ස. අනු: යො පත්තං ධාරෙති තස්සෙ’ව බ්රහ්මචරියවාසො, යො පත්තං න ධාරෙති නත්ථි තස්ස බ්රහ්මචරියවාසො’ති.
ප. පටි: න හෙවං වත්තබ්බෙ -පෙ-
7. ස. පු: දෙවෙසු සම්මාසම්බුද්ධා නුප්පජ්ජන්තී’ති නත්ථි දෙවෙසු බ්රහ්මචරියවාසො’ති.
ප. පටිඤ්ඤා: ආමන්තා.
ස. අනු: යත්ථ සම්මාසම්බුද්ධා උප්පජ්ජන්ති තත්ථෙ’ව බ්රහ්මචරියවාසො, යත්ථ සම්මාසම්බුද්ධා නූප්පජ්ජන්ති නත්ථි තත්ථ බ්රහ්මචරියවාසො’ති.
ප. පටි: න හෙවං වත්තබ්බෙ -පෙ-
ස. අනු: යත්ථ සම්මාසම්බුද්ධා උප්පජ්ජන්ති තත්ථෙ’ව බ්රහ්මචරියවාසො, යත්ථ සම්මාසම්බුද්ධා නූප්පජ්ජන්ති නත්ථි තත්ථ බ්රහ්මචරියවාසො’ති.
ප. පටිඤ්ඤා: ආමන්තා.
ස. අනු: ලුම්බිනියා භගවා ජාතො, බොධියා මූලෙ අභිසම්බුද්ධො, බාරාණසියං භගවතා ධම්මචක්කං පවත්තිතං, තත්ථෙ’ව බ්රහ්මචරියවාසො, නත්ථඤ්ඤත්ර බ්රහ්මචරියවාසො’ති.
ප. පටි: න හෙවං වත්තබ්බෙ -පෙ-
8. ස. පු: “දෙවෙසු පච්චෙකසම්බුද්ධා නුප්පජ්ජන්ති”ති නත්ථි දෙවෙසු බ්රහ්මචරියවාසො’ති.
ප. පටිඤ්ඤා: ආමන්තා.
ස. අනු: යත්ථ පච්චෙකසම්බුද්ධා උප්පජ්ජන්ති, තත්ථෙ’ව බ්රහ්මචරියවාසො, යත්ථ පච්චෙකසම්බුද්ධා නුප්පජ්ජන්ති, නත්ථි තත්ථ බ්රහ්මචරියවාසො’ති.
ප. පටි: න හෙවං වත්තබ්බෙ -පෙ-
ස. අනු: යත්ථ පච්චෙකසම්බුද්ධා උප්පජ්ජන්ති, තත්ථෙ ව බ්රහ්මචරියවාසො, යත්ථ පච්චෙකසම්බුද්ධා නුප්පජ්ජන්ති, නත්ථි තත්ථ බ්රහ්මචරියවාසො’ති.
ප. පටිඤ්ඤා: ආමන්තා.
ස. අනු: මජ්ඣිමෙසු ජනපදෙසු පච්චෙකසම්බුද්ධා උප්පජ්ජන්ති, තත්ථෙ’ව බ්රහ්මචරියවාසො, නත්ථඤ්ඤත්ර බ්රහ්මචරියවාසො’ති.
ප. පටි: න හෙවං වත්තබ්බෙ -පෙ-
ස. පු: දෙවෙසු සාවකයුගං නුප්පජ්ජතී’ති නත්ථි දෙවෙසු බ්රහ්මචරියවාසො’ති.
ප. පටිඤ්ඤා: ආමන්තා.
ස. අනු: යත්ථ සාවකයුගං උප්පජ්ජති, තත්ථෙ’ව බ්රහ්මචරියවාසො, යත්ථ සාවකයුගං නුප්පජ්ජති, නත්ථි තත්ථ බ්රහ්මචරියවාසො’ති.
ප. පටි: න හෙවං වත්තබ්බෙ -පෙ-
ස. අනු: යත්ථ සාවකයුගං උප්පජ්ජති, තත්ථෙව බ්රහ්මචරියවාසො, යත්ථ සාවකයුගං නුප්පජ්ජතී, නත්ථි තත්ථ බ්රහ්මචරියවාසො’ති.
