ප. පටි: න හෙවං වත්තබ්බෙ -පෙ-
119. ස. පු: අතීතො ආපො අත්ථි’ති.
ප. පටිඤ්ඤා: ආමන්තා.
ස. අනු: තෙන ආපෙන ආපකරණීයං කරොතී’ති.
ප. පටි: න හෙවං වත්තබ්බෙ -පෙ-
ස. පු: අතීතො තෙජො අත්ථී’ති.
ප. පටිඤ්ඤා: ආමන්තා.
ස. අනු: තෙන තෙජෙන තෙජකරණීයං කරොතී’ති.
ප. පටි: න හෙවං වත්තබ්බෙ -පෙ-
ස. පු: අතීතො වායො අත්ථී’ති.
ප. පටිඤ්ඤා: ආමන්තා.
ස. අනු: තෙන වායෙන වායකරණීයං කරොතී’ති.
ප. පටි: න හෙවං වත්තබ්බෙ -පෙ-
120. ස. පු: අතීතො රූපක්ඛන්ධො අත්ථී, අනාගතො රූපක්ඛන්ධො අත්ථි පච්චුප්පන්නො රූපක්ඛන්ධො අත්ථී’ති.
ප. පටිඤ්ඤා: ආමන්තා.
ස. අනු: තයො රූපක්ඛන්ධා’ති.
ප. පටි: න හෙවං වත්තබ්බෙ -පෙ-
ස. අනු: අතීතා පඤ්චක්ඛන්ධා අත්ථී, අනාගතා පඤ්චක්ඛන්ධා අත්ථී, පච්චුප්පන්නා පඤ්චක්ඛන්ධා අත්ථී’ති.
ප. පටිඤ්ඤා: ආමන්තා.
ස. අනු: පණ්ණරසක්ඛන්ධා’ති.
ප. පටි: න හෙවං වත්තබ්බෙ -පෙ-
121. ස. පු: අතීතං චක්ඛායතනං අත්ථී, අනාගතං චක්ඛායතනං අත්ථි, පච්චුප්පන්නං චක්ඛායතනං අත්ථී’ති.
ප. පටිඤ්ඤා: ආමන්තා.
ස. අනු: තීණි චක්ඛායතනානී’ති.
ප. පටි: න හෙවං වත්තබ්බෙ -පෙ-
122. ස. පු: අතීතානි ද්වාදසායතනානි අත්ථි, අනාගතානි ද්වාදසායතනානි අත්ථි, පච්චුප්පන්නානි ද්වාදසායතනානි අත්ථී’ති.
ප. පටිඤ්ඤා: ආමන්තා.
ස. අනු: ඡත්තිංසායතනානී’ති.
ප. පටි: න හෙවං වත්තබ්බෙ -පෙ-
123. ස. පු: අතීතා චක්ඛුධාතු අත්ථි, අනාගතා චක්ඛුධාතු අත්ථි, පච්චුප්පන්නා චක්ඛුධාතු අත්ථි’ති.
ප. පටිඤ්ඤා: ආමන්තා.
ස. අනු: තිස්සො චක්ඛුධාතුයො’ති.
ප. පටි: න හෙවං වත්තබ්බෙ -පෙ-
124. ස. පු: අතීතා අට්ඨාරසධාතුයො අත්ථි, අනාගතා අට්ඨාරසධාතුයො අත්ථි, පච්චුප්පන්නා අට්ඨාරසධාතුයො අත්ථී’ති.
ප. පටිඤ්ඤා: ආමන්තා.
ස. අනු: චතුපණ්ණාසධාතුයො’ති.
ප. පටි: න හෙවං වත්තබ්බෙ -පෙ-
125. ස. පු: අතීතං චක්ඛුන්ද්රියං අත්ථි, අනාගතං චක්ඛුන්ද්රියං අත්ථි, පච්චුප්පන්නං චක්ඛුන්ද්රියං අත්ථි’ති.
ප. පටි: ආමන්තා.
ස. අනු: තීණි චක්ඛුන්ද්රියානී’ති.
ප. පටි: න හෙවං වත්තබ්බෙ -පෙ-
126. ස. පු: අතීතානි බාවීසතින්ද්රියානි අත්ථී, අනාගතානි බාවීසතින්ද්රියානි අත්ථි, පච්චුප්පන්නානි බාවීසතින්ද්රියානි අත්ථී’ති.
ප. පටිඤ්ඤා: ආමන්තා.
ස. අනු: ඡසට්ඨින්ද්රියානී’ති.
