කායවිඤ්ඤත්ති වචීවිඤ්ඤත්ති රූපස්ස ලහුතා රූපස්ස මුදුතා රූපස්ස කම්මඤ්ඤතා රූපස්ස ජරතා රූපස්ස අනිච්චතා, යං වා පනඤ්ඤම්පි අත්ථි රූපං න කම්මස්ස කතත්තා ආකාසධාතු ආපොධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං අනුපාදින්නං සුඛුමං.
922. කතමං තං රූපං උපාදින්නං දූරෙ?
ඉත්ථින්ද්රියං පුරිසින්ද්රියං ජීවිතින්ද්රියං, යං වා පනඤ්ඤම්පි අත්ථි රූපං කම්මස්ස කතත්තා ආකාසධාතු ආපොධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං උපාදින්නං දූරෙ.
923. කතමං තං රූපං උපාදින්නං සන්තිකෙ?
චක්ඛායතනං -පෙ- කායායතනං, යං වා පනඤ්ඤම්පි අත්ථි රූපං කම්මස්ස කතත්තා රූපායතනං ගන්ධායතනං රසායතනං ඵොට්ඨබ්බායතනං, ඉදං තං රූපං උපාදින්නං සන්තිකෙ.
924. කතමං තං රූපං අනුපාදින්නං දූරෙ?
කායවිඤ්ඤත්ති වචීවිඤ්ඤත්ති රූපස්ස ලහුතා රූපස්ස මුදුතා රූපස්ස කම්මඤ්ඤතා රූපස්ස ජරතා රූපස්ස අනිච්චතා, යං වා පනඤ්ඤම්පි අත්ථි රූපං න කම්මස්ස කතත්තා ආකාසධාතු ආපොධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං අනුපාදින්නං දූරෙ.
925. කතමං තං රූපං අනුපාදින්නං සන්තිකෙ?
සද්දායතනං, යං වා පනඤ්ඤම්පි අත්ථි රූපං න කම්මස්ස කතත්තා රූපායතනං ගන්ධායතනං රසායතනං ඵොට්ඨබ්බායතනං, ඉදං තං රූපං අනුපාදින්නං සන්තිකෙ.
926. කතමං තං රූපං උපාදින්නුපාදානියං සනිදස්සනං?
කම්මස්ස කතත්තා රූපායතනං. ඉදං තං රූපං උපාදින්නුපාදානියං සනිදස්සනං.
927. කතමං තං රූපං උපාදින්නුපාදානියං අනිදස්සනං?
චක්ඛායතනං -පෙ- කායායතනං ඉත්ථින්ද්රියං පුරිසින්ද්රියං ජීවිතින්ද්රියං, යං වා පනඤ්ඤම්පි අත්ථි රූපං කම්මස්ස කතත්තා ගන්ධායතනං රසායතනං ඵොට්ඨබ්බායතනං ආකාසධාතු ආපොධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං උපාදින්නුපාදානියං අනිදස්සනං.
928. කතමං තං රූපං අනුපාදින්නුපාදානියං සනිදස්සනං?
න කම්මස්ස කතත්තා රූපායතනං. ඉදං තං රූපං අනුපාදින්නුපාදානියං සනිදස්සනං.
929. කතමං තං රූපං අනුපාදින්නුපාදානියං අනිදස්සනං?
සද්දායතනං කායවිඤ්ඤත්ති වචීවිඤ්ඤත්ති රූපස්ස ලහුතා රූපස්ස මුදුතා රූපස්ස කම්මඤ්ඤතා රූපස්ස ජරතා රූපස්ස අනිච්චතා, යං වා පනඤ්ඤම්පි අත්ථි රූපං න කම්මස්ස කතත්තා ගන්ධායතනං රසායතනං ඵොට්ඨබ්බායතනං ආකාසධාතු ආපොධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං අනුපාදින්නුපාදානියං අනිදස්සනං.
930. කතමං තං රූපං උපාදින්නුපාදානියං සප්පටිඝං?
චක්ඛායතනං -පෙ- කායායතනං, යං වා පනඤ්ඤම්පි අත්ථි රූපං කම්මස්ස කතත්තා රූපායතනං ගන්ධායතනං රසායතනං ඵොට්ඨබ්බායතං, ඉදං තං රූපං උපාදින්නුපාදානියං සප්පටිඝං.