ප. පටිඤ්ඤා: ආමන්තා.
ස. අනු: මගධෙසු සාවකයුගං උප්පන්නං, තත්ථෙ’ව බ්රහ්මචරියවාසො, නත්ථඤ්ඤත්ර බ්රහ්මචරියවාසො’ති.
ප. පටි: න හෙවං වත්තෙබ්බෙ -පෙ-
9. ප. පු: අත්ථී දෙවෙසු බ්රහ්මචරියවාසො’ති.
ස. පටිඤ්ඤා: ආමන්තා.
ප. අනු: සබ්බදෙවෙසු අත්ථි බ්රහ්මචරියවාසො’ති.
ප. පටි: න හෙවං වත්තබ්බෙ -පෙ-
ප. පු: අත්ථි මනුස්සෙසු බ්රහ්මචරියවාසො’ති.
ස. පටිඤ්ඤා: ආමන්තා.
ප. අනු: සබ්බමනුස්සෙසු අත්ථි බ්රහ්මචරියවාසො’ති.
ස. පටි: න හෙවං වත්තබ්බෙ -පෙ-
10. ප. පු: අත්ථි දෙවෙසු බ්රහ්මචරියවාසො’ති.
ස. පටිඤ්ඤා: ආමන්තා.
ප. අනු: අසඤ්ඤසත්තෙසු දෙවෙසු අත්ථි බ්රහ්මචරියවාසො’ති.
ස. පටි: න හෙවං වත්තබ්බෙ -පෙ-
ප. පු: අත්ථි මනුස්සෙසු බ්රහ්මචරියවාසො’ති.
ස. පටිඤ්ඤා: ආමන්තා.
ප. අනු: පච්චන්තිමෙසු ජනපදෙසු අත්ථි බ්රහ්මචරියවාසො මිළක්ඛෙසු{1} අවිඤ්ඤාතාරෙසු යත්ථ නත්ථි ගති භික්ඛූනං භික්ඛුනීනං උපාසකානං උපාසිකානන්ති.
ස. පටි: න හෙවං වත්තබ්බෙ -පෙ-
11. ප. පු: අත්ථි දෙවෙසු බ්රහ්මචරියවාසො’ති.
ස. චි: අත්ථි යත්ථ අත්ථී, අත්ථී යත්ථ නත්ථි’ති.
ප. අනු: අසඤ්ඤසත්තෙසු දෙවෙසු අත්ථි යත්ථ අත්ථි, අත්ථී යත්ථ නත්ථී බ්රහ්මචරියවාසො, සඤ්ඤසත්තෙසු දෙවෙසු අත්ථි යත්ථ අත්ථි, අත්ථි යත්ථ නත්ථි බ්රහ්මචරියවාසො’ති.
ස. පටි: න හෙවං වත්තබ්බෙ -පෙ-
12. ප. පු: දෙවෙසු අත්ථි යත්ථ අත්ථී, අත්ථී යත්ථ නත්ථී බ්රහ්මචරියවාසො’ති.
ස. පටිඤ්ඤා: ආමන්තා.
ප. පු: කත්ථ අත්ථී කත්ථ නත්ථී’ති.
ස. වි: අසඤ්ඤසත්තෙසු දෙවෙසු නත්ථි බ්රහ්මචරියවාසො, සඤ්ඤසත්තෙසු දෙවෙසු අත්ථි බ්රහ්මචරියවාසො’ති.
ප. පු: අසඤ්ඤසත්තෙසු දෙවෙසු නත්ථි බ්රහ්මචරියවාසො’ති.
ස. පටිඤ්ඤා: ආමන්තා.
ප. අනු: සඤ්ඤසත්තෙසු දෙවෙසු නත්ථි බ්රහ්මචරියවාසො’ති.
ස. පටි: න හෙවං වත්තබ්බෙ -පෙ-
13. ප. පු: සඤ්ඤසත්තෙසු දෙවෙසු අත්ථි බ්රහ්මචරියවාසො’ති.
ස. පටිඤ්ඤා: ආමන්තා.
ප. අනු: අසඤ්ඤසත්තෙසු දෙවෙසු අත්ථි බ්රහ්මචරියවාසො’ති.
