873. කතමං තං රූපං බාහිරං රූපස්ස න උපචයො?
රූපායතනං -පෙ- කබලිංකාරො ආහාරො. ඉදං තං රූපං බාහිරං රූපස්ස න උපචයො{*}.
874. කතමං තං රූපං අජ්ඣත්තිකං රූපස්ස න සන්තති?
චක්ඛායතනං -පෙ- කායායතනං. ඉදං තං රූපං අජ්ඣත්තිකං රූපස්ස න සන්තති. {*}
875. කතමං තං රූපං බාහිරං රූපස්ස සන්තති?
යො රූපස්ස උපචයො, සා රූපස්ස සන්තති. ඉදං තං රූපං බාහිරං රූපස්ස සන්තති.
876. කතමං තං රූපං බාහිරං රූපස්ස න සන්තති?
රූපායතනං -පෙ- කබලිංකාරො ආහාරො. ඉදං තං රූපං බාහිරං රූපස්ස න සන්තති.
877. කතමං තං රූපං අජ්ඣත්තිකං රූපස්ස න ජරතා?
චක්ඛායතනං -පෙ- කායායතනං. ඉදං තං රූපං අජ්ඣත්තිකං රූපස්ස න ජරතා.
878. කතමං තං රූපං බාහිරං රූපස්ස ජරතා?
යා රූපස්ස ජරා ජීරණතා ඛණ්ඩිච්චං පාලිච්චං වලිත්තචතා ආයුනො සංහානි ඉන්ද්රියානං පරිපාකො. ඉදං තං රූපං බාහිරං රූපස්ස ජරතා.
879. කතමං තං රූපං බාහිරං රූපස්ස න ජරතා?
රූපායතනං -පෙ- කබලිංකාරො ආහාරො. ඉදං තං රූපං රූපස්ස න ජරතා.
880. කතමං තං රූපං අජ්ඣත්තිකං රූපස්ස න අනිච්චතා?
චක්ඛායතනං -පෙ- කායායතනං. ඉදං තං රූපං අජ්ඣත්තිකං රූපස්ස න අනිච්චතා.
881. කතමං තං රූපං බාහිරං රූපස්ස අනිච්චතා?
යො රූපස්ස ඛයො වයො භෙදො පරිභෙදො අනිච්චතා අන්තරධානං, ඉදං තං රූපං බාහිරං රූපස්ස අනිච්චතා.
882. කතමං තං රූපං බාහිරං රූපස්ස න අනිච්චතා?
රූපායතනං -පෙ- කබලිංකාරො ආහාරො. ඉදං තං රූපං බාහිරං රූපස්ස න අනිච්චතා.
883. කතමං තං රූපං අජ්ඣත්තිකං න කබලිංකාරො ආහාරො?
චක්ඛායතනං -පෙ- කායායතනං. ඉදං තං රූපං අජ්ඣත්තිකං න කබලිංකාරො ආහාරො.
884. කතමං තං රූපං බාහිරං කබලිංකාරො ආහාරො?
ඔදනො කුම්මාසො සත්තු මච්ඡො මංසං ඛීරං දධි සප්පි නවනීතං තෙලං මධු ඵාණිතං, යං වා පනඤ්ඤම්පි අත්ථි රූපං යම්හි යම්හි ජනපදෙ තෙසං තෙසං සත්තානං මුඛාසියං දන්තවිඛාදනං ගලජ්ඣොහරණීයං කුච්ඡි විත්ථම්භනං යාය ඔජාය සත්තා යාපෙන්ති, ඉදං තං රූපං බාහිරං කබලිංකාරො ආහාරො.
885. කතමං තං රූපං බාහිරං න කබලිංකාරො ආහාරො?
රූපායතනං -පෙ- රූපස්ස අනිච්චතා, ඉදං තං රූපං බාහිරං න කබලිංකාරො ආහාරො. එවං තිවිධෙන රූපසඞ්ගහො.
සුඛුමරූපතිකා.
තිකනිද්දෙසො.
චතුක්කං.