931. කතමං තං රූපං උපාදින්නුපාදානියං අප්පටිඝං?
ඉත්ථින්ද්රියං පුරිසින්ද්රියං ජීවිතින්ද්රියං, යං වා පනඤ්ඤම්පි අත්ථි රූපං කම්මස්ස කතත්තා ආකාසධාතු ආපොධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං උපාදින්නුපාදානියං අප්පටිඝං.
932. කතමං තං රූපං අනුපාදින්නුපාදානියං සප්පටිඝං?
සද්දායතනං, යං වා පනඤ්ඤම්පි අත්ථි රූපං න කම්මස්ස කතත්තා රූපායතනං ගන්ධායතනං රසායතනං ඵොට්ඨබ්බායතනං, ඉදං තං රූපං අනුපාදින්නුපාදානියං සප්පටිඝං.
933. කතමං තං රූපං අනුපාදින්නුපාදානියං අප්පටිඝං?
කායවිඤ්ඤත්ති වචීවිඤ්ඤත්ති රූපස්ස ලහුතා රූපස්ස මුදුතා රූපස්ස කම්මඤ්ඤතා රූපස්ස ජරතා රූපස්ස අනිච්චතා, යං වා පනඤ්ඤම්පි අත්ථි රූපං න කම්මස්ස කතත්තා ආකාසධාතු ආපොධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං අනුපාදින්නුපාදානියං අප්පටිඝං.
934. කතමං තං රූපං උපාදින්නුපාදානියං මහාභූතං?
කම්මස්ස කතත්තා ඵොට්ඨබ්බායතනං ආපොධාතු. ඉදං තං රූපං උපාදින්නුපාදානියං මහාභූතං.
935. කතමං තං රූපං උපාදින්නුපාදානියං න මහාභූතං?
චක්ඛායතනං -පෙ- කායායතනං ඉත්ථින්ද්රියං පුරිසින්ද්රියං ජීවිතින්ද්රියං, යං වා පනඤ්ඤම්පි අත්ථි රූපං කම්මස්ස කතත්තා රූපායතනං ගන්ධායතනං රසායතනං ආකාසධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං උපාදින්නුපාදානියං න මහාභූතං.
936. කතමං තං රූපං අනුපාදින්නුපාදානියං මහාභූතං?
න කම්මස්ස කතත්තා ඵොට්ඨබ්බායතනං ආපොධාතු. ඉදං තං රූපං අනුපාදින්නුපාදානියං මහාභූතං.
937. කතමං තං රූපං අනුපාදින්නුපාදානියං න මහාභූතං.
සද්දායතනං කායවිඤ්ඤත්ති වචීවිඤ්ඤත්ති රූපස්ස ලහුතා රූපස්ස මුදුතා රූපස්ස කම්මඤ්ඤතා රූපස්ස ජරතා රූපස්ස අනිච්චතා, යං වා පනඤ්ඤම්පි අත්ථි රූපං න කම්මස්ස කතත්තා රූපායතනං ගන්ධායතනං රසායතනං ආකාසධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං අනුපාදින්නුපාදානියං න මහාභූතං.
938. කතමං තං රූපං උපාදින්නුපාදානියං ඔළාරිකං?
චක්ඛායතනං -පෙ- කායායතනං, යං වා පනඤ්ඤම්පි අත්ථි රූපං කම්මස්ස කතත්තා රූපායතනං ගන්ධායතනං රසායතනං ඵොට්ඨබ්බායතනං, ඉදං තං රූපං උපාදින්නුපාදානියං ඔළාරිකං.
939. කතමං තං රූපං උපාදින්නුපාදානියං සුඛුමං?
ඉත්ථින්ද්රියං පුරිසින්ද්රියං ජීවිතින්ද්රියං, යං වා පනඤ්ඤම්පි අත්ථි රූපං කම්මස්ස කතත්තා ආකාසධාතු ආපොධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං උපාදින්නුපාදානියං සුඛුමං.
940. කතමං තං රූපං අනුපාදින්නුපාදානියං ඔළාරිකං?
සද්දායතනං, යං වා පනඤ්ඤම්පි අත්ථි රූපං න කම්මස්ස කතත්තා රූපායතනං ගන්ධායතනං රසායතනං ඵොට්ඨබ්බායතනං, ඉදං තං රූපං අනුපාදින්නුපාදානියං ඔළාරිකං.
