පටි. ඨ: නො චෙ පන වත්තබ්බෙ යො සච්චිකට්ඨො පරමත්ථො තතො සො පුග්ගලො නූපලබ්භති සච්චිකට්ඨපරමත්ථෙනා’ති,
පටි. පා: නො ච වත රෙ වත්තබ්බෙ පුග්ගලො නූපලබ්භති සච්චිකට්ඨපරමත්ථෙනා’ති.
පටි. ආ: යං තත්ථ වදෙසි: වත්තබ්බෙ ඛො පුග්ගලො නූපලබ්භති සච්චිකට්ඨපරමත්ථෙන, නො ච වත්තබ්බෙ යො සච්චිකට්ඨො පරමත්ථො තතො සො පුග්ගලො නූපලබ්භති සච්චිකට්ඨපරමත්ථෙනා’ති ඉදං තෙ මිච්ඡා.
නිගමනං: තෙන හි යෙ කතෙ නිග්ගහෙ සෙ නිග්ගහෙ දුක්කටෙ. සුකතෙ පටිකම්මෙ. සුකතා පටිපාදනා’ති.
නිගමන චතුක්කං
දුතියො නිග්ගහො.
11. ස. පු: පුග්ගලො උපලබ්භති සච්චිකට්ඨපරමත්ථෙනා’ති.
ප. පටිඤ්ඤා: ආමන්තා.
ස අනු: සබ්බත්ථ පුග්ගලො උපලබ්භති සච්චිකට්ඨපරමත්ථෙනා’ති.
ප. අවජානනා: න හෙවං වත්තබ්බෙ.
ස. නි. ආජානාහි නිග්ගහං.
අනු. ඨ: හඤ්චි පුග්ගලො උපලබ්භති සච්චිකට්ඨපරමත්ථෙන,
අනු. පා: තෙන වත රෙ වත්තබ්බෙ ‘සබ්බත්ථ පුග්ගලො උපලබ්භති සච්චිකට්ඨපරමත්ථෙනා’ති.
අනු. ආ: යං තත්ථ වදෙසි: ‘වත්තබ්බෙ ඛො පුග්ගලො උපලබ්භති සච්චිකට්ඨපරමත්ථෙන, නො ච වත්තබ්බෙ සබ්බත්ථ පුග්ගලො උපලබ්භති සච්චිකට්ඨපරමත්ථෙනා’ති මිච්ඡා.
පටි. ඨ: නො චෙ පන වත්තබ්බෙ ‘සබ්බත්ථ පුග්ගලො උපලබ්භති සච්චිකට්ඨපරමත්ථෙනා’ති.
පටි. පා: නො ච වත රෙ වත්තබ්බෙ පුග්ගලො උපලබ්භති සච්චිකට්ඨපරමත්ථෙනා’ති.
පටි. ආ: යං තත්ථ වදෙසි: වත්තබ්බෙ ඛො පුග්ගලො උපලබ්භති සච්චිකට්ඨපරමත්ථෙන, නො ච වත්තබ්බෙ සබ්බත්ථ පුග්ගලො උපලබ්භති සච්චිකට්ඨපරමත්ථෙනා’ති මිච්ඡා. -පෙ-
තතියො නිග්ගහො.
12. ස. පු: පුග්ගලො උපලබ්භති සච්චිකට්ඨපරමත්ථෙනා’ති
ප. පටිඤ්ඤා: ආමන්තා.
ස. අනු: සබ්බදා පුග්ගලො උපලබ්භති සච්චිකට්ඨපරමත්ථෙනා’ති.
ප. පටි: න හෙවං වත්තබ්බෙ.
ස. නි: ආජානාහි නිග්ගහං.
අනු. ඨ: හඤ්චි පුග්ගලො උපලබ්භති සච්චිකට්ඨපරමත්ථෙන,
අනු. පා: තෙන වත රෙ වත්තබ්බෙ ‘සබ්බදා පුග්ගලො උපලබ්භති සච්චිකට්ඨපරමත්ථෙනා’ති.
අනු. ආ: යං තත්ථ වදෙසි: වත්තබ්බෙ ඛො පුග්ගලො උපලබ්භති සච්චිකට්ඨපරමත්ථෙන, නො ච වත්තබ්බෙ සබ්බදා පුග්ගලො උපලබ්භති සච්චිකට්ඨපරමත්ථෙනා’ති මිච්ඡා.
පටි. ඨ: නො චෙ පන වත්තබ්බෙ සබ්බදා පුග්ගලො උපලබ්භති සච්චිකට්ඨපරමත්ථෙනා’ති.
