1. ස. පු: පඤ්චඞ්ගිකො මග්ගො’ති.
ප. පටිඤ්ඤා: ආමන්තා.
ස. අනු: නනු අට්ඨඞ්ගිකො මග්ගො වුත්තො භගවතා: සෙය්යථීදං සම්මාදිට්ඨි -පෙ- සම්මාසමාධී’ති.
ප. පටිඤ්ඤා: ආමන්තා.
ස. ඨ: හඤ්චි අට්ඨඞ්ගිකො මග්ගො වුත්තො භගවතා: සෙය්යථීදං සම්මාදිට්ඨි -පෙ- සම්මාසමාධි.
ස. පා: නො ච වත රෙ වත්තබ්බෙ “පඤ්චඞ්ගිකො මග්ගො”ති.
2. ස. පු: පඤ්චඞ්ගිකො මග්ගො’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා:
“මග්ගානට්ඨඞ්ගිකො{1} සෙට්ඨො සච්චානං චතුරො පදා විරාගො සෙට්ඨො ධම්මානං ද්විපදානඤ්ච චක්ඛුමා”ති{a}
අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. ප: තෙන හි “අට්ඨඞ්ගිකො මග්ගො”ති.
3. ස. පු: සම්මාවාචා මග්ගඞ්ගං, සා ච න මග්ගො’ති.
ප. පටිඤ්ඤා: ආමන්තා.
ස. අනු: සම්මාදිට්ඨි මග්ගඞ්ගං, සා ච න මග්ගො’ති.
ප. පටි: න හෙවං වත්තබ්බෙ -පෙ-
4. ස. පු: සම්මාවාචා මග්ගඞ්ගං, සා ච න මග්ගො’ති.
ප. පටිඤ්ඤා: ආමන්තා.
ස. අනු: සම්මාසඞ්කප්පො -පෙ- සම්මාවායාමො -පෙ- සම්මාසති -පෙ- සම්මාසමාධි මග්ගඞ්ගං, සො ච න මග්ගො’ති.
ප. පටි: න හෙවං වත්තබ්බෙ -පෙ-
5. ස. පු: සම්මාකම්මන්තො -පෙ- සම්මා ආජීවො මග්ගඞ්ගං, සො ච න මග්ගො’ති.
ප. පටිඤ්ඤා: ආමන්තා.
ස. අනු: සම්මාදිට්ඨි -පෙ- සම්මාසමාධි මග්ගඞ්ගං, සො ච න මග්ගො’ති.
ප. පටි: න හෙවං වත්තබ්බෙ -පෙ-
6. ස. පු: සම්මාදිට්ඨි මග්ගඞ්ගං, සා ච මග්ගො’ති.
ප. පටිඤ්ඤා: ආමන්තා.
ස. අනු: සම්මාවාචා මග්ගඞ්ගං, සා ච මග්ගො’ති.
ප. පටි: න හෙවං වත්තබ්බෙ -පෙ-
7. ස. පු: සම්මාදිට්ඨි මග්ගඞ්ගං, සා ච මග්ගො’ති.
ප. පටිඤ්ඤා: ආමන්තා.
ස. අනු: සම්මාකම්මන්තො -පෙ- සම්මාආජීවො මග්ගඞ්ගං, සො ච මග්ගො’ති.
ප. පටි: න හෙවං වත්තබ්බෙ -පෙ-
8. ස. පු: සම්මාසඞ්කප්පො -පෙ- සම්මාවායාමො -පෙ- සම්මාසති -පෙ- සම්මාසමාධි මග්ගඞ්ගං, සො ච මග්ගො’ති.
ප. පටි: ආමන්තා.
ස. අනු: සම්මාවාචා -පෙ- සම්මාකම්මන්තො -පෙ- සම්මා ආජීවො මග්ගඞ්ගං, සො ච මග්ගො’ති.
ප. පටි: න හෙවං වත්තබ්බෙ -පෙ-
9. ප. පු: අරියො අට්ඨඞ්කිකො මග්ගො’ති.
ස. පටිඤ්ඤා: ආමන්තා.
ප. අනු: නනු වුත්තං භගවතා “පුබ්බෙ’ව ඛො පනස්ස කායකම්මං වචීකම්මං ආජීවො සුපරිසුද්ධො හොති එවමස්සායං අරියො අට්ඨඞ්ගිකො මග්ගො භාවනා පාරිපූරිං ගච්ඡතී”ති.{a} අත්ථෙ’ව සුත්තන්තො’ති.
