ස. පු: විඤ්ඤාණං අනිච්චං සඞ්ඛතං පටිච්චසමුප්පන්නං ඛයධම්මං වයධම්මං විරාගධම්මං නිරොධධම්මං විපරිණාමධම්මන්ති.
ප. පටිඤ්ඤා: ආමන්තා.
ස. අනු: පුග්ගලො’පි අනිච්චො සඞ්ඛතො පටිච්චසමුප්පන්නො ඛයධම්මො වයධම්මො විරාගධම්මො නිරොධධම්මො විපරිණාමධම්මො’ති.
ප. පටි: න හෙවං වත්තබ්බෙ -පෙ-
181. ස. පු: රූපං උපාදාය පුග්ගලස්ස පඤ්ඤත්තී’ති.
ප. පටිඤ්ඤා: ආමන්තා.
ස. අනු: නීලං රූපං උපාදාය නීලකස්ස පුග්ගලස්ස පඤ්ඤත්තී’ති.
ප. පටි: න හෙවං වත්තබ්බෙ -පෙ-
ස. අනු: පීතං රූපං උපාදාය -පෙ- ලොහිතං රූපං උපාදාය -පෙ- ඔදාතං රූපං උපාදාය -පෙ- සනිදස්සනං රූපං උපාදාය -පෙ- අනිදස්සනං රූපං උපාදාය -පෙ- සප්පටිඝං රූපං උපාදාය -පෙ- අප්පටිඝං රූපං උපාදාය අප්පටිඝස්ස පුග්ගලස්ස පඤ්ඤත්තී’ති.
ප. පටි: න හෙවං වත්තබ්බෙ -පෙ-
182. ස. පු: වෙදනං උපාදාය පුග්ගලස්ස පඤ්ඤත්තී’ති.
ප. පටිඤ්ඤා: ආමන්තා.
ස. අනු: කුසලං වෙදනං උපාදාය කුසලස්ස පුග්ගලස්ස පඤ්ඤත්තී’ති.
ප. පටි: න හෙවං වත්තබ්බෙ -පෙ-
ස. පු: කුසලං වෙදනං උපාදාය කුසලස්ස පුග්ගලස්ස පඤ්ඤන්තී’ති
ප. පටිඤ්ඤා: ආමන්තා.
ස. පු: කුසලා වෙදනා සඵලා සවිපාකා ඉට්ඨඵලා කන්තඵලා මනුඤ්ඤඵලා අසෙචනකඵලා සුඛුද්රයා සුඛවිපාකා’ති.
ප. පටිඤ්ඤා: ආමන්තා.
ස. අනු: කුසලො’පි පුග්ගලො සඵලො සවිපාකො ඉට්ඨඵලො කන්තඵලො මනුඤ්ඤඵලො අසෙචනකඵලො සුඛුද්රයො සුඛවිපාකො’ති.
ප. පටි: න හෙවං වත්තබ්බෙ -පෙ-
183. ස. පු: වෙදනං උපාදාය පුග්ගලස්ස පඤ්ඤත්තී’ති.
ප. පටිඤ්ඤා: ආමන්තා.
ස. අනු: අකුසලං වෙදනං උපාදාය අකුසලස්ස පුග්ගලස්ස පඤ්ඤත්තී’ති.
ප. පටි: න හෙවං වත්තබ්බෙ -පෙ-
ස. පු: අකුසලං වෙදනං උපාදාය අකුසලස්ස පුග්ගලස්ස පඤ්ඤත්තී’ති.
ප. පටිඤ්ඤා: ආමන්තා.
ස. පු: අකුසලා වෙදනා සඵලා සවිපාකා අනිට්ඨඵලා අකන්තඵලා අමනුඤ්ඤඵලා සෙචනකඵලා දුක්ඛුද්රයා දුක්ඛවිපාකා’ති.
ප. පටිඤ්ඤා: ආමන්තා.
ස. අනු: අකුසලො’පි පුග්ගලො සඵලො සවිපාකො අනිට්ඨඵලො අකන්තඵලො අමනුඤ්ඤඵලො සෙචනකඵලො දුක්ඛුද්රයො දුක්ඛවිපාකො’ති.
ප. පටි: න හෙවං වත්තබ්බෙ -පෙ-
184. ස. පු: වෙදනං උපාදාය පුග්ගලස්ස පඤ්ඤත්තී’ති.
ප. පටිඤ්ඤා: ආමන්තා.
ස. අනු: අබ්යාකතං වෙදනං උපාදාය අබ්යාකතස්ස පුග්ගලස්ස පඤ්ඤත්තී’ති.
ප. පටි: න හෙවං වත්තබ්බෙ -පෙ-
ස. පු: අබ්යාකතං වෙදනං උපාදාය අබ්යාකතස්ස පුග්ගලස්ස පඤ්ඤත්තී’ති.
