Dhammasaṅgaṇī

Paṭisanthāro ca. (<b>1351</b>)

27. Indriyesuaguttadvāratāduka

Indriyesuaguttadvāratā ca. (<b>1352</b>)

Bhojane amattaññutā ca. (<b>1353</b>)

28. Indriyesuguttadvāratāduka

Indriyesu guttadvāratā ca. (<b>1354</b>)

Bhojane mattaññutā ca. (<b>1355</b>)

29. Muṭṭhasaccaduka

Muṭṭhasaccañca. (<b>1356</b>)

Asampajaññañca. (<b>1357</b>)

30. Satisampajaññaduka

Sati ca. (<b>1358</b>)

Sampajaññañca. (<b>1359</b>)

31. Paṭisaṅkhānabaladuka

Paṭisaṅkhānabalañca. (<b>1360</b>)

Bhāvanābalañca. (<b>1361</b>)

32. Samathavipassanāduka

Samatho ca. (<b>1362</b>)

Vipassanā ca. (<b>1363</b>)

33. Samathanimittaduka

Samathanimittañca. (<b>1364</b>)

Paggāhanimittañca. (<b>1365</b>)

34. Paggāhaduka

Paggāho ca. (<b>1366</b>)

Avikkhepo ca. (<b>1367</b>)

35. Sīlavipattiduka

Sīlavipatti ca. (<b>1368</b>)

Diṭṭhivipatti ca. (<b>1369</b>)

36. Sīlasampadāduka

Sīlasampadā ca. (<b>1370</b>)

Diṭṭhisampadā ca. (<b>1371</b>)

37. Sīlavisuddhiduka

Sīlavisuddhi ca. (<b>1372</b>)

Diṭṭhivisuddhi ca. (<b>1373</b>)

38. Diṭṭhivisuddhikhopanaduka

Diṭṭhivisuddhikhopana. (<b>1374</b>)

Yathādiṭṭhissa ca padhānaṁ. (<b>1375</b>)

39. Saṁvegasaṁvejananiyaṭṭhānaduka

Saṁvego ca saṁvejaniyesu ṭhānesu. (<b>1376</b>)

Saṁviggassa ca yoniso padhānaṁ. (<b>1377</b>)

40. Asantuṭṭhitākusaladhammaduka

Asantuṭṭhitā ca kusalesu dhammesu. (<b>1378</b>)

Appaṭivānitā ca padhānasmiṁ. (<b>1379</b>)

41. Vijjāduka

Vijjā ca. (<b>1380</b>)

Vimutti ca. (<b>1381</b>)

42. Khayeñāṇaduka

Khayeñāṇaṁ. (<b>1382</b>)

Anuppāde ñāṇanti. (<b>1383</b>)

Suttantikadukamātikā.

Mātikā niṭṭhitā.

Dhammasaṅgaṇī

2 Niddesa

2.1 Cittuppādakaṇḍa

2.1.1. Kāmāvacarakusala

2.1.1.1. Padabhājanī

Katame dhammā kusalā?

Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye—

Phasso hoti, vedanā hoti, saññā hoti, cetanā hoti, cittaṁ hoti,

Vitakko hoti, vicāro hoti, pīti hoti, sukhaṁ hoti, cittassekaggatā hoti,

Saddhindriyaṁ hoti, vīriyindriyaṁ hoti, satindriyaṁ hoti, samādhindriyaṁ hoti, paññindriyaṁ hoti, manindriyaṁ hoti, somanassindriyaṁ hoti, jīvitindriyaṁ hoti,

Sammādiṭṭhi hoti, sammāsaṅkappo hoti, sammāvāyāmo hoti, sammāsati hoti, sammāsamādhi hoti,

Saddhābalaṁ hoti, vīriyabalaṁ hoti, satibalaṁ hoti, samādhibalaṁ hoti, paññābalaṁ hoti, hiribalaṁ hoti, ottappabalaṁ hoti,

Alobho hoti, adoso hoti, amoho hoti, anabhijjhā hoti, abyāpādo hoti, sammādiṭṭhi hoti,

Hirī hoti, ottappaṁ hoti,

Kāyapassaddhi hoti, cittapassaddhi hoti, kāyalahutā hoti, cittalahutā hoti, kāyamudutā hoti, cittamudutā hoti, kāyakammaññatā hoti, cittakammaññatā hoti, kāyapāguññatā hoti, cittapāguññatā hoti, kāyujukatā hoti, cittujukatā hoti,

Sati hoti, sampajaññaṁ hoti,

Samatho hoti, vipassanā hoti,

Paggāho hoti, avikkhepo hoti;

Ye vā pana tasmiṁ samaye aññepi atthi paṭiccasamuppannā arūpino dhammā—

ime dhammā kusalā.

Katamo tasmiṁ samaye phasso hoti?

Yo tasmiṁ samaye phasso phusanā samphusanā samphusitattaṁ—

ayaṁ tasmiṁ samaye phasso hoti.

Katamā tasmiṁ samaye vedanā hoti?

Yaṁ tasmiṁ samaye tajjāmanoviññāṇadhātusamphassajaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—

ayaṁ tasmiṁ samaye vedanā hoti.

Katamā tasmiṁ samaye saññā hoti?

Yā tasmiṁ samaye tajjāmanoviññāṇadhātusamphassajā saññā sañjānanā sañjānitattaṁ—

ayaṁ tasmiṁ samaye saññā hoti.

Katamā tasmiṁ samaye cetanā hoti?

Yā tasmiṁ samaye tajjāmanoviññāṇadhātusamphassajā cetanā sañcetanā cetayitattaṁ—

ayaṁ tasmiṁ samaye cetanā hoti.

Katamaṁ tasmiṁ samaye cittaṁ hoti?

Yaṁ tasmiṁ samaye cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanoviññāṇadhātu—

idaṁ tasmiṁ samaye cittaṁ hoti.

Katamo tasmiṁ samaye vitakko hoti?

Yo tasmiṁ samaye takko vitakko saṅkappo appanā byappanā cetaso abhiniropanā sammāsaṅkappo—

ayaṁ tasmiṁ samaye vitakko hoti.

Katamo tasmiṁ samaye vicāro hoti?

Yo tasmiṁ samaye cāro vicāro anuvicāro upavicāro cittassa anusandhānatā anupekkhanatā—

ayaṁ tasmiṁ samaye vicāro hoti.

Katamā tasmiṁ samaye pīti hoti?

Yā tasmiṁ samaye pīti pāmojjaṁ āmodanā pamodanā hāso pahāso vitti odagyaṁ attamanatā cittassa—

ayaṁ tasmiṁ samaye pīti hoti.

Katamaṁ tasmiṁ samaye sukhaṁ hoti?

Yaṁ tasmiṁ samaye cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—

idaṁ tasmiṁ samaye sukhaṁ hoti.

Katamā tasmiṁ samaye cittassekaggatā hoti?

Yā tasmiṁ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ sammāsamādhi—