ස. අනු: අත්ථි ලොකියො මනො, නත්ථි ලොකියං මනින්ද්රියන්ති.
ප. පටි: න හෙවං වත්තබ්බෙ -පෙ-
11. ස. පු: අත්ථි ලොකියා සද්ධා, නත්ථි ලොකියං සද්ධින්ද්රියන්ති.
ප. පටිඤ්ඤා: ආමන්තා.
ස. අනු: අත්ථි ලොකියං සොමනස්සං, නත්ථි ලොකියං සොමනස්සින්ද්රියං, අත්ථි ලොකියං ජීවිතං, නත්ථි ලොකියං ජීවිතින්ද්රියන්ති.
ප. පටි: න හෙවං වත්තබ්බෙ -පෙ-
12. ස. පු: අත්ථි ලොකියා පඤ්ඤා, නත්ථි ලොකියං පඤ්ඤින්ද්රියන්ති.
ප. පටිඤ්ඤා: ආමන්තා.
ස. අනු: අත්ථි ලොකියො මනො, නත්ථි ලොකියං මනින්ද්රියන්ති -පෙ- අත්ථි ලොකියං ජීවිතං, නත්ථි ලොකියං ජීවිතින්ද්රියන්ති.
ප. පටි: න හෙවං වත්තබ්බෙ -පෙ-
13. ස. පු: අත්ථි ලොකුත්තරා සද්ධා, අත්ථි ලොකුත්තරං සද්ධින්ද්රියන්ති.
ප. පටිඤ්ඤා: ආමන්තා.
ස. අනු: අත්ථි ලොකියා සද්ධා, අත්ථි ලොකියං සද්ධින්ද්රියන්ති.
ප. පටි: න හෙවං වත්තබ්බෙ -පෙ-
14. ස. පු: අත්ථි ලොකුත්තරං විරියං -පෙ- අත්ථි ලොකුත්තරා පඤ්ඤා, අත්ථි ලොකුත්තරං පඤ්ඤින්ද්රියන්ති.
ප. පටිඤ්ඤා: ආමන්තා.
ස. අනු: අත්ථි ලොකියා පඤ්ඤා, අත්ථි ලොකියං පඤ්ඤින්ද්රියන්ති.
ප. පටි: න හෙවං වත්තබ්බෙ -පෙ-
15. ස. පු: අත්ථි ලොකියා සද්ධා, නත්ථි ලොකියං සද්ධින්ද්රියන්ති.
ප. පටිඤ්ඤා: ආමන්තා.
ස. අනු: අත්ථි ලොකුත්තරා සද්ධා, නත්ථි ලොකුත්තරං සද්ධින්ද්රියන්ති.
ප. පටි: න හෙවං වත්තබ්බෙ -පෙ-
16. ස. පු: අත්ථි ලොකියං විරියං -පෙ- අත්ථි ලොකියා පඤ්ඤා, නත්ථි ලොකියං පඤ්ඤින්ද්රියන්ති.
ප. පටිඤ්ඤා: ආමන්තා.
ස. අනු: අත්ථි ලොකුත්තරා පඤ්ඤා, නත්ථි ලොකුත්තරං පඤ්ඤින්ද්රියන්ති.
ප. පටි: න හෙවං වත්තබ්බෙ -පෙ-
17. ස. පු: නත්ථි ලොකියානි පඤ්චින්ද්රියානී’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා, “අද්දසං ඛො අහං භික්ඛවෙ බුද්ධචක්ඛුනා ලොකං ඔලොකෙන්තො සත්තෙ අප්පරජක්ඛෙ තික්ඛින්ද්රියෙ මුදින්ද්රියෙ ස්වාකාරෙ ද්වාකාරෙ සුවිඤ්ඤාපයෙ දුවිඤ්ඤාපයෙ අප්පෙකච්චෙ පරලොකවජ්ජභයදස්සාවිනො විහරන්තෙ”ති{a} අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. පා: තෙන හි “අත්ථි ලොකියානි පඤ්චින්ද්රියානී’ති.
ඉන්ද්රිය කථා නිට්ඨිතා.
එකූනවීසතිමො වග්ගො නිට්ඨිතො.
තස්සුද්දානං:
අතීතෙ කිලෙසෙ ජහති, අනාගතෙ කිලෙසෙ ජහති, පච්චුප්පන්නෙ කිලෙසෙ ජහති, සුඤ්ඤතා සඞ්ඛාරක්ඛන්ධපරියාපන්නා, සාමඤ්ඤඵලං අසඞ්ඛතං, පත්ති අසඞ්ඛතා, සබ්බධම්මානං තථතා අසඞ්ඛතා, නිබ්බානධාතු කුසලා, අත්ථි පුථුජ්ජනස්ස අච්චන්තනියාමතා, නත්ථි ලොකියානි පඤ්චින්ද්රියානී’ති.
වීසතිමො වග්ගො.
20. 1.
අසඤ්චිච්චකථා.
1. ස. පු: “අසඤ්චිච්ච මාතරං ජීවිතා වොරොපෙත්වා ආනන්තරිකො හොතී”ති.
ප. පටිඤ්ඤා: ආමන්තා.
ස. අනු: අසඤ්චිච්ච පාණං හන්ත්වා පාණාතිපාතී හොතී’ති.
ප. පටි: න හෙවං වත්තබ්බෙ -පෙ-
2. ස. පු: අසඤ්චිච්ච මාතරං ජීවිතා වොරොපෙත්වා ආනන්තරිකො හොතී’ති.
ප. පටිඤ්ඤා: ආමන්තා.
ස. අනු: අසඤ්චිච්ච අදින්නං ආදියිත්වා -පෙ- මුසාභණිත්වා මුසාවාදී හොතී’ති.