ස. පටිඤ්ඤා: ආමන්තා.
ප. පා: තෙන හි “පඤ්චඞ්ගිකො මග්ගො”ති.
10. ස. පු: පඤ්චඞ්ගිකො මග්ගො’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා: “යස්මිං ඛො සුභද්ද ධම්මවිනයෙ අරියො අට්ඨඞ්ගිකො මග්ගො න උපලබ්භති, සමණො’පි තත්ථ න උපලබ්භති, දුතියො’පි තත්ථ සමණො න උපලබ්භති, තතියොපි තත්ථ සමණො න උපලබ්භති, චතුත්ථො’පි තත්ථ සමණො න උපලබ්භති. යස්මිඤ්ච ඛො සුභද්ද ධම්මවිනයෙ අරියො අට්ඨඞ්ගිකො මග්ගො උපලබ්භති, සමණො’පි තත්ථ උපලබ්භති දුතියො’පි -පෙ- තතියො’පි -පෙ- චතුත්ථො’පි තත්ථ සමණො උපලබ්භති. ඉමස්මිං ඛො සුභද්ද ධම්මවිනයෙ අරියො අට්ඨඞ්ගිකො මග්ගො උපලබ්භති. ඉධෙව සුභද්ද සමණො, ඉධ දුතියො සමණො, ඉධ තතියො සමණො, ඉධ චතුත්ථො සමණො. සුඤ්ඤා පරප්පවාදා සමණෙහි අඤ්ඤෙ”ති{b} අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. පා: තෙන හි”අට්ඨඞ්ගිකො මග්ගො”ති.
මග්ග කථා නිට්ඨිතා.
20. 6.
ඤාණ කථා.
1. ස. පු: ද්වාදසවත්ථුකං ඤාණං ලොකුත්තරන්ති.
ප. පටිඤ්ඤා: ආමන්තා.
ස. අනු: ද්වාදස ලොකුත්තරඤාණානී’ති.
ප. පටි: න හෙවං වත්තබ්බෙ -පෙ-
2. ස. පු: ද්වාදස ලොකුත්තරඤාණානී’ති.
ප. පටිඤ්ඤා: ආමන්තා.
ස. අනු: ද්වාදස සොතාපත්තිමග්ගා’ති.
ප. පටි: න හෙවං වත්තබ්බෙ -පෙ-
3. ස. පු: ද්වාදස සොතාපත්තිමග්ගා’ති.
ප. පටිඤ්ඤා: ආමන්තා.
ස. අනු: ද්වාදස සොතාපත්තිඵලානී’ති.
ප. පටි: න හෙවං වත්තබ්බෙ -පෙ-
ස. අනු: ද්වාදස සකදාගාමී -පෙ- අනාගාමී -පෙ- අරහත්තමග්ගා’ති.
ප. පටි: න හෙවං වත්තබ්බෙ -පෙ-
4. ස. පු: ද්වාදස අරහත්තමග්ගා’ති.
ප. පටිඤ්ඤා: ආමන්තා.
ස. අනු: ද්වාදස අරහත්තඵලානී’ති.
ප. පටි: න හෙවං වත්තබ්බෙ -පෙ-
5. ප. පු: න වත්තබ්බං ද්වාදසවත්ථුකං ඤාණං ලොකුත්තරන්ති.
ස. පටිඤ්ඤා: ආමන්තා.
