ස. අනු: රූපී පුග්ගලො උපච්ඡින්නො,{1} අරූපී පුග්ගලො ජාතො’ති.
ප. පටි: න හෙවං වත්තබ්බෙ -පෙ-
158. ස. පු. රූපධාතුයා රූපිනො සත්තා, අරූපධාතුයා අරූපිනො සත්තා. අත්ථි ච කොචි රූපධාතුයා චුතො අරූපධාතුං උප්පජ්ජතී’ති.
ප. පටිඤ්ඤා: ආමන්තා.
ස. අනු: රූපී සත්තො උපච්ඡින්නො{1}, අරූපී සත්තො ජාතො’ති.
ප. පටි: න හෙවං වත්තබ්බෙ -පෙ-
159. ස. පු. කායො’ති වා සරීරන්ති වා, සරීරන්ති වා කායො’ති වා, කායං අප්පියං කරිත්වා එසෙ සෙ එකට්ඨෙ සමෙ සමභාගෙ තජ්ජාතෙ’ති.
ප. පටිඤ්ඤා: ආමන්තා.
ස. පු: පුග්ගලො’ති වා ජීවො’ති වා, ජීවො’ති වා පුග්ගලො’ති වා පුග්ගලං අප්පියං කරිත්වා එසෙ සෙ{2} එකට්ඨෙ සමෙ සමභාගෙ තජ්ජාතෙ’ති.
ප. පටිඤ්ඤා: ආමන්තා.
ස. පු: අඤ්ඤො කායො අඤ්ඤො පුග්ගලො’ති.
ප. පටිඤ්ඤා: ආමන්තා.
ස. අනු: අඤ්ඤං ජීවං අඤ්ඤං සරීරන්ති.
ප. පටි. න හෙවං වත්තබ්බෙ.
ස. නි: ආජානාහි නිග්ගහං.
අනු. ඨ: හඤ්චි කායො’ති වා සරීරන්ති වා, සරීරන්ති වා කායො’ති වා, කායං අප්පියං කරිත්වා එසෙ සෙ එකට්ඨෙ සමෙ සමභාගෙ තජ්ජාතෙ. පුග්ගලො’ති වා ජීවො’ති වා, ජීවො’ති පුග්ගලො’ති වා පුග්ගලං අප්පියං කරිත්වා එසෙ සෙ එකට්ඨෙ සමෙ සමභාගෙ තජ්ජාතෙ අඤ්ඤො කායො අඤ්ඤො පුග්ගලො.
අනු. පා: තෙන වත රෙ වත්තබ්බෙ අඤ්ඤං ජීවං අඤ්ඤං සරීරන්ති.
අනු. ආ: යං තත්ථ වදෙසි: වත්තබ්බෙ ඛො කායො’ති වා සරීරන්ති වා, සරීරන්ති වා කායො’ති වා කායං අප්පියං කරිත්වා එසෙ සෙ එකට්ඨෙ සමෙ සමභාගෙ තජ්ජාතෙ, පුග්ගලො’ති වා ජීවො’ති වා, ජීවො’ති වා පුග්ගලො’ති වා පුග්ගලං අප්පියං කරිත්වා එසෙ සෙ එකට්ඨෙ සමෙ සමභාගෙ තජ්ජාතෙ, අඤ්ඤො කායො අඤ්ඤො පුග්ගලො, නො ච වත්තබ්බෙ අඤ්ඤං ජීවං අඤ්ඤං සරීරන්ති මිච්ඡා.
පටි. ඨ: නො චෙ පන වත්තබ්බෙ අඤ්ඤං ජීවං අඤ්ඤං සරීරන්ති.
පටි. පා: නො ච වත රෙ වත්තබ්බෙ කායො’ති වා සරීරන්ති වා, සරීරන්ති වා කායො’ති වා කායං අප්පියං කරිත්වා එසෙ සෙ එකට්ඨෙ සමෙ සමභාගෙ තජ්ජාතෙ, පුග්ගලො’ති වා ජීවො’ති වා, ජීවො’ති වා, පුග්ගලො’ති වා පුග්ගලං අප්පියං කරිත්වා එසෙ සෙ එකට්ඨෙ සමෙ සමභාගෙ තජ්ජාතෙ, අඤ්ඤො කායො අඤ්ඤො පුග්ගලො’ති.