ප. පටිඤ්ඤා: ආමන්තා.
ස. පු: අබ්යාකතා වෙදනා අනිච්චා සඞ්ඛතා පටිච්චසමුප්පන්නා ඛයධම්මා වයධම්මා විරාගධම්මා නිරොධධම්මා විපරිණාමධම්මා’ති.
ප. පටිඤ්ඤා: ආමන්තා.
ස. අනු: අබ්යාකතො’පි පුග්ගලො අනිච්චො සඞ්ඛතො පටිච්චසමුප්පන්නො ඛයධම්මො වයධම්මො විරාගධම්මො නිරොධධම්මො විපරිණාමධම්මො’ති.
ප. පටි: න හෙවං වත්තබ්බෙ -පෙ-
185. ස. පු: සඤ්ඤං උපාදාය -පෙ- සඞ්ඛාරෙ උපාදාය -පෙ- විඤ්ඤාණං උපාදාය පුග්ගලස්ස පඤ්ඤත්තී’ති.
ප. පටිඤ්ඤා: ආමන්තා.
ස. අනු: කුසලං උපාදාය කුසලස්ස පුග්ගලස්ස පඤ්ඤත්තී’ති.
ප. පටි: න හෙවං වත්තබ්බෙ -පෙ-
ස. පු: කුසලං විඤ්ඤාණං උපාදාය කුසලස්ස පුග්ගලස්ස පඤ්ඤත්තී’ති.
ප. පටිඤ්ඤා: ආමන්තා.
ස. පු: කුසලං විඤ්ඤාණං සඵලං සවිපාකං ඉට්ඨඵලං කන්තඵලං මනුඤ්ඤඵලං අසෙචනකඵලං සුඛුද්රයං සුඛවිපාකන්ති.
ප. පටිඤ්ඤා: ආමන්තා.
ස. අනු: කුසලො’පි පුග්ගලො සඵලො සවිපාකො ඉට්ඨඵලො කන්තඵලො මනුඤ්ඤඵලො අසෙචනකඵලො සුඛුද්රයො සුඛවිපාකො’ති.
ප. පටි: න හෙවං වත්තබ්බෙ -පෙ-
186. ස. පු: විඤ්ඤාණං උපාදාය පුග්ගලස්ස පඤ්ඤත්තී’ති.
ප. පටිඤ්ඤා: ආමන්තා.
ස. අනු: අකුසලං විඤ්ඤාණං උපාදාය අකුසලස්ස පුග්ගලස්ස පඤ්ඤත්තී’ති.
ප. පටි: න හෙවං වත්තබ්බෙ -පෙ-
ස. පු: අකුසලං විඤ්ඤාණං උපාදාය අකුසලස්ස පුග්ගලස්ස පඤ්ඤත්තී’ති.
ප. පටිඤ්ඤා: ආමන්තා.
ස. පු: අකුසලං විඤ්ඤාණං සඵලං සවිපාකං අනිට්ඨඵලං අකන්තඵලං අමනුඤ්ඤඵලං සෙචනකඵලං දුක්ඛුද්රයං දුක්ඛවිපාකන්ති.
ප. පටිඤ්ඤා: ආමන්තා.
ස. අනු: අකුසලො’පි පුග්ගලො සඵලො සවිපාකො අනිට්ඨඵලො අකන්තඵලො අමනුඤ්ඤඵලො සෙචනකඵලො දුක්ඛුද්රයො දුක්ඛවිපාකො’ති.
ප. පටි: න හෙවං වත්තබ්බෙ -පෙ-
187. ස. පු: විඤ්ඤාණං උපාදාය පුග්ගලස්ස පඤ්ඤත්තී’ති.
ප. පටිඤ්ඤා: ආමන්තා.
ස. අනු: අබ්යාකතං විඤ්ඤාණං උපාදාය අබ්යාකතස්ස පුග්ගලස්ස පඤ්ඤත්තී’ති.
ප. පටි: න හෙවං වත්තබ්බෙ -පෙ-
ස. පු: අබ්යාකතං විඤ්ඤාණං උපාදාය අබ්යාකතස්ස පුග්ගලස්ස පඤ්ඤත්තී’ති.
ප. පටිඤ්ඤා: ආමන්තා.
ස. පු: අබ්යාකතං විඤ්ඤාණං අනිච්චං සඞ්ඛතං පටිච්චසමුප්පන්නං ඛයධම්මං වයධම්මං විරාගධම්මං නිරොධධම්මං විපරිණාමධම්මන්ති.
ප. පටිඤ්ඤා: ආමන්තා.
ස. අනු: අබ්යාකතො’පි පුග්ගලො අනිච්චො සඞ්ඛතො පටිච්චසමුප්පන්නො ඛයධම්මො වයධම්මො විරාගධම්මො නිරොධධම්මො විපරිණාමධම්මො’ති.
