ප. පටි: න හෙවං වත්තබ්බෙ -පෙ-
12. ස. පු: අතීතං අත්ථි, අතීතං නිරුද්ධං විගතං විපරිණතං අත්ථඞ්ගතං අබ්භත්ථඞ්ගතන්ති.
ප. පටිඤ්ඤා: ආමන්තා.
ස. අනු: පච්චුප්පන්නං අත්ථි, පච්චුප්පන්නං නිරුද්ධං විගතං විපරිණතං අත්ථඞ්ගතං අබ්භත්ථඞ්ගතන්ති.
ප. පටි: න හෙවං වත්තබ්බෙ -පෙ-
13. ස. පු: අනාගතං අත්ථි, අනාගතං අජාතං අභූතං අසංඤ්ජාතං අනිබ්බත්තං අනභිනිබ්බත්තං අපාතුභූතන්ති.
ප. පටිඤ්ඤා: ආමන්තා.
ස. අනු: පච්චුප්පන්නං අත්ථි, පච්චුප්පන්නං අජාතං අභූතං අසඤ්ජාතං අනිබ්බත්තං අනභිනිබ්බත්තං අපාතුභූතන්ති.
ප. පටි: න හෙවං වත්තබ්බෙ -පෙ-
14. ස. පු: අතීතං රූපං අත්ථි’ති.
ප. පටිඤ්ඤා: ආමන්තා.
ස. අනු: නනු අතීතං රූපං නිරුද්ධං විගතං විපරිණතං අත්ථඞ්ගතං අබ්භත්ථඞ්ගතන්ති.
ප. පටිඤ්ඤා: ආමන්තා.
අනු. ඨ: හඤ්චි අතීතං රූපං නිරුද්ධං -පෙ- අබ්භත්ථඞ්ගතං,
අනු. පා: නො ච වත රෙ වත්තබ්බෙ “අතීතං රූපං අත්ථි”ති.
15. ස. පු: අනාගතං රූපං අත්ථි’ති.
ප. පටිඤ්ඤා: ආමන්තා.
ස. අනු: නනු අනාගතං රූපං අජාතං අභූතං අසංඤ්ජාතං අනිබ්බත්තං අනභිනිබ්බත්තං අපාතුභූතන්ති.
ප. පටිඤ්ඤා: ආමන්තා.
අනු. ඨ: හඤ්චි අනාගතං රූපං අජාතං -පෙ- අපාතුභූතං.
අනු. පා: නො ච වත රෙ වත්තබ්බෙ “අනාගතං රූපං අත්ථි”ති.
16. ස. පු: පච්චුප්පන්නං රූපං අත්ථි, පච්චුප්පන්නං රූපං අනිරුද්ධං අවිගතං අවිපරිණතං න අත්ථඞ්ගතං න අබ්භත්ථඞ්ගතන්ති.
ප. පටිඤ්ඤා: ආමන්තා.
ස. අනු: අතීතං රූපං අත්ථි, අතීතං රූපං අනිරුද්ධං අවිගතං අවිපරිණතං න අත්ථඞ්ගතං න අබ්භත්ථඞ්ගතන්ති.
ප. පටි: න හෙවං වත්තබ්බෙ -පෙ-
17. ස. පු: පච්චුප්පන්නං රූපං අත්ථි, පච්චුප්පන්නං රූපං ජාතං භූතං සඤ්ජාතං නිබ්බත්තං අභිනිබ්බත්තං පාතුභූතන්ති.
ප. පටිඤ්ඤා: ආමන්තා.
ස. අනු: අනාගතං රූපං අත්ථි, අනාගතං රූපං ජාතං භූතං සඤ්ජාතං නිබ්බත්තං අභිනිබ්බත්තං පාතුභූතන්ති.
ප. පටි: න හෙවං වත්තබ්බෙ -පෙ-
18. ස. පු: අතීතං රූපං අත්ථි, අතීතං රූපං නිරුද්ධං විගතං විපරිණතං අත්ථඞ්ගතං අබ්භත්ථඞ්ගතන්ති.
ප. පටිඤ්ඤා: ආමන්තා.
ස. අනු: පච්චුප්පන්නං රූපං අත්ථි, පච්චුප්පන්නං රූපං නිරුද්ධං විගතං විපරිණතං අත්ථඞ්ගතං අබ්භත්ථඞ්ගතන්ති.
