ප. පටි: න හෙවං වත්තබ්බෙ -පෙ-
270. ස. පු: විපාකො අත්ථි’ති විපාකපටිසංවෙදී අත්ථි’ති.
ප. පටිඤ්ඤා: ආමන්තා.
ස. අනු: නිබ්බානං අත්ථි’ති නිබ්බාන පටිසංවෙදී අත්ථි’ති.
ප. පටි: න හෙවං වත්තබ්බෙ -පෙ-
271. ස. පු: විපාකො අත්ථි’ති විපාකපටිසංවෙදී අත්ථි’ති.
ප. පටිඤ්ඤා: ආමන්තා.
ස. අනු: මහාපඨවී අත්ථි’ති -පෙ- මහාසමුද්දො අත්ථි’ති -පෙ- සිනෙරු පබ්බතරාජා අත්ථි’ති -පෙ- ආපො අත්ථි’ති -පෙ- තෙජො අත්ථි’ති -පෙ- වායො අත්ථි’ති -පෙ- තිණකට්ඨවනප්පතයො අත්ථි’ති තිණකට්ඨවනප්පතීනං පටිසංවෙදී අත්ථි’ති
ප. පටි: න හෙවං වත්තබ්බෙ -පෙ-
272. ස. පු: විපාකො අත්ථි’ති විපාකපටිසංවෙදී අත්ථි’ති.
ප. පටිඤ්ඤා: ආමන්තා.
ස. අනු: අඤ්ඤො විපාකො, අඤ්ඤො විපාකපටිසංවෙදී’ති.
ප. පටි: න හෙවං වත්තබ්බෙ -පෙ-
කල්යාණවග්ගො පඨමො.
273. ප. පු: න වත්තබ්බං ‘පුග්ගලො උපලබ්භති සච්චිකට්ඨපරමත්ථෙනා’ති.
ස. පටිඤ්ඤා: ආමන්තා.
ප. අනු: නනු අත්ථි කොචි ඉද්ධිං විකුබ්බතී’ති.{1}
ස. පටිඤ්ඤා: ආමන්තා.
අනු. ඨ: හඤ්චි අත්ථි කොචි ඉද්ධිං විකුබ්බති.
අනු. පා: තෙන වත රෙ වත්තබ්බෙ ‘පුග්ගලො උපලබ්භති සච්චිකට්ඨපරමත්ථෙනා’ ති.
274. ප. පු: න වත්තබ්බං ‘පුග්ගලො උපලබ්භති සච්චිකට්ඨපරමත්ථෙනා’ති.
ස. පටිඤ්ඤා: ආමන්තා.
ප. අනු: නනු අත්ථි කොචි දිබ්බාය සොතධාතුයා සද්දං සුණාති -පෙ- පරචිත්තං ජානාති{2} -පෙ- පුබ්බෙනිවාසං අනුස්සරති -පෙ- දිබ්බෙන චක්ඛුනා රූපං පස්සති -පෙ- ආසවානං ඛයං සච්ඡිකරොතී’ති.
ස. පටිඤ්ඤා: ආමන්තා.
අනු. ඨ: හඤ්චි අත්ථි කොචි ආසවානං ඛයං සච්ඡිකරොති.
අනු. පා: තෙන වත රෙ වත්තබ්බෙ ‘පුග්ගලො උපලබ්භති සච්චිකට්ඨපරමත්ථෙනා’ති
275. ස. පු: අත්ථි ‘කොචි ඉද්ධිං විකුබ්බතී’ති කත්වා තෙන ච කාරණෙන පුග්ගලො උපලබ්භති සච්චිකට්ඨපරමත්ථෙනා’ති.
ප. පටිඤ්ඤා: ආමන්තා.
ස. අනු: යො ඉද්ධිං විකුබ්බති ස්වෙව පුග්ගලො, යො ඉද්ධිං න විකුබ්බති න සො පුග්ගලො’ති.
ප. පටි: න හෙවං වත්තබ්බෙ -පෙ-
276. ස. පු: යො දිබ්බාය සොතධාතුයා සද්දං සුණාති -පෙ- යො පරචිත්තං ජානාති -පෙ- යො පුබ්බෙනිවාසං අනුස්සරති -පෙ- යො දිබ්බෙන චක්ඛුනා රූපං පස්සති -පෙ- යො ආසවානං ඛයං සච්ඡිකරොති ස්වෙව පුග්ගලො, යො ආසවානං ඛයං න සච්ඡිකරොති න සො පුග්ගලො’ති.
ප. පටි: න හෙවං වත්තබ්බෙ -පෙ-
අභිඤ්ඤානුයොගො.
