ප. පටිඤ්ඤා: ආමන්තා.
ස. අනු: න පරිහායති අනාගාමී අනාගාමිඵලා’ති.
ප. පටි: න හෙවං වත්තබ්බෙ -පෙ-
17. ස. පු: න පරිහායති සොතාපන්නො සොතාපත්තිඵලා’ති.
ප. පටිඤ්ඤා: ආමන්තා.
ස. අනු: න පරිහායති සකදාගාමී සකදාගාමිඵලා’ති.
ප. පටි: න හෙවං වත්තබ්බෙ -පෙ-
18. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: අරහා අරහත්තා පරිහායමානො කත්ථ සණ්ඨාතී’ති.
ප. පටිඤ්ඤා: අනාගාමිඵලෙ’ති.
ස. අනු: අනාගාමී අනාගාමිඵලා පරිහායමානො කත්ථ සණ්ඨාතී’ති.
ප. පටිඤ්ඤා: සකදාගාමිඵලෙ’ති.
ස. අනු: සකදාගාමී සකදාගාමිඵලා පරිහායමානො කත්ථ සණ්ඨාතී’ති.
ප. පටිඤ්ඤා: සොතාපත්තිඵලෙ’ති.
ස. අනු: සොතාපන්නො සොතාපත්තිඵලා පරිහායමානො පුථුජ්ජනභූමියං සණ්ඨාතී’ති.
ප. පටි: න හෙවං වත්තබ්බෙ -පෙ-
ස. නි. ආජානාහි නිග්ගහං.
අනු. ඨ: හඤ්චි අරහා අරහත්තා පරිහායමානො අනාගාමිඵලෙ සණ්ඨාති අනාගාමී අනාගාමිඵලා පරිහායමානො සකදාගාමිඵලෙ සණ්ඨාති, සකදාගාමී සකදාගාමිඵලා පරිහායමානො සොතාපත්තිඵලෙ සණ්ඨාති.
අනු. පා: තෙන වත රෙ වත්තබ්බෙ සොතාපන්නො සොතාපත්තිඵලා පරිහායමානො පුථුජ්ජනභූමියං සණ්ඨාතී’ති.
19. ස. පු: අරහා අරහත්තා පරිහායමානො සොතාපත්තිඵලෙ සණ්ඨාතී’ති.
ප. පටිඤ්ඤා: ආමන්තා.
ස. අනු: සොතාපත්තිඵලස්ස අනන්තරා අරහත්තඤ්ඤෙ’ව සච්ඡිකරොතී’ති.
ප. පටි: න හෙවං වත්තබ්බෙ -පෙ-
20. ස. පු: පරිහායති අරහං අරහත්තා’ති.
ප. පටිඤ්ඤා: ආමන්තා.
ස. අනු: පරිහායති සොතාපන්නො සොතාපත්තිඵලා’ති.
ප. පටි: න හෙවං වත්තබ්බෙ -පෙ-
ස. අනු: කස්ස බහුතරා කිලෙස පහීනා අරහතො වා සොතාපන්නස්ස වා’ති.
ප. පටිඤ්ඤා: අරහතො.
අනු. ඨ: හඤ්චි අරහතො බහුතරං කිලෙසා පහීනා පරිහායති අරහා අරහත්තා,
අනු. පා: තෙන වත රෙ වත්තබ්බෙ පරිහායති සොතාපන්නො සොතාපත්තිඵලා’ති.
21. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: පරිහායති සකදාගාමී සකදාගාමිඵලා’ති.
ප. පටි: න හෙවං වත්තබ්බෙ -පෙ-
ස. අනු: කස්ස බහුතරා කිලෙසා පහීනා අරහතො වා සකදාගාමිස්ස වා’ති
ප. පටිඤ්ඤා: අරහතො.
අනු. ඨ: හඤ්චි අරහතො බහුතරා කිලෙසා පහීනා, පරිහායති අරහා අරහත්තා.
අනු. පා: තෙන වත රෙ වත්තබ්බෙ පරිහායති සකදාගාමී සකදාගාමිඵලා’ති.
22. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: පරිහායති අනාගාමී අනාගාමිඵලා’ති.
ප. පටි: න හෙවං වත්තබ්බෙ -පෙ-
ස. අනු: කස්ස බහුතරා කිලෙසා පහීනා අරහතො වා අනාගාමිස්ස වා’ති.
ප. පටිඤ්ඤා: අරහතො.
අනු. ඨ: හඤ්චි අරහතො බහුතරා කිලෙසා පහීනා, පරිහායති අරහා අරහත්තා.
අනු. පා: තෙන වත රෙ වත්තබ්බෙ පරිහායති අනාගාමී අනාගාමිඵලා’ති.
23. ස. පු: පරිහායති අනාගාමී අනාගාමිඵලා’ති.
ප. පටිඤ්ඤා: ආමන්තා.
ස. අනු: පරිහායති සොතාපන්නො සොතාපත්තිඵලා’ති.
