ප. පටිඤ්ඤා: ආමන්තා.
ස. අනු: සොතායතනං -පෙ- ඝානායතනං -පෙ- ජිව්හායතනං -පෙ- කායායතනං -පෙ- රූපායතනං -පෙ- ඵොට්ඨබ්බායතනං -පෙ- රාගො -පෙ- දොසො -පෙ- මොහො -පෙ- අනොත්තප්පං සතිපට්ඨානං, තඤ්ච සතී’ති.
ප. පටි: න හෙවං වත්තබ්බෙ -පෙ-
7. ස. පු: චක්ඛායතනං සතිපට්ඨානං, තඤ්ච සතී’ති.
ප. පටිඤ්ඤා: ආමන්තා.
ස. අනු: සති සතිපට්ඨානා සා ච න සතී’ති.
ප. පටි: න හෙවං වත්තබ්බෙ -පෙ-
8. ස. පු: සොතායතනං -පෙ- කායායතනං -පෙ- රූපායතනං -පෙ- ඵොට්ඨබ්බායතනං -පෙ- රාගො -පෙ- දොසො -පෙ- මොහො -පෙ- අනොත්තප්පං සතිපට්ඨානං, තඤ්ච න සතී’ති.
ප. පටිඤ්ඤා: ආමන්තා.
ස. අනු: සති සතිපට්ඨානා, සා ච න සතී’ති.
ප. පටි: න හෙවං වත්තබ්බෙ -පෙ-
9. ප. පු: න වත්තබ්බං “සබ්බෙ ධම්මා සතිපට්ඨානා”ති.
ස. පටිඤ්ඤා: ආමන්තා.
ප. අනු: නනු සබ්බෙ ධම්මෙ ආරබ්භ සති සන්තිට්ඨතී’ති.
ස. පටිඤ්ඤා: ආමන්තා.
අනු. ඨ: හඤ්චි සබ්බෙ ධම්මෙ ආරබ්භ සති සන්තිට්ඨති,{1}
අනු. පා: තෙන වත රෙ වත්තබ්බෙ “සබ්බෙ ධම්මා සතිපට්ඨානා”ති.
10. ස. පු: “සබ්බං ධම්මං ආරබ්භ සති සන්තිට්ඨතී”ති සබ්බෙ ධම්මා සතිපට්ඨානා’ති.
ප. පටිඤ්ඤා: ආමන්තා.
ස. අනු: සබ්බං ධම්මං ආරබ්භ ඵස්සො සන්තිට්ඨතී’ති. සබ්බෙ ධම්මා ඵස්සපට්ඨානා’ති.
ප. පටි: න හෙවං වත්තබ්බෙ -පෙ-
11. ස. පු: සබ්බං ධම්මං ආරබ්භ සති සන්තිට්ඨතී’ති සබ්බෙ ධම්මා සතිපට්ඨානා’ති.
ප. පටිඤ්ඤා: ආමන්තා.
ස. අනු: “සබ්බං ධම්මං ආරබ්භ වෙදනා සන්තිට්ඨති -පෙ- සඤ්ඤා සන්තිට්ඨති -පෙ- චෙතනා සන්තිට්ඨති -පෙ- චිත්තං සන්තිට්ඨතී”ති සබ්බෙ ධම්මා චිත්තපට්ඨානා’ති.
ප. පටි: න හෙවං වත්තබ්බෙ -පෙ-
12. ස. පු: සබ්බෙ ධම්මා සතිපට්ඨානා’ති.
ප. පටිඤ්ඤා: ආමන්තා.
ස. අනු: සබ්බෙ සත්තා උපට්ඨිතසතිනො සතියා සමන්නාගතා සතියා සමාහිතා{2} සබ්බෙසං සත්තානං සති පච්චුපට්ඨිතා’ති.
ප. පටි: න හෙවං වත්තබ්බෙ -පෙ-
13. ස. පු: සබ්බෙ ධම්මා සතිපට්ඨානා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා: “අමතන්තෙ භික්ඛවෙ න පරිභුඤ්ජන්ති යෙ කායගතං{1}සතිං න පරිභුඤ්ජන්ති, අමතන්තෙ භික්ඛවෙ පරිභුඤ්ජන්ති යෙ කායගතං සතිං පරිභුඤ්ජන්තී’ති”{a} අත්ථෙ’ව සුත්තන්තොති.
ප. පටිඤ්ඤා: ආමන්තා.
ස. අනු: සබ්බෙ සත්තා කායගතං සතිං පරිභුඤ්ජන්ති, පටිලභන්ති, ආසෙවන්ති භාවෙන්ති බහුලීකරොන්තීති.