පටි. ආ: යං තත්ථ වදෙසි: වත්තබ්බෙ ඛො කායොති’වා සරීරන්ති වා, සරීරන්ති වා කායො’ති වා කායං අප්පියං කරිත්වා එසෙ සෙ එකට්ඨෙ සමෙ සමභාගෙ තජ්ජාතෙ, පුග්ගලො’ති වා ජීවො’ති වා, ජීවො’ති වා පුග්ගලො’ති වා පුග්ගලං අප්පියං කරිත්වා එසෙ සෙ එකට්ඨෙ සමෙ සමභාගෙ තජ්ජාතෙ, අඤ්ඤො කායො අඤ්ඤො පුග්ගලො, නො ච වත්තබ්බෙ අඤ්ඤං ජීවං අඤ්ඤං සරීරන්ති මිච්ඡා -පෙ-
160. ප. පු: කායො’ති වා සරීරන්ති වා, සරීරන්ති වා කායො’ති වා කායං අප්පියං කරිත්වා එසෙ සෙ එකට්ඨෙ සමෙ සමභාගෙ තජ්ජාතෙති.
ස. පටිඤ්ඤා: ආමන්තා.
ප. පු: වුත්තං භගවතා ‘අත්ථි පුග්ගලො අත්තහිතාය පටිපන්නො’ති.
ස. පටිඤ්ඤා: ආමන්තා.
ප. පු: අඤ්ඤො කායො අඤ්ඤො පුග්ගලො’ති.
ස. පටි: න හෙවං වත්තබ්බෙ.
ප. පටිකම්මං: ආජානාහි පටිකම්මං.
අනු. ඨ: හඤ්චි කායො’ති වා සරීරන්ති වා, සරීරන්ති වා කායො’ති වා කායං අප්පියං කරිත්වා එසෙ සෙ එකට්ඨෙ සමෙ සමභාගෙ තජ්ජාතෙ, වුත්තං භගවතා: අත්ථි පුග්ගලො අත්තහිතාය පටිපන්නො.
අනු. පා: තෙන වත රෙ වත්තබ්බෙ අඤ්ඤො කායො අඤ්ඤො පුග්ගලො’ති.
අනු. ආ: යං තත්ථ වදෙසි: වත්තබ්බෙ ඛො කායො’ති වා සරීරන්ති වා, සරීරන්ති වා කායො’ති වා කායං අප්පියං කරිත්වා එසෙ සෙ එකට්ඨෙ සමෙ සමභාගෙ තජ්ජාතෙ, වුත්තං භගවතා: අත්ථි පුග්ගලො අත්තහිතාය පටිපන්නො, නො ච වත්තබ්බෙ අඤ්ඤො කායො අඤ්ඤො පුග්ගලො’ති මිච්ඡා.
පටි. ඨ: නො චෙ පන වත්තබ්බෙ අඤ්ඤො කායො අඤ්ඤො පුග්ගලො’ති.
පටි. පා: නො ච වත රෙ වත්තබ්බෙ කායො’ති වා සරීරන්ති වා, සරීරන්ති වා කායො’ති වා කායං අප්පියං කරිත්වා එසෙ සෙ එකට්ඨෙ සමෙ සමභාගෙ තජ්ජාතෙ, වුත්තං භගවතා: අත්ථි පුග්ගලො අත්තහිතාය පටිපන්නො’ති.
පටි. ආ: යං තත්ථ වදෙසි: වත්තබ්බෙ ඛො කායො’ති වා සරීරන්ති වා, සරීරන්ති වා කායො’ති වා කායං අප්පියං කරිත්වා එසෙ සෙ එකට්ඨෙ සමෙ සමභාගෙ තජ්ජාතෙ, වුත්තං භගවතා: අත්ථි පුග්ගලො අත්තහිතාය පටිපන්නො, නො ච වත්තබ්බෙ අඤ්ඤො කායො අඤ්ඤො පුග්ගලො’ති මිච්ඡා -පෙ-
පඤ්ඤත්තානුයොගො.
161. ස. පු: පුග්ගලො සන්ධාවති අස්මා ලොකං පරං ලොකං පරස්මා ලොකා ඉමං ලොකන්ති.
ප. පටිඤ්ඤා: ආමන්තා.
ස. අනු: සො පුග්ගලො සන්ධාවති අස්මා ලොකා පරං ලොකං පරස්මා ලොකා ඉමං ලොකන්ති.
ප. පටි: න හෙවං වත්තබ්බෙ -පෙ-
ස. පු: පුග්ගලො සන්ධාවති අස්මා ලොකං පරං ලොකං පරස්මා ලොකං ඉමං ලොකන්ති.