ප. පටි: න හෙවං වත්තබ්බෙ -පෙ-
3. ස. පු: අසඤ්චිච්ච පානං හන්ත්වා පාණාතිපාතී න හොතී’ති.
ප. පටිඤ්ඤා: ආමන්තා.
ස. අනු: අසඤ්චිච්ච මාතරං ජීවිතා වොරොපෙත්වා ආනන්තරිකො න හොතී’ති.
ප. පටි: න හෙවං වත්තබ්බෙ -පෙ-
4. ස. පු: අසඤ්චිච්ච අදින්නං ආදියිත්වා -පෙ- මුසා භණිත්වා මුසාවාදී න හොතී’ති.
ප. පටිඤ්ඤා: ආමන්තා.
ස. අනු: සඤ්චිච්ච මාතරං ජීවිතා වොරොපෙත්වා ආනන්තරිකො න හොතී’ති.
ප. පටි: න හෙවං වත්තබ්බෙ -පෙ-
5. ස. පු: අසඤ්චිච්ච මාතරං ජීවිතා වොරොපෙත්වා ආනන්තරිකො හොතී’ති.
ප. පටිඤ්ඤා: ආමන්තා.
ස. පු: “අසඤ්චිච්ච මාතරං ජීවිතං වොරොපෙත්වා ආනන්තරිකො හොතී”ති අත්ථෙ’ව සුත්තන්තො’ති.
ප. වි: නත්ථි.
ස. අනු: “සඤ්චිච්ච මාතරං ජීවිතං වොරෙපෙත්වා ආනන්තරිකො හොතී”ති අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. ඨ: හඤ්චි “සඤ්චිච්ච මාතරං ජීවිතා වොරෙපෙත්වා ආනන්තරිකො හොතී”ති අත්ථෙ’ව සුත්තන්තො.
ස. පා: නො ච වත රෙ වත්තබ්බෙ “අසඤ්චිච්ච මාතරං ජීවිතං වොරෙපෙත්වා ආනන්තරිකො හොතී”ති.
6. ප. පු: න වත්තබ්බං “මාතුඝාතකො ආනන්තරිකො”ති.
ස. පටිඤ්ඤා: ආමන්තා.
ප. අනු: නනු මාතා ජීවිතා වොරොපිතා’ති.
ස. පටිඤ්ඤා: ආමන්තා.
ප. ඨ: හඤ්චි මාතා ජීවිතා වොරොපිතා,
ප. පා: තෙන වත රෙ වත්තබ්බෙ “මාතුඝාතකො ආනන්තරිකො”ති.
7. ප. පු: න වත්තබ්බං “පිතුඝාතකො ආනන්තරිකො”ති.
ස. පටිඤ්ඤා: ආමන්තා.
ප. අනු: නනු පිතා ජීවිතා වොරොපිතො’ති.
ස. පටිඤ්ඤා: ආමන්තා.
ප. ඨ: හඤ්චි පිතා ජීවිතා වොරොපිතො,
ප. පා: තෙන වත රෙ වත්තබ්බෙ “පිතුඝාතකො ආනන්තරිකො”ති.
8. ප. පු: න වත්තබ්බං “අරහන්තඝාතකො ආනන්තරිකො”ති.
ස. පටිඤ්ඤා: ආමන්තා.
ප. අනු: නනු අරහා ජීවිතා වොරොපිතො’ති.
ස. පටිඤ්ඤා: ආමන්තා.
ප. ඨ: හඤ්චි අරහා ජීවිතා වොරොපිතො,
ප. පා: තෙන වත රෙ වත්තබ්බෙ “අරහන්තඝාතකො ආනන්තරිකො”ති.
9. ප. පු: න වත්තබ්බං “ලොහිතුප්පාදකො{1}. ආනන්තරිකො”ති.
ස. පටිඤ්ඤා: ආමන්තා.
ප. අනු: නනුතථාගතස්ස ලොහිතං උප්පාදිතන්ති.
ස. පටිඤ්ඤා: ආමන්තා.
ප. ඨ: හඤ්චි තථාගතස්ස ලොහිතං උප්පාදිතං,
ප. පා: තෙන වත රෙ වත්තබ්බෙ “ලොහිතුප්පාදකො ආනන්තරිකො”ති.
10. ස. පු: “සඞ්ඝභෙදකො ආනන්තරිකො”ති.
ප. පටිඤ්ඤා: ආමන්තා.
ස. අනු: “සබ්බෙ සඞ්ඝභෙදකා ආනන්තරිකා”ති.
ප. පටි: න හෙවං වත්තබ්බෙ -පෙ-
11. ස. පු: සබ්බෙ සඞ්ඝභෙදකා ආනන්තරිකා’ති.
ප. පටිඤ්ඤා: ආමන්තා.
ස. අනු: ධම්මසඤ්ඤී සඞ්ඝභෙදකො ආනන්තරිකො’ති.
ප. පටි: න හෙවං වත්තබ්බෙ -පෙ-
12. ස. පු: ධම්මසඤ්ඤී සඞ්ඝභෙදකො ආනන්තරිකො’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “අත්ථුපාලි සඞ්ඝභෙදකො ආපායිකො නෙරයිකො කප්පට්ඨො අතෙකිච්ඡො, අත්ථුපාලි සඞ්ඝභෙදකො න අපායිකො න නෙරයිකො න කප්පට්ඨො න අතෙකිච්ඡො”ති.{a} අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. පා: තෙන හි න වත්තබ්බං “ධම්මසඤ්ඤී සඞ්ඝභෙදකො ආනන්තරිකො”ති.
13. ප. පු: න වත්තබ්බං “ධම්මසඤ්ඤී සඞ්ඝභෙදකො ආනන්තරිකො”ති.