ප. පටි: න හෙවං වත්තබ්බෙ -පෙ-
14. ස. පු: සබ්බෙ ධම්මා සතිපට්ඨානා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “එකායනො අයං භික්ඛවෙ මග්ගො සත්තානං විසුද්ධියා සොකපරිද්දවානං{2} සමතික්කමාය දුක්ඛදොමනස්සානං අත්ථඞ්ගමාය ඤායස්ස අධිගමාය නිබ්බානස්ස සච්ඡිකිරියාය යදිදං චත්තාරො සතිපට්ඨානා’ති”{b} අත්ථෙ ව සුත්තන්තො’ති.
ප. පටිඤ්ඤා: ආමන්තා.
ස. අනු: සබ්බෙ ධම්මා එකායනමග්ගො’ති.
ප. පටි: න හෙවං වත්තබ්බෙ -පෙ-
15. ස. පු: සබ්බෙ ධම්මා සතිපට්ඨානා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා: “රඤ්ඤො භික්ඛවෙ චක්කවත්තිස්ස පාතුභාවා සත්තන්නං රතනානං පාතුභාවො හොති. කතමෙසං සත්තන්නං: චක්කරතනස්ස පාතුභාවො හොති, හත්ථිරතනස්ස පාතුභාවො හොති, අස්සරතනස්ස -පෙ- මණිරතනස්ස -පෙ- ඉත්ථිරතනස්ස -පෙ- ගහපතිරතනස්ස -පෙ- පරිනායකරතනස්ස පාතුභාවො හොති. රඤ්ඤො භික්ඛවෙ චක්කවත්තිස්ස පාතුභාවා ඉමෙසං සත්තන්නං රතනානං පාතුභාවො හොති.
තථාගතස්ස භික්ඛවෙ පාතුභාවා අරහතො සම්මාසම්බුද්ධස්ස සත්තන්නං බොජ්ඣඞ්ගරතනානං පාතුභාවො හොති. කතමෙසං සත්තන්නං: සතිසම්බොජ්ඣඞ්ගරතනස්ස පාතුභාවො හොති, ධම්මවිචයසම්බොජ්ඣඞ්ගරතනස්ස පාතුභාවො හොති, විරියසම්බොජ්ඣඞ්ගරතනස්ස පාතුභාවො හොති, පීතිසම්බොජ්ඣඞ්ගරතනස්ස පාතුභාවො හොති, පස්සද්ධිසම්බොජ්ඣඞ්ගරතනස්ස පාතුභාවො හොති, සමාධිසම්බොජ්ඣඞ්ගරතනස්ස පාතුභාවො හොති, උපෙක්ඛාසම්බොජ්ඣඞ්ගරතනස්ස පාතුභාවො හොති, තථාගතස්ස භික්ඛවෙ පාතුභාවා අරහතො සම්මාසම්බුද්ධස්ස ඉමෙසං සත්තන්නං බොජ්ඣඞ්ගරතනානං පාතුභාවො හොති”ති{a} අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. අනු: තථාගතස්ස පාතුභාවා අරහතො සම්මාසම්බුද්ධස්ස සබ්බෙ ධම්මා සතිසම්බොජ්ඣඞ්ගරතනා’ව හොන්තී’ති.{1}
ප. පටි: න හෙවං වත්තබ්බෙ -පෙ-
16. ස. පු: සබ්බෙ ධම්මා සතිපට්ඨානා’ති.
ප. පටිඤ්ඤා: ආමන්තා.
ස. අනු: සබ්බෙ ධම්මා සම්මප්පධානා, ඉද්ධිපාදා, ඉන්ද්රියා, බලා, බොජ්ඣඞ්ගා’ති.
ප. පටි: න හෙවං වත්තබ්බෙ -පෙ-
සතිපට්ඨානකථා නිට්ඨිතා.
1. 10.
හෙවත්ථීකථා
1. ස. පු: අතීතං අත්ථී’ති.
ප. පටිඤ්ඤා: හෙවත්ථී හෙව නත්ථී’ති.
ස. අනු: සෙවත්ථී සෙව නත්ථී’ති.
ප. පටි: න හෙවං වත්තබ්බෙ -පෙ-
2. ස. පු: සෙවත්ථී සෙව නත්ථී’ති.
ප. පටි: ආමන්තා.