ප. පටි: න හෙවං වත්තබ්බෙ -පෙ-
19. ස. පු: අනාගතං රූපං අත්ථි, අනාගතං රූපං අජාතං අභූතං අසඤ්ජාතං අනිබ්බත්තං අනභිනිබ්බත්තං අපාතුභූතන්ති.
ප. පටිඤ්ඤා: ආමන්තා.
ස. අනු: පච්චුප්පන්නං රූපං අත්ථි, පච්චුප්පන්නං රූපං අජාතං අභූතං අසඤ්ජාතං අනිබ්බත්තං අනභිනිබ්බත්තං අපාතුභූතන්ති.
ප. පටි: න හෙවං වත්තබ්බෙ -පෙ-
20. ස. පු: අතීතා වෙදනා අත්ථි -පෙ- සඤ්ඤා අත්ථි -පෙ- සඞ්ඛාරා අත්ථි -පෙ- විඤ්ඤාණං අත්ථි’ති.
ප. පටිඤ්ඤා: ආමන්තා.
ස. අනු: නනු අතීතං විඤ්ඤාණං නිරුද්ධං විගතං විපරිණතං අත්ථඞ්ගතං අබ්භත්ථඞ්ගතන්ති.
ප. පටිඤ්ඤා: ආමන්තා.
අනු. ඨ: හඤ්චි අතීතං විඤ්ඤාණං නිරුද්ධං -පෙ- අබ්භත්ථඞ්ගතං,
අනු. පා: නො ච වත රෙ වත්තබ්බෙ “අතීතං විඤ්ඤාණං අත්ථි”ති.
21. ස. පු: අනාගතං විඤ්ඤාණං අත්ථි’ති.
ප. පටිඤ්ඤා: ආමන්තා.
ස. අනු: නනු අනාගතං විඤ්ඤාණං අජාතං අභූතං අසංඤ්ජාතං අනිබ්බත්තං අනභිනිබ්බත්තං අපාතුභූතන්ති.
ප. පටිඤ්ඤා: ආමන්තා.
අනු. ඨ: හඤ්චි අනාගතං විඤ්ඤාණං අජාතං -පෙ- අපාතුභූතං.
අනු. පා: නො ච වත රෙ වත්තබ්බෙ “අනාගතං විඤ්ඤාණං අත්ථි”ති.
22. ස. පු: පච්චුප්පන්නං විඤ්ඤාණං අත්ථි, පච්චුප්පන්නං විඤ්ඤාණං අනිරුද්ධං, -පෙ- න අබ්භත්ථඞ්ගතන්ති.
ප. පටිඤ්ඤා: ආමන්තා.
ස. අනු: අතීතං විඤ්ඤාණං අත්ථි, අතීතං විඤ්ඤාණං අනිරුද්ධං -පෙ- න අබ්භත්ථඞ්ගතන්ති.
ප. පටි: න හෙවං වත්තබ්බෙ -පෙ-
23. ස. පු: පච්චුප්පන්නං විඤ්ඤාණං අත්ථි, පච්චුප්පන්නං විඤ්ඤාණං ජාතං -පෙ- පාතුභූතන්ති.
ප. පටිඤ්ඤා: ආමන්තා.
ස. අනු: අනාගතං විඤ්ඤාණං අත්ථි, අනාගතං විඤ්ඤාණං ජාතං -පෙ- පාතුභූතන්ති.
ප. පටි: න හෙවං වත්තබ්බෙ -පෙ-
24. ස. පු: අතීතං විඤ්ඤාණං අත්ථි, අතීතං විඤ්ඤාණං නිරුද්ධං -පෙ- අබ්භත්ථඞ්ගතන්ති.
ප. පටිඤ්ඤා: ආමන්තා.
ස. අනු: පච්චුප්පන්නං විඤ්ඤාණං අත්ථි, පච්චුප්පන්නං විඤ්ඤාණං නිරුද්ධං -පෙ- අබ්භත්ථඞ්ගතන්ති.
ප. පටි: න හෙවං වත්තබ්බෙ -පෙ-
25. ස. පු: අනාගතං විඤ්ඤාණං අත්ථ, අනාගතං විඤ්ඤාණං අජාතං -පෙ- අභූතං අපාතුභූතන්ති.
ප. පටිඤ්ඤා: ආමන්තා.
ස. අනු: පච්චුප්පන්නං විඤ්ඤාණං අත්ථි, පච්චුප්පන්නං අජාතං -පෙ- අපාතුභූතන්ති.