ප. පටිඤ්ඤා: ආමන්තා.
ස. අනු: අඤ්ඤො පුග්ගලො සන්ධාවති අස්මා ලොකා පරං ලොකං පරස්මා ලොකා ඉමං ලොකන්ති.
ප. පටි: න හෙවං වත්තබ්බෙ -පෙ-
162. ස. පු: පුග්ගලො සන්ධාවති අස්මා ලොකා පරං ලොකං පරස්මා ලොකා ඉමං ලොකන්ති.
ප. පටිඤ්ඤා: ආමන්තා.
ස. අනු: සො ච අඤ්ඤො ච සන්ධාවති අස්මා ලොකා පරං ලොකං පරස්මා ලොකා ඉමං ලොකන්ති.
ප. පටි: න හෙවං වත්තබ්බෙ -පෙ-
163. ස. පු: පුග්ගලො සන්ධාවති අස්මා ලොකා පරං ලොකං පරස්මා ලොකා ඉමං ලොකන්ති.
ප. පටිඤ්ඤා: ආමන්තා.
ස. අනු: නෙව සො සන්ධාවති අස්මා ලොකා පරං ලොකං පරස්මා ලොකා ඉමං ලොකන්ති.
ප. පටි: න හෙවං වත්තබ්බෙ -පෙ-
164. ස. පු: පුග්ගලො සන්ධාවති අස්මා ලොකා පරං ලොකං පරස්මා ලොකා ඉමං ලොකන්ති.
ප. පටිඤ්ඤා: ආමන්තා.
ස. අනු: සො පුග්ගලො සන්ධාවති, අඤ්ඤො පුග්ගලො සන්ධාවති, සො ච අඤ්ඤො ච සන්ධාවති, නෙව සො සන්ධාවති, න අඤ්ඤො සන්ධාවති අස්මා ලොකා පරං ලොකං පරස්මා ලොකා ඉමං ලොකන්ති.
ප. පටි: න හෙවං වත්තබ්බෙ -පෙ-
165. ප. පු: න වත්තබ්බං පුග්ගලො සන්ධාවති අස්මා ලොකා පරං ලොකං පරස්මා ලොකා ඉමං ලොකන්තී.
ස. පටිඤ්ඤා: ආමන්තා.
ප. පු: නනු වුත්තං භගවතා: “සත්තක්ඛත්තු පරමං සන්ධාවිත්වාන පුග්ගලො දුක්ඛස්සන්තකරො හොති සබ්බසඤ්ඤොජනක්ඛයා” ති. අත්ථෙව සුත්තන්තො’ති.
ස. පටිඤ්ඤා: ආමන්තා.
ප. නි. තෙන හි පුග්ගලො සන්ධාවති අස්මා ලොකා පරං ලොකං පරස්මා ලොකා ඉමං ලොකන්ති.
166. ප. පුච්ඡා: න වත්තබ්බං පුග්ගලො සන්ධාවති අස්මා ලොකා පරං ලොකං පරස්මා ලොකා ඉමං ලොකන්ති.
ස. පටිඤ්ඤා: ආමන්තා.
ප. පුච්ඡා: නනු වුත්තං භගවතා: “අනමතග්ගොයං භික්ඛවෙ සංසාරො, පුබ්බා කොටි න පඤ්ඤායති අවිජ්ජානීවරණානං සත්තානං තණ්හාසඤ්ඤොජනානං සන්ධාවතං සංසරතන්ති.” අත්ථෙව සුත්තන්තො’ති.
ස. පටිඤ්ඤා: ආමන්තා.
ප. නි: තෙන හි පුග්ගලො සන්ධාවති අස්මා ලොකා පරං ලොකං පරස්මා ලොකා ඉමං ලොකන්ති?
167. ස. පු: පුග්ගලො සන්ධාවති අස්මා ලොකා පරං ලොකං පරස්මා ලොකා ඉමං ලොකන්ති.
ප. පටිඤ්ඤා: ආමන්තා.
ස. අ: ස්වෙව පුග්ගලො සන්ධාවති අස්මා ලොකා පරං ලොකං පරස්මා ලොකා ඉමං ලොකන්ති.
ප. පටි: නහෙවං වත්තබ්බෙ -පෙ-
168. ස. පු: ස්වෙව පුග්ගලො සන්ධාවති අස්මා ලොකා පරං ලොකං පරස්මා ලොකා ඉමං ලොකන්ති?