පටි. පා: නො ච වත රෙ වත්තබ්බෙ පුග්ගලො උපලබ්භති සච්චිකට්ඨපරමත්ථෙනා’ති.
පටි. ආ: යං තත්ථ වදෙසි: වත්තබ්බෙ ඛො පුග්ගලො උපලබ්භති සච්චිකට්ඨපරමත්ථෙන, නො ච වත්තබ්බෙ සබ්බදා පුග්ගලො උපලබ්භති සච්චිකට්ඨපරමත්ථෙනා’ති මිච්ඡා -පෙ-
චතුත්ථො නිග්ගහො.
13. ස. පු: පුග්ගලො උපලබ්භති සච්චිකට්ඨපරමත්ථෙනා’ති.
ප. පටිඤ්ඤා: ආමන්තා
ස. අනු: සබ්බෙසු පුග්ගලො උපලබ්භති සච්චිකට්ඨපරමත්ථෙනා’ති.
ප. පටි: න හෙවං වත්තබ්බෙ.
ස. නි: ආජානාහි නිග්ගහං.
අනු. ඨ: හඤ්චි පුග්ගලො උපලබ්භති සච්චිකට්ඨපරමත්ථෙන,
අනු. පා: තෙන වත රෙ වත්තබ්බෙ ‘සබ්බෙසු පුග්ගලො උපලබ්භති සච්චිකට්ඨපරමත්ථෙනා’ති.
අනු. ආ: යං තත්ථ වදෙසි: වත්තබ්බෙ ඛො පුග්ගලො උපලබ්භති සච්චිකට්ඨපරමත්ථෙන නො ච වත්තබ්බෙ සබ්බෙසු පුග්ගලො උපලබ්භති සච්චිකට්ඨපරමත්ථෙනා’ති මිච්ඡා.
පටි. ඨ: නො චෙ පන වත්තබ්බෙ සබ්බෙසු පුග්ගලො උපලබ්භති සච්චිකට්ඨපරමත්ථෙනා’ති.
පටි. පා: නො ච වත රෙ වත්තබ්බෙ’පුග්ගලො උපලබ්භති සච්චිකට්ඨපරමත්ථෙනා’ති.
පටි. ආ: යං තත්ථ වදෙසි: වත්තබ්බෙ ඛො පුග්ගලො උපලබ්භති සච්චිකට්ඨපරමත්ථෙන නො ච වත්තබ්බෙ සබ්බෙසු පුග්ගලො උපලබ්භති සච්චිකට්ඨපරමත්ථෙනා’ති මිච්ඡා. -පෙ-
පඤ්චමො නිග්ගහො.
14. ප. පු: පුග්ගලො නූපලබ්භති සච්චිකට්ඨපරමත්ථෙනා’ති.
ස. පටිඤ්ඤා: ආමන්තා.
ප. අනු: සබ්බත්ථ පුග්ගලො නූපලබ්භති සච්චිකට්ඨපරමත්ථෙනා’ති.
ස. පටි: න හෙවං වත්තබ්බෙ.
ප. නි: ආජානාහි නිග්ගහං.
අනු. ඨ: හඤ්චි පුග්ගලො නූපලබ්භති සච්චිකට්ඨපරමත්ථෙන,
අනු. පා: තෙන වත රෙ වත්තබ්බෙ සබ්බත්ථ පුග්ගලො නූපලබ්භති සච්චිකට්ඨපරමත්ථෙනා’ති.
අනු. ආ: යං තත්ථ වදෙසි: වත්තබ්බෙ ඛො පුග්ගලො නූපලබ්භති සච්චිකට්ඨපරමත්ථෙන, නො ච වත්තබ්බෙ සබ්බත්ථ පුග්ගලො නූපලබ්භති සච්චිකට්ඨපරමත්ථෙනා’ති මිච්ඡා.
පටි. ඨ: නො චෙ පන වත්තබ්බෙ සබ්බත්ථ පුග්ගලො නූපලබ්භති සච්චිකට්ඨපරමත්ථෙනා’ති
පටි. පා: නො ච වත රෙ වත්තබ්බෙ පුග්ගලො නූපලබ්භති සච්චිකට්ඨපරමත්ථෙනා’ති.
පටි. ආ: යං තත්ථ වදෙසි: වත්තබ්බෙ ඛො පුග්ගලො නූපලබ්භති සච්චිකට්ඨපරමත්ථෙන, නො ච වත්තබ්බෙ සබ්බත්ථ පුග්ගලො නූපලබ්භති සච්චිකට්ඨපරමත්ථෙනා’ති මිච්ඡා.