ප. පටි: න හෙවං වත්තබ්බෙ -පෙ-
127. ස. පු: අතීතො රාජා චක්කවත්තී අත්ථි, අනාගතො රාජා චක්කවත්තී අත්ථී, පච්චුප්පන්නො රාජා චක්කවත්තී අත්ථි’ති.
ප. පටිඤ්ඤා: ආමන්තා.
ස. අනු: තිණ්ණං{1} රාජූනං{2} චක්කවත්තීනං සම්මූඛීභාවො හොතී’ති.
ප. පටි: න හෙවං වත්තබ්බෙ -පෙ-
128. ස. පු: අතීතො සම්මාසම්බුද්ධො අත්ථි, අනාගතො සම්මාසම්බුද්ධො අත්ථි, පච්චුප්පන්නො සම්මාසම්බුද්ධො අත්ථී’ති.
ප. පටිඤ්ඤා: ආමන්තා.
ස. අනු: තිණ්ණං{1} සම්මාසම්බුද්ධානං සම්මූඛීභාවො හොතී’ති.
ප. පටි: න හෙවං වත්තබ්බෙ -පෙ-
129. ස. පු: අතීතං අත්ථී’ති.
ප. පටිඤ්ඤා: ආමන්තා.
ස. අනු: අත්ථි අතීතන්ති.
ප. වි: අත්ථි සියා අතීතං සියා න්වාතීතන්ති.
ස. නි: ආජානාහි නිග්ගහං.
අනු. ඨ: හඤ්චි අතීතං අත්ථි, අත්ථි සියා අතීතං සියා න්වාතීතං,
අනු. පා: තෙනාතීතං න්වාතීතං, න්වාතීතං අතීතන්ති.
අනු. ආ: යං තත්ථ වදෙසි: වත්තබ්බෙ ඛො අතීතං අත්ථි, අත්ථි සියා අතීතං සියා න්වාතීතං, තෙනාතීතං න්වාතීතං, න්වාතීතං අතීතන්ති මිච්ඡා.
පටි. ඨ: නො චෙ පනාතීතං න්වාතීතං, න්වාතීතං අතීතන්ති,
පටි. පා: නො ච වත රෙ වත්තබ්බෙ: අතීතං අත්ථි, අත්ථි සියා අතීතං සියා න්වාතීතන්ති.”
පටි. ආ: යං තත්ථ වදෙසි: වත්තබ්බෙ ඛො අතීතං අත්ථී, අත්ථි සියා අතීතං සියා න්වාතීතං, තෙනාතීතං න්වාතීතං, න්වාතීතං අතීතන්ති මිච්ඡා.
130. ස. පු: අනාගතං අත්ථී’ති.
ප. පටිඤ්ඤා: ආමන්තා.
ස. අනු: අත්ථි අනාගතන්ති.
ප. වි: අත්ථි සියා අනාගතං සියා න්වානාගතන්ති.
ස. නි: ආජානාහි නිග්ගහං.
අනු. ඨ: හඤ්චි අනාගතං අත්ථි, අත්ථි සියා අනාගතං සියා න්වානාගතං,
අනු. පා: තෙනානාගතං න්වානාගතං, න්වානාගතං අනාගතන්ති.
අනු. ආ: යං තත්ථ වදෙසි: වත්තබ්බෙ ඛො අනාගතං අත්ථි, අත්ථි සියා අනාගතං සියා න්වානාගතං, තෙනානාගතං න්වානාගතං, න්වානාගතං අනාගතන්ති මිච්ඡා.
පටි. ඨ: නො චෙ පනානාගතං න්වානාගතං, න්වානාගතං අනාගතන්ති,
පටි. පා: නො ච වත රෙ වත්තබ්බෙ: අනාගතං අත්ථි, අත්ථි සියා අනාගතං සියා න්වානාගතන්ති.
පටි. ආ: යං තත්ථ වදෙසි: වත්තබ්බෙ ඛො අනාගතං අත්ථි, අත්ථි සියා අනාගතං සියා න්වානාගතං, තෙනානාගතං න්වානාගතං න්වානාගතං, අනාගතන්ති මිච්ඡා.
131. ස. පු: පච්චුප්පන්නං අත්ථී’ති.
ප. පටිඤ්ඤා: ආමන්තා.
ස. අනු: අත්ථි පච්චුප්පන්නන්ති.
ප. වි: අත්ථි සියා පච්චුප්පන්නං සියා නො පච්චුප්පන්නන්ති.
ස. නි: ආජානාහි නිග්ගහං.