886. කතමං තං රූපං උපාදා උපාදින්නං?
චක්ඛායතනං -පෙ- කායායතනං ඉත්ථින්ද්රියං පුරිසින්ද්රියං ජීවිතින්ද්රියං, යං වා පනඤ්ඤම්පි අත්ථි රූපං කම්මස්ස කතත්තා රූපායතනං ගන්ධායතනං රසායතනං ආකාසධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං උපාදා උපාදින්නං.
887. කතමං තං රූපං උපාදා අනුපාදින්නං?
සද්දායතනං කායවිඤ්ඤත්ති වචීවිඤ්ඤත්ති රූපස්ස ලහුතා රූපස්ස කම්මඤ්ඤතා රූපස්ස ජරතා රූපස්ස අනිච්චතා, යං වා පනඤ්ඤම්පි අත්ථි රූපං න කම්මස්ස කතත්තා රූපායතනං ගන්ධායතනං රසායතනං ආකාසධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං උපාදා අනුපාදින්නං.
888. කතමං තං රූපං නො උපාදාඋපාදින්නං?
කම්මස්ස කතත්තා ඵොට්ඨබ්බායතනං ආපොධාතු. ඉදං තං රූපං නො උපාදාඋපාදින්නං.
889. කතමං තං රූපං නො උපාදාඅනුපාදින්නං?
න කම්මස්ස කතත්තා ඵොට්ඨබ්බායතනං, ආපොධාතු. ඉදං තං රූපං නො උපාදාඅනුපාදින්නං.
890. කතමං තං රූපං උපාදාඋපාදින්නුපාදානියං?
චක්ඛායතනං -පෙ- කායායතනං ඉත්ථින්ද්රියං පුරිසින්ද්රියං ජීවිතින්ද්රියං, යං වා පනඤ්ඤම්පි අත්ථි රූපං කම්මස්ස කතත්තා රූපායතනං ගන්ධායතනං ආකාසධාතු රූපස්ස උපචයො රූපස්ස සන්තති කබලිංකාරො ආහාරො. ඉදං තං රූපං උපාදාඋපාදින්නුපාදානියං.
891. කතමං තං රූපං උපාදාඅනුපාදින්නුපාදානියං?
සද්දායතනං කායවිඤ්ඤත්ති වචීවිඤ්ඤත්ති රූපස්ස ලහුතා රූපස්ස මුදුතා රූපස්ස කම්මඤ්ඤතා රූපස්ස ජරතා රූපස්ස අනිච්චතා, යං වා පනඤ්ඤම්පි අත්ථි රූපං න කම්මස්ස කතත්තා රූපායතනං ගන්ධායතනං රසායතනං ආකාසධාතු රූපස්ස උපචයො රූපස්ස සන්තති කබලිංකාරො ආහාරො. ඉදං තං රූපං උපාදාඅනුපාදින්නුපාදානියං.
892. කතමං තං රූපං නො උපාදාඋපාදින්නුපාදානියං?
කම්මස්ස කතත්තා ඵොට්ඨබ්බායතනං ආපොධාතු. ඉදං තං රූපං නො උපාදාඋපාදින්නුපාදානියං.
893. කතමං තං රූපං නො උපාදාඅනුපාදින්නුපාදානියං?
න කම්මස්ස කතත්තා ඵොට්ඨබ්බායතනං ආපොධාතු. ඉදං තං රූපං නො උපාදාඅනුපාදින්නුපාදානියං.
894. කතමං තං රූපං උපාදාසප්පටිඝං?
චක්ඛායතනං -පෙ- රසායතනං. ඉදං තං රූපං උපාදාසප්පටිඝං.
895. කතමං තං රූපං උපාදාඅප්පටිඝං?
ඉත්ථින්ද්රියං -පෙ- කබලිංකාරො ආහාරො. ඉදං තං රූපං උපාදා අප්පටිඝං.
896. කතමං තං රූපං නො උපාදාසප්පටිඝං.
ඵොට්ඨබ්බායතනං. ඉදං තං රූපං නො උපාදාසප්පටිඝං.
