීති.
ප. පටිඤ්ඤා: ආමන්තා.
ස. අනු: අප්පටිසඞ්ඛානිරුද්ධා සඞ්ඛාරා න පුන උප්පජ්ජන්තීති.
ප. පටි: න හෙවං වත්තබ්බෙ -පෙ-
අනු. පා: තෙන හි න වත්තබ්බං: ද්වෙ නිරොධාති.
නිරොධකථා නිට්ඨිතා.
දුතියො වග්ගො නිට්ඨිතො.
තස්ස උද්දානං:
පරූපහාරො අඤ්ඤාණං කඞ්ඛා පරවිතරණා වචීභෙදො දුක්ඛාහාරො චිත්තට්ඨිති ච කුක්කුළා එකාභිසමයො චෙව වොහාරො ච නිරොධකොති.
අභිධම්මපිටකෙ
කථාවත්ථුප්පකරණං
දුතියො භාගො
නමො තස්ස භගවතො අරහතො සම්මාසම්බුද්ධස්ස.
තතියො වග්ගො
3. 1.
බලකථා
1. ස. පු. තථාගතබලං සාවකසාධාරණන්ති.
ප. පටිඤ්ඤා: ආමන්තා.
ස. අනු: තථාගතබලං සාවකබලං, සාවකබලං තථාගත බලන්ති.
ප පටි: න හෙවං වත්තබ්බෙ -පෙ-
2. ස. පු: තථාගතබලං සාවකසාධාරණන්ති.
ප. පටිඤ්ඤා: ආමන්තා.
ස. අනු: තඤ්ඤෙව තථාගතබලං තං සාවකබලං, තඤ්ඤෙව සාවකබලං තං තථාගතබලන්ති.
ප පටි: න හෙවං වත්තබ්බෙ -පෙ-
3. ස. පු: තථාගතබලං සාවකසාධාරණන්ති
ප. පටි: ආමන්තා.
ස. අනු. යාදිසං තථාගතබලං තාදිසං සාවකබලං, යාදිසං සාවකබලං තාදිසං තථාගතබලන්ති.
ප පටි: න හෙවං වත්තබ්බෙ -පෙ-
4. ස. පු: තථාගතබලං සාවකසාධාරණන්ති.
ප. පටිඤ්ඤා: ආමන්තා.
ස. අනු: යාදිසො තථාගතස්ස පුබ්බයොගො පුබ්බචරියා, ධම්මක්ඛානං ධම්මදෙසනා, තාදිසො සාවකස්ස පුබ්බයොගො පුබ්බචරියා, ධම්මක්ඛානං ධම්මදෙසනාති.
ප පටි: න හෙවං වත්තබ්බෙ -පෙ-
5. ස. පු: තථාගතබලං සාවකසාධාරණන්ති
ප. පටිඤ්ඤා: ආමන්තා.
ස අනු: තථාගතො ජිනො සත්ථා සම්මාසම්බුද්ධො සබ්බඤ්ඤූ සබ්බදස්සාවී ධම්මස්සාමී{1} ධම්මපටිසරණොති.{2}
ප. පටිඤ්ඤා: ආමන්තා.
ස. අනු: සාවකො ජිනො සත්ථා සම්මාසම්බුද්ධො සබ්බඤ්ඤූ සබ්බදස්සාවී ධම්මස්සාමී ධම්මපටිසරණොති.{2}
ප පටි: න හෙවං වත්තබ්බෙ -පෙ-
6. ස. පු: තථාගතබලං සාවකසාධාරණන්ති
ප. පටිඤ්ඤා: ආමන්තා.
ස. අනු. තථාගතො අනුප්පන්නස්ස මග්ගස්ස උප්පාදෙතා, අසඤ්ජාතස්ස මග්ගස්ස සඤ්ජනෙතා{3} අනක්ඛාතස්ස මග්ගස්ස අක්ඛාතා, මග්ගඤ්ඤූ මග්ගවිදූ මග්ගකොවිදොති.
ප. පටිඤ්ඤා: ආමන්තා.
ස. අනු: සාවකො අනුප්පන්නස්ස මග්ගස්ස උප්පාදෙතා, අසඤ්ජාතස්ස මග්ගස්ස සඤ්ජනෙතා, අනක්ඛාතස්ස මග්ගස්ස අක්ඛාතා මග්ගඤ්ඤූ මග්ගවිදූ මග්ගකොවිදොති.
ප පටි: න හෙවං වත්තබ්බෙ -පෙ-
7. ස. පු: ඉන්ද්රියපරොපරියත්තං යථාභූතං ඤාණං තථාගතබලං සාවකසාධාරණන්ති.
ප. පටිඤ්ඤා: ආමන්තා.
ස. අනු: සාවකො සබ්බඤ්ඤූ සබ්බදස්සාවීති.
ප පටි: න හෙවං වත්තබ්බෙ -පෙ-
8. ප. පු: සාවකො ඨානාඨානං ජානාතීති.
ස. පටිඤ්ඤා: ආමන්තා.
අනු. ඨ: හඤ්චි සාවකො ඨානාඨානං ජානාති,