ප. පටිඤ්ඤා: ආමන්තා.
ස. පු: අත්ථි කොචි මනුස්සො හුත්වා දෙවො හොතී’ති.
ප. පටිඤ්ඤා: ආමන්තා.
ස. අනු: ස්වෙව මනුස්සො සො දෙවො’ති.
ප. පටි: න හෙවං වත්තබ්බෙ -පෙ-
169. ස. පු: ස්වෙව මනුස්සො සො දෙවො’ති.
ප. පටිඤ්ඤා: ආමන්තා.
ස. ආ: මනුස්සො හුත්වා දෙවො හොති, දෙවො හුත්වා මනුස්සො හොති, මනුස්සභූතො අඤ්ඤො, දෙවො අඤ්ඤො, මනුස්සභූතො ස්වායං ස්වායං සන්ධාවතී’ති මිච්ඡා -පෙ-
ස. නි: සචෙ හි සන්ධාවති ස්වෙව පුග්ගලො ඉතො චුතො පරං ලොකං අනඤ්ඤො, හෙවං{1} මරණං න හෙහිති. පාණාතිපාතො’පි නූපලබ්භති. කම්මං අත්ථි, කම්මවිපාකො අත්ථි, කතානං කම්මානං විපාකො අත්ථි, කුසලාකුසලෙ විපච්චමානෙ ස්වෙවායං සන්ධාවතීති මිච්ඡා.
170. ස. පු: ස්වෙව පුග්ගලො සන්ධාවති අස්මා ලොකා පරං ලොකං පරස්මා ලොකා ඉමං ලොකන්ති?
ප. පටිඤ්ඤා: ආමන්තා.
ස. අනු: අත්ථි කොචි මනුස්සො හුත්වා යක්ඛො හොති -පෙ- පෙතො හොති -පෙ- නෙරයිකො හොති -පෙ- තිරච්ඡානගතො හොති -පෙ- ඔට්ඨො හොති -පෙ- ගොණො හොති -පෙ- ගද්රභො හොති -පෙ- සූකරො හොති -පෙ- මහිසො{2} හොතීති?
ප. පටිඤ්ඤා: ආමන්තා.
ස. අනු: ස්වෙව මනුස්සො සො මහිසො’ති.
ප. පටි: න හෙවං වත්තබ්බෙ -පෙ-
ස. අනු: ස්වෙව මනුස්සො සො මහිසො’ති.
ප. පටිඤ්ඤා: ආමන්තා.
සක. ආ. මනුස්සො හුත්වා මහිසො{2} හොති, මහිසො හුත්වා මනුස්සො හොති, මනුස්සභූතො අඤ්ඤො, මහිසො අඤ්ඤො, මනුස්සභූතො ස්වෙවායං සන්ධාවතීති මිච්ඡා -පෙ-
ස. නිග: සචෙ හි සන්ධාවති ස්වෙව පුග්ගලො ඉතො චුතො පරං ලොකං අනඤ්ඤො, හෙවං මරණං න හෙහිති. පාණාතිපාතො’පි නූපලබ්භති. කම්මං අත්ථි, කම්මවිපොකො අත්ථි, කතානං කම්මානං විපාකො අත්ථි, කුසලාකුසලෙ විපච්චමානෙ ස්වෙවායං සන්ධාවතීති මිච්ඡා.
171. ස. පු: ස්වෙව පුග්ගලො සන්ධාවති අස්මා ලොකා පරලොකං පරස්මා ලොකා ඉමං ලොකන්ති.
ප. පටිඤ්ඤා: ආමන්තා.
ස. පු: අත්ථි කොචි ඛත්තියො හුත්වා බ්රාහ්මණො හොතීති.
ප. පටිඤ්ඤා: ආමන්තා.
ස. අනු: ස්වෙව ඛත්තියො සො බ්රාහ්මණො’ති.
ප. පටි: න හෙවං වත්තබ්බෙ -පෙ-
ස. පු: අත්ථි කොචි ඛත්තියො හුත්වා වෙස්සො හොති -පෙ- සුද්දො හොතීති.
ප. පටිඤ්ඤා: ආමන්තා.
ස. අනු: ස්වෙව ඛත්තියො සො සුද්දො’ති.
ප. පටික්ඛෙපො: න හෙවං වත්තබ්බෙ -පෙ-
ස. පු: අත්ථි කොචි බ්රාහ්මණො හුත්වා වෙස්සො හොති, සුද්දො හොති, ඛත්තියො හොතීති.