897. කතමං තං රූපං නො උපාදාඅප්පටිඝං?
ආපොධාතු. ඉදං තං රූපං නො උපාදාඅප්පටිඝං.
898. කතමං තං රූපං උපාදාඔළාරිකං?
චක්ඛායතනං -පෙ- රසායතනං. ඉදං තං රූපං උපාදාඔළාරිකං.
899. කතමං තං රූපං උපාදාසුඛුමං?
ඉත්ථින්ද්රියං -පෙ- කබලිංකාරො ආහාරො. ඉදං තං රූපං උපාදාසුඛුමං.
900. කතමං තං රූපං නො උපාදාඔළාරිකං?
ඵොට්ඨබ්බායතනං. ඉදං තං රූපං නො උපාදාඔළාරිකං.
901. කතමං තං රූපං නො උපාදාසුඛුමං?
ආපොධාතු. ඉදං තං රූපං නො උපාදාසුඛුමං.
902. කතමං තං රූපං උපාදාදූරෙ?
ඉත්ථින්ද්රියං -පෙ- කබලිංකාරො ආහාරො ඉදං තං රූපං උපාදාදූරෙ.
903. කතමං තං රූපං උපාදාසන්තිකෙ?
චක්ඛායතනං -පෙ- රසායතනං. ඉදං තං රූපං උපාදාසන්තිකෙ.
904. කතමං තං රූපං නො උපාදාදූරෙ?
ආපොධාතු. ඉදං තං රූපං නො උපාදාදූරෙ.
905. කතමං තං රූපං නො උපාදාසන්තිකෙ?
ඵොට්ඨබ්බායතනං. ඉදං තං රූපං නො උපාදාසන්තිකෙ.
906. කතමං තං රූපං උපාදින්නං සනිදස්සනං?
කම්මස්ස කතත්තා රූපායතනං. ඉදං තං රූපං උපාදින්නං සනිදස්සනං.
907. කතමං තං රූපං උපාදින්නං අනිදස්සනං?
චක්ඛායතනං -පෙ- කායායතනං ඉත්ථින්ද්රියං පුරිසින්ද්රියං ජීවිතින්ද්රියං, යං වා පනඤ්ඤම්පි අත්ථි රූපං කම්මස්ස කතත්තා ගන්ධායතනං රසායතනං ඵොට්ඨබ්බායතනං ආකාසධාතු ආපොධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං උපාදින්නං අනිදස්සනං.
908. කතමං තං රූපං අනුපාදින්නං සනිදස්සනං?
න කම්මස්ස කතත්තා රූපායතනං. ඉදං තං රූපං අනුපාදින්නං සනිදස්සනං.
909. කතමං තං රූපං අනුපාදින්නං අනිදස්සනං?
සද්දායතනං කායවිඤ්ඤත්ති වචීවිඤ්ඤත්ති රූපස්ස ලහුතා රූපස්ස මුදුතා රූපස්ස කම්මඤ්ඤතා රූපස්ස ජරතා රූපස්ස අනිච්චතා, යං වා පනඤ්ඤම්පි අත්ථි රූපං න කම්මස්ස කතත්තා ගන්ධායතනං රසායතනං ඵොට්ඨබ්බායතනං ආකාසධාතු ආපොධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං අනුපාදින්නං අනිදස්සනං.
910. කතමං තං රූපං උපාදින්නං සප්පටිඝං?
චක්ඛායතනං -පෙ- කායායතනං, යං වා පනඤ්ඤම්පි අත්ථි රූපං කම්මස්ස කතත්තා රූපායතනං ගන්ධායතනං රසායතනං ඵොට්ඨබ්බායතනං, ඉදං තං රූපං උපාදින්නං සප්පටිඝං.
911. කතමං තං රූපං උපාදින්නං අප්පටිඝං?
ඉත්ථින්ද්රියං පුරිසින්ද්රියං ජීවිතින්ද්රියං, යං වා පනඤ්ඤම්පි අත්ථි රූපං කම්මස්ස කතත්තා ආකාසධාතු ආපොධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං උපාදින්නං අප්පටිඝං.