277. ප. පු: න වත්තබ්බං ‘පුග්ගලො උපලබ්භති සච්චිකට්ඨපරමත්ථෙනා’ති.
ස. පටිඤ්ඤා: ආමන්තා.
ප. අනු: නනු මාතා අත්ථි’ති.
ස. පටිඤ්ඤා: ආමන්තා.
අනු. ඨ: හඤ්චි මාතා අත්ථි.
අනු. පා: තෙන වත රෙ වත්තබ්බෙ පුග්ගලො උපලබ්භතී’ති.
278. ප. පු: න වත්තබ්බං ‘පුග්ගලො උපලබ්භති සච්චිකට්ඨපරමත්ථෙනා’ති.
ස. පටිඤ්ඤා: ආමන්තා.
ප. අනු: නනු පිතා අත්ථි -පෙ- භාතා අත්ථි -පෙ- භගිනී අත්ථි -පෙ- ඛත්තියො අත්ථි -පෙ- බ්රාහ්මණො අත්ථි -පෙ- වෙස්සො අත්ථි -පෙ- සුද්දො අත්ථි -පෙ- ගහට්ඨො අත්ථි -පෙ- පබ්බජිතො අත්ථි -පෙ- දෙවො අත්ථි -පෙ- මනුස්සො අත්ථි’ති.
ස. පටිඤ්ඤා: ආමන්තා
අනු. ඨ: හඤ්චි මනුස්සො අත්ථි.
අනු. පා. තෙන වත රෙ වත්තබ්බෙ ‘පුග්ගලො උපලබ්භති සච්චිකට්ඨපරමත්ථෙනා’ති.
279. ස. පු: ‘මාතා අත්ථි’ති කත්වා තෙන ච කාරණෙන පුග්ගලො උපලබ්භති සච්චිකට්ඨපරමත්ථෙනා’ති.
ප. පටිඤ්ඤා: ආමන්තා.
ස. අනු: අත්ථි කොචි න මාතා හුත්වා මාතා හොතී’ති.
ප. පටිඤ්ඤා: ආමන්තා.
ස. පු: අත්ථි කොචි න පුග්ගලො හුත්වා පුග්ගලො හොතී’ති.
ප. පටි: න හෙවං වත්තබ්බෙ -පෙ-
280. ස. පු: අත්ථි කොචි න පිතා හුත්වා -පෙ- න භාතා හුත්වා -පෙ- න භගිනී හුත්වා -පෙ- න ඛත්තියො හුත්වා -පෙ- න බ්රාහ්මණො හුත්වා -පෙ- න වෙස්සො හුත්වා -පෙ- න සුද්දො හුත්වා -පෙ- න ගහට්ඨො හුත්වා -පෙ- න පබ්බජිතො හුත්වා -පෙ- න දෙවො හුත්වා -පෙ- න මනුස්සො හුත්වා මනුස්සො හොතී’ති.
ප. පටිඤ්ඤා: ආමන්තා.
ස. අනු: අත්ථි කොචි න පුග්ගලො හුත්වා පුග්ගලො හොතී’ති.
ප. පටි: න හෙවං වත්තබ්බෙ -පෙ-
281. ස. පු: ‘මාතා අත්ථි’ති කත්වා තෙන ච කාරණෙන ‘පුග්ගලො උපලබ්භති සච්චිකට්ඨපරමත්ථෙනා’ති.
ප. පටිඤ්ඤා: ආමන්තා
ස. පු: අත්ථි කොචි මාතා හුත්වා න මාතා හොතී’ති.
ප. පටිඤ්ඤා: ආමන්තා.
ස. අනු: අත්ථි කොචි පුග්ගලො හුත්වා න පුග්ගලො හොතී’ති.
ප. පටි: න හෙවං වත්තබ්බෙ -පෙ-
282. ස. පු: අත්ථී කොචි පිතා හුත්වා -පෙ- භාතා හුත්වා -පෙ- භගිනී හුත්වා -පෙ- ඛත්තියො හුත්වා -පෙ- බ්රාහ්මණො හුත්වා -පෙ- වෙස්සො හුත්වා -පෙ- සුද්දො හුත්වා -පෙ- ගහට්ඨො හුත්වා -පෙ- පබ්බජිතො හුත්වා -පෙ- දෙවො හුත්වා -පෙ- මනුස්සො හුත්වා න මනුස්සො හොතී’ ති.
ප. පටිඤ්ඤා: ආමන්තා.
ස. අනු: අත්ථී කොචි පුග්ගලො හුත්වා න පුග්ගලො හොතී’ති.
ප. පටි: න හෙවං වත්තබ්බෙ -පෙ-
ඤාතකානුයොගො.