ස. අනු: අත්ථට්ඨො නත්ථට්ඨො, නත්ථට්ඨො අත්ථට්ඨො, අත්ථීභාවො නත්ථීභාවො, නත්ථීභාවො අත්ථීභාවො, අත්ථී’ති වා නත්ථී’ති වා, නත්ථී’ති වා අත්ථී’ති වා, එසෙසෙ එකට්ඨෙ සමෙ සමභාගෙ තජ්ජාතෙ’ති.
ප. පටි: න හෙවං වත්තබ්බෙ -පෙ-
3. ස. පු: අනාගතං අත්ථී’ති.
ප. වි: හෙවත්ථී හෙව නත්ථීති.
ස. අනු: සෙවත්ථී සෙව නත්ථී’ති.
ප. පටි: න හෙවං වත්තබ්බෙ -පෙ-
4. ස. පු: සෙවත්ථී, සෙව නත්ථී’ති.
ප. පටිඤ්ඤා: ආමන්තා.
ස. අනු: අත්ථට්ඨො නත්ථට්ඨො, නත්ථට්ඨො අත්ථට්ඨො, අත්ථීභාවො නත්ථීභාවො, නත්ථීභාවො අත්ථීභාවො, අත්ථී’ති වා නත්ථී’ති වා, නත්ථී’ති වා අත්ථී’ති වා, එසෙසෙ එකට්ඨෙ සමෙ සමභාගෙ තජ්ජාතෙ’ති.
ප. පටි: න හෙවං වත්තබ්බෙ -පෙ-
5. ස. පු: පච්චුප්පන්නං අත්ථී’ති.
ප. වි: හෙවත්ථී හෙව නත්ථී’ති.
ස. අනු: සෙවත්ථී සෙවනත්ථී’ති.
ප. පටි: න හෙවං වත්තබ්බෙ -පෙ-
6. ස. පු: සෙවත්ථී සෙව නත්ථී’ති.
ප. පටිඤ්ඤා: ආමන්තා.
ස. අනු: අත්ථට්ඨො නත්ථට්ඨො -පෙ- සමෙ සමභාගෙ තජ්ජාතෙ’ති.
ප. පටි: න හෙවං වත්තබ්බෙ -පෙ-
7. ස. පු: අතීතං හෙවත්ථී හෙව නත්ථී’ති.
ප. පටිඤ්ඤා: ආමන්තා.
ස. පු: කින්තත්ථී කින්ති නත්ථී’ති.
ප. වි: අතීතං අතීතන්ති හෙවත්ථී, අතීතං අනාගතන්ති හෙව නත්ථී අතීතං පච්චුප්පන්නන්ති හෙව නත්ථී’ති.
ස. අනු: සෙවත්ථී සෙව නත්ථී’ති.
ප. පටි: න හෙවං වත්තබ්බෙ -පෙ-
8. ස. පු: සෙවත්ථී සෙව නත්ථී’ති.
ප. පටිඤ්ඤා: ආමන්තා.
ස. අනු අත්ථට්ඨො නත්ථට්ඨො, නත්ථට්ඨො අත්ථට්ඨො, අත්ථීභාවො නත්ථීභාවො, නත්ථීභාවො අත්ථීභාවො, අත්ථී’ති වා නත්ථී’ති වා, නත්ථී’ති වා අත්ථී’ති වා, එසෙසෙ එකට්ඨෙ සමෙ සමභාගෙ තජ්ජාතෙ’ති.
ප. පටි: න හෙවං වත්තබ්බෙ -පෙ-
9. ස. පු: අනාගතං හෙවත්ථී හෙව නත්ථී’ති.
ප. පටිඤ්ඤා: ආමන්තා.
ස. පු: කින්තත්ථී කින්ති නත්ථී’ති.
ප. වි: අනාගතං අනාගතන්ති හෙවත්ථී අනාගතං අතීතන්ති හෙව නත්ථී, අනාගතං පච්චුප්පන්නන්ති හෙව නත්ථී’ති.
ස. අනු: සෙවත්ථී සෙව නත්ථී’ති.
ප. පටි: න හෙවං වත්තබ්බෙ -පෙ-
10. ස. පු: සෙවත්ථී සෙව නත්ථී’ති.
ප. පටිඤ්ඤා: ආමන්තා.
ස. අනු: අත්ථට්ඨො නත්ථට්ඨො, නත්ථට්ඨො අත්ථට්ඨො -පෙ- සමෙ සමභාගෙ තජ්ජාතෙ’ති.
ප. පටි: න හෙවං වත්තබ්බෙ -පෙ-
11. ස. පු: පච්චුප්පන්නං හෙවත්ථී හෙව නත්ථී’ති.