912. කතමං තං රූපං අනුපාදින්නං සප්පටිඝං?
සද්දායතනං, යං වා පනඤ්ඤම්පි අත්ථි රූපං න කම්මස්ස කතත්තා රූපායතනං ගන්ධායතනං රසායතනං ඵොට්ඨබ්බායතනං, ඉදං තං රූපං අනුපාදින්නං සප්පටිඝං.
913. කතමං තං රූපං අනුපාදින්නං අප්පටිඝං?
කායවිඤ්ඤත්ති වචීවිඤ්ඤත්ති රූපස්ස ලහුතා රූපස්ස මුදුතා රූපස්ස කම්මඤ්ඤතා රූපස්ස ජරතා රූපස්ස අනිච්චතා, යං වා පනඤ්ඤම්පි අත්ථි රූපං න කම්මස්ස කතත්තා ආකාසධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං අනුපාදින්නං අප්පටිඝං.
914. කතමං තං රූපං උපාදින්නං මහාභූතං?
කම්මස්ස කතත්තා ඵොට්ඨබ්බායතනං, ආපොධාතු. ඉදං තං රූපං උපාදින්නං මහාභූතං.
915. කතමං තං රූපං උපාදින්නං න මහාභූතං?
චක්ඛායතනං -පෙ- කායායතනං ඉත්ථින්ද්රියං පුරිසින්ද්රියං ජීවිතින්ද්රියං, යං වා පනඤ්ඤම්පි අත්ථි රූපං කම්මස්ස කතත්තා රූපායතනං ගන්ධායතනං රසායතනං ආකාසධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං උපාදින්නං න මහාභූතං.
916. කතමං තං රූපං අනුපාදින්නං මහාභූතං?
න කම්මස්ස කතත්තා ඵොට්ඨබ්බායතනං ආපොධාතු. ඉදං තං රූපං අනුපාදින්නං මහාභූතං.
917. කතමං තං රූපං අනුපාදින්නං න මහාභූතං?
සද්දායතනං කායවිඤ්ඤත්ති වචීවිඤ්ඤත්ති රූපස්ස ලහුතා රූපස්ස මුදුතා රූපස්ස කම්මඤ්ඤතා රූපස්ස ජරතා රූපස්ස අනිච්චතා, යං වා පනඤ්ඤම්පි අත්ථි රූපං න කම්මස්ස කතත්තා රූපායතනං ගන්ධායතනං රසායතනං ආකාසධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං අනුපාදින්නං න මහාභූතං.
918. කතමං තං රූපං උපාදින්නං ඔළාරිකං?
චක්ඛායතනං -පෙ- කායායතනං, යං වා පනඤ්ඤම්පි අත්ථි රූපං කම්මස්ස කතත්තා රූපායතනං ගන්ධායතනං රසායතනං ඵොට්ඨබ්බායතනං, ඉදං තං රූපං උපාදින්නං ඔළාරිකං.
919. කතමං තං රූපං උපාදින්නං සුඛුමං?
ඉත්ථින්ද්රියං පුරිසින්ද්රියං ජීවිතින්ද්රියං, යං වා පනඤ්ඤම්පි අත්ථි රූපං කම්මස්ස කතත්තා ආකාසධාතු ආපොධාතු රූපස්ස උපචයො රූපස්ස සන්තති කබලිංකාරො ආහාරො, ඉදං තං රූපං උපාදින්නං සුඛුමං.
920. කතමං තං රූපං අනුපාදින්නං ඔළාරිකං?
සද්දායතනං, යං වා පනඤ්ඤම්පි අත්ථි රූපං න කම්මස්ස කතත්තා රූපායතනං ගන්ධායතනං රසායතනං ඵොට්ඨබ්බායතනං, ඉදං තං රූපං අනුපාදින්නං ඔළාරිකං.
921. කතමං තං රූපං අනුපාදින්නං සුඛුමං?