ඡට්ඨො නිග්ගහො
15. ප. පු: පුග්ගලො නූපලබ්භති සච්චිකට්ඨපරමත්ථෙනා’ති.
ස. පටිඤ්ඤා: ආමන්තා.
ප. අනු: සබ්බදා පුග්ගලො නූපලබ්භති සච්චිකට්ඨපරමත්ථෙනා’ති.
ස. පටි: න හෙවං වත්තබ්බෙ.
ප. නි: ආජානාහි නිග්ගහං.
අනු. ඨ: හඤ්චි පුග්ගලො නූපලබ්භති සච්චිකට්ඨපරමත්ථෙන,
අනු. පා: තෙන වත රෙ වත්තබ්බෙ සබ්බදා පුග්ගලො නූපලබ්භති සච්චිකට්ඨපරමත්ථෙනා’ති.
අනු. ආ: යං තත්ථ වදෙසි: වත්තබ්බෙ ඛො පුග්ගලො නූපලබ්භති සච්චිකට්ඨපරමත්ථෙන, නො ච වත්තබ්බෙ සබ්බදා පුග්ගලො නූපලබ්භති සච්චිකට්ඨපරමත්ථෙනා’ති මිච්ඡා.
පටි. ඨ: නො චෙ පන වත්තබ්බෙ සබ්බදා පුග්ගලො නූපලබ්භති සච්චිකට්ඨපරමත්ථෙනා’ති,
පටි. පා: නො ච වත රෙ වත්තබ්බෙ පුග්ගලො නූපලබ්භති සච්චිකට්ඨපරමත්ථෙනා’ති.
පටි. ආ: යං තත්ථ වදෙසි: වත්තබ්බෙ ඛො පුග්ගලො නූපලබ්භති සච්චිකට්ඨපරමත්ථෙන, නො ච වත්තබ්බෙ සබ්බදා පුග්ගලො නූපලබබති සච්චිකට්ඨපරමත්ථෙනා’ති මිච්ඡා. -පෙ-
සත්තමො නිග්ගහො.
16. ප. පු: පුග්ගලො නූපලබ්භති සච්චිකට්ඨපරමත්ථෙනා’ති.
ස. පටිඤ්ඤා: ආමන්තා.
ප. අනු: සබ්බෙසු පුග්ගලො නූපලබ්භති සච්චිකට්ඨපරමත්ථෙනා’ති.
ස. පටි: න හෙවං වත්තබ්බෙ.
ප. නි: ආජානාහි නිග්ගහං
අනු. ඨ: හඤ්චි පුග්ගලො නූපලබ්භති සච්චිකට්ඨපරමත්ථෙන,
අනු. පා: තෙන වත රෙ වත්තබ්බෙ සබ්බෙසු පුග්ගලො නූපලබ්භති සච්චිකට්ඨපරමත්ථෙනා’ති.
අනු. ආ: යං තත්ථ වදෙසි: වත්තබ්බෙ ඛො පුග්ගලො නූපලබ්භති සච්චිකට්ඨපරමත්ථෙන, නො ච වත්තබ්බෙ සබ්බෙසු පුග්ගලො නූපලබ්භති සච්චිකට්ඨපරමත්ථෙනා’ති මිච්ඡා.
පටි. ඨ: නො චෙ පන වත්තබ්බෙ සබ්බෙසු පුග්ගලො නූපලබ්භති සච්චිකට්ඨපරමත්ථෙනා’ති.
පටි. පා: නො ච වත රෙ වත්තබ්බෙ පුග්ගලො නූපලබ්භති සච්චිකට්ඨපරමත්ථෙනා’ති.
පටි. ආ: යං තත්ථ වදෙසි. වත්තබ්බෙ ඛො පුග්ගලො නූපලබ්භති සච්චිකට්ඨපරමත්ථෙන, නො ච වත්තබ්බෙ සබ්බෙසු පුග්ගලො නූපලබ්භති සච්චිකට්ඨපරමත්ථෙනා’ති මිච්ඡා -පෙ-
අට්ඨමො නිග්ගහො.
17. ස. පු: පුග්ගලො උපලබ්භති සච්චිකට්ඨපරමත්ථෙන, රූපඤ්ච උපලබ්භති සච්චිකට්ඨපරමත්ථෙනා’ති.
ප පටිඤ්ඤා: ආමන්තා.