ස. පටි: න හෙවං වත්තබ්බෙ -පෙ-
14. ප. පු: අත්ථි මනුස්සෙසු බ්රහ්මචරියවාසො’ති.
ස. වි: අත්ථි යත්ථ අත්ථි, අත්ථි යත්ථ නත්ථි’ති.
ප. අනු: පච්චන්තිමෙසු ජනපදෙසු අත්ථී යත්ථ අත්ථී, අත්ථී යත්ථ නත්ථී බ්රහ්මචරියවාසො, මිළක්ඛෙසු අවිඤ්ඤාතාරෙසු යත්ථ නත්ථි ගති භික්ඛූනං භික්ඛුනීනං උපාසකානං උපාසිකානං, මජ්ඣිමෙසු ජනපදෙසු අත්ථි යත්ථ අත්ථී, අත්ථී යත්ථ නත්ථි බ්රහ්මචරියවාසො’ති.
ස. පටි: න හෙවං වත්තබ්බෙ -පෙ-
15. ප. පු: මනුස්සෙසු අත්ථි යත්ථ අත්ථි, අත්ථි යත්ථ නත්ථි බ්රහ්මචරියවාසො’ති.
ස. පටිඤ්ඤා: ආමන්තා.
ප. පු: කත්ථ අත්ථි, කත්ථ නත්ථි’ති.
ස. වි: පච්චන්තිමෙසු ජනපදෙසු නත්ථි බ්රහ්මචරියවාසො මිළක්ඛෙසු අවිඤ්ඤාතාරෙසු යත්ථ නත්ථි ගති භික්ඛූනං භික්ඛුනීනං උපාසකානං උපාසිකානං මජ්ඣිමෙසු ජනපදෙසු අත්ථි බ්රහ්මචරියවාසො’ති.
ප. අනු: පච්චන්තිමෙසු ජනපදෙසු නත්ථි බ්රහ්මචරියවාසො මිළක්ඛෙසු අවිඤ්ඤාතාරෙසු යත්ථ නත්ථි ගති භික්ඛූනං භික්ඛුනීනං උපාසකානං උපාසිකානන්ති.
ස. පටිඤ්ඤා: ආමන්තා.
ප. පු: මජ්ඣිමෙසු ජනපදෙසු නත්ථි බ්රහ්මචරියවාසො’ති.
ස. පටි: න හෙවං වත්තබ්බෙ -පෙ-
16. ප. පු: මජ්ඣිමෙසු ජනපදෙසු අත්ථි බ්රහ්මචරියවාසො’ති.
ස. පටිඤ්ඤා: ආමන්තා.
ප. අනු: පච්චන්තිමෙසු ජනපදෙසු අත්ථි බ්රහ්මචරියවාසො, මිළක්ඛෙසු අවිඤ්ඤාතාරෙසු යත්ථ නත්ථි ගති භික්ඛූනං භික්ඛුනීනං උපාසකානං උපාසිකානන්ති.
ප. පටි: න හෙවං වත්තබ්බෙ -පෙ-
17. ප. පු: අත්ථි දෙවෙසු බ්රහ්මචරියවාසො’ති.
ස. පටිඤ්ඤා: ආමන්තා.
ප. අනු: නනු වුත්තං භගවතා: “තීහි භික්ඛවෙ ඨානෙහි ජම්බුදීපකා මනුස්සා උත්තරකුරුකෙ ච මනුස්සෙ අධිගණ්හන්ති දෙවෙ ච තාවතිංසෙ. කතමෙහි තීහි? සූරා, සතිමන්තො, ඉධ බ්රහ්මචරියවාසො’ති.{a}
ස. පටිඤ්ඤා: ආමන්තා.
ප. අනු: සාවත්ථියඤ්ඤෙව බ්රහ්මචරියවාසො, නත්ථි අඤ්ඤත්ර බ්රහ්මචරියවාසො’ති.
ස. පටි: න හෙවං වත්තබ්බෙ -පෙ-
18. ස. පු: අනාගාමිස්ස පුග්ගලස්ස පඤ්චොරම්භාගියානි සංයොජනානි පහීනානි, පඤ්චුද්ධම්භාගියානි සංයොජනානි අප්පහීනානි, ඉතො චුතස්ස තත්ථ උප්පන්නස්ස කුහිං ඵලුප්පත්තී’ති,
ප. වි: තත්ථෙව.