ප. පටි: න හෙවං වත්තබ්බෙ -පෙ-
188. ස. පු: චක්ඛුං උපාදාය ‘චක්ඛුමා පුග්ගලො’ති වත්තබ්බො’ති.
ප. පටිඤ්ඤා: ආමන්තා.
ස. අනු: චක්ඛුම්හි නිරුද්ධෙ ‘චක්ඛුමා පුග්ගලො නිරුද්ධො’ති වත්තබ්බො’ති.
ප. පටි: න හෙවං වත්තබ්බෙ -පෙ-
ස. පු: සොතං උපාදාය -පෙ- ඝානං උපාදාය -පෙ- ජිව්හං උපාදාය -පෙ- කායං උපාදාය -පෙ- මනං උපාදාය ‘මනවා පුග්ගලො’ති වත්තබ්බො’ති.
ප. පටිඤ්ඤා: ආමන්තා.
ස. අනු: මනම්හි නිරුද්ධෙ ‘මනවා පුග්ගලො නිරුද්ධො’ති වත්තබ්බො’ති.
ප. පටි: න හෙවං වත්තබ්බෙ -පෙ-
189. ස. පු: මිච්ඡාදිට්ඨිං උපාදාය ‘මිච්ඡාදිට්ඨියො පුග්ගලො’ති වත්තබ්බො’ති.
ප. පටිඤ්ඤා: ආමන්තා.
ස. අනු: මිච්ඡාදිට්ඨියා නිරුද්ධාය ‘මිච්ඡාදිට්ඨියො පුග්ගලො නිරුද්ධො’ති වත්තබ්බො’ති.
ප. පටි: න හෙවං වත්තබ්බෙ -පෙ-
ස. පු: මිච්ඡාසඞ්කප්පං උපාදාය -පෙ- මිච්ඡාවාචං උපාදාය -පෙ- මිච්ඡාකම්මන්තං උපාදාය -පෙ- මිච්ඡාආජීවං උපාදාය -පෙ- මිච්ඡාවායාමං උපාදාය -පෙ- මිච්ඡාසතිං උපාදාය -පෙ- මිච්ඡාසමාධිං උපාදාය ‘මිච්ඡාසමාධියො පුග්ගලො’ති වත්තබ්බො’ති.
ප. පටිඤ්ඤා: ආමන්තා.
ස. අනු: මිච්ඡාසමාධිම්හි නිරුද්ධෙ ‘මිච්ඡාසමාධියො පුග්ගලො නිරුද්ධො’ති වත්තබ්බො’ති.
ප. පටි: න හෙවං වත්තබ්බෙ -පෙ-
190. ස. පු: සම්මාදිට්ඨිං උපාදාය ‘සම්මාදිට්ඨියො පුග්ගලො’ති වත්තබ්බො’ති.
ප. පටිඤ්ඤා: ආමන්තා.
ස. අනු: සම්මාදිට්ඨියා නිරුද්ධාය ‘සම්මාදිට්ඨියො පුග්ගලො නිරුද්ධො’ති වත්තබ්බො’ති.
ප. පටි: න හෙවං වත්තබ්බෙ -පෙ-
ස. පු: සම්මාසඞ්කප්පං උපාදාය -පෙ- සම්මාවාචං උපාදාය -පෙ- සම්මාකම්මන්තං උපාදාය -පෙ- සම්මාආජීවං උපාදාය -පෙ- සම්මාවායාමං උපාදාය -පෙ- සම්මාසතිං උපාදාය -පෙ- සම්මාසමාධිං උපාදාය ‘සම්මාසමාධියො පුග්ගලො’ ති වත්තබ්බො’ති.
ප. පටිඤ්ඤා: ආමන්තා.
ස. අනු: සම්මාසමාධිම්හි නිරුද්ධෙ ‘සම්මාසමාධියො පුග්ගලො නිරුද්ධො’ති වත්තබ්බො’ති.
ප. පටි: න හෙවං වත්තබ්බෙ -පෙ-
191. ස. පු: රූපං උපාදාය, වෙදනං උපාදාය පුග්ගලස්ස පඤ්ඤත්තී’ති.
ප. පටිඤ්ඤා: ආමන්තා.
ස. අනු: ද්වින්නං ඛන්ධානං උපාදාය ද්වින්නං පුග්ගලානං පඤ්ඤත්තී’ති.
ප. පටි: න හෙවං වත්තබ්බෙ -පෙ-
ස. පු: රූපං උපාදාය, වෙදනං උපාදාය, සඤ්ඤං උපාදාය, සඞ්ඛාරෙ උපාදාය, විඤ්ඤාණං උපාදාය පුග්ගලස්ස පඤ්ඤත්තී’ති.
ප. පටිඤ්ඤා: ආමන්තා.