ස. නිග: තෙන හි න වත්තබ්බං ‘පුග්ගලො උපලබ්භති සච්චිකට්ඨපරමත්ථෙනා’ති.
323. ස. පු: පුග්ගලො උපලබ්භති සච්චිකට්ඨපරමත්ථෙනා’ති.
ප. පටිඤ්ඤා: ආමන්තා.
ස. අනු: නනු භගවා සච්චවාදී කාලවාදී භූතවාදී තථවාදී අවිතථවාදී අනඤ්ඤථවාදී’ති.
ප. පටිඤ්ඤා: ආමන්තා.
ස. අනු: වුත්තං හෙතං භගවතා ‘සප්පිකුම්භො’ති.
ප. පටිඤ්ඤා: ආමන්තා.
ස. අනු: අත්ථි කොචි සප්පිස්ස කුම්භං කරොතී’ති.
ප. පටි: න හෙවං වත්තබ්බෙ -පෙ-
ස. නිග: තෙන හි න වත්තබ්බං: ‘පුග්ගලො උපලබ්භති සච්චිකට්ඨපරමත්ථෙනා’ති.
324. ස. පු: පුග්ගලො උපලබ්භති සච්චිකට්ඨපරමත්ථෙනා’ති.
ප. පටිඤ්ඤා: ආමන්තා.
ස. අනු: නනු භගවා සච්චවාදී කාලවාදී භූතවාදී තථවාදී අවිතථවාදී අනඤ්ඤථවාදී’ති.
ප. පටිඤ්ඤා: ආමන්තා.
ස. අනු: වුත්තං හෙතං භගවතා: තෙලකුම්භො -පෙ- මධුකුම්භො -පෙ- ඵාණිතකුම්භො -පෙ- ඛීරකුම්භො -පෙ- උදකකුම්භො -පෙ- පානීයථාලකං -පෙ- පානීයකොසකං -පෙ- පානීයසරාවකං -පෙ- නිච්චභත්තං -පෙ- ධුවයාගූ’ති.
ප. පටිඤ්ඤා: ආමන්තා.
ස. අනු: අත්ථි කොචි{1} යාගු නිච්චා ධුවා සස්සතා අවිපරිනාමධම්මා’ති.
ප. පටි: න හෙවං වත්තබ්බෙ -පෙ-
ස. නිග: තෙන හි න වත්තබ්බං “පුග්ගලො උපලබ්භති සච්චිකට්ඨපරමත්ථෙනා”ති.
(සඞ්ඛිත්තං)
අට්ඨක නිග්ගහ පෙය්යාලා{2} සන්ධාවනියා උපාදාය චිත්තෙන පඤ්චමං කල්යාණං ඉද්ධි සුත්තාහරණෙන{3} අට්ඨමන්ති.
පුග්ගලකථා නිට්ඨිතා.
1. 2.
පරිහානිකථා
1. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: සබ්බත්ථ අරහා අරහත්තා පරිහායතී’ති.
ප. පටි: න හෙවං වත්තබ්බෙ -පෙ-
ස. පු: සබ්බත්ථ අරහා අරහත්තා පරිහායතී’ති.
ප. පටිඤ්ඤා: ආමන්තා.
ස. අනු: සබ්බත්ථ අරහතො පරිහානී’ති.
ප. පටි: න හෙවං වත්තබ්බෙ -පෙ-
2. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: සබ්බදා අරහා අරහත්තා පරිහායතී’ති.
ප. පටි: න හෙවං වත්තබ්බෙ -පෙ-
ස. පු: සබ්බදා අරහා අරහත්තා පරිහායතී’ති.
ප. පටිඤ්ඤා: ආමන්තා.
ස. අනු: සබ්බදා අරහතො පරිහානී’ති.
ප. පටි: න හෙවං වත්තබ්බෙ -පෙ-
3. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: සබ්බෙව අරහන්තො අරහත්තා පරිහායාන්තී’ති.
ප. පටි: න හෙවං වත්තබ්බෙ -පෙ-
ස. පු: සබ්බෙ’ව අරහන්තො අරහත්තා පරිහායන්තී’ති.
ප. පටිඤ්ඤා: ආමන්තා.