941. කතමං තං රූපං අනුපාදින්නුපාදානියං සුඛුමං?
කායවිඤ්ඤත්ති වචීවිඤ්ඤත්ති රූපස්ස ලහුතා රූපස්ස මුදුතා රූපස්ස කම්මඤ්ඤතා රූපස්ස ජරතා රූපස්ස අනිච්චතා, යං වා පනඤ්ඤම්පි අත්ථි රූපං න කම්මස්ස කතත්තා ආකාසධාතු ආපොධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං අනුපාදින්නුපාදානියං සුඛුමං.
942. කතමං තං රූපං උපාදින්නුපාදානියං දූරෙ?
ඉත්ථින්ද්රියං පුරිසින්ද්රියං ජීවිතින්ද්රියං, යං වා පනඤ්ඤම්පි අත්ථි රූපං කම්මස්ස කතත්තා ආකාසධාතු ආපොධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං උපාදින්නුපාදානියං දූරෙ.
943. කතමං තං රූපං උපාදින්නුපාදානියං සන්තිකෙ?
චක්ඛායතනං -පෙ- කායායතනං, යං වා පනඤ්ඤම්පි අත්ථි රූපං කම්මස්ස කතත්තා රූපායතනං ගන්ධායතනං රසායතනං ඵොට්ඨබ්බායතනං, ඉදං තං රූපං උපාදින්නුපාදානියං සන්තිකෙ.
944. කතමං තං රූපං අනුපාදින්නුපාදානියං දූරෙ?
කායවිඤ්ඤත්ති වචීවිඤ්ඤත්ති රූපස්ස ලහුතා රූපස්ස මුදුතා රූපස්ස කම්මඤ්ඤතා රූපස්ස ජරතා රූපස්ස අනිච්චතා. යං වා පනඤ්ඤම්පි අත්ථි රූපං න කම්මස්ස කතත්තා ආකාසධාතු ආපොධාතු රූපස්ස උපචයො රූපස්ස සන්තති කබලිංකාරො ආහාරො. ඉදං තං රූපං අනුපාදින්නුපාදානියං දූරෙ.
945. කතමං තං රූපං අනුපාදින්නුපාදානියං සන්තිකෙ?
සද්දායතනං. යං වා පනඤ්ඤම්පි අත්ථි රූපං න කම්මස්ස කතත්තා රූපායතනං ගන්ධායතනං රසායතනං ඵොට්ඨබ්බායතනං, ඉදං තං රූපං අනුපාදින්නුපාදානියං සන්තිකෙ.
946. කතමං තං රූපං සප්පටිඝං ඉන්ද්රියං?
චක්ඛුන්ද්රියං -පෙ- කායින්ද්රියං, ඉදං තං රූපං සප්පටිඝං ඉන්ද්රියං.
947. කතමං තං රූපං සප්පටිඝං න ඉන්ද්රියං?
රූපායතනං -පෙ- ඵොට්ඨබ්බායතනං, ඉදං තං රූපං සප්පටිඝං න ඉන්ද්රියං.
948. කතමං තං රූපං අප්පටිඝං ඉන්ද්රියං?
ඉත්ථින්ද්රියං පුරිසින්ද්රියං ජීවිතින්ද්රියං, ඉදං තං රූපං අප්පටිඝං ඉන්ද්රියං.
949. කතමං තං රූපං අප්පටිඝං න ඉන්ද්රියං?
කායවිඤ්ඤත්ති වචීවිඤ්ඤත්ති -පෙ- කබලිංකාරො ආහාරො, ඉදං තං රූපං අප්පටිඝං න ඉන්ද්රියං.
950. කතමං තං රූපං සප්පටිඝං මහාභූතං?
ඵොට්ඨබ්බායතනං. ඉදං තං රූපං සප්පටිඝං මහාභූතං.
951. කතමං තං රූපං සප්පටිඝං න මහාභූතං?
චක්ඛායතනං -පෙ- රසායතනං, ඉදං තං රූපං සප්පටිඝං න මහාභූතං.
952. කතමං තං රූපං අප්පටිඝං මහාභූතං?
ආපොධාතු. ඉදං තං රූපං අප්පටිඝං මහාභූතං.