ස. අනු: අඤ්ඤං රූපං අඤ්ඤො පුග්ගලොති
ප. පටි: න හෙවං වත්තබ්බෙ
ස. නි: ආජානාහි නිග්ගහං.
අනු. ඨ: හඤ්චි පුග්ගලො උපලබ්භති සච්චිකට්ඨපරමත්ථෙන රූපඤ්ච උපලබ්භති සච්චිකට්ඨපරමත්ථෙන,
අනු. පා: තෙන වත රෙ වත්තබ්බෙ ‘අඤ්ඤං රූපං, අඤ්ඤො පුග්ගලො’ති.
අනු. ආ: යං තත්ථ වදෙසි. “වත්තබ්බෙ ඛො පුග්ගලො උපලබ්භති සච්චිකට්ඨපරමත්ථෙන, රූපඤ්ච උපලබ්භති සච්චිකට්ඨපරමත්ථෙන, නො ච වත්තබ්බෙ අඤ්ඤං රූපං, අඤ්ඤො පුග්ගලො”ති මිච්ඡා.
පටි. ඨ: නො චෙ පන වත්තබ්බෙ අඤ්ඤං රූපං අඤ්ඤො පුග්ගලො’ති.
පටි. පා: නො ච වත රෙ වත්තබ්බෙ පුග්ගලො උපලබ්භති සච්චිකට්ඨපරමත්ථෙන, රූපඤ්ච උපලබ්භති සච්චිකට්ඨපරමත්ථෙනා’ති.
පටි. ආ: යං තත්ථ වදෙසි: “වත්තබ්බෙ ඛො පුග්ගලො උපලබ්භති සච්චිකට්ඨපරමත්ථෙන, රූපඤ්ච උපලබ්භති සච්චිකට්ඨපරමත්ථෙන, නො ච වත්තබ්බෙ අඤ්ඤං රූපං අඤ්ඤො පුග්ගලො”ති මිච්ඡා -පෙ-
18-21. ස. පු: පුග්ගලො උපලබ්භති සච්චිකට්ඨපරමත්ථෙන, වෙදනා ච උපලබ්භති සච්චිකට්ඨපරමත්ථෙන -පෙ- සඤ්ඤා ච උපලබ්භති -පෙ- සඞ්ඛාරා ච උපලබ්භන්ති -පෙ- විඤ්ඤාණඤ්ච උපලබ්භති සච්චිකට්ඨපරමත්ථෙනා’ති.
ප. පටිඤ්ඤා: ආමන්තා.
ස. අනු: අඤ්ඤං විඤ්ඤාණං අඤ්ඤො පුග්ගලො’ති.
ප. පටි: න හෙවං වත්තබ්බෙ.
ස. නි: ආජානාහි නිග්ගහං.
අනු. ඨ: හඤ්චි පුග්ගලො උපලබ්භති සච්චිකට්ඨපරමත්ථෙන, විඤ්ඤාණඤ්ච උපලබ්භති සච්චිකට්ඨපරමත්ථෙන,
අනු. පා: තෙන වත රෙ වත්තබ්බෙ, අඤ්ඤං විඤ්ඤාණං, අඤ්ඤො පුග්ගලො’ති,
අනු. ආ: යං තත්ථ වදෙසි: “වත්තබ්බෙ ඛො පුග්ගලො උපලබ්භති සච්චිකට්ඨපරමත්ථෙන, විඤ්ඤාණඤ්ච උපලබ්භති සච්චිකට්ඨපරමත්ථෙන, නො ච වත්තබ්බෙ අඤ්ඤං විඤ්ඤාණං, අඤ්ඤො පුග්ගලො”ති මිච්ඡා.
පටි. ඨ: නො චෙ පන වත්තබ්බෙ අඤ්ඤං විඤ්ඤාණං, අඤ්ඤො පුග්ගලො’ති,
පටි. පා: නො ච වත රෙ වත්තබ්බෙ පුග්ගලො උපලබ්භති සච්චිකට්ඨපරමත්ථෙන, විඤ්ඤාණඤ්ච උපලබ්භති සච්චිකට්ඨපරමත්ථෙනා’ති.
පටි. ආ: යං තත්ථ වදෙසි: “වත්තබ්බෙ ඛො පුග්ගලො උපලබ්භති සච්චිකට්ඨපරමත්ථෙන, විඤ්ඤාණඤ්ච උපලබ්භති සච්චිකට්ඨපරමත්ථෙන, නො ච වත්තබ්බෙ අඤ්ඤං විඤ්ඤාණං, අඤ්ඤො පුග්ගලො”ති මිච්ඡා -පෙ-