ප. පටි: න හෙවං වත්තබ්බෙ -පෙ-
ස. අනු: කස්ස බහුතරා කිලෙසා පහීනා අනාගාමිස්ස වා සොතාපන්නස්ස වා’ති.
ප. පටිඤ්ඤා: අනාගාමිස්ස.
අනු. ඨ: හඤ්චි අනාගාමිස්ස බහුතරා කිලෙසා පහීනා, පරිහායති අනාගාමී අනාගාමිඵලා,
අනු. පා: තෙන වත රෙ වත්තබ්බෙ පරිහායති සොතාපන්නො සොතාපත්තිඵලා’ති.
24. ස. පු: පරිහායති අනාගාමී අනාගාමිඵලා’ති.
ප. පටිඤ්ඤා: ආමන්තා.
ස. අනු: පරිහායති සකදාගාමී සකදාගාමිඵලා’ති.
ප. පටි: න හෙවං වත්තබ්බෙ -පෙ-
ස. අනු: කස්ස බහුතරා කිලෙසා පහීනා අනාගාමිස්ස වා සකදාගාමිස්ස වා’ ති.
ප. පටිඤ්ඤා: අනාගාමිස්ස.
අනු. ඨ: හඤ්චි අනාගාමිස්ස බහුතරා කිලෙසා පහීනා, පරිහායති අනාගාමී අනාගාමිඵලා,
අනු. පා: තෙන වත රෙ වත්තබ්බෙ පරිහායති සකදාගාමී සකදාගාමිඵලා’ති.
25. ස. පු: පරිහායති සකදාගාමී සකදාගාමිඵලා’ති.
ප. පටි: ආමන්තා.
ස. අනු: පරිහායති සොතාපන්නො සොතාපත්තිඵලා’ති.
ප. පටි: න හෙවං වත්තබ්බෙ -පෙ-
ස. අනු: කස්ස බහුතරා කිලෙසා පහීනා සකදාගාමිස්ස වා සොතාපන්නස්ස වා’ති.
ප. පටිඤ්ඤා: සකදාගාමිස්ස.
අනු. ඨ: හඤ්චි සකදාගාමිස්ස බහුතරා කිලෙසා පහීනා පරිහායති සකදාගාමී සකදාගාමිඵලා,
අනු. පා: තෙන වත රෙ වත්තබ්බෙ පරිහායති සොතාපන්නො සොතාපත්තිඵලා’ති.
26. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා,
ස. අනු: පරිහායති, සොතාපන්නො සොතාපත්තිඵලා’ති.
ස. පටි: න හෙවං වත්තබ්බෙ -පෙ-
ස. අනු: කස්ස අධිමත්තා මග්ගභාවනා අරහතො වා සොතාපන්නස්ස වා’ති.
ප. පටිඤ්ඤා: අරහතො.
අනු. ඨ: හඤ්චි අරහතො අධිමත්තා මග්ගභාවනා, පරිහායති අරහා අරහත්තා,
අනු. පා: තෙන වත රෙ වත්තබ්බෙ ‘පරිහායති සොතාපන්නො සොතාපත්තිඵලා’ති.
27. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: පරිහායති සොතාපන්නො සොතාපත්තිඵලා’ති.
ප. පටි: න හෙවං වත්තබ්බෙ -පෙ-
ස. අනු: කස්ස අධිමත්තා සතිපට්ඨානභාවනා -පෙ- සමමප්පධානභාවනා ඉද්ධිපාදභාවනා -පෙ- ඉන්ද්රියභාවනා -පෙ- බලභාවනා -පෙ- බොජ්ඣඞ්ගභාවනා අරහතො වා සොතාපන්නස්ස වා’ති.
ප. පටිඤ්ඤා: අරහතො.
අනු. ඨ: හඤ්චි අරහතො අධිමත්තා බොජ්ඣඞ්ගභාවනා, පරිහායති අරහා අරහත්තා,
අනු. පා: තෙන වත රෙ වත්තබ්බෙ “පරිහායති සොතාපන්නො සොතාපත්තිඵලා’ති.”
28. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: පරිහායති සකදාගාමී සකදාගාමිඵලා’ති.
ප. පටි: න හෙවං වත්තබ්බෙ -පෙ-
ස. අනු: කස්ස අධිමත්තා මග්ගභාවනා -පෙ- බොජ්ඣඞ්ගභාවනා -පෙ- අරහතො වා සකදාගාමිස්ස වා’ති.
ප. පටිඤ්ඤා: අරහතො.
අනු. ඨ: හඤ්චි අරහතො අධිමත්තා බොජ්ඣඞ්ගභාවනා, පරිහායති අරහා අරහත්තා.
අනු. පා: තෙන වත රෙ වත්තබ්බෙ “පරිහායති සකදාගාමී සකදාගාමිඵලා’ති.
29. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: පරිහායති අනාගාමී අනාගාමිඵලා’ති.
ප. පටි: න හෙවං වත්තබ්බෙ -පෙ-