රූපාවචරා අරූපාවචරා අපරියාපන්නා, ඉමෙ ධම්මා න කාමාවචරා.
1602. කතමෙ ධම්මා රූපාවචරා:
රූපාවචර චතුක්කපඤ්චකජ්ඣානං කුසලතො ච විපාකතො ච කිරියතො ච, ඉමෙ ධම්මා රූපාවචරා.
1603. කතමෙ ධම්මා න රූපාවචරා:
කාමාවචරා අරූපාවචරා අපරියාපන්නා, ඉමෙ ධම්මා න රූපාවචරා.
1604. කතමෙ ධම්මා අරූපාවචරා:
චත්තාරො ආරුප්පා කුසලතො ච විපාකතො ච කිරියතො ච, ඉමෙ ධම්මා අරූපාවචරා.
1605. කතමෙ ධම්මා න අරූපාවචරා:
කාමාවචරා රූපාවචරා අපරියාපන්නා, ඉමෙ ධම්මා න අරූපාවචරා.
1606. කතමෙ ධම්මා පරියාපන්නා:
තීසු භූමිසු කුසලං, අකුසලං, තීසු භූමිසු විපාකො, තීසු භූමිසු කිරියාව්යාකතං, සබ්බං ච රූපං, ඉමෙ ධම්මා පරියාපන්නා.
1607. කතමෙ ධම්මා අපරියාපන්නා:
චත්තාරො මග්ගා අපරියාපන්නා, චත්තාරි ච සාමඤ්ඤඵලානි, නිබ්බානං ච, ඉමෙ ධම්මා අපරියාපන්නා.
1608. කතමෙ ධම්මා නීයානිකා:
චත්තාරො මග්ගා අපරියාපන්නා, ඉමෙ ධම්මා නීයානිකා.
1609. කතමෙ ධම්මා අනීයානිකා:
තීසු භූමිසු කුසලං, අකුසලං, චතුසු භූමිසු විපාකො, තීසු භූමිසු කිරියාව්යාකතං, රූපං ච, නිබ්බානං ච, ඉමෙ ධම්මා අනීයානිකා.
1610. කතමෙ ධම්මා නියතා:
චත්තාරො දිට්ඨිගතසම්පයුත්තචිත්තුප්පාදා, ද්වෙ දොමනස්ස සහගත චිත්තුප්පාදා, ඉමෙ ධම්මා සියා නියතා සියා අනියතා. චත්තාරො මග්ගා අපරියාපන්නා, ඉමෙ ධම්මා නියතා.
1611. කතමෙ ධම්මා අනියතා:
චත්තාරො දිට්ඨිගතවිප්පයුත්තා ලොභසහගතචිත්තුප්පාදා, විචිකිච්ඡාසහගතො චිත්තුප්පාදො, උද්ධච්චසහගතො චිත්තුප්පාදො, තීසු භූමිසු කුසලං, චතූසු භූමිසු විපාකො, තීසු භූමිසු කිරියාව්යාකතං, රූපං ච, නිබ්බානං ච, ඉමෙ ධම්මා අනියතා.
1612. කතමෙ ධම්මා සඋත්තරා:
තීසු භූමිසු කුසලං, අකුසලං, තීසු භූමිසු විපාකො, තීසු භූමිසු කිරියාව්යාකතං, සබ්බං ච රූපං, ඉමෙ ධම්මා සඋත්තරා.
1613. කතමෙ ධම්මා අනුත්තරා:
චත්තාරො මග්ගා අපරියාපන්නා, චත්තාරි ච සාමඤ්ඤඵලානි, නිබ්බානං ච, ඉමෙ ධම්මා අනුත්තරා.
1614. කතමෙ ධම්මා සරණා:
ද්වාදස අකුසල චිත්තුප්පාදා, ඉමෙ ධම්මා සරණා.
1615. කතමෙ ධම්මා අරණා:{1}
චතුසු භූමිසු කුසලං, චතුසු භූමිසු විපාකො, තීසු භූමිසු කිරියාව්යාකතං, රූපං ච, නිබ්බානං ච, ඉමෙ ධම්මා අරණාති.
පිට්ඨිදුකං.
අට්ඨාකථාකණ්ඩං නිට්ඨිතං.
ධම්මසඞ්ගණිප්පකරණං නිට්ඨිතං.{2}