ප. අනු: නනු වුත්තං භගවතා: “ඉදං දුක්ඛං අරියසච්චන්ති මෙ භික්ඛවෙ පුබ්බෙ අනනුස්සුතෙසු ධම්මෙසු චක්ඛුං උදපාදි ඤාණං උදපාදි විජ්ජා උදපාදි පඤ්ඤා උදපාදි ආලොකො උදපාදි. තං ඛො පනිදං දුක්ඛං අරියසච්චං පරිඤ්ඤෙය්යන්ති මෙ භික්ඛවෙ -පෙ- පරිඤ්ඤාතන්ති මෙ භික්ඛවෙ -පෙ- ඉදං දුක්ඛසමුදයො අරියසච්චන්ති මෙ භික්ඛවෙ -පෙ- තං ඛො පනිදං දුක්ඛසමුදයො අරියසච්චං පහාතබ්බන්ති මෙ භික්ඛවෙ -පෙ- පහීනන්ති මෙ භික්ඛවෙ -පෙ- ඉදං දුක්ඛනිරොධො{1} අරියසච්චන්ති මෙ භික්ඛවෙ -පෙ- තං ඛො පනිදං දුක්ඛනිරොධො{1} අරියසච්චං සච්ඡිකාතබ්බන්ති මෙ භික්ඛවෙ -පෙ- සච්ඡිකතන්ති මෙ භික්ඛවෙ -පෙ- ඉදං දුක්ඛනිරොධගාමිනීපටිපදා අරියසච්චන්ති මෙ භික්ඛවෙ -පෙ- තං ඛො පනිදං දුක්ඛනිරොධගාමිනීපටිපදා අරියසසච්චං භාවෙතබ්බන්ති මෙ භික්ඛවෙ -පෙ- භාවිතන්ති මෙ භික්ඛවෙ පුබ්බෙ අනනුස්සුතෙසු ධම්මෙසු චක්ඛුං උදපාදි -පෙ- ආලොකො උදපාදී”ති{a} අත්ථෙ’ව සුත්තන්තො’ති.
ස. පටිඤ්ඤා: ආමන්තා.
ප. පා: තෙන හි “ද්වාදසවත්ථුකං ඤාණං ලොකුත්තර”න්ති.
ඤාණ කථා නිට්ඨිතා.
වීසතිමො වග්ගො නිට්ඨිතො.
තස්සුද්දානං:
මාතුඝාතකො ආනන්තරිකො, පිතුඝාතකො ආනන්තරිකො, අරහන්තුඝාතකො ආනන්තරිකො, ලොහිතුප්පාදකො ආනන්තරිකො, සඞ්ඝභෙදකො ආනන්තරිකො, නත්ථි පුථුජ්ජනස්ස ඤාණං, නත්ථි නිරයෙසු නිරයපාලා, අත්ථි දෙවෙසු තිරච්ඡානගතා, පඤ්චඞ්ගිකො මග්ගො, ද්වාදසවත්ථුකං ඤාණං ලොකුත්තරන්ති.
චතුත්ථො පණ්ණාසකො.
එකවීසතිමො වග්ගො.
21. 1.
සාසන කථා.
1. ස. පු: සාසනං නවං කතන්ති.
ප. පටිඤ්ඤා: ආමන්තා.
ස. අනු: සතිපට්ඨානං නවං කතන්ති.
ප. පටි: න හෙවං වත්තබ්බෙ -පෙ-
2. ස. පු: සාසනං නවං කතන්තී.
ප. පටිඤ්ඤා: ආමන්තා.
ස. අනු: සම්මප්පධානා -පෙ- ඉද්ධිපාදා -පෙ- ඉන්ද්රියා -පෙ- බලා -පෙ- බොජ්ඣඞ්ගා නවං කතා’ති.
ප. පටි: න හෙවං වත්තබ්බෙ -පෙ-
ස. අනු: පුබ්බෙ අකුසලං පච්ඡා කුසලං කතන්ති.
ප. පටි: න හෙවං වත්තබ්බෙ -පෙ-
ස. අනු: පුබ්බෙ සාසවං -පෙ- සඤ්ඤොජනියං{1} -පෙ- ගන්ථනීයං{2} -පෙ- ඔඝනීයං{3} -පෙ- යොගනීයං{4} -පෙ- නීවරණියං{5} -පෙ- පරාමට්ඨං -පෙ- උපාදානියං -පෙ- සංකිලෙසිකං.{6} පච්ඡා අසඞ්කිලෙසිකං කතන්ති.
ප. පටි: න හෙවං වත්තබ්බෙ -පෙ-
3. ස. පු: අත්ථි කොචි තථාගතස්ස සාසනං නවං කරොතී’ති.
ප. පටිඤ්ඤා: ආමන්තා.
ස. අනු: අත්ථි කොචි සතිපට්ඨානෙ නවං කරොතී’ති.
ප. පටි: න හෙවං වත්තබ්බෙ -පෙ-
ස. අනු: අත්ථි කොචි සම්මප්පධානෙ -පෙ- ඉද්ධිපාදෙ -පෙ- ඉන්ද්රියෙ -පෙ- බලෙ -පෙ- බොජ්ඣඞ්ගෙ නවං කරොතී’ති.
ප. පටි: න හෙවං වත්තබ්බෙ -පෙ-
ස. අනු: අත්ථි කොචි පුබ්බෙ අකුසලං පච්ඡා කුසලං කරොතී’ති.