අනු. ඨ: හඤ්චි අනාගාමිස්ස පුග්ගලස්ස පඤ්චොරම්භාගියානි සංයොජනානි පහීනානි, පඤ්චුද්ධම්භාගියානි සංයොජනානි අප්පහීනානි, ඉතො චුත්තස්ස තත්ථ උප්පන්නස්ස තහිං ඵලුප්පත්ති.
අනු. පා: නො ච වත රෙ වත්තබ්බෙ “නත්ථි දෙවෙසු බ්රහ්මචරියවාසො”ති.
19. ස. පු: අනාගාමිස්ස පුග්ගලස්ස පඤ්චොරම්භාගියානි සංයොජනානි පහීනානි පඤ්චුද්ධම්භාගියානි සංයොජනානි අප්පහීනානි, ඉතො චුතස්ස තත්ථ උප්පන්නස්ස කුහිං භාරොහරණං, කුහිං දුක්ඛපරිඤ්ඤාතං, කුහිං කිලෙසප්පහානං, කුහිං නිරොධසච්ඡිකිරියා, කුහිං අකුප්පපටිවෙධො’ති.
ප. වි: තත්ථෙව.
අනු. ඨ. හඤ්චි අනාගාමිස්ස පුග්ගලස්ස පඤ්චොරම්භාගියානි සංයොජනානි පහීනානි, පඤ්චුද්ධම්භාගියානි සංයොජනානි අප්පහීනානි, ඉතො චුතස්ස තත්ථ උප්පන්නස්ස තහිං අකුප්පපටිවෙධො.
අනු. පා: නො ච වත රෙ වත්තබ්බෙ “නත්ථි දෙවෙසු බ්රහ්මචරියවාසො”ති.
ස. පු: අනාගාමිස්ස පුග්ගලස්ස පඤ්චොරම්භාගියානි සංයොජනානි පහීනානි, පඤ්චුද්ධම්භාගියානි සඤ්ඤොජනානි අප්පහීනානි, ඉතො චුතස්ස තත්ථ උප්පන්නස්ස තහිං ඵලුප්පත්ති, තහිං භාරොහරණං, තහිං දුක්ඛපරිඤ්ඤාතං, තහිං කිලෙසප්පහානං, තහිං නිරොධසච්ඡිකිරියා, තහිං අකුප්පටිවෙධො, කෙනට්ඨෙන වදෙසි “නත්ථි දෙවෙසු බ්රහ්මචරියවාසො”ති.
ප. වි: හන්ද හි අනාගාමී පුග්ගලො ඉධ භාවිතෙන මග්ගෙන තත්ථ ඵලං සච්ඡිකරො’ති.
20. ස. පු: අනාගාමී පුග්ගලො ඉධ භාවිතෙන මග්ගෙන තත්ථ ඵලං සච්ඡිකරොතී’ති.
ප. පටිඤ්ඤා: ආමන්තා.
ස. අනු: සොතාපන්නො පුග්ගලො තත්ථ භාවිතෙන මග්ගෙන ඉධ ඵලං සච්ඡිකරොතී’ති.
ප. පටි: න හෙවං වත්තබ්බෙ -පෙ-
21. ස. පු: අනාගාමී පුග්ගලො ඉධ භාවිතෙන මග්ගෙන තත්ථ ඵලං සච්ඡිකරොතී’ති.
ප. පටිඤ්ඤා: ආමන්තා.
ස. අනු: සකදාගාමී පුග්ගලො ඉධ පරිනිබ්බායී පුග්ගලො තත්ථ භාවිතෙන මග්ගෙන ඉධ ඵලං සච්ඡිකරොතී’ති.
ප. පටි: න හෙවං වත්තබ්බෙ -පෙ-
ස. පු: සොතාපන්නො පුග්ගලො ඉධ භාවිතෙන මග්ගෙන ඉධ ඵලං සච්ඡිකරොතී’ති.
ප. පටිඤ්ඤා: ආමන්තා.