ප. පටි: න හෙවං වත්තබ්බෙ -පෙ-
26. ස. පු: පච්චුප්පන්නන්ති වා රූපන්ති වා, රූපන්ති වා පච්චුප්පන්නන්ති වා පච්චුප්පන්නං රූපං අප්පියං කරිත්වා එසෙසෙ එකට්ඨෙ සමෙ සමභාගෙ තජ්ජාතෙ’ති.
ප. පටිඤ්ඤා: ආමන්තා.
ස. අනු: පච්චුප්පන්නං රූපං නිරුජ්ඣමානං පච්චුප්පන්නභාවං ජහතී’ති.
ප. පටිඤ්ඤා: ආමන්තා.
ස. අනු: රූපභාවං ජහතී’ති.
ප. පටි: න හෙවං වත්තබ්බෙ -පෙ-
27. ස. පු: පච්චුප්පන්නන්ති වා රූපන්ති වා, රූපන්ති වා පච්චුප්පන්නන්ති වා පච්චුප්පන්නං රූපං අප්පියං කරිත්වා එසෙසෙ එකට්ඨෙ සමෙ සමභාගෙ තජ්ජාතෙ’ති.
ප. පටිඤ්ඤා: ආමන්තා.
ස. අනු: පච්චුප්පන්නං රූපං නිරුජ්ඣමානං රූපභාවං න ජහතී’ති.
ප. පටිඤ්ඤා: ආමන්තා.
ස. අනු: පච්චුප්පන්නභාවං න ජහතී’ති.
ප. පටි: න හෙවං වත්තබ්බෙ -පෙ-
28. ප. පු: ඔදාතන්ති වා වත්ථන්ති වා, වත්ථන්ති වා ඔදාතන්ති වා, ඔදාතං වත්ථං අප්පියං කරිත්වා එසෙසෙ එකට්ඨෙ සමෙ සමභාගෙ තජ්ජාතෙ’ති.
ස. පටිඤ්ඤා: ආමන්තා.
ප. අනු: ඔදාතං වත්ථං රජමානං ඔදාතභාවං ජහතී’ති.
ස. පටිඤ්ඤා: ආමන්තා.
ප. අනු: වත්ථභාවං ජහතී’ති.
ස. පටි: න හෙවං වත්තබ්බෙ -පෙ-
29. ප. පු: ඔදාතන්ති වත්ථන්ති වා, වත්ථන්ති වා ඔදාතන්ති වා ඔදාතං වත්ථං අප්පියං කරිත්වා එසෙසෙ එකට්ඨෙ සමෙ සමභාගෙ තජ්ජාතෙ’ති.
ස. පටිඤ්ඤා: ආමන්තා.
ප. අනු: ඔදාතං වත්ථං රජමානං වත්ථභාවං න ජහතී’ති.
ස. පටිඤ්ඤා: ආමන්තා.
ප. අනු: ඔදාතභාවං න ජහතී’ති.
ස. පටි: න හෙවං වත්තබ්බෙ -පෙ-
30. ස. පු: රූපං රූපභාවං න ජහතී’ති.
ප. පටිඤ්ඤා: ආමන්තා.
ස. අනු: රූපං නිච්චං ධුවං සස්සතං අවිපරිණාමධම්මන්ති.
ප. පටි: න හෙවං වත්තබ්බෙ -පෙ-
ස. අනු: නනු රූපං රූප භාවං න ජහතී’ති. රූපං අනිච්චං අධුවං අසස්සතං විපරිණාමධම්මන්ති.
ප. පටිඤ්ඤා: ආමන්තා.
අනු. ඨ: හඤ්චි රූපං අනිච්චං අධුවං අස්සසතං විපරිණාමධම්මං.
අනු. පා: නො ච වත රෙ වත්තබ්බෙ “රූපං රූපභාවං න ජහතී”ති.
31. ස. පු: ‘නිබ්බානං නිබ්බානභාවං න ජහතී’ති, නිබ්බානං නිච්චං ධුවං සස්සතං අවිපරිණාමධම්මන්ති.
ප. පටිඤ්ඤා: ආමන්තා.
ස. අනු: ‘රූපං රූපභාවං න ජහතී’ති{1} රූපං නිච්චං ධුවං සස්සතං අවිපරිණාමධම්මන්ති.