ස. අනු: සබ්බෙසඤ්ඤෙව අරහන්තානං පරිහානී’ති.
ප. පටි: න හෙවං වත්තබ්බෙ -පෙ-
4. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: අරහා අරහත්තා පරිහායමානො චතූහි ඵලෙහි පරිහායතී’ති.
ප. පටි: න හෙවං වත්තබ්බෙ -පෙ-
5. ප. පු: චතූහි සතසහස්සෙහි සෙට්ඨි සෙට්ඨිත්තං කාරෙන්තො සතසහස්සෙ පරිහීනෙ සෙට්ඨිත්තා පරිහීනො’ති.
ස. පටිඤ්ඤා: ආමන්තා.
ප. අනු: සබ්බසාපතෙය්යා පරිහීනො හොතී’ති.
ස. පටි: න හෙවං වත්තබ්බෙ -පෙ-
6. ස. පු: චතූහි සතසහස්සෙහි සෙට්ඨි සෙට්ඨිත්තං කාරෙන්තො සතසහස්සෙ පරිහීනෙ භබ්බො සබ්බසාපතෙය්යා පාරිහායිතුන්ති.
ස. පටිඤ්ඤා: ආමන්තා.
ප. අනු: අරහා අරහත්තා පරිහායමානො භබ්බො චතූහි ඵලෙහි පරිහායිතුන්ති.
ප. පටි: න හෙවං වත්තබ්බෙ -පෙ-
වාදයුත්ති නිට්ඨිතා.
7. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: පරිහායති සොතාපන්නො සොතාපත්තිඵලා’ති.
ප. පටි: න හෙවං වත්තබ්බෙ -පෙ-
8. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: පරිහායති සකදාගාමී සකදාගාමිඵලා’ති.
ප. පටි: න හෙවං වත්තබ්බෙ -පෙ-
9. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: පරිහායති අනාගාමී අනාගාමිඵලා’ති.
ප. පටි: න හෙවං වත්තබ්බෙ -පෙ-
10. ස. පු: පරිහායති අනාගාමී අනාගාමිඵලා’ති.
ප. පටිඤ්ඤා: ආමන්තා.
ස. අනු: පරිහායති සොතාපන්නො සොතාපත්තිඵලා’ති.
ප. පටි: න හෙවං වත්තබ්බෙ -පෙ-
11. ස. පු: පරිහායති අනාගාමී අනාගාමිඵලා’ති.
ප. පටිඤ්ඤා: ආමන්තා.
ස. අනු: පරිහායති සකදාගාමී සකදාගාමිඵලා’ති.
ප. පටිඤ්ඤා: ආමන්තා.
ස. අනු: පරිහායති සොතාපන්නො සොතාපත්තිඵලා’ති.
ප. පටි: න හෙවං වත්තබ්බෙ -පෙ-
12. ස. පු: න පරිහායති සොතාපන්නො සොතාපත්තිඵලා’ති.
ප. පටිඤ්ඤා: ආමන්තා.
ස. අනු: න පරිහායති අරහා අරහත්තා’ති.
ප. පටි: න හෙවං වත්තබ්බෙ -පෙ-
13. ස. පු: න පරිහායති සකදාගාමී සකදාගාමිඵලා’ති.
ප. පටිඤ්ඤා: ආමන්තා.
ස. අනු: න පරිහායති අරහා අරහත්තා’ති.
ප. පටි: න හෙවං වත්තබ්බෙ -පෙ-
14. ස. පු: න පරිහායති අනාගාමී අනාගාමිඵලා’ති.
ප. පටිඤ්ඤා: ආමන්තා.
ස. අනු: න පරිහායති අරහා අරහත්තා’ති.
ප. පටි: න හෙවං වත්තබ්බෙ -පෙ-
15. ස. පු: න පරිහායති සොතාපන්නො සොතාපත්තිඵලා’ති.
ප. පටිඤ්ඤා: ආමන්තා.
ස. අනු: න පරිහායති අනාගාමී අනාගාමිඵලා’ති.
ප. පටි: න හෙවං වත්තබ්බෙ -පෙ-
16. ස. පු: න පරිහායති සකදාගාමී සකදාගාමිඵලා’ති.