283. ප. පු: න වත්තබ්බං පුග්ගලො උපලබ්භති සච්චිකට්ඨපරමත්ථෙනා’ති.
ස. පටිඤ්ඤා: ආමන්තා.
ප. අනු: නනු සොතාපන්නො අත්ථි’ති.
ස. පටිඤ්ඤා: ආමන්තා.
පටි. ඨ: හඤ්චි සොතාපන්නො අත්ථි.
පටි. පා: තෙන වත රෙ වත්තබ්බෙ ‘පුග්ගලො උපලබ්භති සච්චිකට්ඨපරමත්ථෙනා’ති.
284. ප. පු: න වත්තබ්බං පුග්ගලො උපලබ්භති සච්චිකට්ඨපරමත්ථෙනා’ති.
ස. පටිඤ්ඤා: ආමන්තා.
ප. අනු: නනු සකදාගාමී අත්ථි -පෙ- අනාගාමී අත්ථි -පෙ- අරහා අත්ථි -පෙ- උභතොභාගවිමුත්තො අත්ථි -පෙ- පඤ්ඤාවිමුත්තො අත්ථි -පෙ- කායසක්ඛි අත්ථී -පෙ- දිට්ඨිප්පත්තො අත්ථි -පෙ- සද්ධාවිමුත්තො අත්ථි -පෙ- ධම්මානුසාරී අත්ථි -පෙ- සද්ධානුසාරී අත්ථී’ති.
ස. පටිඤ්ඤා: ආමන්තා.
පටි. ඨ: හඤ්චි සද්ධානුසාරී අත්ථි.
පටි. පා: තෙන වත රෙ වත්තබ්බෙ පුග්ගලො උපලබ්භති සච්චිකට්ඨපරමත්ථෙනා’ති.
285. ස. පු. ‘සොතාපන්නො අත්ථි’ති කත්වා තෙන ච කාරණෙන ‘පුග්ගලො උපලබ්භති සච්චිකට්ඨපරමත්ථෙනා’ති.
ස. පටිඤ්ඤා: ආමන්තා.
ස. අනු: අත්ථි කොචි න සොතාපන්නො හුත්වා සොතාපන්නො හොතී’ති.
ප. පටිඤ්ඤා: ආමන්තා.
ස. අනු: අත්ථි කොචි න පුග්ගලො හුත්වා පුග්ගලො හොතී’ති.
ප. පටි: න හෙවං වත්තබ්බෙ -පෙ-
286. ස. පු. අත්ථි කොචි න සකදාගාමී හුත්වා -පෙ- න අනාගාමී හුත්වා -පෙ- න අරහා හුත්වා -පෙ- න උභතොභාග විමුත්තො හුත්වා -පෙ- න පඤ්ඤාවිමුත්තො හුත්වා -පෙ- න කායසක්ඛි හුත්වා -පෙ- න දිට්ඨිප්පත්තො හුත්වා -පෙ- න සද්ධාවිමුත්තො හුත්වා -පෙ- න ධම්මානුසාරී හුත්වා -පෙ- න සද්ධානුසාරී හුත්වා සද්ධානුසාරී හොතී’ති.
ස. පටිඤ්ඤා: ආමන්තා.
ස. අනු: අත්ථි කොචි න පුග්ගලො හුත්වා පුග්ගලො හොතී’ති.
ප. පටි: න හෙවං වත්තබ්බෙ -පෙ-
287. ස. පු: ‘සොතාපාන්නො අත්ථි’ති කත්වා තෙන ච කාරණෙන පුග්ගලො උපලබ්භති සච්චිකට්ඨපරමත්ථෙනා’ති.
ප. පටිඤ්ඤා: ආමන්තා.
ස. අනු: අත්ථි කොචි සොතාපන්නො හුත්වා න සොතාපන්නො හොතී’ ති.
ප. පටිඤ්ඤා: ආමන්තා.
ස. අනු: අත්ථි කොචි පුග්ගලො හුත්වා න පුග්ගලො හොතී’ති.
ප. පටි: න හෙවං වත්තබ්බෙ -පෙ-
288. ස. පු. අත්ථි කොචි සකදාගාමී හුත්වා -පෙ- අනාගාමී හුත්වා න අනාගාමී හොතී’ති.
ප. පටිඤ්ඤා: ආමන්තා.
ස. අනු: අත්ථි කොචි පුග්ගලො හුත්වා න පුග්ගලො හොති’ති
ප. පටි: න හෙවං වත්තබ්බෙ -පෙ-
පටිවෙධානුයොගො.
289. ප. පු: න වත්තබ්බං ‘පුග්ගලො උපලබ්භති සච්චිකට්ඨපරමත්ථෙනා’ති.