953. කතමං තං රූපං අප්පටිඝං න මහාභූතං?
ඉත්ථින්ද්රියං -පෙ- කබලිංකාරො ආහාරො, ඉදං තං රූපං අප්පටිඝං න මහාභූතං.
954. කතමං තං රූපං ඉන්ද්රියං ඔළාරිකං?
චක්ඛුන්ද්රියං -පෙ- කායින්ද්රියං, ඉදං තං රූපං ඉන්ද්රියං ඔළාරිකං.
955. කතමං තං රූපං ඉන්ද්රියං සුඛුමං?
ඉත්ථින්ද්රියං පුරිසින්ද්රියං ජීවිතින්ද්රියං, ඉදං තං රූපං ඉන්ද්රියං සුඛුමං.
956. කතමං තං රූපං න ඉන්ද්රියං ඔළාරිකං?
රූපායතනං -පෙ- ඵොට්ඨබ්බායතනං, ඉදං තං රූපං න ඉන්ද්රියං ඔළාරිකං.
957. කතමං තං රූපං න ඉන්ද්රියං සුඛුමං?
කායවිඤ්ඤත්ති -පෙ- කබලිංකාරො ආහාරො, ඉදං තං රූපං න ඉන්ද්රියං සුඛුමං.
958. කතමං තං රූපං ඉන්ද්රියං දූරෙ?
ඉත්ථින්ද්රියං පුරිසින්ද්රියං ජීවිතින්ද්රියං, ඉදං තං රූපං ඉන්ද්රියං දූරෙ.
959. කතමං තං රූපං ඉන්ද්රියං සන්තිකෙ?
චක්ඛුන්ද්රියං -පෙ- කායින්ද්රියං, ඉදං තං රූපං ඉන්ද්රියං සන්තිකෙ.
960. කතමං තං රූපං න ඉන්ද්රියං දූරෙ?
කායවිඤ්ඤත්ති වචීවිඤ්ඤත්ති -පෙ- කබලිංකාරො ආහාරො, ඉදං තං රූපං න ඉන්ද්රියං දූරෙ.
961. කතමං තං රූපං න ඉන්ද්රියං සන්තිකෙ?
රූපායතනං -පෙ- ඵොට්ඨබ්බායතනං, ඉදං තං රූපං න ඉන්ද්රියං සන්තිකෙ.
962. කතමං තං රූපං මහාභූතං ඔළාරිකං?
ඵොට්ඨබ්බායතනං, ඉදං තං රූපං මහාභූතං ඔළාරිකං.
963. කතමං තං රූපං මහාභූතං සුඛුමං?
ආපොධාතු, ඉදං තං රූපං මහාභූතං සුඛුමං.
964. කතමං තං රූපං න මහාභූතං ඔළාරිකං?
චක්ඛායතනං -පෙ- රසායතනං, ඉදං තං රූපං න මහාභූතං ඔළාරිකං.
965. කතමං තං රූපං න මහාභූතං සුඛුමං?
ඉත්ථින්ද්රියං -පෙ- කබලිංකාරො ආහාරො, ඉදං තං රූපං න මහාභූතං සුඛුමං.
966. කතමං තං රූපං මහාභූතං දූරෙ?
ආපොධාතු. ඉදං තං රූපං මහාභූතං දූරෙ.
967. කතමං තං රූපං මහාභූතං සන්තිකෙ?
ඵොට්ඨබ්බායතනං. ඉදං තං රූපං මහාභූතං සන්තිකෙ.
968. කතමං තං රූපං න මහාභූතං දූරෙ?
ඉත්ථින්ද්රියං -පෙ- කබලිංකාරො ආහාරො, ඉදං තං රූපං න මහාභූතං දූරෙ.
969. කතමං තං රූපං න මහාභූතං සන්තිකෙ?
චක්ඛායතනං -පෙ- රසායතනං. ඉදං තං රූපං න මහාභූතං සන්තිකෙ.
970. රූපායතනං දිට්ඨං, සද්දායතනං සුතං, ගන්ධායතනං රසායතනං ඵොට්ඨබ්බායතනං මුතං, සබ්බං රූපං මනසා විඤ්ඤාතං රූපං.
එවං චතුබ්බිධෙන රූපසඞ්ගහො.
චතුක්කං.