අනු. ඨ: හඤ්චි පච්චුප්පන්නං අත්ථි, අත්ථි සියා පච්චුප්පන්නං සියා නො පච්චුප්පන්නං,
අනු. පා: තෙන පච්චුප්පන්නං නො පච්චුප්පන්නං, නො පච්චුප්පන්නං පච්චුප්පන්නන්ති.
අනු. ආ: යං තත්ථ වදෙසි: වත්තබ්බෙ ඛො පච්චුප්පන්නං අත්ථි, අත්ථි සියා පච්චුප්පන්නං සියා නො පච්චුප්පන්නං, තෙන පච්චුප්පන්නං නො පච්චුප්පන්නං, නො පච්චුප්පන්නං පච්චුප්පන්නන්ති මිච්ඡා.
පටි. ඨ: නො චෙ පන පච්චුප්පන්නං නො පච්චුප්පන්නං, නො පච්චුප්පන්නං පච්චුප්පන්නන්ති,
පටි. පා: නො ච වත රෙ වත්තබ්බෙ: පච්චුප්පන්නං අත්ථි, අත්ථි සියා පච්චුප්පන්නං සියා නො පච්චුප්පන්නන්ති.
පටි: ආ: යං තත්ථ වදෙසි: “වත්තබ්බෙ ඛො පච්චුප්පන්නං අත්ථි, අත්ථි සියා පච්චුප්පන්නං සියා නො පච්චුප්පන්නං, තෙන පච්චුප්පන්නං නො පච්චුප්පන්නං, නො පච්චුප්පන්නං පච්චුප්පන්නන්ති මිච්ඡා.
132. ස. පු: නිබ්බානං අත්ථි’ති.
ප. පටිඤ්ඤා: ආමන්තා.
ස. අනු: අත්ථි නිබ්බානන්ති{1}.
ප. වි: අත්ථි සියා නිබ්බානං සියා නො නිබ්බානන්ති.
ස. නි: ආජානාහි නිග්ගහං.
අනු. ඨ: හඤ්චි නිබ්බානං අත්ථි, අත්ථි සියා නිබ්බානං සියා නො නිබ්බානං,
අනු. පා: තෙන නිබ්බානං නො නිබ්බානං, නෙ නිබ්බානං නිබ්බානන්ති.
අනු. ආ: යං තත්ථ වදෙසි: වත්තබ්බෙ ඛො නිබ්බානං අත්ථි, අත්ථි සියා නිබ්බානං සියා නො නිබ්බානං, තෙන නිබ්බානං නො නිබ්බානං, නො නිබ්බානං නිබ්බානන්ති මිච්ඡා.
පටි. ඨ: නො චෙ පන නිබ්බානං නො නිබ්බානං, නො නිබ්බානං නිබ්බානන්ති,
පටි. පා: නො ච වත රෙ වත්තබ්බෙ “නිබ්බාන අත්ථි, අත්ථි සියා නිබ්බානං සියා නො නිබ්බානන්ති”.
පටි. ආ: යං තත්ථ වදෙසි: වත්තබ්බෙ ඛො නිබ්බානං අත්ථි, අත්ථි සියා නිබ්බානං සියා නො නිබ්බානං, තෙන නිබ්බානං නො නිබ්බානං, නො නිබ්බානං නිබ්බානන්ති මිච්ඡා.
133. ප. පු: න වත්තබ්බං “අතීතං අත්ථි, අනාගතං අත්ථි”ති
ස. පටිඤ්ඤා: ආමන්තා.
ප. අනු: නනු වුත්තං භගවතා: “යං කිඤ්චි භික්ඛවෙ රූපා අතීතානාගතපච්චුප්පන්නං අජ්ඣත්තං වා බහිද්ධා වා ඔළාරිකං වා සුඛුමං වා හීනං වා පණීතං වා, යං දූරෙ සන්තිකෙ වා, අයං වුච්චති රූපක්ඛන්ධො. යා කාචි වෙදනා -පෙ- යා කාචි සඤ්ඤා -පෙ- කෙ කෙචි සඞ්ඛාරා -පෙ- යං කිඤ්චි විඤ්ඤාණං අතීතානාගතපච්චුප්පන්නං අජ්ඣත්තං වා බහිද්ධා වා ඔළාරිකං වා සුඛුමං වා හීනං වා පණීතං වා, යං දූරෙ සන්තිකෙ වා, අයං වුච්චති විඤ්ඤාණක්ඛන්ධො’ති”{a} අත්ථෙව සුත්තන්තො’ති.